Գուրգեն Խաչատրյան, արխիվային լուսանկար

Դատարանը բավարարեց Գագիկ Խաչատրյանի որդուն կալանավորելու՝ ԱԱԾ-ի միջնորդությունը

1720
(Թարմացված է 16:16 04.05.2020)
Խաչատրյանների փաստաբան Երեմ Սարգսյանը նշել է, որ Գագիկ Խաչատրյանի և նրա որդիների գործերը մակագրվել են նույն դատավորին, ինչը չի կարող պատահականություն լինել:

ԵՐԵՎԱՆ, 3 մայիսի – Sputnik.  ՀՀ ընդհանուր իրավասության դատարանը բավարարել է ԱԱԾ՝ ՀՀ ՊԵԿ նախկին նախագահ Գագիկ Խաչատրյանի որդու՝ Գուրգեն Խաչատրյանի նկատմամբ կալանքը որպես խափանման միջոց կիրառելու մասին միջնորդությունը: Այս մասին դատական նիստի ավարտին լրագրողներին հայտնեց նրա փաստաբան Երեմ Սարգսյանը:

«Այն պրոցեսները, որ տեղի ունեցան Գուրգեն Խաչատրյանի հայտարարությունից հետո միանգամից վկայում էին նրա մասին, որ կալանավորումն անխուսափելի է, առավել ևս եթե հաշվի առնենք այն մոտեցումներն ու զարգացումները՝ դատարանների հետ կապված, որոնք տեղի ունեցան»,- ասաց Սարգսյանը:

Բանն այն է, որ, փաստաբանի դիտարկմամբ խափանման միջոց կալանավորումը հետևեց Գուրգեն Խաչատրյանի հայտարարությանը, մինչդեռ դրանից առաջ՝ մարտ-ապրիլ ամիսներին չհեռանալու մասին ստորագրություն խափանման միջոցը դատարանը բավարար էր համարում:

Խաչատրյանի փաստաբանը տեղեկացրեց, որ վերջին օրերին տասնյակ խուզարկություններ են տեղի ունեցել Գագիկ Խաչատրյանին ու նրա ընտանիքի անդամներին պատկանող բնակարաններում ու գրասենյակներում:

Երեմ Սարգսյանը նաև ուշադրություն հրավիրեց այն հանգամանքին, որ Գագիկ Խաչատրյանի հետ կապված միջնորդությունները քննվում էին Ընդհանուր իրավասության դատարանի Շենավիթի նստավայրում, հիմնականում նույն դատավորի մոտ: Իսկ երբ դատավորն արձակուրդում էր Գագիկ Խաչատրյանի կալանքի միջնորդություններին վերաբերող նիստերը տեղափոխվեցին Ավան-Նոր Նորք նստավայր ու մակագրվեցին նույն դատավորին, որը քննում էր նրա որդուն՝ Գուրգեն Խաչատրյանին վերաբերող միջնորդությունները:

ԱԱԾ–ն խուզարկություն է իրականացրել Ucom–ի գլխավոր գրասենյակում

Նույն դատարանում, նույն դատավորին է մակագրվել նաև Խաչատրյանի մյուս որդու՝ Կարեն Խաչատրյանի վերաբերյալ միջնորդությունը այն բանից հետո, երբ Շենգավիթի դատարանում նրա նկատմամբ կալանքի փոխարեն գրավ կիրառվեց:

Այսօր նույն դատավորն է քննել նաև Գուրգեն Խաչատրյանի կալանքի միջնորդությունը: Երեմ Սարգսյանը համոզված է, որ այս փաստերը պատահականություն չեն:

«Այստեղ ես ուղիղ միտում եմ տեսնում դատարանի նախագահի կողմից մակագրությունների հետ կապված»,- ասաց փաստաբանը:
Հիշեցնենք՝ ապրիլին լուրեր տարածվեցին, որ Ucom-ի շուրջ 800 աշխատակիցներ աշխատանքից դուրս գալու դիմում են գրել: Ապրիլի 14-ին ընկերության հիմնադիրներ և 5,94%-ի բաժնետերեր Եսայան եղբայրները հայտարարեցին, որ մյուս սեփականատերերին ավելի քան 34 մլրդ դրամ են առաջարկել մնացած բաժնետոմսերը ձեռք բերելու համար, որպեսզի կարողանան որոշիչ ձայն ունենալ բաժնետերերի որոշումներում:


Ապրիլի 15-ին, սակայն, հայտարարվեց, որ ընկերության տնօրենների խորհրդի նիստում ընկերության գլխավոր տնօրեն է նշանակվել Արա Սերգեյի Խաչատրյանը։
Խաչատրյանը եղել է «Գալաքսի ընկերությունների խմբի» գլխավոր ֆինանսական տնօրենը։ Ավելին, նա ՀՀ առողջապահության նախկին փոխնախարար, նախարարության ենթակայության Հոգեկան առողջության պահպանման ազգային կենտրոնի (Նուբարաշենի հոգեբուժական կենտրոն) տնօրեն Սերգեյ Խաչատրյանի որդին է։ Սերգեյ Խաչատրյանը առողջապահության փոխնախարար էր։ Արա Խաչատրյանը նաև կոմպոզիտոր Ռոբերտ Ամիրխանյանի թոռն է:
Գուրգեն Խաչատրյանը, որը նախաձեռնել էր տնօրենների խորհրդի նիստը (Արա Խաչատրյանի ընտրության նպատակով), ՀՀ ՊԵԿ նախկին նախագահ, ֆինանսների նախկին նախարար Գագիկ Խաչատրյանի որդին է:

Գուրգեն Խաչատրյանի մորն ու կնոջը կանչել են ԱԱԾ

Հիշեցնենք՝ ապրիլի 28-ին «Գալաքսի» ընկերությունների խմբի համահիմնադիր, Ucom ընկերության տնօրենների խորհրդի նախագահ Գուրգեն Խաչատրյանը հաղորդել էր, որ երկրի բարձրաստիճան պաշտոնյանների մակարդակով ուղիղ և անուղղակի (այդ թվում՝ հանդիպումների ժամանակ) պահանջ է դրվել իր առջև՝ հանրային ճնշումներով ուղեկցվող ոչ շահավետ առաջարկով օտարել Ucom-ը։ Խաչատրյանը նշել էր, որ չհամաձայնվելու դեպքում իրեն հստակ ասվել է, որ կարճ ժամկետում մեղադրվելու է առանձնապես ծանր հանցագործության կատարման մեջ և կալանավորելու: Ավելին՝ դրան հետևելու են նաև նույնաբնույթ գործողություններ եղբոր, ընտանիքի այլ անդամների, ազգականների, մտերիմների, ինչպես նաև իրենց հետ առնչվող այլ անձանց նկատմամբ։

1720
թեգերը:
Գուրգեն Խաչատրյան (Ucom ընկերության տնօրենների խորհրդի նախագահ), կալանավորել, միջնորդություն, փաստաբան, Դատարան
Ըստ թեմայի
Դատարանը դեռ չի քննի Գուրգեն Խաչատրյանին կալանավորելու միջնորդությունը
Խուզարկում են Գագիկ Խաչատրյանի որդիների տներն ու գրասենյակները
«Մուլտի գրուպի» տնօրենը խոշոր կաշառք է տվել Գագիկ Խաչատրյանին. նոր մանրամասներ
Խաչատրյանը և նրա որդիները ղեկավարել են «մաֆիոզ» համակարգ. Փաշինյանի խոսնակի արձագանքը
Երևան

Երեկոյան ժամերին կանձրևի, քամին էլ կուժգնանա. եղանակի տեսություն

72
(Թարմացված է 18:21 30.07.2021)
ՀՀ ԱԻՆ «Հիդրոմետ» ծառայությունը ներկայացրել է առաջիկա օրերի եղանակային կանխատեսումը Հայաստանի և Արցախի համար։

ԵՐԵՎԱՆ, 31 հուլիսի – Sputnik. Հանրապետության տարածքում հուլիսի 31-ին, օգոստոսի 2-ին՝ առանձին շրջաններում, օգոստոսի 1-ին՝ շրջանների զգալի մասում հիմնականում գիշերը և կեսօրից հետո սպասվում է անձրև և ամպրոպ, առանձին հատվածներում հնարավոր է նաև կարկուտ։ Ինչպես հայտնում են ՀՀ ԱԻՆ «Հիդրոմետ» ծառայությունից, օգոստոսի 3- 4-ը սպասվում է առանց տեղումների եղանակ: 

Բացահայտեցի մի նոր զբոսաշրջային երկիր. ՀՀ-ն և Հորդանանը տուրիզմի ոլորտում կհամագործակցեն

Քամին հարավ-արևմտյան է՝ 5-10 մ/վ արագությամբ, ամպրոպի ժամանակ սպասվում է քամու ուժգնացում 18-23 մ/վ արագությամբ։

Օդի ջերմաստիճանը հուլիսի 31-ի ցերեկն աստիճանաբար կբարձրանա 2-4 աստիճանով։ 

Եղանակի կանխատեսում
Եղանակի կանխատեսում

Երևան քաղաքում ևս հուլիսի 31-ին, օգոստոսի 1-2-ին՝ երեկոյան ժամերին առանձին հատվածներում սպասվում է անձրև և ամպրոպ, ամպրոպի ժամանակ հնարավոր է քամու ուժգնացում 18-20 մ/վ արագությամբ:

Ջորջ և Ամալ Քլունիները կրկին երկվորյակ կունենան

Օգոստոսի 3-4-ը սպասվում է առանց տեղումների եղանակ։

Մայրաքաղաքում օգոստոսի 31–ի գիշերը կլինի 18-20 աստիճան տաքություն, իսկ ցերեկային ժամերին կգրանցվի +32...+34 աստիճան։

72
թեգերը:
Հայաստան, Արցախ, Երևան, եղանակ, Անձրև, Քամի, շոգ
թեմա:
Եղանակը Հայաստանում
Պատվաստում

Ինչ սահմանափակումներ են առաջարկում գործի դնել պատվաստված չլինելու դեպքում

265
(Թարմացված է 19:53 30.07.2021)
Առողջապահության նախարարությունը քննարկում է կազմակերպել` անդրադառնալով սահմանափակումների և պատվաստումների թեմային։

ԵՐԵՎԱՆ, 30 հուլիսի – Sputnik. ՀՀ առողջապահության նախարարությունն առաջարկում է` մի շարք հաստատություններում աշխատող կամ այնտեղ հաճախող 18 տարեկանից բարձր անձինք կա՛մ պետք է ներկայացնեն կորոնավիրուսի դեմ պատվաստված լինելը հավաստող սերտիֆիկատ, կա՛մ յուրաքանչյուր 14 օրը մեկ ներկայացնեն ՊՇՌ թեստի բացասական արդյունք, տեղեկանում ենք նախարարության ֆեյսբուքյան էջից։

Այսօր կայացել է առողջապահության նախարարին կից կորոնավիրուսի դեմ պայքարի մասնագիտական հակահամաճարակային խորհրդատվական խմբի հանդիպում-քննարկումը, որին առցանց մասնակցել են նաև ՀՀ–ից դուրս աշխատող մասնագիտական խմբի անդամները:

Առաջարկվում է, որ պետական կառավարման և ՏԻՄ–երի, այլ կազմակերպությունների աշխատակիցների, ինչպես նաև հյուրանոցային ծառայությունից օգտվող 18 տարեկանից բարձր անձինք և նախնական մասնագիտական, միջին, բարձրագույն և հետբուհական մասնագիտական կրթական ծրագրեր իրականացնող ուսումնական հաստատություններ հաճախող 18 տարեկանից բարձր ուսանողները, արտադպրոցական դաստիարակության և լրացուցիչ կրթություն իրականացնող ուսումնական հաստատություններ հաճախող 18 տարեկանից բարձր սովորողները կա՛մ պետք է ներկայացնեն կորոնավիրուսի դեմ պատվաստված լինելը հավաստող սերտիֆիկատ, կա՛մ յուրաքանչյուր 14 օրը մեկ ներկայացնեն ՊՇՌ թեստի բացասական արդյունք` առավելագույնը 72 ժամ վաղեմության:

Անվճար պոնչիկ, շահումով կով, թատրոնի տոմս. ուրիշ ինչե՞ր են խոստանում պատվաստվողներին

«Ի դեպ, ՊՇՌ հետազոտությունն անձն իրականացնում է իր միջոցների հաշվին: Միաժամանակ, պատվաստվելու բժշկական հակացուցումներ ունեցող անձը կարող է ներկայացնել հակացուցումների մասին բժշկական փաստաթուղթ»,–նշված է հաղորդագրության մեջ:

Հանդիպում-քննարկմանը շեշտադրվել է նաև բնակչության շրջանում իրազեկվածության բարձրացման, փակ տարածքներում դիմակների պարտադիր դնման պահանջի, ինչպես նաև պատվաստումային գործընթացի ակտիվացման անհրաժեշտությունը:

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 264–ով և դարձել 229 867:

265
թեգերը:
Հայաստան, պատվաստումներ, կորոնավիրուս
թեմա:
Կորոնավիրուսը Հայաստանում և Արցախում
Կորոնավիրուս

Բժիշկը զգուշացրել է` կորոնավիրուսի «դելտա» շտամի դեպքում հիվանդությունը երկար է տևում

0
(Թարմացված է 20:55 30.07.2021)
Գորելովը կարևորել է հիվանդությունից պաշտպանվելու համար COVID-19-ի պատվաստումները ժամանակին անցնելը:

ԵՐԵՎԱՆ, 31 հուլիսի – Sputnik. COVID-19 հիվանդության տևողությունը դելտա շտամի դեպքում ավելի երկար է, իսկ ինկուբացիոն շրջանը, ընդհակառակը՝ կարճ։ ՌԻԱ Նովոստիիհետ զրույցում տեղեկությունը հայտնել է «Ռոսպոտրեբնադզորի» համաճարակաբանության կենտրոնական ինստիտուտի գիտական աշխատանքի գծով փոխտնօրեն, ՌԳԱ թղթակից անդամ Ալեքսանդր Գորելովը:

 «Իսկապես, դելտա շտամի գենոտիպը բնութագրվում է վիրուսի արագ տարածմամբ ու հիվանդության ավելի ծանր ընթացքով։ Նոր շտամի ինկուբացիոն շրջանն ավելի կարճ է, իսկ հիվանդության տևողությունը, ընդհակառակը` ավելի երկար, քանի որ վարակն ավելի ծանր է ընթանում», — ասել է Գորելովը։

Դրա հետ մեկտեղ նա նշել է, որ, նաև այլ շտամերով վարակվելու դեպքում, հիվանդության ծանրությունը հիմնականում որոշվում է վիրուսային ծանրաբեռնվածությամբ, որը մարդը ստացել է վարակման ժամանակ ու վարակվելու ժամանակ մարդու իմունիտետի վիճակով:

Գորելովը նաև կարևորել է հիվանդությունից պաշտպանվելու համար COVID-19-ի պատվաստումները ժամանակին անցնելը:

0
թեգերը:
բժիշկ, կորոնավիրուս
թեմա:
Կորոնավիրուսը աշխարհում
Ըստ թեմայի
Քանի՞ մարդ է Հայաստանում պատվաստվել Covid-19-ի դեմ. նախարարությունը թվեր է հրապարակել
Երևանի հասարարական տրանսպորտում կարող են COVID-ը սպանող սարքեր հայտնվել
Կորոնավիրուսի պատճառով վերաբացվել է Միքայելյան հիվանդանոցի Covid բաժանմունքը