ԵՐԵՎԱՆ, 30 ապրիլի – Sputnik. ՀՀ առողջապահության նախարարությունը հայտնում է, որ կորոնավիրուսով վարակված անձանցից 2-ը մահացել են։ Պացիենտները եղել են 47 և 69 տարեկան։
«Նրանցից մեկն ունեցել է ուղեկցող խրոնիկական հիվանդություններ»,– նշված է հաղորդագրության մեջ:
Նախարարությունից Sputnik Արմենիային հայտնեցին, որ մահացածները տղամարդիկ են, ուղեկցող հիվանդություններ է ունեցել 47 տարեկան տղամարդը։
Նշենք, որ կորոնավիրուսով վարակվածների թիվը վերջին մեկ օրում ավելացել է 134-ով և դարձել 2066, առողջացել է 929 մարդ, փաստացի բուժվողները 1103–ն են, ընդհանուր առմամբ 21 125 թեստավորում է իրականացվել։ Կորոնավիրուսից մահացածների թիվը 32 է։
Բարի լուր. հիվանդանոցից տուն են ճանապարհել կորոնավիրուսին հաղթած 94–ամյա կնոջ. լուսանկար
