ԵՐԵՎԱՆ, 14 ապրիլի – Sputnik. Քննության ու դատավարության ընթացքում կալանքները սահմանափակվելու են։ ՀՀ քրեական դատավարության օրենսգրքում փոփոխություններ և լրացումներ կատարելու մասին օրենքի նախագիծն այսօր ԱԺ նիստում ներկայացրեց ՀՀ արդարադատության փոխնախարար Սրբուհի Գալյանը։
2019 թվականի հոկտեմբերի 15-ին Սահմանադրական դատարանը որոշում էր կայացրել, որ կալանքը պետք է դառնա խափանման ծայրահեղ միջոց։
Դատարանը պետք է հնարավորություն ստանա մերժել մեղադրող կողմի կալանքի միջնորդությունը, եթե չհեռանալու մասին ստորագրությունը կամ գրավը բավարար են։ Այսպիսով՝ կալանքը խափանման ծայրահեղ միջոց է ճանաչվելու։
Գրավը հնարավոր կլինի կիրառել ոչ միայն որպես այլընտրանքային, այլև որպես ինքնուրույն միջոց։ Այլ կերպ ասած՝ պարտադիր չէ մեղադրյալին կալանավորել, հետո գրավի դիմաց ազատել։ Գրավի նվազագույն չափը կկազմի 200 հազար դրամ՝ անկախ հանցագործության ծանրությունից։
Վահագն Վերմիշյանի կալանքը 2 ամսով երկարացվել է
Նշենք՝ ՀՀ երկրորդ նախագահ Ռոբերտ Քոչարյանը ու ՊԵԿ նախկին ղեկավար Գագիկ Խաչատրյանը շարունակում են մնալ կալանքի տակ։ Պաշտպանության նախկին փոխնախարար, «Երկրապահ» կամավորների միության ղեկավար Մանվել Գրիգորյանը կալանքից ազատվել է առողջական վիճակի պատճառով։
Նախնական կալանքից 2 անձ ազատ է արձակվել. ՔԿՀ–ներում պայքարում են կորոնավիրուսի դեմ