Մանկապարտեզի ճանապարհին. արխիվային լուսանկար

Մանկապարտեզները ստիպված կլինեն աշխատել օրենքով

627
(Թարմացված է 14:56 05.05.2020)
«Նախադպրոցական կրթության մասին» օրենքի նախագիծը, ՀՀ կրթության, գիտության, մշակույթի և սպորտի նախարար Արայիկ Հարությունյանի համոզմամբ, ոլորտում հեղափոխական փոփոխությունների կհանգեցնի:

ԵՐԵՎԱՆ, 5 մայիսի – Sputnik․ ՀՀ կառավարությունն Ազգային ժողովի քննարկմանն է ներկայացրել «հեղափոխական» օրենքի նախագիծ: Այսօր խորհրդարանում «Նախադպրոցական կրթության մասին» օրենքում փոփոխություն կատարելու մասին օրենքի նախագիծը նման որակումով ներկայացրեց ՀՀ կրթության, գիտության, մշակույթի և սպորտի նախարար Արայիկ Հարությունյանը: Նախարարի խոսքով` նախագիծը լուրջ փոփոխություն է ենթադրում նախադպրոցական կրթության ոլորտում:

«Նախադպրոցական կրթության բնագավառում պետական քաղաքականությունը և պետական քաղաքականության սկզբունքներն են սահմանվել, տարանջատվել են նախադպրոցական կրթության նպատակները, խնդիրները: Մասնավորապես, որպես խնդիր ավելացվել են նախադպրոցական կրթության հանրային նշանակության բարձրացումն ու որակի բարձրացումը, որակյալ նախադպրոցական կրթություն տրամադրելու հավասար հնարավորությունների, ներառականության և մատչելիության ապահովումը խելամիտ հարմարեցումների միջոցով և այլն»,- ասաց Հարությունյանը:

Օրենքով սահմանվել են նաև հասարակական այն խմբերը, որոնց երեխաները նախադպրոցական ուսումնական հաստատություն ընդունվելու առաջնահերթության իրավունք կունենան: Դրանք են առաջին կամ երկրորդ կարգի հաշմանդամ, երեք կամ ավելի երեխա ունեցող, կամ զինծառայող ծնողների երեխաները:

Շենգավիթի 5 մանկապարտեզներում անհետացող թանաքի միջոցով սննդի մուտքի և ելքի թվերը փոխվել են

Տարեկան առնվազն մեկ անգամ պարտադիր բուժզննություն կանցնեն նաև նախադպրոցական ուսումնական հաստատության մանկավարժները: Իսկ նրանց 1/5-ը տարեկան մեկ անգամ պարտադիր վերապատրաստում պիտի անցնի։

«Իմ քայլը» խմբակցության անդամ, պատգամավոր Սոֆյա Հովսեփյանը կարևորեց, որ ներկայացված օրինագիծը կարգավորվելու է նաև զարգացման կենտրոնների լիցենզավորման հարցը:

Պատգամավորը նկատեց, որ այսօր յուրքանչյուրը կարող էր ԱՁ բացել ու երեխաների հետ զբաղվելը դարձնել բիզնես:

Ինչպես է պետությունն ուզում աջակցել տնտեսվարողներին. Փաշինյանը նախագիծ է ներկայացրել

«Օրինակ՝ կարող էին պարզապես զբաղվածության համար վերցնել, բայց հետագայում նախադպրոցական կրթություն իրականացնեին: Իսկ այս նախագծի պարագայում արգելվում է, պետք է պարտադիր լիցենզավորում անցնեն»,- ասաց նա:

Կառավարության ներկայացրած նախագծով սահմանվում է, որ մանկապարտեզներում ցանկացած ծրագիր իրականացվելու է բացառապես կրթական չափորոշիչների ու հաստատված ծրագրերի հիման վրա:

Նշենք, որ նախագիծն ԱԺ-ում քննարկվում է երկրորդ ընթերցմամբ: Առաջին ընթերցմամբ այն ընդունվել էր ԱԺ հունվարի 24-ի նիստում:

«Մի անգամ հրաշք թույլ տվեք էլի»․ Գևորգ Պետրոսյանի առաջարկած նախագիծը չընդունվեց

627
թեգերը:
Կրթության, գիտության, մշակույթի և սպորտի նախարարություն (ԿԳՄՍ), ՀՀ Ազգային ժողով, ԱԺ, նախագիծ, Օրենք, մանկապարտեզ
Ըստ թեմայի
Այգիներ, մանկապարտեզներ, շենքեր են յուրացրել. Լոռու մարզպետը բացահայտումներ է խոստանում
Երևանի մանկապարտեզներում երեխաների բացակայությունը կհամարվի հարգելի
Համայնքային մանկապարտեզներում պահեստավորված սնունդը կտրամադրվի սոցիալապես անապահովներին
Սուրեն Պապիկյան

Հայաստան–Իրան 3-րդ ԷՀԳ շինարարությունը նախատեսվում է ավարտին հասցնել տարեվերջին. Պապիկյան

0
Նախարարը նշել է, որ մի քանի ամսվա հարկադիր պարապուրդի պատճառով Էլեկտրահաղորդման գծի շինարարության աշխատանքները կարող են հետաձգվել:

ԵՐԵՎԱՆ, 27 մայիսի – Sputnik. Հայաստանի և Իրանի միջև 3-րդ  էլեկտրահաղորդման գծի (ԷՀԳ)  շինարարությունը նախատեսվում է ավարտին հասցնել 2020 թվականի վերջին: Տեղեկությունը հայտնեց ՀՀ տարածքային կառավարման և ենթակառուցվածքների նախարար Սուրեն Պապիկյանը։

«Ծրագրով նախատեսված է աշխատանքներն ավարտել մինչև 2020 թվականի վերջը։ Մի քանի ամսվա պարապուրդը (կորոնավիրուսի պատճառով – խմբ.) ժամկետների հետ կապված խնդիրներ կառաջացնի, սակայն մենք կանենք ամեն ինչ և հույս ունենք, որ կհասցնենք աշխատանքներն ավարտին հասցնել նախատեսված ժամանակահատվածում»,– ասաց Պապիկյանն ԱԺ–ում` պատասխանելով պատգամավորներից մեկի հարցին։

Նա հիշեցրեց, որ կորոնավիրուսի համավարակի և երկու երկրների կիրառած սահմանափակումների պատճառով իրանցի գործընկերներին երեք ամիս չէր հաջողվում Հայաստան ժամանել։

«Սակայն այսօր (շինարարությունն իրականացնող – խմբ.) ընկերության նախագծի մենեջերը արդեն Հայաստանում է: Հունիսի 1-ին Հայաստան կժամանեն ևս 5 ինժեներներ, իսկ երկու շաբաթվա ընթացքում նախատեսվում է, որ ամբողջ թիմը, շուրջ 60 հոգի, տեղում կլինեն, և շինարարական աշխատանքները կշարունակվեն»,– նշեց նախարարը։

Ի՞նչ է լինելու Հայաստան–Իրան էլեկտրագծի հետ, եթե սահմանը երկար փակ մնա

Նախարարը հավելեց նաև, որ ՀՀ կառավարությունը  իրանցի մասնագետներին ազատել է վիզայի վճարներից։

Ավելի վաղ Հայաստանի իշխանությունները հայտարարել էին, որ 400 կիլովոլտանոց 3-րդ ԷՀԳ–ի շահագործումը թույլ կտա եռակի ընդլայնել հայ–իրանական՝ «գազ` էլեկտրաէներգիայի դիմաց» ծրագիրը։

Հայաստանում պաշարների բազան ընդլայնելու համար 2007թ-ին բացվել է Իրան-Հայաստան գազատարը։ Երկու երկրների միջև համաձայնագրի համաձայն` 20 տարվա ընթացքում Իրանը Հայաստան կմատակարարի 36 մլրդ խմ բնական գազ` պայմանագրի գործողության ժամկետը 5 տարով երկարացնելու և գազի առաքումների ընդհանուր ծավալը մինչև 47 մլրդ խմ ավելացնելու հնարավորությամբ։
Կորոնավիրուսն օգնել է Իրանին. Հայաստանի հետ էլեկտրահաղորդման գծի շինարարությունը կվերսկսվի

0
թեգերը:
կորոնավիրուս, Սուրեն Պապիկյան, Իրանի Իսլամական Հանրապետություն, Հայաստան
Ըստ թեմայի
Ինչու է հետաձգվում «Իրան-Հայաստան» էլեկտրահաղորդման գծի կառուցումը. պարզաբանում
Հայաստանը նոր նախագիծ կկազմի էլեկտրահաղորդման կարևորագույն գծի համար
Հայաստան-Իրան էլեկտրահաղորդման նոր գծի կառուցումն ուզում են մինչև 2021 թվականն ավարտել
Դավթյան. «2020թ–ի առաջին կիսամյակում կունենանք 15-20% էլեկտրաէներգիայի անկում»
Զարկերակային օքսիմետր

ՀՀ առողջապահության նախարարությունը կորոնավիրուսի ախտորոշման համար 2 000 նոր սարք կգնի

3
Հատուկ վերահսկողություն է սահմանվել մանկատներում և ծերանոցներում, իսկ «Ձորակ» մանկատան տարածքում, որտեղ վարակ էր հայտնաբերվել, բուժկետ է գործում։

ԵՐԵՎԱՆ, 27 մայիսի – Sputnik. ՀՀ առողջապահության նախարարությունը 2000 զարկերակային օքսիմետրեր ձեռք կբերի ամբողջ հանրապետության բժիշկների համար։ Տեղեկությունն ԱԺ–ում այսօր հայտնեց նախարար Արսեն Թորոսյանը։ Նրա խոսքով` մի քանի հարյուր սարք արդեն իսկ գնվել և բաժանվել է գյուղերի բուժհաստատություններին։

Զարկերակային օքսիմետրերը թույլ են տալիս չափել արյան մեջ թթվածնի մակարդակը ոչ ինվազիվ եղանակով (այսինքն՝ առանց արյուն վերցնելու), ինչն օգնում է կորոնավիրուսի արագացված ախտորոշման գործում։

Ինչ վերաբերում է մանկատներին և ծերանոցներին, ապա այդ հաստատություններում կորոնավիրուսի տարածման ուժեղացված վերահսկողություն է իրականացվում, առավելևս, որ այդ հաստատություններից երկուսում վարակի դեպքեր են գրանցվել։

Վարակի հետ երկար ենք ապրելու. առողջապահության նախարարը կոչ է անում չտրվել կեղծ լուրերին

Նախարարը հավելեց, որ այն մանկատան տարածքում, որտեղ կորոնավիրուսի դեպքեր են հայտնաբերվել (խոսքը «Ձորակ» մանկատան մասին է), արդեն բուժկետ է գործում, որտեղ ստուգում են բոլոր այցելուներին։

Հիշեցնենք, որ Հայաստանում ընդհանուր առմամբ կորոնավիրուսի ավելի քան 7 հազար հաստատված դեպք կա։ Նրանցից ավելի քան 3200–ն արդեն առողջացել են, 98-ը՝ մահացել։

COVID 19-ով հիվանդներից 250-ը գտնվում են ծանր վիճակում. նախարարը նոր տվյալներ է հրապարակել

3
թեգերը:
կորոնավիրուս, մանկատուն, Արսեն Թորոսյան, Սարք, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Մտադիր ենք պարզել` ինչն է Թորոսյանին նման հայտարարության առիթ տվել. Վրաստանի ԱՆ
Թորոսյանը դիվանագիտական խողովակներով ներողություն է խնդրել Թբիլիսիից
Ինֆեկցիոն հիվանդանոցը շարունակում է վերազինվել. Թորոսյանը լուսանկարներ է հրապարակել
Ռեանիմացիոն մահճակալներից ազատ է ընդամենը 32 –ը. Թորոսյանը նոր տվյալներ է հաղորդել