Նիկոլ Փաշինյանն ընդունել է Անցումային արդարադատության միջազգային կենտրոնի (ICTJ) և Բաց հասարակության հիմնադրամների արդարադատության նախաձեռնության փորձագետներին, արխիվային լուսանկար

Փաշինյանը նրանց հույսերը չի՞ արդարացրել, կամ ինչո՞ւ են աղմկում «սորոսականները»

296
(Թարմացված է 18:27 22.04.2020)
«Սորոսական» թևը մի քանի անգամ դժգոհություն է հայտնել՝ բարեփոխումներ իրականացելու հարցում Հայաստանի իշխանությունների դանդաղկոտության առթիվ։

ԵՐԵՎԱՆ, 22 ապրիլի – Sputnik. Հայաստանի գործող իշխանության ներսում առնվազն երեք խմբավորում կամ շերտ գոյություն ունի, որոնք ներքին պայքար են մղում։ Եվ բացառված չէ, որ այդ խմբավորումներից մեկն իրեն նեղացած է զգում այդ պայքարում, ինչի մասին կարող է վկայել Սորոսի հիմնադրամի հայաստանյան մասնաճյուղի կայքում տեղադրված հայտարարությունը։ Sputnik Արմենիայի հետ զրույցում նման կարծիք հայտնեց քաղտեխնոլոգ Վիգեն Հակոբյանը։

Ավելի վաղ «Բաց հասարակության հիմնադրամներ - Հայաստան» կայքում ստորագրահավաք-հայտարարություն է հայտնվել, որի հեղինակները, նախևառաջ, ՀՀ իշխանություններից պահանջում են դատական համակարգի մարմինների լիակատար և համակողմանի ստուգում իրականացնել։ Երկրորդ՝ խոսվում է դատական համակարգի օրենսդրությունը բարեփոխելու անհրաժեշտության և նոր միայն ստուգումներ իրականացնելու մասին։ Եվ երրորդ՝ նրանք պահանջում են առաջին հերթին իրականացնել Բարձրագույն դատական խորհրդի անդամների ստուգում, քանի որ այդ մարմինը դատավորների վերահսկողության վերջին ատյանն է լինելու։

Հակոբյանը չի կարծում, որ այդ հայտարարությունը պատահականություն կամ առօրյա փաստաթուղթ է։ Նրա խոսքով՝ ՀՀ գործող իշխանությունը կոալիցիոն է։ Այն բաղկացած է մի քանի շերտից․ այդ շարքում է Նիկոլ Փաշինյանի քաղաքական թիմը, այսինքն՝ «Քաղաքացիական պայմանագիրը», քաղաքացիական հասարակության մի մասը, որոնց ընդունված է «սորոսականներ» համարել, և վերջապես՝ առանձին մարդիկ առաջին նախագահ Լևոն Տեր-Պետրոսյանի մտերիմ շրջապատից։ Այս երկու տարվա ընթացքում բոլոր հիշատակված թևերն իշխանության ներսում պայքար են մղում Փաշինյանի որոշումների վրա ազդեցություն ունենալու համար։

«Վերջին «լայվերում» վարչապետը խոսեց իշխանության ներսում առաջացած դժգոհությունների մասին։ Նա անձամբ ասաց, որ մեծ հիասթափություն կա, որովհետև փայերի բաժանում չի կատարվում, այդ մարդիկ այդպես էլ չեն ստացել տնտեսական կարկանդակի իրենց բաժինը և այլն։ Կարծում եմ,որ Սորոսի հիմնադրամի հայաստանյան կայքում հրապարակված հայտարարությունը տեղավորվում է այդ տրամաբանության մեջ»,-ասաց Հակոբյանը։

Նրա խոսքով՝ «սորոսական» թևը մի քանի անգամ տարբեր ձևերով դժգոհություն է հայտնել, որ նոր իշխանությունը չափազանց դանդաղ է գնում դեպի խոստացված փոփոխությունները։ Խոսքը ինչպես դատաիրավական բարեփոխումների, այնպես էլ կառավարության ֆինանսատնտեսական բլոկի աշխատանքի մասին է։ Մասնավորապես, այդ կառույցներին դուր չի գալիս այն, որ տնտեսական բլոկի որոշ ներկայացուցիչներ նախկին իշխանության հետ աշխատած մարդիկ են։ Ըստ էության, սորոսականներն իրենց սպասելիքներն ու հաշվարկներն ունեին, բայց իրականությունը, պարզվեց, այլ է։

«Հակասորոսական պայքարում մեզ հետ արդեն տարբեր երկրներ են համագործակցում». Նարեկ Մալյան

«Հիմա նրանք դժգոհ են նրանից, որ դատավորների վեթինգն այդպես էլ չկայացավ։ Բայց եկեք հասկանանք, թե ինչ է վեթինգը։ Չէ՞ որ բացի դատավորների բուն ստուգման գործընթացից, բացի ձևական կողմից, դա նաև ավելի խորքային տեղեկություններ հավաքելու հնարավորություն է։ Վեթինգի մեխանիզմը այդ ստուգման հետևում կանգնած ուժերին թույլ է տալիս հասանելիություն ստանալ քաղաքական և տնտեսական բնույթի տեղեկության»,- նշեց Հակոբյանը։

Փորձագետը վստահ չէ, որ դատական վեթինգին չէր հետևի այլ ոլորտների վեթինգը, այդ թվում՝ անվտանգության ոլորտի։ Այդ առումով, ըստ Հակոբյանի, ստորագրահավաքի հեղինակների դժգոհությունը միանգամայն կարելի է «հասկանալ։

Հիշեցնենք, որ հայտարարությունը ստորագրած կազմակերպությունները մի քանի անգամ գրանտներ են ստացել «Բաց հասարակության հիմնադրամներ - Հայաստանից», որը ժողովրդին հայտնի է «Սորոսի հիմնադրամ» անունով։ Դրանք են՝ Հելսինկյան Քաղաքացիական Ասամբլեայի Վանաձորի գրասենյակը, «Բաց հասարակության հիմնադրամներ - Հայաստանը», «Ասպարեզ» լրագրողական ակումբը, «Իրավունքների պաշտպանություն առանց սահմանների» ՀԿ-ն, «Իրավունքների զարգացման և պաշտպանության» հիմնադրամը, «Թրանսփարենսի Ինթերնեշնլ» հակակոռուպցիոն կենտրոնը։

Սորոսն ինձ հետ հանդիպելու ցանկություն էր հայտնել. Փաշինյան

296
թեգերը:
Վիգեն Հակոբյան, Նիկոլ Փաշինյան, Հայաստան
Ըստ թեմայի
Արևմտյան «բլիթներ» հայերի համար. ուսանողների դասադուլն արդյո՞ք միայն Սորոսն է հովանավորում
Սորոսը լքում է Թուրքիան
Բլոգեր Նարեկ Մալյանի վրա հարձակումից հետո Սորոսի հիմնադրամը հայտարարություն է տարածել
ՀՀ ԶՈՒ կին-դիպուկահար

«Զինկոմիսարիատում չընդունեցին` եկա այստեղ». Հայաստանում կանանց գումարտակ է ստեղծվում

945
(Թարմացված է 21:03 30.09.2020)
Աղջիկների մեծ մասը խնդրեց իրենց չլուսանկարել և նույնիսկ չնշել անունները, քանի որ եղբայրներից, հայրերից ու ամուսիններից գաղտնի են եկել գրանցվելու ռազմաճակատ մեկնելու համար։

ԵՐԵՎԱՆ, 30 սեպտեմբերի - Sputnik. Կարճ սանրվածքով, սև ուսապարկով, աշխույժ և ինքնավստահ աղջիկ։ Նա թռչկոտելով դուրս է գալիս ՀՀ ՊՆ–ին կից հասարակական խորհրդի շենքից, որտեղ արդեն երկու օր է՝ կին կամավորներ են գրանցում՝ կանանց միակ գումարտակն Արցախ ուղարկելու համար։

«Ընդունեցին։ Ճակատ եմ գնում», – ասում է նա ուրախ։

Անունը խնդրում է չնշել. կամավոր գրանցվելու և պատերազմ մեկնելու իր որոշման մասին տանը չգիտեն։ Նա ընդամենը 20 տարեկան է։

Наклейка Национального Героя Армении Монте Мелконяна на такси у места сборов женского батальона добровольцев
© Sputnik / Andranik Ghazaryan
Հայաստանի հերոս Մոնթե Մելքոնյանի նկարը կանանց գումարտակի հավաքակայանի մոտ՝ տաքսու ապակու վրա

«Ինչու եմ ուզում Արցա՞խ մեկնել։ Իսկ ո՞նց կարամ չուզեմ։ Բոլորն են ուզում պաշտպանել հայրենիքը, ես էլ։ Մի քանի օր է ուղիներ եմ փնտրում առաջնագիծ գնալու համար։ Զինկոմիսարիատում ինձ չընդունեցին, գրողի ծոցն ուղարկեցին, սկսեցի ընկերներից ուրիշ հնարավորությունների մասին հարցուփորձ անել։ Սոցցանցերում հայտարարություն տեսա կանանց գումարտակի ձևավորման մասին ու եկա։ Ուրախությանս չափ ու սահման չկա», – ասում է նա։

ՊՆ–ին կից հասարակական խորհրդի շենքում մեծ հերթ է գոյացել։ Այստեղ հավաքվել են տարբեր տարիքի կանայք և աղջիկներ։ Ոմանք ընկերուհու հետ են եկել, մյուսները` մենակ, ոմանք մարզահագուստով ու սպորտային կոշիկներով են, մյուսները չեն մոռացել դիմահարդարման մասին։

Աղջիկների մեծ մասը խնդրեց իրենց չլուսանկարել և նույնիսկ չնշել իրենց անունները, քանի որ ռազմաճակատ գնալու համար գրանցվելու են եկել եղբայրներից, հայրերից ու ամուսիններից գաղտնի։ Այդ է պատճառը, որ աղջիկներին ուղեկցող տղամարդիկ հերթում չկան։

В Армении собирается женский батальон добровольцев
© Sputnik / Andranik Ghazaryan
Հայաստանում կանանց գումարտակ է կազմավորվում

Կանանց գումարտակի կազմավորմամբ զբաղվում է ոստիկանության փոխգնդապետ Մարինե Այրումյանը։ Նա ասում է, որ կանանց գումարտակ ստեղծելու միտքը հանկարծակի է եկել, երբ որոշեց մեկնել ռազմաճակատ ՕՄՕՆ–ական գործընկերների հետ, բայց իրեն չվերցրին։

«Այդ ժամանակ որոշեցի կանանց գումարտակ ստեղծել, ամեն ինչ համաձայնեցրի ղեկավարիս` գնդապետ Գրիշա Սարգսյանի և ՊՆ–ի հետ։ Արդեն երկրորդ օրն է՝ 18-55 տարեկան կանանց ու աղջիկների ենք գրանցում։ Մեզ Երևանում զորավարժարան կտրամադրեն, մի քանի օրում պատրաստություն կանցնենք ու կմեկնենք Արցախ», – ասաց Այրումյանը։

Командующая женским батальоном добровольцев, подполковник полиции Марине Айрумян
© Sputnik / Andranik Ghazaryan
Փոխգնդապետ Մարինե Այրումյան

Ի դեպ, Sputnik Արմենիայի նկարահանող խումբը պայմանավորվել է նկարահանել կանանց գումարտակի զինվորական պատրաստությունը, և անպայման ընթերցողներին զորավարժարանից ռեպորտաժ կներկայացնի։ Բավական հետաքրքիր կլինի, չէ՞ որ գրանցվածների թվում արդեն 150 աղջիկ կա, նրանց թվում թե՛ արդեն կրակել իմացողներ, թե՛ բոլորովին անպատրաստներ։

35-ամյա Անգինե Իսանյանսը ծնվել ու մեծացել է Իրանում, Հայաստան է տեղափոխվել ընտանիքով, երբ 17 տարեկան է եղել։ Նա, օրինակ, մարտական պատրաստվածություն ունի. աղջիկը մի քանի տարի սկաուտ է եղել։ Նա և՛ կրակել գիտի, և՛ հիանալի ֆիզիկական մարզավիճակում է։

«Շուշին պապերիս քաղաքն է, Արցախն իմ հողն է։ Կարդացի կանանց գումարտակի մասին հայտարարությունն ու եկա։ Հիմա անհամբեր հեռախոսազանգի եմ սպասելու», – ասում է Անգինեն ու նույնպես խնդրում, որ չլուսանկարենք. իր նախաձեռնությունը ևս ընտանիքից գաղտնի է։

Իսկ ահա 26-ամյա Աշխեն Մուդիրյանը հանգիստ է վերաբերում ֆոտոխցիկին։

Девушка-доброволец Ашхен Мудирян
© Sputnik / Andranik Ghazaryan
Աշխեն Մուդիրյան

«Ինքս եմ գլխիս տերը, ինքս եմ որոշում ուր ու երբ գնամ», –հպարտ ասում է աղջիկը։

Աշխենը կրակել չգիտի, բայց բոլորովին չի մտահոգվում այդ առիթով։

«Ամեն ինչ կսովորեմ ու ռազմաճակատ կմեկնեմ», – չի կասկածում մեր զրուցակիցը։

Կանանց գումարտակի հրամանատար Մարինե Այրումյանը պատմում է, որ 2 օրվա ընթացքում արդեն 35 կնոջ է մերժել։

«Նախ կարևոր գործոն է տարիքը։ Մեզ մոտ 17 տարեկան 14 աղջիկ եկան, նրանք անչափահաս են, դպրոցը չեն ավարտել, բայց մարտի են ուզում գնալ։ Նրանց ասացինք սպասեք, ձեր ժամանակը դեռ չի եկել։ Երկրորդը` հաշվի ենք առնում երեխաների առկայությունը։ Չենք ընդունում նրանց, ովքեր 4-ից ավելի երեխա ունեն, կամ էլ երեխաները շատ փոքր են։ Վերջերս մի աղջիկ էր եկել, որը 9-ամսական երեխա ունի։

Ասում էր, որ երեխային կթողնի բարեկամների մոտ, վիճում էր մեզ հետ, ապացուցում, որ կարող է։ Բայց մենք նրան, իհարկե, չվերցրինք։ Մեկ այլ աղջիկ էլ հետևում էր մեր խոսակցությանը, հետո մոտեցավ ինձ ժպտալով ու ասաց. «Ինչ մարդկային եք նույնիսկ այս ծանր օրերին», – ասում է Այրումյանը։

Добровольцы у входа в пункт записи и приема новобранцев
© Sputnik / Andranik Ghazaryan
Կամավորները հավաքակայանի մուտքի մոտ

Նա նշում է, որ կանանց գումարտակը ոչ միայն կռվելու է հակառակորդի դեմ, այլև աշխատելու է թիկունքում` լվացք անել, կերակուր պատրաստել, բուժել։ Բազմաթիվ բուժքույրեր, լրագրողներ, ռեժիսորներ, լեզվաբաններ և այլ մասնագիտությունների կանայք ու աղջիկներ են գրանցվել։ Յուրաքանչյուր կամավոր աղջկա համար ռազմաճակատում տեղ կգտնվի։ Երևանում ռազմական պատրաստության կուրսն ավարտելուց հետո ՀՀ ՊՆ–ի հետ համաձայնեցմամբ կորոշվի, թե կոնկրետ որտեղ կտեղակայեն կանանց գումարտակն ու ինչով է այն զբաղվելու։

Առաջին Ղարաբաղյան պատերազմի տարիներին` 90-ականներին, առաջնագծում մի քանի կանանց գումարտակ էր մարտնչում։ Երևանի «Եռաբլուր» ռազմական պանթեոնում հերոսաբար զոհված 7 հայուհի է ննջում։

945
թեգերը:
Պատերազմ, Արցախ, Կանանց գումարտակ, կամավոր
թեմա:
Ադրբեջանական ագրեսիա Արցախում. 2020
Ըստ թեմայի
Խաղաղ ժամանակ՝ ձյուդոիստ, կռվի ժամանակ՝ հայրենիքի պաշտպան. Սոսե Բալասանյանը` առաջնագծում
«Որդուս 16 տարի առաջ եմ հայրենիքին նվիրել». օդաչու Վալերիի մասին պատմում են ծանոթները
«Ամուսինս Արցախում է. ո՛չ մեկնելուց ենք գրել, ո՛չ էլ սպասել է, որ իրեն կանչեն». Սիրուշո
Սիրուշո

«Ամուսինս Արցախում է. ո՛չ մեկնելուց ենք գրել, ո՛չ էլ սպասել է, որ իրեն կանչեն». Սիրուշո

470
(Թարմացված է 20:26 30.09.2020)
Երգչուհի Սիրուշոն անդրադարձել է այն քննարկումներին, թե ինչու իր ամուսինը` ՀՀ երկրորդ նախագահի որդին, Արցախում չէ։

ԵՐԵՎԱՆ, 30 սեպտեմբերի - Sputnik. Երգչուհի Սիրուշոն Instagram–ի իր էջում ամուսնու հետ լուսանկար է հրապարակել Արցախից և անդրադարձել այն քննարկումներին, թե ուր է Լևոն Քոչարյանը, արդյո՞ք առաջնագծում է։

«Ամուսինս, այո, Արցախում է։ Ո՛չ մեկնելուց ենք հարկ համարել գրել, ո՛չ էլ սպասել է, որ իրեն կանչեն: Այն անհանգստությունը, որն իմ մեջ է այս օրերին կհասկանան միայն այն մարդիկ, որոնք այս պահին հարազատներ ունեն այնտեղ»,– գրել է երգչուհին։

«Հզոր ժողովուրդ, որին հնարավոր չէ հաղթել». Փաշինյանը կամավորներին ճանապարհելն է տեսել

Սիրուշոյի խոսքով` առաջին օրից արել և անում են այն ամենն, ինչը հնարավոր է մարդկանց օգնելու համար։

«Չենք պատրաստվում ամեն օգնության ժամանակ «ստատուս» գրել այդ մասին»,– շեշտել է երգչուհին։

Посмотреть эту публикацию в Instagram

Публикация от Sirusho (@sirushoofficial)

Նա նշել է, որ իր պաշտոնական հարթակները ծառայում են միջազգային հանրությանը կատարվածի մասին իրազեկելու ուղղությամբ: Որևէ այլ գրառում կատարելու ցանկություն ու տրամադրություն այս պահին չունի։

Նշենք, որ ՀՀ երկրորդ նախագահ Ռոբերտ Քոչարյանը երեկ մեկնել է Արցախի Հանրապետություն։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Առաջնագիծ են գնում նաև նախարարների որդիները. Հովհաննիսյանը հուզիչ գրառում է արել

Ըստ այս պահին հայտնի տեղեկությունների` Ադրբեջանը զրկվել է նաև 75 ԱԹՍ–ից, 7 ուղղաթիռից, 151 զրահատեխնիկայից, 1 ինքնաթիռից։ Արցախում և Հայաստանում ռազմական դրություն և համատարած զորահավաք է հայտարարվել։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

470
թեգերը:
երգչուհի, Պատերազմ, Լևոն Քոչարյան, Սիրուշո, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Հայաստանում ապրող ասորիներն էլ են կամավորագրվում
Սյունիքի մարզում իրավիճակը վերահսկելի է, միայն անհրաժեշտ են արյան կամավոր դոնորներ
Կամավորներին տեղափոխել է, մեքենայից իջել և պայթյուն լսել. մանրամասներ ավտոբուսի պայթյունից

Ինչպես պետք է լուծել Ղարաբաղյան հակամարտությունը

0
0