ԵՐԵՎԱՆ, 17 ապրիլի – Sputnik․ ՀՀ 2–րդ նախագահ Ռոբերտ Քոչարյանի որդին` Լևոն Քոչարյանը, իր կնոջ՝ հայտնի երգչուհի Սիրուշոյի հետ նոր լուսանկար է հրապարակել Instagram-ի իր էջում։ Լուսանկարում երևում է, որ զույգը վերելակով տանիք է բարձրանում։ Երևանի կենտրոնում գտնվող նրանց բնակարանը բաց տանիք ունի։
«Արդեն կարող եք լսել». Սիրուշոն նոր երգ է հրապարակել
«Կարանտինի իմ ուղեկիցը»,-լուսանկարներին կից գրել է Լևոնը։
Նրանց ձեռքին սուրճի բաժակներ են։ Լևոնը հեշթեգով ավելացրել է, որ պետք է սուրճ վերցնել տանիք բարձրանալիս։ Հաջորդ լուսանկարում նա արդեն տանիքում է։
Հայկական շոու բիզնեսի ամենաքննարկված ընտանիքներից մեկն ամուսնացել է 2009 թվականի հունիսի 6-ին` երկար ժամանակ ընկերություն անելուց հետո։
Սիրուշոն որոշել է եթեր դուրս գալ
Սիրուշոն և Լևոնը երբևէ չեն բարձրաձայնել իրենց սիրո պատմությունը, սակայն հայտնի է, որ զույգը միասին է 2001 թվականից, երբ Լևոնը դեռ 16 տարեկան էր, իսկ Սիրուշոն՝ 14։ 2019թ.–ին Sputnik Արմենիայի «ԲԱռCode» հաղորդման շրջանակներում Լևոն Քոչարյանը պատմել էր իրենց ծանոթության, ընկերության և ամուսնության մասին և նշել, որ ինքն անցել է աղջկան հասնելու համար բոլոր ընդունված փորձությունները`դպրոց գնալուց, տղաների հետ հարաբերություններ պարզելուց սկսած։
Հիշեցնենք, որ Լևոնն ու Սիրուշոն ունեն 2 որդի։ Նրանց առաջնեկը` Ռոբերտը, 6 տարեկան է , կրտսերը` Միքայելը` 4 տարեկան։