ԵՐԵՎԱՆ, 17 ապրիլի – Sputnik. ՀՀ առողջապահության նախարարի մամուլի խոսնակ Ալինա Նիկողոսյանը տեղեկացնում է, որ երեկ «Սուրբ Գրիգոր Լուսավորիչ» բժշկական կենտրոնում արձանագրվել է կորոնավիրուսից մահվան դեպք։
«58-ամյա պացիենտն ունեցել է կորոնավիրուսային հիվանդություն, հաստատված երկկողմանի սուբտոտալ թոքաբորբ։ Տղամարդն ունեցել է նաև ուղեկցող խրոնիկ հիվանդություններ` սրտի իշեմիկ հիվանդություն, զարկերակային գերճնշում 3-րդ աստիճանի, ճարպակալում 2-3–րդ աստիճանի:
Բուժման ընթացքում ախտորոշվել է սրտամկանի սուր կաթված` ST էլևացիայով»,–Facebook սոցցանցի իր էջում գրել է Նիկողոսյանը։ Ապրիլի 8-ին կատարվել է կորոնար զարկերակի ստենտավորում, որից հետո պացիենտի մոտ զարգացել է դիսթրես համախտանիշ, սուր շնչական անբավարարություն 3-րդ աստիճանի, սեպսիս, սեպտիկ շոկ: Երկարատև թոքային արհեստական շնչառությունից հետո զարգացել է հարաճուն պոլիօրգանային անբավարարություն:
Sputnik Արմենիայի տեղեկություններով` կորոնավիրուսից մահացածը հեղինակային կատարող Սարգիս Շիբոյանն է։ Նրա մահվան մասին հայտնի դարձավ երեկ։ Նրա ընտանիքի անդամներն այս պահին մեկուսացված են Ծաղկաձորում։
Աշխարհում քանի մարդ է վարակվել COVID-19-ով. ԱՀԿ-ն նոր տվյալներ է հրապարակել
Հիշեցնենք, որ ապրիլի 16-ի դրությամբ ունենք կորոնավիրուսային հիվանդության հաստատված 42 նոր դեպք և 44 առողջացածներ։
