ԵՐԵՎԱՆ, 25 ապրիլի – Sputnik. Հայաստանի շրջանների զգալի մասում ապրիլի 25–ի, 26-ի և 28-ի ցերեկը տեղումներ են սպասվում։ Տեղեկությունը հայտնում է «Հիդրոմետ» ծառայությունը։
«Առանձին վայրերում հնարավոր է ամպրոպ և կարկուտ: Ապրիլի 27-ին, 28-ի գիշերը սպասվում է առանց տեղումների եղանակ»,– նշված է հաղորդագրության մեջ:
Քամին կլինի հյուսիսարևմտյան՝ 3-8 մ/վ, ամպրոպի ժամանակ հնարավոր է քամու ուժգնացում՝ 15-20 մ/վ։
Օդի ջերմաստիճանն էապես չի փոխվի:
Երևանում ապրիլի 25-26-ը, 28-ի և 29-ի ցերեկը ժամանակ առ ժամանակ սպասվում է անձրև և ամպրոպ, ամպրոպի ժամանակ հնարավոր է քամու ուժգնացում՝ 15-17 մ/վ։ Ապրիլի 27-ին սպասվում է առանց տեղումների եղանակ:
Այսօր մայրաքաղաքում ցերեկային ժամերին օդի ջերմաստիճանը կտատանվի +11-ից +13–ի, գիշերային ժամերին` +7-ից +9-ի սահմանում։
