Ոստիկաններ, արխիվային լուսանկար

Տանը մնալու արդյունքում գողությունները նվազել են, ընտանեկան բռնությունները` չեն հաշվել

95
(Թարմացված է 17:26 20.04.2020)
Արտակարգ ռեժիմի ու մեկուսացման պայմաններում ապրող շատ երկրներում ընտանեկան բռնությունների, ամուսնալուծությունների դեպքերն աճել են: Հայաստանում նման վիճակագրություն առ այսօր չի հրապարակվել:

ԵՐԵՎԱՆ, 20 ապրիլի - Sputnik. Հայաստանում հայտարարված արտակարգ դրության ու տանը մնալու պահանջի պայմաններում Հայաստանում բնակարանային գողությունների դեպքերը նվազել են ավելի քան 8 անգամ: Այսօր լրագրողների հետ հանդիպմանը, պատասխանելով Sputnik Արմենիայի հարցին, ասաց ՀՀ ոստիկանության պետի տեղակալ Հայկ Մհրյանը:

«Մարտ ամսվա ընթացքում 35 բնակարանային գողություն է գրանցվել, որից 12-ը մայրաքաղաքում: Նախորդ տարի նույն ժամանակահատվածում 171 դեպք էր արձանագրվել, որից 108-ը՝ Երևանում: 8 անգամից ավելի նվազում կա»,- ասաց նա:

Հանրապետությունում ստեղծված սոցիալ-տնետսական իրավիճակով պայմանավորված մարդկանց վարքագծի փոփոխության ու հոգեբանական վիճակի հետևանքով ընտանեկան բռնությունների, միջանձնային հաշվեհարդարների դեպքերի ավելացման մասին հարցին փոխոստիկանապետը հստակ պատասխան չտվեց:

«Քաղաքացիների հոգեբանական վիճակի հետ կապված չեմ կարող արտառոց բաներ ֆիքսել»,- նշեց նա:

Բռնության կոչ անող պաշտոնյան կզրկվի պաշտոնից, քաղաքացին՝ կտուգանվի կամ կազատազրկվի

Արտակարգ դրության երկու ամսվա՝ մարտ-ապրիլի հանցագործությունների ամբողջական վիճակագրությունը ոստիկանության պաշտոնյան խոստացավ հրապարակել դրանք ամփոփելուց հետո:

Նշենք, որ արտակարգ ռեժիմի ու մեկուսացման պայմաններում ապրող շատ երկրների պաշտոնական վիճակագրությունը փաստում է ստեղծված իրավիճակում ընտանեկան բռնությունների, ամուսնալուծությունների դեպքերի աճի մասին: Հայաստանում նման վիճակագրություն պետական որևէ մարմնի կողմից առ այսօր չի հրապարակվել:

Հիշեցնենք, որ կորոնովիրուսի տարածումը կանխելու համար Հայաստանում մարտի 16-ից ապրիլի 14–ն արտակարգ դրություն էր սահմանվել։
Ապրիլի 13–ին նոր որոշում կայացվեց, որով հանրապետությունում արտակարգ դրության ռեժիմը երկարաձգվեց ևս մեկ ամսով՝ մինչև 2020 թվականի մայիսի 14-ը` ժամը 17:00-ն ներառյալ։

95
թեգերը:
Բռնություն, գողություն, ոստիկան, Հայաստան
թեմա:
Կորոնավիրուսը Հայաստանում և Արցախում (1331)
Ըստ թեմայի
Խոշոր չափի գողություն «Ֆլեշ» ՍՊԸ-ին պատկանող բենզալցակայանից
Կողոպուտ` օրը ցերեկով. հաջողված և չհաջողված բանկային գողություններ` հայերի մասնակցությամբ
Ես ոճրագործ չեմ, կարիքը ստիպել է, և ես գողություն եմ արել. զրույց դատապարտյալի հետ
Սուպերմարկետներից մեկում գողություն արած տղամարդը բռնվելուց հետո հանկարծամահ է եղել
Բեյրութ

Բեյրութում հայ զոհերի թիվն ավելացել է ևս մեկով

10
(Թարմացված է 12:24 05.08.2020)
Լիբանանում դեսպանությունն աշխատում է արտակարգ ռեժիմով, գործում է թեժ գիծ։

ԵՐԵՎԱՆ, 5 օգոստոսի - Sputnik. Բեյրությում տեղի ունեցած պայթյունի հետևանքով հայազգի մահացածների թիվն այս պահի դրությամբ վեցն է։ Տեղեկությունը հայտնել է ԱԳՆ մամուլի խոսնակ Աննա Նաղդալյանը:

Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին

«ԱԳՆ-ում ձևավորվել է աշխատանքային խումբ՝ Լիբանանին թիրախային աջակցության տրամադրումն Լիբանանի ճգնաժամային կառույցի հետ համակարգելու նպատակով։ Լիբանանում ՀՀ դեսպանությունը մշտական կապի մեջ է տեղի պատկան մարմինների հետ՝ միասնաբար գնահատելու լիբանանյան կողմի կարիքները և աջակցության շրջանակը»,- Faceboook-ի իր էջում գրել է նա։

Նաղդալյանը նշել է, որ զուգահեռաբար կապ է պահպանվում հայ համայնքային կառույցների հետ՝ կարիքները գնահատելու նպատակով։

Լիբանանում դեսպանությունն աշխատում է արտակարգ ռեժիմով, գործում է թեժ գիծ։

ԱԳՆ խոսնակը միաժամանակ լրատվամիջոցների ներկայացուցիչներին հորդորել է  կապ պահպանել բացառապես իր հետ՝ դեսպանությանը թույլ տալով անխափան իրականացնել համակարգման ողջ աշխատանքը և հավելել, որ ձեռնարկվող քայլերի մասին տեղեկատվությունը կտրամադրվի հավելյալ։

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով տասնյակ մարդիկ են մահացել, ավելի քան 4 հազարը` տուժել: Մահացածների թվում են լիբանանյան «Քաթայիբ» կուսակցության գլխավոր քարտուղար Նիզար Նաջարյանը, բուժքույր Ջեսիկա Բեզջյանը, Ժակ Բարամաքյանը, Ալինա Զաբրին և Դելիա Փափազյանը: Վերջին՝ 6-րդ զոհի ինքնությունը դեռ հայտնի չէ:

Բեյրութի պայթյունից հետո շատ հայեր ուզում են տեղափոխվել Հայաստան. պատգամավոր

Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա ամոնիումի սելիտրան է եղել։
Բեյրութում սուգ է հայտարարվել:

10
թեգերը:
դեսպանատուն, Մահ, հայ, Վիրավոր, Զոհ, ՀՀ Արտաքին գործերի նախարարություն. ԱԳՆ, Աննա Նաղդալյան, Լիբանան, Բեյրութ
թեմա:
Պայթյուն Բեյրութում
Ըստ թեմայի
Բեյրութի պայթյունից մեծ վնասներ է կրել նաև «Շաղզոյեան» կենտրոնը
Բեյրութի պայթյունից հետո հայտնի է 3 հայի մահվան մասին, բայց այս թիվը կարող է աճել. ԱԳՆ
Բեյրութի պայթյունի հետևանքով 5 հայ է մահացել. Դելիա Փափազյանը 2 երեխաների մայր էր
ՌԴ ԱԻՆ–ը 5 ինքնաթիռով օգնություն կուղարկի Բեյրութ
Հիվանդանոց, արխիվային լուսանկար

ՀՀ–ում կորոնավիրուսի հետևանքով 2 մարդ է մահացել

123
Առողջապահության նախարարությունը որոշ տեղեկություններ է հայտնում է կորոնավիրուսի զոհ դարձածների մասին։

ԵՐԵՎԱՆ, 5 օգոստոսի – Sputnik. Վերջին մեկ օրում Հայաստանում կորոնավիրուսը երկու մարդու կյանք է խլել։ Տեղեկությունը հայտնում է ՀՀ առողջապահության նախարարությունը։

«Պացիենտները եղել են 64 (տղամարդ) և 63 (կին) տարեկան։ Վերջիններս ունեցել են ուղեկցող խրոնիկական հիվանդություններ։»,– նշված է հաղորդագրության մեջ։

Նշենք, որ կորոնավիրուսով վարակվածների թիվը վերջին մեկ օրում ավելացել է 288–ով և դարձել 39 586։  Փաստացի բուժում է ստանում 7 738 մարդ, կատարվել է 170 012 թեստավորում, առողջացել են վարակվածներից 30 850–ը։ Գրանցվել է մահվան 770 (+2) դեպք։ Կորոնավիրուսով վարակված, բայց այլ հիվանդության պատճառով մահացածների թիվը չի ավելացել (228)։

ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրա

123
թեգերը:
Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում (1331)
Ըստ թեմայի
Հայտնի են կորոնավիրուսով վարակվելու 5 հիմնական աղբյուրները
Գիտնականները պարզել են, որ կորոնավիրուսը կարող է խիստ ազդել լսողության վրա
Կորոնավիրուսից մահացել է հայտնի հնագետ Գրիգոր Արեշյանը
ՌԴ ԱԻՆ–ի ինքնաթիռներ

ՌԴ ԱԻՆ–ը 5 ինքնաթիռով օգնություն կուղարկի Բեյրութ

3
(Թարմացված է 12:20 05.08.2020)
Լիբանանի մայրաքաղաք կմեկնեն նաև Ռոսպոտրեբնադզորի մասնագետները, որոնք Covid-19–ի ախտորոշման լաբորատորիա կտանեն իրենց հետ։

ԵՐԵՎԱն, 5 օգոստոսի – Sputnik. Ռուսաստանի ԱԻՆ–ը 5 ինքնաթիռով օգնություն կուղարկի Բեյրութ` երեկ տեղի ունեցած հզոր պայթյունի հետևանքները վերացնելու համար։ Տեղեկությունը հայտնում է գերատեսչության մամուլի ծառայությունը։

Լիբանանի մայրաքաղաք կհասնեն շրջիկ հոսպիտալներ, բժիշկներ և «Ցենտրոսպասի» փրկարար ջոկատներ։ Բացի այդ, Բեյրութ կմեկնեն նաև Ռոսպոտրեբնադզորի մասնագետները, որոնք Բեյրութում առկա համաճարակային իրավիճակի համապատասխան հատուկ հանդերձանք և պաշտպանիչ միջոցներ կունենան և Covid-19–ի ախտորոշման լաբորատորիա կտանեն իրենց հետ։

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով տասնյակ մարդիկ են մահացել, ավելի քան 4 հազարը` տուժել: Մահացածների թվում 6 հայ կա` լիբանանյան «Քաթայիբ» կուսակցության գլխավոր քարտուղար Նիզար Նաջարյանը, բուժքույր Ջեսիկա Բեզջյանը, Ժակ Բարամաքյանը, Ալինա Զաբրին և Դելիա Փափազյանը։ Վեցերորդի անունը դեռ հայտնի չէ։

Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա ամոնիումի սելիտրան է եղել։

Բեյրութում այսօր սուգ է հայտարարվել:

3
թեգերը:
Բեյրութ, Ռուսաստան
թեմա:
Պայթյուն Բեյրութում
Ըստ թեմայի
«Ցնցված եմ». Փաշինյանը ցավակցել է Բեյրութի պայթյունից զոհվածների հարազատներին
Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին
Բեյրութի պայթյունից հետո շատ հայեր ուզում են տեղափոխվել Հայաստան. պատգամավոր
Բեյրութի պայթյունից մեծ վնասներ է կրել նաև «Շաղզոյեան» կենտրոնը