Ժաննա Լևինան և ԳԱրիկ Մարտիրոսյանը

Հայկական «էֆեկտ»․ համացանցի ամենակենսուրախ զույգերը հետևորդներին ստիպում են ժպտալ

173
(Թարմացված է 18:55 04.05.2020)
Երեք զույգերի առանձնահատկությունն այն է, որ զուգընկերներից մեկը հայ է կամ հայկական արմատներ ունի։ Սովորական օրերին էլ օգտատերերը նրանց միկրոբլոգներին հետաքրքրությամբ են հետևում, իսկ համավարակի շրջանում այն ուղղակի հիանալի միջոց է ձանձրույթի և դեպրեսիայի դեմ։

Լիլիթ Հարությունյան, Sputnik Արմենիա

Հայտնի է,որ հայերն աչքի են ընկնում ոչ միայն հյուրասիրությամբ և կենսուրախությամբ, այլև հրաշալի հումորի զգացումով։ Իսկ երբ նրանց կողակիցները հանդուրժում են իրենց խենթությունները, ապա իսկական «պայթուցիկ» զույգ է ստացվում։

Այդպիսի կոլորիտային զույգերից են Գարիկ Մարտիրոսյանն ու Ժաննա Լևինան, Ալեքսիս Օհանյանն ու Սերենա Ուիլյամսը, ինչպես նաև Դավան և Օլգա Բուզովան։

Իհարկե, թե՛ Ժաննան, թե՛ Սերենան, և թե՛ Օլգան ի վերուստ օժտված են հումորի զգացումով, իսկ հայ զուգընկերները, ինչպես երևում է՝ միայն բազմապատկում են այդ շնորհը։ Արդյունքում նրանց կարելի է անվանել համացանցի երեք ամենավառ զույգերը, որոնց հրապարակումները իրենց միլիոնավոր հետևորդներին լիաթոք ծիծաղ են պարգևում։ Իսկ համավարակի օրերին առանց այդ «երիտասարդության էլիքսիրի» դժվար է ապրել։

Գարիկ և Ժաննա

Հայտնի ռուսաստանաբնակ շոումեն Գարիկ Մարտիրոսյանն ու նրա կինը՝ Ժաննա Լևինան, ամեն ինչ իսկական տոնի են վերածում, անգամ չարաբաստիկ ինքնամեկուսացումը։ «Կարանտինային խնդիրներից» մեկը՝ գեղեցկության սրահների անհասանելիությունը, ամուսինները խաղարկել են ամենազվարճալի ձևով։

Մի քանի օր առաջ Ժաննան ինտրիգային լուսանկար էր հրապարակել, մակագրելով․ «Վարսավիրանոցները փակ են, ստիպված էի ինքս կտրել Գարիկի մազերը։ Սանրվածքը բավական հաջող է ստացվել, միայն թե հիմա ո՞նց է դիմակ կրելու»։

Пост Жанны Левиной Мартиросян в Instagram
Ժաննա Լևինայի գրառումը Instagram-ում

Հրապարակումը հետևորդներին շատ է զվարճացրել։

«Կարևվորը՝ քիթը չես կտրել։ Հայկական հումորի կարևոր քիթը», «կարծես՝ Գարիկն ու Սեմյոն Սլեպակովը կռվել են», «ավելի լավ է պատմեք, թե Գարիկին որտեղից այսքան մազ», «հահահա, ես էլ այսօր ուզում էի ամուսնուս մազերը կտրել, բայց հրաժարվեց», «մի ականջով, ինչպես Վան Գոգը, միշտ գիտեի, որ նա մի քիչ հանճար է», «մի նեղվիր, Գարիկ, շուտով կաճեն»,- գրել են նրանք։

Բայց սա դեռ ամենը չէ։ Եռանդուն Ժաննան շուտով հրապարակեց իր մտահղացման սիքվելը՝ նոր հոլովակ, որը մակագրել էր․ «Իմ երեկվա հրապարակումից հետո շատ հետևորդներին հուզում  էր Գարիկի առողջական վիճակը։ Մի անհանգստացեք, նրա հետ ամեն ինչ կարգին է»։

Հոլովակում Գարիկի ականջը վիրակապած է, իսկ նա ձևացնում է, թե վատ է լսում։

Երկրպագուները, բնական է՝ բուռն են արձագանքել ամուսնական զույգի զվարճալի խաղին։

«Ժաննա, ինչ հումոր ունեք», «այսպիսի հրաշալի կնոջ կողքին ամուսնու համար ամեն ինչ լավ կլինի․․․ նույնիսկ մաս-մաս։ Ժաննա, դուք հիասքանչ եք», «ամուսինս ասում է՝ մեր Գարիկը, եթե ցանկանա, կարող է նախագահ դառնալ, ես էլ ասում եմ, որ այսքան խելոք կնոջ կողքին ամեն ինչ հնարավոր է», «այ թե հումորիստներ եք»,- նշել են օգտատերերը։

Այնպես որ, եթե հանկարծ ընկճախտի մեջ եք, անմիջապես բացեք Ժաննա Լևինայի էջը։ Այն իսկական հակադեպրեսանտ է։

Ալեքսիս և Սերենա

Ինտերնետ-գործարար Ալեքսիս Օհանյանն ու հայտնի թենիսիստուհի, քառակի օլիմպիական չեմպիոն Սերենա Ուիլյամսը ևս հումորի մեծ սիրահարներ են ու հաճախ են կատակներ անում։

Մինչ թենիսիստուհին փորձում է կարանտինի ընթացքում ինչ-որ զբաղմունք գտնել և ինքնամոռաց «ճոճում է» խաղալիք մարմնամարզիկին, ամուսինը աննկատ նկարահանել է կնոջ «խաղն», իսկ հետո հոլովակը տեղադրել Instagram-ի իր միկրոբլոգում։

«Սերենա Ուիլյամսի ձեռքբերումները կարանտինի ընթացքում ․․․»,- տեսանյութին կից գրել է Օհանյանը։

View this post on Instagram

Accomplished a lot with @serenawilliams this weekend... @simonebiles please help her

A post shared by Alexis Ohanian Sr. (@alexisohanian) on

Հաջորդիիվ արդեն հայտնի թենիսիստուհին է Instagram-ում տեսանյութ տեղադրել․ այն ամուսնու հետ կատակ-զրույցի տեսագրությունն է, որը իրեն շնորհավորում է մասնագիտական առաջընթացի համար։ Հրապարակումը Սերենան այսպես է մակագրել․ «Կարանտինի ընթացքում շատ բան ենք բացահայտում միմյանց մասին»։

View this post on Instagram

We are learning a lot about each other during this Quarantine. @alexisohanian Chronicles of Serena and Alexis

A post shared by Serena Williams (@serenawilliams) on

Զվարճալի հրապարակումներում հաճախ անմիջական մասնակցություն է ունենում նաև նրանց 2 տարեկան դուստրը՝ Օլիմպիան։ Նա հոլովակները շատ ավելի հետաքրքիր է դարձնում։

Օրինակ՝ հոլովակներից մեկում փոքրիկը հոր եղունգներն է ներկում, բայց ոչ թե եղունգների լաքով, այլ սովորական ներկերով։

View this post on Instagram

Looks like @initialized needs to invest in the future of nail painting 🙃💅

A post shared by Alexis Ohanian Sr. (@alexisohanian) on

«Կարծես թե պետք է ներդրումներ անել եղունգների լաքի շուկայում»,-այսպես է ինտերնետ-ձեռնարկատերը մակագրել հրապարակումը։

Դավա և Օլգա

Կենցաղային խնդիրները զվարճալի հրապարակումների վերածող պրոֆեսիոնալ զույգերից են բլոգեր Դավան (Դավիթ Մանուկյան) և հայտնի երգչուհի Օլգա Բուզովան։ Ոչ միայն նրանց Instagram-ի էջերը, այլև սթորիզները հեղեղված են կատակներով և հումորային դրվագներով։ Ահա դրանցից մեկը, որում զույգն անդրադառնում է կարանտինի ընթացքում չափից շատ ուտելու խնդրին։

Հոլովակում նրանք ցերեկվա ժամը երկուսին իբրև արդեն վեցերորդ անգամ են ուտում, բայց միմյանց հուսադրում են, որ հրաժարվել են աղանդերից։

«Իսկական տղամարդը միշտ կարող է հանգստացնել»,- գրել է Օլգան։

Հետևորդներից մեկը շատ դիպուկ նկատել է․ «Չգիտեմ՝ դուք ինչպիսի երգչուհի եք, բայց ընտիր դերասանուհի եք»։

Ահա և Դավայի ծննդյան օրվա հրապարակումը․ պետք է խոստովանել՝ ինքնատիպ է։

Пост Давы в Instagram
Դավայի գրառումը Instagram-ում

 

Կարանտինի ընթացքում սանրվածքի թեման անտարբեր չի թողել նաև այս զույգին։ Տեղադրելով գլուխը սափրած Դավայի լուսանկարը՝ Օլյան գրել է․ «Նա արեց դա։ Ավելի ճիշտ՝ ես արեցի։ Դե ինչ, մեր բաթլը սկսված է։

Հ․Գ․ Սիրելիս, միայն թե չմոռանաս, որ դեռ տուն ես գալու»։

Пост Ольги Бузовой в Instagram
Օլգա Բուզովայի գրառումը Instagram-ում

Ամփոփելով մեր փոքրիկ անդրադարձը՝ ավելացնենք, որ անգամ ամենաբարդ իրավիճակներում չպետք է մոռանալ, որ հումորը կփրկի աշխարհը։

173
թեգերը:
զույգ, համացանց, Գարիկ Մարտիրոսյան, Ժաննա Լևինա, Ալեքսիս Օհանյան, Սերենա Ուիլյամս, Օլգա Բուզովա, հումորներ
թեմա:
Կորոնավիրուսը աշխարհում (1049)
Ըստ թեմայի
Ինչը կարելի է «լայքել» Instagram-ի հայկական տիրույթում
Նոր ռեկորդ. Instagram–ի ռուսական տիրույթում Բուզովայի բաժանորդների թիվը հասել է 19 միլիոնի
«Անլայք» Instagram-ը տարածում է գտել ևս 6 երկրում
Այ քեզ բան. թարգմանիչը հոլոգրաֆիկ է դարձել, Instagram–ը` կոտրվող, «պամպերսը»՝ խելացի
Երևան

Երեկոյան ժամերին կանձրևի, քամին էլ կուժգնանա. եղանակի տեսություն

42
(Թարմացված է 18:21 30.07.2021)
ՀՀ ԱԻՆ «Հիդրոմետ» ծառայությունը ներկայացրել է առաջիկա օրերի եղանակային կանխատեսումը Հայաստանի և Արցախի համար։

ԵՐԵՎԱՆ, 31 հուլիսի – Sputnik. Հանրապետության տարածքում հուլիսի 31-ին, օգոստոսի 2-ին՝ առանձին շրջաններում, օգոստոսի 1-ին՝ շրջանների զգալի մասում հիմնականում գիշերը և կեսօրից հետո սպասվում է անձրև և ամպրոպ, առանձին հատվածներում հնարավոր է նաև կարկուտ։ Ինչպես հայտնում են ՀՀ ԱԻՆ «Հիդրոմետ» ծառայությունից, օգոստոսի 3- 4-ը սպասվում է առանց տեղումների եղանակ: 

Բացահայտեցի մի նոր զբոսաշրջային երկիր. ՀՀ-ն և Հորդանանը տուրիզմի ոլորտում կհամագործակցեն

Քամին հարավ-արևմտյան է՝ 5-10 մ/վ արագությամբ, ամպրոպի ժամանակ սպասվում է քամու ուժգնացում 18-23 մ/վ արագությամբ։

Օդի ջերմաստիճանը հուլիսի 31-ի ցերեկն աստիճանաբար կբարձրանա 2-4 աստիճանով։ 

Եղանակի կանխատեսում
Եղանակի կանխատեսում

Երևան քաղաքում ևս հուլիսի 31-ին, օգոստոսի 1-2-ին՝ երեկոյան ժամերին առանձին հատվածներում սպասվում է անձրև և ամպրոպ, ամպրոպի ժամանակ հնարավոր է քամու ուժգնացում 18-20 մ/վ արագությամբ:

Ջորջ և Ամալ Քլունիները կրկին երկվորյակ կունենան

Օգոստոսի 3-4-ը սպասվում է առանց տեղումների եղանակ։

Մայրաքաղաքում օգոստոսի 31–ի գիշերը կլինի 18-20 աստիճան տաքություն, իսկ ցերեկային ժամերին կգրանցվի +32...+34 աստիճան։

42
թեգերը:
Հայաստան, Արցախ, Երևան, եղանակ, Անձրև, Քամի, շոգ
թեմա:
Եղանակը Հայաստանում
Պատվաստում

Ինչ սահմանափակումներ են առաջարկում գործի դնել պատվաստված չլինելու դեպքում

265
(Թարմացված է 19:53 30.07.2021)
Առողջապահության նախարարությունը քննարկում է կազմակերպել` անդրադառնալով սահմանափակումների և պատվաստումների թեմային։

ԵՐԵՎԱՆ, 30 հուլիսի – Sputnik. ՀՀ առողջապահության նախարարությունն առաջարկում է` մի շարք հաստատություններում աշխատող կամ այնտեղ հաճախող 18 տարեկանից բարձր անձինք կա՛մ պետք է ներկայացնեն կորոնավիրուսի դեմ պատվաստված լինելը հավաստող սերտիֆիկատ, կա՛մ յուրաքանչյուր 14 օրը մեկ ներկայացնեն ՊՇՌ թեստի բացասական արդյունք, տեղեկանում ենք նախարարության ֆեյսբուքյան էջից։

Այսօր կայացել է առողջապահության նախարարին կից կորոնավիրուսի դեմ պայքարի մասնագիտական հակահամաճարակային խորհրդատվական խմբի հանդիպում-քննարկումը, որին առցանց մասնակցել են նաև ՀՀ–ից դուրս աշխատող մասնագիտական խմբի անդամները:

Առաջարկվում է, որ պետական կառավարման և ՏԻՄ–երի, այլ կազմակերպությունների աշխատակիցների, ինչպես նաև հյուրանոցային ծառայությունից օգտվող 18 տարեկանից բարձր անձինք և նախնական մասնագիտական, միջին, բարձրագույն և հետբուհական մասնագիտական կրթական ծրագրեր իրականացնող ուսումնական հաստատություններ հաճախող 18 տարեկանից բարձր ուսանողները, արտադպրոցական դաստիարակության և լրացուցիչ կրթություն իրականացնող ուսումնական հաստատություններ հաճախող 18 տարեկանից բարձր սովորողները կա՛մ պետք է ներկայացնեն կորոնավիրուսի դեմ պատվաստված լինելը հավաստող սերտիֆիկատ, կա՛մ յուրաքանչյուր 14 օրը մեկ ներկայացնեն ՊՇՌ թեստի բացասական արդյունք` առավելագույնը 72 ժամ վաղեմության:

Անվճար պոնչիկ, շահումով կով, թատրոնի տոմս. ուրիշ ինչե՞ր են խոստանում պատվաստվողներին

«Ի դեպ, ՊՇՌ հետազոտությունն անձն իրականացնում է իր միջոցների հաշվին: Միաժամանակ, պատվաստվելու բժշկական հակացուցումներ ունեցող անձը կարող է ներկայացնել հակացուցումների մասին բժշկական փաստաթուղթ»,–նշված է հաղորդագրության մեջ:

Հանդիպում-քննարկմանը շեշտադրվել է նաև բնակչության շրջանում իրազեկվածության բարձրացման, փակ տարածքներում դիմակների պարտադիր դնման պահանջի, ինչպես նաև պատվաստումային գործընթացի ակտիվացման անհրաժեշտությունը:

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 264–ով և դարձել 229 867:

265
թեգերը:
Հայաստան, պատվաստումներ, կորոնավիրուս
թեմա:
Կորոնավիրուսը Հայաստանում և Արցախում
Սարգսյանն ու Վուչիչը

Ինչո՞վ ենք պակաս Սարգսյանից ու Վուչիչից, կամ ի՞նչ կարող են ՀՀ–ն ու Սերբիան ստանալ ԵԱՏՄ–ից

0
(Թարմացված է 16:24 29.07.2021)
Երկու երկրներն էլ իհարկե կարող են ալկոհոլային խմիչքներ վաճառել` ռակիա և կոնյակ, սակայն հեռանկարներ կան նաև էլեկտրատեխնիկական արդյունաբերության հարցում։

ԵՐԵՎԱՆ, 31 հուլիսի – Sputnik. Հայաստանի հետ Սերբիայի առևտուրն, իհարկե, ավելի քիչ է, քան Ռուսաստանի կամ Բելառուսի։ Սակայն այն թող որ փոքր, բայց աճ է արձանագրում ԵԱՏՄ–Սերբիա ազատ առևտրի գոտու մասին համաձայնագրի ստորագրումից հետո։ Հայաստանի խորհրդարանն այն վավերացրեց 2021 թվականի ապրիլին (համաձայնագիրը ստորագրվել էր 2019 թվականին), բայց հնարավոր է` բիզնեսը նախապես արդեն սկսել է յուրացնել շուկաները։

Հայաստանը թող որ փոքր ծավալներով (տարեկան տասնյակ հազարավոր դոլարների մակարդակով) Սերբիա կոնյակ, էլեկտրական փոխարկիչներ, կահույք և դրա համար նախատեսված դետալներ է արտահանում (հետաքրքիր զուգադիպությամբ, Սերբիայի փոքրաթիվ հայ համայնքի ներկայացուցիչներից մեկը` Չեդոմիր Արթինովիչը (Արթինյան) մանրատախտակի արտադրության փոքր ձեռնարկության սեփականատերն է)։ Դեպի Հայաստան Սերբիայի արտահանումը տարեկան 2 մլն դոլարից մի փոքր ավել է կազմում, Հայաստանի արտահանումը դեպի Սերբիա` տարեկան շուրջ 120 հազար։

Բացի այդ, տարիներ են եղել` Հայաստանը Սերբիա պղնձի խտանյութ է արտահանել։ Այժմ, ՊԵԿ–ի տվյալներով, նման արտահանում այլևս չի իրականացվում։ Սակայն Սերբիայի վիճակագրական ծառայության տվյալներով` Հայաստանը մի քանի տարի է, ինչ շարունակում է մնալ Սերբիա խտանյութի խոշորագույն մատակարարներից մեկը։ Ամենայն հավանականությամբ, խտանյութը Սերբիա է հասնում հարևան Բուլղարիայից (ուր Հայաստանը մեծ ծավալներով է արտահանում)։

«Ամենագետ» հայ սեփականատերերը, կամ ի՞նչն է խանգարում հայկական արտադրանքին ՌԴ շուկայում

Պատկերավոր համեմատություն. ԽՍՀՄ փլուզումից հետո Հայաստանում փակվեց Ալավերդու պղնձաձուլարանը, որը մաքուր պղինձ էր արտադրում։ Իր հերթին դրա հիմքով էր աշխատում Երևանի կաբելի գործարանը։ 90-ականների կեսերին գործարանը վերագործարկվեց, բայց մաքուր պղինձ այլևս չի արտադրում։

Սերբիայի Բոր քաղաքում պղնձաձուլական գործարանը արտադրությունը պահպանում էր նաև 90-ականների պատերազմի ժամանակ, երբ Սերբիան խիստ պատժամիջոցների և միջազգային շրջափակման մեջ էր։ Այսօր այդ գործարանը ոչ միայն տեղական, այլև մի շարք երկրներից ներկրած հանքաքար է մշակում, որի հիման վրա մաքուր պղինձ են ձուլում ու կաբելի արտադրություն կազմակերպում տարեկան տասնյակ հազարավոր տոննաներով։

Համագործակցության համար մեկ այլ հեռանկարային ուղղություն կարող է դառնալ էլեկտրատեխնիկան։ Այստեղ ևս մեկ շեղում է հասունանում։ Նիշ քաղաքում (որը սոցիալիստական Հարավսլավիայում էլեկտրատեխնիկայի և էլեկտրոնիկայի կենտրոններից մեկն էր) Johnson Electric ընկերությունը մի քանի տարի առաջ նոր գործարան բացեց, որը էլեկտրական շղթաների համար սարքավորումներ է թողարկում` այրման լարեր և նման այլ իրեր։ Այնտեղ ավելի քան 2000 մարդ է աշխատում, իսկ Սերբիայի իշխանություններն իրենց կողմից գործարանում մի քանի մլն եվրոյի ներդրում են իրականացրել։

«Հայթեքի ֆաբրիկան» Հայաստանում նախագծերի հերթական ընտրությունը կանցկացնի

Սերբիայի նախագահ Ալեքսանդր Վուչիչը հատուկ նշել է, որ այդ գումարները քամուն չեն տրվել, այլ գործին են ծառայել։ Իսկ Հայաստանում նման արդյունաբերական կենտրոնները լքվել են (դրանցից միայն փոքր արտադրություններ են մնացել), իսկ այդ գործարանները վերականգնել իշխանությունները կտրականապես հրաժարվում են` այն պատրվակով, թե իբր «չի կարելի ծախսել հարկատուների գումարները»։

Բարեբախտաբար, մեր կողմից էլ ուրախանալու առիթ կա. Հայաստանը, ինչպես նշեցինք, Սերբիա էլեկտրատեխնիկական ապրանքներ է արտահանում, թեև փոքր ծավալներով։ Այստեղ երկու երկրների ինժեներները կարող են ուսումնասիրել միմյանց պահանջմունքները` կապված սարքերի և դետալների հետ, և փոխշահավետ համագործակցություն հաստատել։

Իհարկե, երկու երկրները կարող են ընդլայնել ալկոհոլի առևտուրը։ Թե՛ մեկը, թե՛ մյուսը ներառված չեն ազատ առևտրի ապրանքների ցանկում, և դրանց նկատմամբ տուրքեր են սահմանված։ Սակայն կոնյակն ու ռակիան, միևնույնն է, գտնում են իրենց գնորդին (համենայն դեպս, կոնյակը Բելգրադ է արտահանվում դեռ սոցիալիստական ժամանակաշրջանից)։

Իհարկե, շահութաբերությունը կախված է բեռնափոխադրման արժեքից. երկու երկրները միմյանցից բավական հեռու են գտնվում, բայց լոգիստիկան, հավանաբար, այդքան էլ թանկ չէ, որքան կարող է թվալ։ Որքան արժե Բելգրադից Երևան բեռնված կոնտեյների առաքումը, տեղական լոգիստիկ օպերատորները միանգամից պատասխանել չկարողացան. մեր երկրների առևտրի ծավալները շարունակում են փոքր մնալ։ Սակայն հարևան Բուլղարիայից Հայաստան կոնտեյներ տեղափոխելու (մասնավորապես Բուրգասի նավահանգստից) արժեքը գրեթե այնքան է, որքան Ստամբուլից (կամ մի փոքր ավել)։

Ինչո՞ւ է հայկական դրամի փոխարժեքը նվազել, ու ի՞նչ սպասել ամռանը. պարզաբանում է փորձագետը

Բացի այդ, պետք չէ մոռանալ այն, ինչից սկսեցինք. ազատ առևտրի գոտու մասին համաձայնագրի շրջանակում բազմաթիվ ապրանքատեսակներ ազատվում են տուրքերից, ինչը կարող է կոմպենսացնել մի փոքր ավելի բարձր տրանսպորտային ծախսերը։

Այս ամենը, թող որ ոչ հարյուրտոկոսանոց, սակայն որոշակի նախադրյալներ է ստեղծում նրա համար, որ երկու երկրների բիզնեսները միմյանց նորովի դիտարկեն։ Իսկապես, ինչո՞ւ ռակիայով և կոնյակով միայն Արմեն Սարգսյանն ու Ալեքսանդր Վուչիչը պետք է բաժակ խփեն։

Ինչո՞վ ենք մենք պակաս։

0
թեգերը:
Հայաստան, Սերբիա, Եվրասիական տնտեսական միություն (ԵԱՏՄ)
Ըստ թեմայի
Իրանն ընդլայնում է համագործակցությունը ԵԱՏՄ–ի հետ. ի՞նչ դեր է հատկացված Հայաստանին
Ընդհանուր սնունդ և օդանավեր. ՌԴ փոխվարչապետը նշել է ԵԱՏՄ ինտեգրման առաջնահերթությունները
ԵԱՏՄ-ն ու Իրանը ազատ առևտրի մասին նոր համաձայնագիր կստորագրեն
ԵԱՏՄ–ն աշխատանքի որոնման կայք է գործարկել անդամ երկրների տարածքում