Զարուհի Բաթոյան

Նպաստառուների դեպքում գործում են աջակցության այլ ձևեր. Բաթոյան

409
(Թարմացված է 13:13 14.04.2020)
Զարուհի Բաթոյանն անդրադարձավ բազմազավակ նպաստառու ընտանիքների` սոցաջակցության ծրագրերից դուրս մնալու հարցին։

ԵՐԵՎԱՆ, 14 ապրիլի – Sputnik. Այս օրերին կառավարության սոցաջակցության ձևերն իրավիճակի բերումով խոցելի դրության մեջ հայտնվածներին են ուղղված, իսկ նպաստառուների դեպքում գործում են աջակցության այլ ձևեր։ Կառավարության մամուլի կենտրոնում կայացած մամուլի ասուլիսի ժամանակ ասաց ՀՀ աշխատանքի և սոցիալական հարցերի նախարար Զարուհի Բաթոյանը` պատասխանելով Sputnik Արմենիայի հարցին, թե արդյո՞ք նպաստառու բազմազավակ ընտանիքներին էլ որևէ աջակցություն չի տրամադրվի։

Կառավարության աջակցության ծրագրերի մեկի համաձայն` մինչև 18 տարեկան երեխաներ ունեցող ընտանիքները, որոնցում ծնողները 2020թ-ի մարտի 12-ից մինչև մարտի 31-ը գրանցված աշխատանք չեն ունեցել, նպաստառու չեն եղել, չեն ունեցել ԱՁ, յուրաքանչյուր երեխայի համար 26 500 դրամ միանվագ աջակցություն կստանան: Խոսքը, սակայն, չի վերաբերում նպաստառու բազմազավակ ընտանիքներին։

«Նպաստառու ընտանիքների համար ունենք տարբեր գործիքներ, օրինակ` հրատապ աջակցությունը։ Պետք չէ սահմանափակվել այս աջակցության ձևերով, նպաստառուների համար ունենք դասական աջակցության ձևեր»,–ասաց նախարարը։

Բաթոյանի խոսքով` սոցաջակցության ծրագրերն իրավիճակային աջակցություն են և, բնականաբար, լիովին բավարար չեն սոցիալական խնդիրն ամբողջությամբ լուծելու համար։

Հիշեցնենք, որ Հայաստանում նպաստառուների թիվը 105 000 է։ Նպաստառու ընտանիքներն օգտվում են որոշակի արտոնություններից` կոմունալ ծախսերի, առողջապահական ծախսերի սուբսիդավորում և այլն։

Կոմունալ վճարների փոխհատուցման հարցն էլի է քննարկվում. 12-րդ ծրագիրն են մշակում

409
թեգերը:
բազմազավակ ընտանիք, Զարուհի Բաթոյան, Հայաստան
Ըստ թեմայի
Կարտոֆիլ վաճառողների բախտը բերել է, խոզաբույծներինը՝  ոչ. կորոնավիրուսն ու վնասները
Բողոքի ակցիա Երևանում. երթուղայինների վարորդները չգիտեն՝ ինչպես տունը պահեն
Պետությունը միկրոբիզնեսի ներկայացուցիչներին էլ կօգնի. Անանյանն ասաց` ովքեր են շահառուները
Նորածին

Արցախում վիրավորված հղի կինն արու զավակ է լույս աշխարհ բերել. լուսանկար

162
(Թարմացված է 22:39 28.09.2020)
Ադրբեջանական հրետակոծության հետևանքով վիրավորված մայրը հերոսի անուն է տվել որդուն։ Հանրայինը հրապարակել է փոքրիկի լուսանկարը։

ԵՐԵՎԱՆ, 28 սեպտեմբերի – Sputnik. Արցախում հակառակորդի կրակից վիրավորված հղի կինն արու զավակ է ծնել։ Տեղեկությունը հայտնում է Հայաստանի հանրային հեռուստաընկերությունը։

Տղայի անունը Մոնթե են դրել։

Արցախի ՄԻՊ Արտակ Բեգլարյանը այսօր լրագրողների հետ ունեցած ճեպազրույցում հայտնել էր, որ ադրբեջանական զինված ուժերի կողմից քաղաքացիական բնակավայրերի հրետակոծության հետևանքով մեկ հղի կին էլ է լրջորեն վիրավորվել:

Հիշեցնենք` սեպտեմբերի 27-ի ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 36 անօդաչու թռչող սարք, 47 տանկ և ՀՄՄ, 2 ինժեներական զրահատեխնիկա։ Մարտերը շարունակվում են։

Մոմեր, քաղցրեղեն, երգ. ապաստարանում նշել են 6-ամյա Արմենի ծննդյան տոնը. տեսանյութ

Հակառակորդի կրակոցների հետևանքով զոհվել են 58 զինծառայողներ և 2 քաղաքացիական անձինք։ Հայկական կողմը շուրջ 200– վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

Գարեգին Բ–ն կմեկնի Արցախ. Պարգև արքեպիսկոպոս

162
թեգերը:
նորածին, երեխա, հղի, Հայաստան
Ըստ թեմայի
«Երեկ որ տվել էին, թե Մռավը գրավել են, այսօր արդեն հարձակվել են». Արցախի նախագահ
Հրապարակվել են Ադրբեջանի խոցված ԱԹՍ-ի լուսանկարները
Հայկական ԶՈՒ–ն հակառակորդի ինքնաթիռ է խոցել
«Զվարթնոց» օդանավակայան

Ո՞ր դեպքում 18-55 տարեկան տղամարդիկ կարող են մեկնել Հայաստանից

859
(Թարմացված է 21:43 28.09.2020)
Հայաստանում հայտարարված ռազմական դրությունը սահմանափակում է տղամարդկանց ելքը երկրից։

ԵՐԵՎԱՆ, 28 սեպտեմբերի – Sputnik. Հայաստանից մեկնելու ցանկություն ունեցող 18-55 տարեկան տղամարդիկ պետք է զինկոմի թույլտվություն ունենան։ Տեղեկությունը Sputnik Արմենիայի հարցմանն ի պատասխան հայտնեցին  ՀՀ Քաղաքացիական ավիացիայի կոմիտեից։

«Տեղեկացնում ենք, որ համաձայն  27.09.2020 թվ. կառավարության 1586֊Ն որոշման հայտարարված է մինչև 55 տարեկան անձանց զորակոչ, ՀՀ  արական սեռի 18-55 տարեկան քաղաքացիների ելքը թույլատրվում է միայն տարածքային զինկոմների գրավոր թույլտվությամբ»,–նշված է պատասխանում:

Հիշեցնենք` սեպտեմբերի 27-ի ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 36 անօդաչու թռչող սարք, 47 տանկ և ՀՄՄ, 2 ինժեներական զրահատեխնիկա։ Մարտերը շարունակվում են։

Աստված վերևում է, մենք՝ ներքևում. կամավորական խմբերը շարունակում են Շիրակից մեկնել Արցախ

Հակառակորդի կրակոցների հետևանքով զոհվել են 58 զինծառայողներ և 2 քաղաքացիական անձինք։ Հայկական կողմը շուրջ 200– վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

ՀՀ ԶՈւ–ն կասեցրել է թշնամու գրոհը և ի վիճակի է մարտերը տեղափոխել Ադրբեջանի տարածք

859
թեգերը:
տղամարդ, «Զվարթնոց» օդանավակայան, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Բաքուն ազգային փոքրամասնություններին օգտագործում է որպես կենդանի պատնեշ. Վարդանյան
Գարեգին Բ–ն կմեկնի Արցախ. Պարգև արքեպիսկոպոս
Հակառակորդը սկսել է լայնամասշտաբ հարձակում Արաքսի հովտի և Մատաղիս-Թալիշ հատվածներում
Հրապարակվել են Ադրբեջանի խոցված ԱԹՍ-ի լուսանկարները
Генеральный секретарь ООН Антониу Гутерриш дает интревью Associated Press (18 февраля 2020). Лахор, Пакистан

Փաշինյանն ու ՄԱԿ–ի գլխավոր քարտուղարը հեռախոսազրույց են ունեցել

0
ՀՀ վարչապետի ու Գուտերեշի հեռախոսազրույցը կայացել է վերջինիս նախաձեռնությամբ։ ՄԱԿ–ի գլխավոր քարտուղարը մտահոգված է ղարաբաղա-ադրբեջանական սահմանագոտում տիրող իրավիճակով։

ԵՐԵՎԱՆ, 29 սեպտեմբերի – Sputnik.  ՀՀ վարչապետ Նիկոլ Փաշինյանը հեռախոսազրույց է ունեցել ՄԱԿ-ի գլխավոր քարտուղար Անտոնիո Գուտերեշի հետ։ Տեղեկությունը հայտնում է ՀՀ վարչապետի մամուլի ծառայությունը` նշելով, որ զրույցը կայացել է Գուտերեշի նախաձեռնությամբ:

Վարչապետն անդրադարձել է ղարաբաղա-ադրբեջանական սահմանագոտում տիրող իրավիճակին և ընդգծել Ադրբեջանի կողմից սանձազերծված պատերազմի փաստը: Նիկոլ Փաշինյանը նշել է, որ ի տարբերություն նախորդ տարիների էսկալացիաներին՝ այս մեկին բնորոշ է Թուրքիայի խիստ ակտիվ և կողմնակալ դիրքորոշումն ու ապակայունացնող ուղղակի ներկայությունն ադրբեջանական գործողություններում:

ՄԱԿ-ի գլխավոր քարտուղարը խոր մտահոգություն է հայտնել ստեղծված իրավիճակով և զարգացումներով՝ ընդգծելով ԵԱՀԿ Մինսկի խմբի շրջանակում խաղաղ գործընթացի վերսկսման անհրաժեշտությունը:

 

0