Կորոնավիրուս. Երևան

Ագրեսիա՞, վախե՞ր... հոգեբաններն ասել են` ինչ հետևանքներ կթողնի համավարակը

271
(Թարմացված է 23:55 20.04.2020)
Ինչ խնդիրներ կարող են առաջանալ կորոնավիրուսի համավարակի նահանջից հետո, ովքեր կարող են նոր ֆոբիաներ ձեռք բերել. հոգեբանները վերլուծել են իրավիճակն ու կանխատեսել մոտ ապագայում մարդկանց սպասվող հոգեվիճակը։

Նանա Մարտիրոսյան, Sputnik Արմենիա

Համավարակն իր շտկումներն է մտցրել մոլորակի բնակչության կենսակերպում՝  նրանց նոր սովորություններ «նվիրելով»։ Ոմանք սկսել են տնային պայմաններում սպորտով զբաղվել, ոմանք սովորել են երաժշտական գործիքներ նվագել կամ խոհարարական ունակություններ են զարգացրել, իսկ շատերը նոր վախեր են ձեռք բերել։

Սոցիալական ցանցերը լի են անտիսեպտիկների ու ախտահանիչների չարաշահումից ստացած այրվածքների մասին պատմություններով: Sputnik Արմենիայի թղթակիցը վերջերս իր տարեց հարևանուհուն «հետաքրքիր» զբաղմունքի վրա էր բռնացրել։ Կինը` համապատասխան արտահագուստով(դիմակ, ձեռնոց, գլխանոցով հագուստ), սանդղահարթակի վրա մեկ առ մեկ տոպրակից հանում էր իր գնած ձավարեղենի փաթեթները, շշերն ու տուփերը, մանրակրկիտ ախտահանում և միայն դրանից հետո էր ներս տանում։ 

Նա խոսոտվանել է, որ շատ է վախենում վիրուսից։ Բայց իր հետ համեմետ, մյուս հարեևանուհու պատմությունն իրոք որ  ինտրիգային է, նա «հաստատ ֆոբիա ունի»։ Կինն արդեն երկրորդ ամիսն է՝ առհասարակ տնից դուրս չի գալիս և անգամ չի օդափոխում բնակարանը՝ վախենալով, որ մոտակա հյուրանոցներում մեկուսացված մարդիկ կարող են «ամեն տեսակ վարակներ արտաշնչել», և կորոնավիրուսը կարող է նրա տուն մտնել։

Հոգեբան Սամվել Խուդոյանը Sputnik Արմենիայի հետ զրույցում ասում է, որ այս օրերին շատ քաղաքացիների մոտ է խուճապը մեծ, ինչը միանգամայն օրինաչափ է։ Այնուամենայնիվ նա վստահ է, որ լուրջ ֆոբիաներ առաջ չեն գա։ Մարդիկ աստիճանաբար կվերադռնան հին կենսակերպին և հնարավոր է՝ լիովին մոռանան այսօրվա վախերը։ Խուդոյանը համոզված է, որ նոր սովորությունները՝ սպորտը, համակարգչային խաղերը, խոհարարությունը կամ ձեռքերը հաճախ լվանալը կմնան, սակայն հիվանդանալու վախը, ամենայն հավանակնությամբ, կանհետանա։

«Մարդիկ կսկսեն ավելի հաճախ գրկախառնվել, համբուրվել, աղմկոտ հարսանիքներ նշել, ընկերների հետ ժամանակ անցկացնել։ Նրանք կփորձեն անել այն ամենը, ինչից զրկված են եղել այս ամբողջ ընթացքում»,-կարծում է հոգեբանը։

Ինչպես պետք է հղիները պաշտպանվեն կորոնավիրուսից

Խուդոյանը սակայն վախենում է, որ համավարակից հետո կաճի հասարակական ագրեսիան, ինչը կարող է այլ, միջանձնային հարաբերությունների հետ կապված լուրջ խնդիրների հանգեցնել։ Եվ առաջին հերթին դա նախուսափելիորեն կհարվածի ընտանիքներին։ Նա վստահ է, որ սպասվող սոցիալ-տնտեսական խնդիրները նոր սթրեսների կհանգեցեն, որոնք չեն կարող չանդրադառնալ ընտանեկան հարաբերությունների վրա։

Հոգեբան Աննա Գալստյանը կիսում է գործընկերոջ մտահոգությունը, սակայն բացի ագրեսիայի աճից նա նաև կանխատեսում է անկումային տրամադրությունների առաջացում։ Ճգնաժամային վիճակում մարդիկ որպես կանոն կենտրոնացնում են իրենց բոլոր ուժերն ու ներքին կարողությունները, բայց այդ վիճակից դուրս գալուց հետո ուժերի հանկարծակի անկում են զգում և հուսահատվում են։ Ոմանք անգամ կորցնում են կողմնորոշվելու, որոշումներ ընդունելու ունակությունը և կախվածության մեջ են ընկնում իրավիճակից կամ այլ մարդկանցից։  

Գալստյանը նաև հավելում է, որ մանկական կամ իրավիճակային հոգեբանական ցնցումներ ապրած մարդկանց մոտ կարող են որոշակի ֆոբիաներ առաջանալ։ Մասնավորապես՝ կարող են նկատվել վախեր մանրէներից, կեղտից, մարդկանցից, հասարակական վայրերից և այլն։

 «Ոմանք իրոք կենտրոնացած են վարակվելու մտքի վրա։ Նրանք մենակ են ապրում, փողոց դուրս չեն գալիս, բայց անընդհատ սպիրտով շփումներ են անում և շուրջբոլորն ամեն ինչ ախտահանում են։ Դա արդեն իսկ խոսում է խնդրի առկայության մասին»,-ասաց նա։

Գալստյանի կարծիքով՝ ռիսկի խմբում են նաև երեխաները, որոնք տագնապալի տեղեկություններ են ստանում բոլոր տեղեկատվական ալիքներով, բայց խնդրի էությունը նրանց ոչ ոք չի բացատրում։ Իսկ քանի որ երեխաներն իռացիոնալ են և կրկնօրինակում են ծնողների պահելաձևը, նրանց պետք է հանգիստ բացատրել, թե ինչու չի կարելի փողոց դուրս գալ, ինչու է պետք լվանալ ձեռքերը, ինչով է վիրուսը վտանգավոր։ Մարսելով տեղեկատվությունը` երեխաները հանգիստ կարձագանքեն, բայց եթե նրանք չհասկանան` ինչումն է խնդիրը, պարզապես կվախենան, որովհետև մայրիկն ու հայրիկն էլ են վախենում։

Կորոնավիրուսն ի հայտ է բերել առողջապահական համակարգի թերությունները․ G20-ի նախարարներ

Հոգեբանը խորհուրդ է տալիս հասկանալ խնդիրը, ճիշտ բառեր գտնել, խոսել երեխաների հետ և նրանց դրական տրամադրել։

Նշենք, որ Հայաստանում կորոնավիրուսով վարակվածների թիվը ապրիլի 20-ի դրությամբ կազմում է 1339 մարդ։ Մեկ օրում ցուցանիշն աճել է 48-ով։ Մահացածների թիվը՝ 22, առողջացել են 580-ը։ Հայաստանում կորոնավիրուսի տարածման դեմ պայքարի նպատակով արտակարգ դրություն է գործում։ Սահմանափակված են տնտեսական գործունեությունը և մարդկանց տեղաշարժը։

271
թեգերը:
Հայաստան, Արտակարգ դրություն, ագրեսիա, հոգեբան, վախ, կորոնավիրուս
թեմա:
Կորոնավիրուսը Հայաստանում և Արցախում (1185)
Ըստ թեմայի
Հայաստանում դատախազներից մեկի մոտ կորոնավիրուս է հաստատվել
Պուտին․ Ռուսաստանում կորոնավիրուսի տարածման պիկը դեռ առջևում է
Կորոնավիրուսից մահացածը գործարար էր. նրան օրերս վիրահատել էին. մանրամասներ
Եվգենի Պետրոսյանն ու Տատյանա Բրուխանովան, արխիվային լուսանկար

Իզո՞ւր է նեղացել երիտասարդ կնոջ պատճառով․ ինչո՞ւ է Պետրոսյանը դատի տվել Կոկլյուշինին

30
(Թարմացված է 00:43 07.07.2020)
Կոկլյուշինը Եվգենի Պետրոսյանի շատ մենախոսությունների հեղինակն է, նրանք բազմիցս հանդես են եկել նույն բեմում, այս թվում՝ «Ծուռ հայելի» հաղորդման ընթացքում՝ համատեղ համարներով։ Բայց երիտասարդ կնոջ պատճառով նրանց միջև սև կատու է անցել։

ԵՐԵՎԱՆ, 6 հուլիսի – Sputnik. Հայտնի հումորիստ Եվգենի Պետրոսյանը դատարանում գրող-երգիծաբան Վիկտոր Կոկլյուշինի դեմ հայց է ներկայացրել սխալմամբ։ Այդ մասին ՌԻԱ Նովոստիին հայտնել է ինքը՝ Կոկլյուշինը։

Ավելի վաղ հայտնի էր դարձել, որ Եվգենի Պետրոսյանը որոշել է պաշտպանել իր երիտասարդ կնոջը՝ Տատյանա Բրուխունովային և պատասխանատվության կանչել գործընկերոջը՝ Վիկտոր Կոկլյուշինին։ Բանն այն է, որ Տատյանան շարունակ խիստ քննադատությունների կիզակետում է հայտնվում։ Մեկ նա բոլորին դուր չի գալիս, մեկ նրա ընտրությունները դուր չեն գալիս, հագուստը չի սազում և այլն։

Մի քանի օր առաջ ԶԼՄ-ները հայտնել էին, որ նրա հասցեին ոչ կոռեկտ է արտահայտվել երգիծաբան Վիկտոր Կոկլյուշինը։ Ռուսական պարբերականների տվյալներով՝ Կոկլյուշինը հայտարարել է, որ Պետրոսյանը դադարել է հայտնվել հեռուստաէկրաններին, իսկ Տատյանան բոլորովին այն մարդը չէ, որը պետք է լինի հումորիստի կողքին։

Դրանից հետո Պետրոսյանը սկսեց պաշտպանել կնոջը և որոշեց պատասխանատվության կանչել Կոկլյուշինին։ Արտիստի փաստաբան Սերգեյ Ժորինը համապատասխան հայց ներկայացրեց դատախազություն։ «Պետրոսյանը խիստ վրդովված էր, մենք էլ որոշեցինք անպատիժ չթողնել այս ամենը և պաշտպանել Տատյանային։ Նշված արտահայտությունները միանշանակ վիրավորական են, քանի որ ուղղված են նրա արժանապատվությանը և պատվին»,-մեջբերում է պարբերականը արտիստի ներկայացուցչի խոսքերը։ Կոկլյուշինին սպառնում է մի քանի հարյուր հազար ռուբլի տուգանք։

Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ

Մեկնաբանելով այդ զարգացումները, Կոկլյուշինն ասել է, որ իր խոսքերում որևէ վիրավորական բան չի եղել։ Հուլիսի 6-ին նա հանդիպել է փաստաբան Ժորինի հետ և բացատրել է թյուրիմացության պատճառները։

««Собеседник» պարբերականում հոդված էր հրապարակվել, որը երկու մասից էր բաղկացած։ Առաջին հատվածում ես էի պատասխանում թղթակցի հարցերին, երկրորդում՝ մի արտիստ, որը չէր ցանկացել իր անունը հրապարակել։ Եվ ահա, երկրորդ մասը բավականին կտրուկ է, այնտեղ արտահայտություններ կան, որոնք չեն կարող դուր գալ։ Իսկ երբ տարբեր այլ պարբերականներ սկսեցին արտատպել, ուրիշի խոսքերը վերագրեցին ինձ»,-ասել է Կոկլյուշինը։

Կոկլյուշինը Եվգենի Պետրոսյանի շատ մենախոսությունների հեղինակն է, նրանք բազմիցս հանդես են եկել նույն բեմում, այդ թվում՝ «Ծուռ հայելի» հաղորդման ընթացքում՝ համատեղ համարներով։

Հիշեցնենք, որ անցած տարվա դեկտեմբերին Եվգենի Պետրոսյանն ամուսնացել է իր օգնականի՝ Տատյանա Բրուխունովայի հետ։ Հանուն Տատյանայի նա 30 տարի համատեղ կյանքից հետո  բաժանվել է իր չորրորդ կնոջից՝ Ելենա Ստեպանենկոյից։ Մամուլը բազմիցս գրել է, որ Պետրոսյանն ու Բրուխունովան երեխա ունեն, սակայն առայժմ կողմերից ոչ մեկը չի հաստատել այդ տեղեկությունը։ 74-ամյա երգիծաբանը հասուն դուստր ունի՝ Վիկտորիան։ Կարանտինի պատճառով վերջինս մնացել է Մոսկվայում է ինքնամեկուսացել է Ստեպանենկոյի բնակարանում, որին աջակցում է ամուսնալուծությունից հետո։

«Երջանկության ալբոմ»․ Պետրոսյանի երիտասարդ կինը նրան սեր խոստովանելու նոր ձև է գտել

30
թեգերը:
փաստաբան, դատ, Տատյանա Բրուխունովա, Եվգենի Պետրոսյան
Ըստ թեմայի
«Իհարկե օրիգինալն է»․ Եվգենի Պետրոսյանի երիտասարդ կինը պարծեցել է Dior-ի գլխարկով
Եվգենի Պետրոսյանի երիտասարդ կինը փոխել է իմիջը. տեսանյութ
Եվգենի Պետրոսյանն առաջին ընտանեկան լուսանկարն է հրապարակել Տատյանա Բրուխունովայի հետ
«Բոլորը կպատժվեն ըստ արժանվույն». Եվգենի Պետրոսյանի կինն արձագանքել է մեղադրանքներին
Երևան, արխիվային լուսանկար

«Իմ քայլն» առաջարկում է բարձրացնել դիմակ չդնողների տուգանքները

87
(Թարմացված է 00:44 07.07.2020)
Ավտոմեքենաներում դիմակ չդնելու համար տուգանքն առաջարկվում է հասցնել 50 000 դրամի: Նույն արարքը կրկնելու դեպքում տուգանքը կկրկնապատկվի:

ԵՐԵՎԱՆ, 6 հուլիսի - Sputnik. ԱԺ «Իմ քայլը» խմբակցությունը շջանառության մեջ է դրել դիմակ չդնելու համար նախատեսված տուգանքները բարձրացնելու մասին օրենքի նախագիծ:

ԱԺ պաշտոնական կայքում հրապարակված «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ ու լրացումներ կատարելու մասին» նախագծով նախատեսվում է բաց տարածքներում դիմակ չդնելու համար ներկայում գործող տուգանքը 10 000 ՀՀ դրամից դարձնել 20 000 դրամ, իսկ փակ տարածքներում (խանութ, տրանսպորտ և այլն) դիմակ չդնելու համար՝ ներկայիս 10 000 դրամի փոխարեն՝ 50 000 դրամ:

Հայաստանում արտակարգ դրությունը ևս մեկ ամսով կերկարաձգվի. Նիկոլ Փաշինյան

Հիշեցնենք, այս օրենքը փոխվել էր ընդամենը 2 ամիս առաջ: Մայիսի 19-ին ԱԺ-ն դիմակ չդնելու համար տուգանքները սահմանեց 10 000 դրամ՝ բոլոր դեպքերի համար՝ նախկին 100-250 հազարի փոխարեն:

Այսօր պարետատան նիստից հետո կայացած ճեպազրույցում ՀՀ վարչապետ Նիկոլ Փաշինյանը հայտնել էր, որ գործադիրը մտադիր է առաջիկա ամսվա ընթացքում կատարելագործել արտակարգ դրության մասին ՀՀ օրենսդրությունն այնպես, որ արտակարգ դրության ռեժիմը վերացնելուց հետո կառավարությունը հակահամաճարակային քաղաքականություն վարելու որոշակի գործիքներ ունենա:

Հաղորդավար Վարդան Սարգսյանին տուգանել են. նա պնդում է`անտեղի էր ու չի վճարելու. տեսանյութ

87
թեգերը:
Տուգանք, նախագիծ, «Իմ քայլը» խմբակցություն, դիմակ, Հայաստան
թեմա:
Կորոնավիրուսը Հայաստանում և Արցախում (1185)
Ըստ թեմայի
Ինչո՞ւ դիմակով չեք․ ճապոնացին ոտքով հասել է Հայաստան ու համավարակի պատճառով մնացել այստեղ
«Միակ պատվաստանյութը մնում է դիմակը. մեզ ոչ մի նոր ռեկոմենդացիա չի տրվել ԱՀԿ-ից»․ Փաշինյան
«Առանց դիմակ, իրար վրա...». Սուրբ Հովհաննես մատուռում դարձյալ կուտակումներ են
Ոստիկանները դիմակներ են բաժանում փողոցում և արձանագրություն կազմում. տեսանյութ
 Ջեններ քույրերը, արխիվային լուսանկար

Կորոնավիրուսային սկանդալ․ Ջեններ քույրերը ժխտել են աշխատակիցների շահագործման մասին լուրերը

0
(Թարմացված է 00:50 07.07.2020)
Ակտիվիստներն ու իրավապաշտպանները կարծում են, որ ինչ-որ բան այն չէ և այս գործի բոլոր մասնակիցները ինչ-որ բան են թաքցնում։ Նրանք պահանջում են թույլ տալ իրենց մուտք գործել Բանգլադեշում գտնվող գործարաններ։

ԵՐԵՎԱՆ, 7 հուլիսի – Sputnik. Աշխարհահռչակ Քիմ Քարդաշյանը քույրերը՝ սուպերմոդել Քենդալ Ջենները և աշխարհի ամենաերիտասարդ միլիարդատեր Քայլի Ջենները պատասխանել են իրավապաշտպանների մեղադրանքներին։

Посмотреть эту публикацию в Instagram

Публикация от Kendall + Kylie (@kendallandkylie)

Բանն այն է, որ հունիսին ԶԼՄ-ներում տեղեկություն հայտնվեց, որի համաձայն Kendall + Kylie ապրանքանիշն իբրև թե պատկանում է Global Brands Group (GBG)-ին, որը Բանգլադեշի իր ֆաբրիկաների աշխատակիցներին չի վճարում փետրվար ամսից՝ կորոնավիրուսի համավարակի պատճառով սկսված ճգնաժամի պատճառով։

Նշվում էր, որ GBG-ի հետ բրենդները շահագործում են աշխատողներին։ Միաժամանակ Ջեններ քույրերի ապրանքանիշը ներկայացված է եղել GBG-ի կայքում։ Այժմ Քենդալն ու Քայլին որոշել են հանդես գալ հայտարարությամբ։ Քիմ Քարդաշյանի քույրերը ժխտում են, թե որևէ կապ ունեն GBG-ի հետ։

«Kendall + Kylie ապրանքանիշը պատկանում է Canada Inc.-ին։ Նախկինում բրենդը համագործակցել է GBG-ի հետ, բայց միմիայն վաճառքի և բիզնեսի զարգացման ոլորտներում»,-հայտարարել են քույրերը։

Այդ ընթացքում GBG-ն իր կայքից հեռացրել է Ջեններ քույրերի ապրանքանիշի լոգոտիպը։ ԶԼՄ-ների տվյալներով՝ լոգոն հեռացրել են հունիսի 24-ին։ Դրա հետևանքով սկանդալն ավելի է բորբոքվել, քանի որ ակտիվիստները և իրավապաշտպանները կարծում են, որ ինչ-որ բան այստեղ այն չէ և այս գործի բոլոր մասնակիցներն էլ թաքցնելու բան ունեն։ Նրանք պահանջում են իրավապաշտպան ընկերությունների ակտիվիստներին թույլ տակ մուտք գործել Բանգլադեշում գտնվող ֆաբրիկաներ։

Посмотреть эту публикацию в Instagram

Публикация от Kendall + Kylie (@kendallandkylie)

Հիշեցնենք, որ Քայլի Ջեններն ունի սեփական Kylie Cosmetics բրենդը, որը հիմնել է 2016թ․-ին։ Կարճ ժամանակում նա վաստակել է մեկ միլիարդ դոլար։ 2019թ․-ի մարտի 5-ին Forbes պարբերականը Քայլիին ճանաչեց աշխարհի ամենաերիտասարդ միլիարդատեր։ Այդպիսով 21-ամյա Ջեններն առաջ անցավ Facebook սոցիալական ցանցի հիմնադիր Մարկ Ցուկերբերգից, որը միլիարդատեր էր դարձել 23 տարեկանում։

0
թեգերը:
աշխատավարձ, կորոնավիրուս, ապրանքանիշ, գործարան, Քիմ Քարդաշյան
թեմա:
Կորոնավիրուսը Չինաստանում և աշխարհում
Ըստ թեմայի
Քիմ Քարդաշյանը կթողարկի իր սեփական պոդկաստը․ այն գլամուր կյանքի մասին չի լինելու
Քիմ Քարդաշյանի քրոջ` Քայլի Ջենների ավտոմեքենաների տեսականին
Քիմ Քարդաշյանի ամուսինը «Արարատ» անվանումով կոշիկ է արտադրել. լուսանկար
Քիմ Քարդաշյանի ու նրա քրոջ ռեփեր ամուսինները տեսահոլովակ են նկարահանել