ԵՐԵՎԱՆ, 22 ապրիլի — Sputnik. ՄԱԿ–ի պարենի և գյուղատնտեսակնան կազմակերպության միջոցով ՀՀ էկոնոմիկայի նախարարությունն իրականացնում է մեկ ծրագիր, ըստ որի`մինչև հոկտեմբեր Հայաստանը թվայնացված հողագիտական քարտեզներ կունենա։ Կառավարության մամուլի կենտրոնում կայացած ասուլիսի ժամանակ հայտնեց ՀՀ էկոնոմիկայի նախարարի տեղակալ Արման Խոջոյանը։

© Sputnik / Andranik Ghazaryan

«Գյուղատնտեսական վարկերի տոկոսները կզրոյացվեն»․ Փաշինյան

«Հողագիտական քարտեզներում կերևա` որտեղ ինչ հողատեսակներ կան և ներդրողները դրանք ինչի համար կարող են օգտագործել»,–ասաց նա։

Փոխնախարարի խոսքով` այս օրերին մեծ հետաքրքրություն և պահանջարկ կա գյուղատնտեսական ոլորտում կառավարության կողմից տրամադրվող աջակցությունների վերաբերյալ։ Կենտրոնական բանկի տրամադրած տվյալներով` ավելի քան 13 000 հայտադիմում է ներկայացվել, որի ամբողջ ծավալը կազմում է 27.6 մլրդ դրամ։ Այսօրվա դրությամբ` արդեն իսկ հաստատվել են 2943 հայտ` 4.34 մլրդ դրամային արժեքով։

Խոջոյանը հայտնեց, որ քննարկվում են պետական օժանդակության այլ ծրագրեր նույնպես։ Օրինակ՝ հնարավորություն են տալու, որ ոչ միայն ինտենսիվ այգեգործությամբ զբաղվողները օգտվեն կառավարության ծրագրերից, այլ նաև նրանք, ովքեր ավանդական այգեգործությամբ են զբաղվում։

Անդրադառնալով միջազգային կառույցների հետ համագործակցությանը և դրա հետևանքով Հայաստանի գյուղատնտեսության ոլորտին տրամադրվող աջակցությանը` Խոջոյանն ընդգծեց, որ Համաշխարհային բանկը 550 մլն դրամի դրոմաշնորհ կտա առնվազն 30 վերամշակող կազմակերպությունների` արտադրական կարողությունների վերազինման և սննդի անվտանգության պայմանների բարելավման համար։ Դրամաշնորհին դիմելու համար մրցույթն արդեն իսկ հայտարարվել է։ Նույն ծրագրի շրջանակում 39 կոոպերատիվի կտրամադրվի 190 միավոր գյուղտեխնիկա։

ԵՄ–ի «Կանաչ գյուղատնտեսական նախաձեռնությունը Հայաստանում» ծրագրով Հայաստանին 460 000 եվրո կտրամադրվի։ Իսկ ՄԱԿ–ի Զարգացման գործակալության մեկ այլ ծրագրով առաջիկայում Գեղարքունիքի և Վայոց Ձորի փոքր և միջին ձեռնարկատերերին կտրամադրվի մինչև 20 000 դոլար դրամաշնորհ։

© Sputnik / Asatur Yesayants

Կորոնավիրուսի համավարակն ու Հայաստանի տնտեսությունը. կկարողանա՞նք ոտքի վրա մնալ

«Գյուղատնտեսության զարգացման միջազգային հիմնադրամը` IFAD–ը, կֆինանսավորի հետբերքահավաքային կարողությունների զարգացման համար երկու ծրագիր, որը ենթադրում է սառնարանային տնտեսությունների կառուցում։ Այսինքն` 550 000 դոլար արժողությամբ երկու սառնարան կկառուցվի Գեղարքունիքի մարզի Վարդենիկ և Շիրակի մարզի Հոռոմ համայնքներում»,– նշեց Խոջոյանը։

Խոսելով պարենային անվտանգության հարցերի մասին` փոխնախարարը հայտնեց, որ ԵԱՏՄ անդամ երկրների շրջանակում ուսումնասիրություններ են իրականացվել և 2020-ին ակնկալվում է 46 մլն տոննա ցորենի, և 510 000 տոննա շաքարի պրոֆիցիտ։

Մասնավորապես, միայն Ռուսաստանը 41 տոննա ցորենի պրոֆիցիտ է ունենալու։ Հայաստանն, ի դեպ, այս պահին ունի 52 500 հա ցորենի ցանքատարածություն։

Հիշեցնենք, որ դեռ նախորդ ամիս` մարտի 26-ին, ՀՀ էկոնոմիկայի նախարար Տիգրան Խաչատրյանը, կառավարության նիստում ներկայացնելով կորոնավիրուսի տնտեսական հետևանքների հակազդման միջոցառումների ծրագրի` գյուղատնտեսությանն ուղղված բաղադրիչը, ասել էր, որ կառավարությունը որոշել է զրոյացել գյուղատնտեսական ծրագրերով գյուղացիական տնտեսություններին տրվող վարկերի բոլոր տոկոսադրույքները:

ԵՐԵՎԱՆ, 3 մարտի - Sputnik. ՀՀ գլխավոր դատախազությունը հերքում է Զինված ուժերի գլխավոր շտաբի պետ Օնիկ Գասպարյանի նկատմամբ քրեական վարույթ հարուցելու մասին լուրերը: Sputnik Արմենիային այս մասին հայտնեցին ՀՀ գլխավոր դատախազության հանրային կապերի բաժնից։

«Քրեական վարույթներն ընդհանրապես քրեադատավարական սուբյեկտ չհանդիսացող անձանց քաղաքական հրահանգների հիման վրա չեն հարուցվում, այլ առերևույթ հանցագործության դեպքի կամ փաստի: Օնիկ Գասպարյանի վերաբերյալ որևէ քրեական վարույթ չկա հարուցված»,–ասացին գլխավոր դատախազության հանրային կապերի բաժնից:

© Sputnik / Asatur Yesayants

Սահմանադրությունը չի նախատեսում ԳՇ պետին ազատելու ընթացակարգ. Մելոյան

Հիշեցնենք, որ ԶԼՄ–ներում լուրեր էին տարածվել, որ քաղաքական հրահանգ է տրված, որպեսզի քրեական գործ հարուցեն Զինված ուժերի գլխավոր շտաբի պետ Օնիկ Գասպարյանի դեմ:

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ

Երեկ հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

Հայրենիքի փրկության շարժումը այդ տեղեկությունից հետո հայտարարեց, որ շտապ հանդիպում է պահանջում նախագահի հետ։