ԵՐԵՎԱՆ, 24 ապրիլի - Sputnik. Ճանաչված ու սիրված ռուս երգչուհի Ալսուն Instagram-ի իր էջում զվարճալի տեսանյութ է հրապարակել ռուսական շոուբիզնեսի կարկառուն ներկայացուցիչների մասնակցությամբ:
Տեսանյութի գլխավոր հերոսներն են Ալեքսեյ Չումակովը, Յուլիա Կովալչուկը, Ժասմինը, Զառան, հայտնի պրոդյուսեր, Comedy Club Production-ի հիմնադիր Արթուր Ջանիբեկյանի կինը՝ Էլինան, ճանաչված շոումեն Գարիկ Մարտիրոսյանի կինը`Ժաննա Լևինան, ինչպես նաև ինքը՝ Ալսուն:
«Որոշեցի մի փոքր խաթարել ընկերներիս տնային ձանձրույթը: Կարծում եմ՝ շատ զվարճալի ու պոզիտիվ է ստացվել։ Աղջիկներ, չթուլանաք, հիշեք, որ մենք պետք է ցանկացած իրավիճակում գեղեցիկ, խնամված ու սեքսուալ լինենք։ Միացեք այս չելենջին, ուրախացրեք ձեր սիրելիներին»,-գրել է նա:
View this post on Instagram
Տեսանյութի հերոսներն իրենց տեսքը չեն հավանում և վերափոխվում են «կախարդական» դիմահարդարման խոզանակի օգնությամբ: Այնպիսի տպավորություն է, որ նրանք մարտահրավեր են նետում միմյանց՝ խոզանակը փոխանցելով։
«Հոյակապ տեսք ունեք», «սքանչելի եք», «ինչ գայթակղիչ եք»,- հրապարակմանը կից գրել են երգչուհու երկրպագուները։
Ի՞նչ տեսք ունեին Գարիկ Մարտիրոսյանն ու նրա կինը 13 տարի առաջ. լուսանկար
Նշենք, որ սոցիալական մեկուսացման պայմաններում աստղերից շատերն են փորձում իրենց առօրյան հետաքրքիր դարձնել, միաժամանակ ձանձրույթից փրկելով իրենց հետևորդներին։
