Վանաձոր. արխիվային լուսանկար

Աշխատակիցները ներխուժել են Վանաձորի «Գլորիա» ֆաբրիկայի տարածք և աշխատանք են պահանջում

149
(Թարմացված է 20:08 21.04.2020)
Պարետատան որոշմամբ արտակարգ դրության ընթացքում բողոքի ակցիաներն արգելված են։ Այդ պատճառով էլ ակցիայի մասնակիցներից մի քանիսին կանչել են ոստիկանական բաժանմունք։

ԵՐԵՎԱՆ, 21 ապրիլի – Sputnik․ Վանաձորում «Գլորիա» ֆաբրիկայի մի քանի տասնյակ աշխատակիցների մասնակցությամբ բողոքի ակցիա է տեղի ունեցել։ Աշխատակիցները, հիմնականում կանայք, քայլերթ են իրականացրել քաղաքում, հասել են ֆաբրիկայի փակ շենքին և կարողացել ներս մտնել։ Նրանք պահանջում են վերսկսել ֆաբրիկայի աշխատանքը։

«Ինչքա՞ն կարող է ժողովուրդը տանը նստել։ Մեզ պարապուրդի համար վճարել են, բայց դրանք կոպեկներ են։ Մենք նորմալ աշխատել ենք ուզում»,- Sputnik Արմենիայի թղթակցի հետ զրույցում ասաց ֆաբրիկայի աշխատակցուհին։

Պարետատան որոշմամբ՝ արտակարգ դրության ընթացքում բողոքի ակցիաներն արգելված են։ Այդ պատճառով մասնակիցները խնդիրներ են ունեցել ոստիկանության հետ։ Ակցիայի որոշ մասնակիցների կանչել են ոստիկանական բաժանմունք։

«Ոստիկանությունը ոչ մեկին չի ձերբակալել. մարդկանց կանչել են արձանագրություն կազմելու համար։ Նրանց հետ զրուցել են, և նրանք գնացել են, հիմա տեղամասում քաղաքացի չկա»,-պարզաբանեցին ՀՀ ոստիկանության մամուլի ծառայությունից։

Վանաձորի քաղաքապետ Մամիկոն Ասլանյանը Sputnik Արմենիայի թղթակցի հետ զրույցում ասաց, որ մտնում է աշխատակիցների դրության մեջ, բայց համավարակն ու արտակարգ դրության ռեժիմն իրենց կանոններն են թելադրում։ 

«Ես քիչ առաջ խոսեցի ֆաբրիկայի տնօրենի հետ (Բագրատ Դարբինյանի,-խմբ․), նա ասում է, որ պատրաստ է վերսկսել ֆաբրիկայի աշխատանքը, բայց այդ որոշումը միայն իրենից չի կախված։ Մենք հասկանում ենք, որ մարդկանց համար դժվար է առանց աշխատավարձի, բայց չպետք է որոշումներ կայացնենք, որոնց համար հետագայում ստիպված կլինենք զղջալ։ Վարչապետը հայտարարել է, որ այս շաբաթ որոշ ձեռնարկությունների թույլ կտան աշխատել։ Բոլորս պետք է սպասենք պարետատան որոշմանը»,-ասաց Ասլանյանը։

Վարչապետի և պարետատան մամուլի քարտուղար Մանե Գևորգյանն ասաց, որ տեքստիլ ֆաբրիկաների աշխատանքի վերսկսման հարցով պարետատան որոշումը կլինի մոտակա ապագայում։

«Առայժմ որոշում չի ընդունվել: Ամենայն հավանականությամբ, ամեն ինչ կվճռվի վաղը։ Առայժմ կարող ենք ասել միայն, որ բողոքի ակցիաներն արգելված են»,-ասաց Գևորգյանը։

Հիշեցնենք՝ Հայաստանում կորոնավիրուսի տարածման դեմ պայքարի նպատակով արտակարգ դրություն է գործում։ Սահմանափակված է տնտեսական գործունեությունը։ Ոստիկանությունը և ԱԱԾ-ն քաղաքացիների եւ ավտոմեքենաների տեղաշարժը վերահսկելու համար անցակետեր են տեղադրել:

Հասարակական տրանսպորտի գործունեությունն արգելված է (բացի տաքսիներից և երկաթուղուց): Աշխատանքի դուրս գալու համար անհրաժեշտ է ունենալ անձը հաստատող փաստաթուղթ և տեղեկանք գործատուից: Պետական գերատեսչությունների դեպքում նման տեղեկանքները կարող են փոխարինվել ծառայողական վկայականներով:

Կորոնավիրուսի ախտորոշման թեստավորում արդեն իրականացվում է նաև Վանաձորում

149
թեգերը:
ՀՀ Ոստիկանություն, աշխատավարձ, աշխատանք, Բողոքի ակցիա, Արտակարգ դրություն, Վանաձոր
Ըստ թեմայի
Մարդիկ փողոցում շատացել են. Ոստիկանությունն իր բացատրությունն ունի
Հայաստանում կորոնավիրուսով վարակվածների թիվը կրկին ավելացել է, այս անգամ`62–ով
Կառավարությունն ընդունեց արտակարգ դրությունը երկարացնելու մասին որոշումը
Երևանյան շենք. արխիվային լուսանկար

Կառավարությունը գումար հատկացրեց Ադրբեջանից բռնագաղթածների բնակարանների համար

2
(Թարմացված է 13:02 27.05.2020)
Վարչապետը կարևորեց, որ պարտադիր պայման լինի նաև այն, որ նոր բնակարան գնելուց հետո շահառուն հրաժարվի ժամանակավոր կացարանից ու այդ տարածքը վերադարձնի պետությանը:

ԵՐԵՎԱՆ, 27 մայիսի – Sputnik. 1988-1992 թվականներին Ադրբեջանից բռնագաղթած, բնակարանի առաջնահերթ կարիք ունեցող 112 ընտանիք կապահովվի բնակարանով: Այսօր նման որոշում ընդունվեց ՀՀ կառավարության նիստում:

Ինչպես նիստի ընթացքում զեկուցեց ՀՀ տարածքային կառավարման ու ենթակառուցվածքների նախարար Սուրեն Պապիկյանը, բնակարանները կարող են ձեռք բերվել Երևան քաղաքի Կենտրոն, Էրեբունի, Նոր Նորք, Արաբկիր, Դավթաշեն վարչական շրջաններում։

Այդ նպատակով կառավարությունը հատկացրել է ընդհանուր առմամբ 2 169 750 000 դրամ: 

«Գործընթացի արդյունքում պարզ դարձավ, որ կան անձինք, որոնց ՀՀ քաղաքացիության ձեռքբերումը բավականին երկատև գործընթաց է, հետևաբար առաջարկում ենք սահմանել, որ ԲԳՎ կարող են ձեռք բերել նաև այն դեպքում, երբ ՀՀ քաղաքացիության ձեռքբերման գործընթացը սկսվել է, բայց պայմանով, որ տրամադրված ԲԳՎ-ից կարող են օգտվել միայն վերջնական քաղաքացիության ձեռքբերման դեպքում»,-ասաց Պապիկյանը:

Վարչապետն էլ կարևորեց, որ պարտադիր պայման լինի նաև այն, որ նոր բնակարան գնելուց հետո շահառուն պետք է հրաժարվի ժամանակավոր կացարանից ու այդ տարածքը վերադարձնի պետությանը: Փաշինյանը շեշտեց, որ նախկինում նման դեպքեր եղել են, երբ բնակարանը գնվել է, բայց քաղաքացին շարունակել է բնակվել հանրակացարանում՝ վաճառելով կամ վարձակալության տալով նոր բնակարանը:

Կառավարությունը հստատեց որոշումը: Վարչապետն էլ հանձնարարեց հատուկ ուշադրություն դարձնել իր մատնանշած խնդրին:

2
Նիկոլ Փաշինյանն ու Տիգրան Ավինյանը. արխիվային լուսանկար

Եթե կա 7000 ախտորոշված դեպք, նշանակում է` կա 14 000 վարակակիր. Փաշինյան

17
(Թարմացված է 13:01 27.05.2020)
ՀՀ վարչապետը չի բացառում, որ դիմակներ կրելու պահանջն ավելի կխստացվի: Դիմակ կրելը պարտադիր կդառնա բոլոր վայրերում:

ԵՐԵՎԱՆ, 27 մայիսի — Sputnik. Կառավարության այսօրվա նիստում ՀՀ վարչապետ Նիկոլ Փաշինյանը հայտարարեց, որ Հայաստանում կորոնավիրուսի համավարակը թևակոխել է երկրորդ փուլ։

«Հայաստանում հաստատվել է կորոնավիրուսի համաճարակի բավականին ծանր իրավիճակ: Ըստ էության, գործ ունենք համավարակի երկրորդ ալիքի հետ»,- ասաց վարչապետը:

Այդուհանդերձ, Փաշինյանը վստահեցրեց, որ կառավարությունն ու պարետատունը գիտեն ինչպես պայքարել վարակի դեմ ու կանխել այն։ 

«Պետք է դիմակ կրել, պարբերաբար ախտահանել կամ լվանալ ձեռքերն ու պահպանել սոցիալական հեռավորություն»,- ասաց Փաշինյանը:

Վարչապետը հայտարարեց, որ Հայաստանում այսօր կան կորոնավիրուսով հիվանդ հազարավոր անձինք, որոնք իրենք էլ չգիտեն, որ վարակված են, քանի որ ոչ մի ախտանշան չունեն:

Միջմարզային ճանապարհներին կրկին գործելու են անցակետեր. Փաշինյանը խոսեց խստացումների մասին

«Այսօր եթե երկրում կա 7000 ախտորոշված դեպք, դա նշանակում է, որ կա 14 000 վարակակիր, որոնց 90 տոկոսը չգիտի, որ ինքը վարակակիր է: Այսինքն՝ ինքը չգիտի, որ ինքը վարակակիր է ու կարող է վարակել ուրիշներին»,- ասաց վարչապետը

Ըստ Փաշինյանի` սա է պատճառը, որ կառավարությունն առավելապես կարևորում է դիմակներ կրելու ու սոցիալական հեռավորություն պահելու պահանջի պահպանումը:

Միաժամանակ վարչապետը հայտարարեց, որ ժամանակն է ավելի լրջացնելու վերահսկողությունն ու անհրաժեշտության դեպքում կիրառելու ավելի խիստ միջոցներ:

«Եթե դիմակ կրելու պահանջը չպահպանվի, մենք ընդհանրապես պարտադիր կդարձնենք բոլոր տեղերում դիմակ կրելը»,- ասաց վարչապետը:

Դիմակ կրելու պահանջը, վարչապետի խոսքով, առաջին հերթին պետք է պահպանեն պաշտոնյաները, բացառությամբ այն դեպքերի, երբ իրենց աշխատասենյակում մենակ են: Մնացած բոլոր դեպքերում նրանք պետք է լինեն դիմակներով:

Նշենք, որ մայիսի 27–ի տվյալներով` Հայաստանում կորոնավիրուսով վարակվածների թիվը 7774 է։ Այս պահին փաստացի բուժում է ստանում 4377 մարդ, կատարվել է 53678 թեստավորում, առողջացել են վարակվածներից 3255–ը։ Մեկ օրում գրանցվել է մահվան 7 դեպք։

Իրավիճակը բարդանում է. Փաշինյանն ասաց` վարակի դեպքերի 75-80 տոկոսը որտեղից են գալիս

17
թեգերը:
Տիգրան Ավինյան, Հայաստան, Նիկոլ Փաշինյան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
«Կորոնավիրուսի հետ կապված մեր գործերը լավ չեն». Փաշինյանը նոր տվյալներ հրապարակեց
Դիմորդները կասեն՝ էս կորոնավիրուսը «լազաթ» տվեց. Փաշինյան
Իրավիճակը բարդանում է. Փաշինյանն ասաց` վարակի դեպքերի 75-80 տոկոսը որտեղից են գալիս