Սամվել Մարտիրոսյան

Կորոնավիրուսի ժամանակ «չիպավորո՞ւմ» են. Մարտիրոսյանը` աղմուկ բարձրացրած թեմայի մասին

580
(Թարմացված է 18:47 13.04.2020)
Սամվել Մարտիրոսյանն անդրադարձել է վերջին օրերի ամենաքննարկվող թեմաներից մեկին` արդյոք հնարավո՞ր է կորոնավիրուսի ախտորոշման ժամանակ չիպավորել մարդկանց։

ԵՐԵՎԱՆ, 13 ապրիլի – Sputnik. Տեղեկատվական անվտանգության փորձագետ Սամվել Մարտիրոսյանը կարծում է, որ կորոնավիրուսի ախտորոշման ժամանակ մարդկանց չիպավորելու թեման ոչ թե տարօրինակ է, այլ արդեն զավեշտալի։

«Գոյություն ունեն ավելի հեշտ ու մատչելի միջոցներ, և դուք էլ վճարում եք, որ վերահսկեն ձեզ։ Օրինակ` երբ գնում եք բջջային հեռախոս, հեռախոսազանգ կատարելով` օպերատորին անընդհատ «հայտնում» եք` որտեղ եք գտնվում։ Ի դեպ, հենց այս միջոցով էլ հիմա հայտնաբերում են կորոնավիրուսով վարակվածի հետ շփվածների շրջանակը»,–ասում է Մարտիրոսյանը YouTube–ի իր ալիքում տեղադրված տեսաուղերձում։

Վերահսկողության մյուս ձևը սոցցանցերն են` եթե դուք Facebook–ում եք, որևէ չիպ էլ պետք չէ։ Facebօok–ը գիտի` ինչ եք կարդում այլ կայքերում, որտեղ եք գտնվում, էլ ով է գտնում այդտեղ։

Բացի այդ, ըստ Մարտիրոսյանի, չիպ ո՞ւմ է պետք, երբ դրսում էլ կան տեսախցիկներ, այսինքն` ինչի՞ համար է պետք չիպը, եթե ամեն ինչ առանց դրա էլ հնարավոր է վերահսկել։

Տեղեկատվական անվտանգության փորձագետը կարծում է, որ հանրային վերահսկողության մեխանիզմներ պետք է ստեղծվեն, որպեսզի ավելի թափանցիկ ձևով բոլորն իմանան` ինչպես են իրենց տվյալներն օգտագործվում, և արդյո՞ք դա միայն այս` կորոնավիրուսի շրջանում է արվելու։

«Պետք չէ չիպերից վախենալ, պետք է վախենալ արդեն իսկ եղած համակարգերից, որոնք անվերահսկելի են աշխատում»,–ասաց Մարտիրոսյանը։

Կորոնավիրուսից մահացած կինը 67 տարեկան էր. նա ուղեկցող հիվանդություն ուներ

Հիշեցնենք, որ սոցցանցերում արդեն տևական ժամանակ է` քննարկվում է, թե կորոնավիրուսի ախտորոշման ժամանակ, երբ բերանից կամ կոկորդից նմուշառում է կատարվում, մարդիկ նաև չիպավորվում են։ Ավելին, լուսանկարներ են տարածվում, թե չիպեր են տեղադրվում մարդկանց ձեռքի մեջ։

Հայաստանում կորոնավիրուսով վարակվածների թիվը հասել է 1039–ի։

580
թեգերը:
կորոնավիրուս, Սամվել Մարտիրոսյան, Հայաստան
Ըստ թեմայի
Կորոնավիրուսի ախտորոշման թեստավորում արդեն իրականացվում է նաև Վանաձորում
Կորոնավիրուսով վարակվածներ կան նաև ժամկետայինների շրջանում. ծնողները տեղյակ պահվո՞ւմ են
«Օրգանիզմս պայքարեց հիվանդության դեմ»․ Բաչկովը հաղթեց կորոնավիրուսին
Հայկական շոու բիզնեսի աստղերը Սևանում

«Շնորհակալություն» կորոնային, կամ ինչպես են հայ հայտնիները հանգստացել Հայաստանում

217
(Թարմացված է 09:23 11.08.2020)
Հայկական շոուբիզնեսի ճանաչված դեմքերը և՛ հանգստանում են, և՛ իրենց վայելքի մասին «պատմում» իրենցով հետաքրքրվող օգտատերերին:

Հայկական շոու բիզնեսի վառ ներկայացուցիչներն այս տարի կորոնավիրուսի համավարակի պատճառով հանգստանում են Հայաստանում։ Թե ով ինչպե՞ս և ո՞ր մարզում է անցկացրել հանգիստը տեղեկանում ենք հայտնիների սոցցանցային էջերից։ Հայկական շոու բիզնեսի անբաժան ընկերուհիներ, դերասանուհի Նազենի Հովհաննիսյանն ու երգչուհի Սոֆի Մխեյանն իրենց կարճատև հանգիստն անցկացրել են Սևանա լճում։

Ընկերուհիներին են միացել նաև հայտնի երգահան Ավետ Բարսեղյանը , սիրված երգիչներ Միհրան Ծառուկյանն ու կինը՝ Արփինե Գաբրիելյանը։ Համատեղ լուսանկարը Սոֆի Մխեյանը հրապարակել է Instagram-ի իր էջում։

Посмотреть эту публикацию в Instagram

Публикация от Sofi Mkheyan (@sofimkheyan)

«Թրջված ու սթրեսահան եղած վերադարձանք ափ, ֆանտաստիկ օր էր»,-լուսանկարին կից գրել է երգչուհին։

Հաճելի հանգստից Instagram-ի իր էջում լուսանկար է տեղադրել նաև Նազենի Հովհաննիսյանը։

Посмотреть эту публикацию в Instagram

Публикация от Nazeni Hovhannisyan (@nazenihovhannisyan)

«Թրջված և երջանիկ»,- գրել է դերասանուհին։

Ճանաչված ու սիրված հեռուստալրագրող Արուսիկ Տիգրանյանը խոստովանում է, որ կորոնավիրուսն իրեն օգնել է ավելի շատ բացահայտել Հայաստանը։ Նա իր հանգիստն է վայելում Լոռիում։

«Ուզում եմ ասել «շնորհակալություն» կորանային, որի շնորհիվ իմացա, որ մեր երկիրը շատ ծիտ ա, լիքը հավես տեղեր կան Հայաստանում, պետք է ուսումնասիրել ու ընդհանրապես` սիրել Հայաստանը»,- գրել է նա:

Посмотреть эту публикацию в Instagram

Публикация от Arusik Tigranyan (@arusiktigranyan)

Նշենք, որ նույնիսկ հանգստի ժամանակ Արուսը չի դադարում հետևորդներին ժպիտ պարգևել։ Նա տեսանյութ է հրապարակել դաշտում արածող կովերի հետ՝ նշելով, որ շատ էր ուզում նրանց հետ նկարվել։

Посмотреть эту публикацию в Instagram

Публикация от Arusik Tigranyan (@arusiktigranyan)

Ճանաչված դերասան, հումորիստ Մկրտիչ Արզումանյանն էլ որոշել է հանգիստը վայելել Ստեփանավանում։ Իր ծննդյան նախօրեին դերասանն իրեն հատուկ խարիզմայով լուսանկար է հրապարակել ու հումորային գրառում կատարել։

«Թթվածինը զարգել է գլխուս»,- կատակել է դերասանը։

Посмотреть эту публикацию в Instagram

Публикация от Mkrtich Arzumanyan (@mkrtich.arzumanyan)

Շոու բիզնեսի ամենահայտնի զույգերից մեկը, շոումեն, հումորիստ Վահե Զիրոյանը և դերասանուհի Իննա Խոջամիրյանը, որոնք բոլորովին վերջերս հաստատեցին, որ միասին են, հասցրել են լավ հանգստանալ Հայաստանի տեսարժան վայրերում։

Նրանք գեղեցիկ լուսանկարներ են հրապարակել Լոռու մարզում գտնվող Քոբայրի, Հոռոմայրի վանքերից, Դեբեդ գետից, Հերհերի ջրվեժից։

Посмотреть эту публикацию в Instagram

Публикация от Ziroyan (@ziroyan__)

Посмотреть эту публикацию в Instagram

Публикация от Ziroyan (@ziroyan__)

Посмотреть эту публикацию в Instagram

Публикация от Ziroyan (@ziroyan__)

Ճանաչված դերասան, հումորիստ Ռաֆայել Երանոսյանն էլ Sputnik Արմենիայի հետ զրույցում ասաց, որ այս տարի հասցրել է հանգստանալ Դիլիջանում, Ջերմուկում, իսկ այս պահին էլ Կիրովականում է, ինչպես ասում են՝ գործը համատեղում է հանգստի հետ։

«Հայաստանում հանգստանալու «պլյուսները» շատ-շատ են, կարելի է ասել «մինուս» գոյություն չունի։Մեր տեսարժան վայրերը հիասքանչ են, ունենք նաև սպասարկման բարձր որակ։ Միայն մի թերություն կա, որ բավականին թանկ է և սովորական ապրող մարդկանց համար Հայաստանում հանգստի կազմակերպումը հասանելի չէ։ Կուզեի, որ գները մի փոքր վերանայեին»,- ասաց դերասանը։

Ռաֆայելը, իրեն հատուկ հումորով, Instagram-ի իր էջում հանգստից լուսանկար է հրապարակել։ Կադրում դերասանը ձախ ձեռքում պահել է պաշտպանիչ դիմակն ու գրել՝ մոտս է, բայց մաքուր օդին չեմ դնում։

Посмотреть эту публикацию в Instagram

Публикация от Rafayel Yeranosyan (@rafayel_yeranosyan)

Նշենք, որ Հայաստանում կան նաև ճանաչված դեմքեր, որոնք հնարավորինս փակ են պահում իրենց անձնական կյանքի մանրամասները և հազվադեպ են սոցցանցային տիրույթում ակտիվություն ցուցաբերում: Նրանց էջերում դժվար է գտնել հանգստի ու վայելքի մասին պատմող լուսանկարներ:

217
թեգերը:
Միհրան Ծառուկյան, Արփի Գաբրիելյան, Ավետ Բարսեղյան, Արուս Տիգրանյան, Դիլիջան, Սևան, շոու բիզնես, Նազենի Հովհաննիսյան, օգտատեր, Ռաֆայել Երանոսյան, Մկրտիչ Արզումանյան, Սոֆի Մխեյան, դերասան
Ըստ թեմայի
«Աշխարհի ամենասիրուն բանն ընտանիքն է»․ Նազենի Հովհաննիսյանն իրականացնում է երազանքները
«Միշտ երազել եմ Լևոն Տեր-Պետրոսյանի հետ լուսանկար ունենալու մասին». Ռաֆայել Երանոսյան
«Երկու ոտքով աչք մտնելուց առաջ». Մկրտիչ Արզումանյանի «խորհրդանշական» լուսանկարը
Ինչպես կարելի է հեռու մնալ բոլոր գզվռտոցներից. խորհուրդ է տալիս Նազենի Հովհաննիսյանը
Բանաստեղծ Գրեգորի Դիլը

50 երկրով շրջագայած ամերիկացին տուն է գնել հայկական գյուղում և ապրում է իր կենդանիների հետ

193
(Թարմացված է 16:45 10.08.2020)
Գրեգորի Դիլը գրող և ճանապարհորդ է։ Գրեթե աշխարհով մեկ շրջագայելուց հետո, նա որոշել է ճգնավորի կյանքով ապրել Հայաստանում։ Դատելով ամենից` այս կենսակերպը նրան լիովին բավարարում է։

Ժաննա Պողոսյան, Sputnik Արմենիա

Գեղարքունիքի Կալավան գյուղում ցանկացածը ձեզ ցույց կտա «ամերիկացու տան» ճանապարհը։ 2 տարվա ընթացքում գյուղացիների մեծ մասն այդպես էլ չսովորեց նրա անունը, նրան տարօրինակ և լրտես են համարում, սակայն միշտ պատրաստ օգնել (թեև` վարձատրության դիմաց) տան շինարարությունն ավարտին հասցնելու գործում։

Дом писателя Грегори Дила в селе Калаван, Гегаркуни
© Sputnik / Aram Nersesyan
Բանաստեղծ Գրեգորի Դիլի տունը Կալավանում

31-ամյա Գրեգորի Դիլը 2018 թվականին 7 հազար դոլարով Կալավանում տուն գնեց և շարունակում է այն բարեկարգել։ Արդեն գիտի` ում համար. Հայաստան եկավ մեկ ուսապարկով, բայց այսօր նա արդեն 14 կատու, 2 շուն, ինչպես նաև ճագարներ և բադ ունի։

«Սկզբում մի կատու էի պահում, որի անունը Տատիկ էր։ Վերջերս նա իսկապես տատիկ դարձավ. նրա աղջիկը` Վայրի մուկը, ձագեր բերեց։ Ամենաագրեսիվ կատուն` Դմբո Հրեշն է։ Իսկ Մատիտը` ամենանուրբը։ Նա կույր է, և ես շատ էի վախենում, որ իրեն կվնասի։ Բայց կատուն մարտական է տրամադրված, ու ի դեպ վերջերս ինքն էլ ձագեր ունեցել։ Ձագերին դեռ չեմ շտապում անուն տալ, թող մեծանան, դրսևորեն իրենց, որպեսզի կարողանամ նրանց համար անուններ ընտրել», – պատմում է Գրեգորին։

Домашние питомцы писателя Грегори Дила в его доме в селе Калаван, Гегаркуни
© Sputnik / Aram Nersesyan
Գրեգորի Դիլի տնային կենդանիները

Միայն կատուները չեն, որ առանձնանում են իրենց կրեատիվ անուններով։ Շներին տերը կոչել է Պոպոք և Պնդուկ։ Իսկ ահա ճագարներն ու բադը անուն չունեն, նրանց հետ շատ ընտելանալ Գրեգորին չի շտապում։

Ի դեպ, Գրեգորի Դիլը, տնային կենդանիներից բացի, այլ զբաղմունք էլ ունի։ Նա արդեն մի քանի գիրք է գրել բրենդինգի և մարքեթինգի թեմայով։ Գրքերից մեկը` «Բրենդի հեղափոխությունը», վերջերս հրապարակվեց հայերենով։ Իսկ էքզիստենցիալ ճգնաժամի և սեփական «ես»–ի փնտրտուքների մասին իր ճանապարհորդությունների ժամանակ նա շարադրել է «Ճանապարհորդությունը ինքդ քեզ փոխելու միջոց» գրքում։

Դիլը ծնվել է Սան Դիեգոյում (ԱՄՆ, Կալիֆոռնիայի նահանգ), սակայն 18 տարեկանում հեռացել է տնից ու այլևս չի վերադարձել (առաջիկայում չի էլ նախատեսում)։ 10 տարվա ընթացքում նա շրջել է աշխարհի ավելի քան 50 երկրներով, որպես կամավոր աշխատել Աֆրիկայում, ապրել է Եվրոպայում, ճանապարհորդել Ասիայում։ Առաջին անգամ Հայաստան է եկել 2015-ին, ապա ժամանակ առ ժամանակ սկսել է այցելել մեր երկիր։ Գրեգորին Հայաստանը շատ է հավանել, և իհարկե պատճառը հայկական արմատներն են։ Ո՞նց կլիներ առանց դրանց։

«Մորական կողմից տատս` Մարիամ Գոեկջյանը, Կիլիկիայից էր։ Նրանք ԱՄՆ են գաղթել Ցեղասպանության ժամանակ։ Մարիամի հորեղբայրը` Վահրամ Գոեկջյանը, կոտորածի մասին մի քանի գրքերի հեղինակ է։ Դրանցից մեկի մասին ես միայն Հայաստանում իմացա, գտա այն Երևանի Ազգային գրադարանի արխիվում», – ասում է Գրեգորին։

«Ճամփորդություն փոթորկոտ ծովերով», «Թուրքերը մինչև պատմության դատաստանը», «Հայ Երուսաղեմը դարերուն մեջ». սրանք Վահրամ Գոեկջյանի որոշ գրքերի վերնագրերն են։ Ի դեպ Գրեգորիի երկրորդ անունը Վահրամ է, հենց հորեղբոր պատվին։ Նա իր գրքերը ստորագրում է «Գրեգորի Վ. Դիլ» անունով։

Писатель Грегори Дил за чтением книги деда Ваграма Гоекджьяна в своем доме в селе Калаван, Гегаркуник
© Sputnik / Aram Nersesyan
Վահրամ Գոեկջյանի գրքերից

Իսկ մի քանի տարի առաջ Գրեգորին ՀՀ քաղաքացիություն է ստացել։

«Հայրս և երկու պապերս գերմանացի են։ Երակներումս ավելի շատ գերմանացու արյուն է հոսում, քան հայի, բայց Հայաստանն ավելի հոգեհարազատ է։ Ինձ ամերիկացի չեմ համարում, այդ պատճառով էլ ցանկացա ՀՀ քաղաքացիություն ստանալ», – պատմում է գրողը։

Սկզբում Դիլը Դիլիջանում էր ապրում։ Այնուհետև, կարդալով ոչ շատ հեռու գտնվող Կալավան գյուղի ակտիվ զարգացման մասին, որոշեց տեղափոխվել։ Օրվա հացը վաստակում է իր գրքերի վաճառքից ստացած գումարով, բացի այդ ընկերություններում ֆրիլանսեր խորհրդատու է  աշխատում, աուդիոգրքեր է հնչունավորում։ Միայնակ ապրելը նրան ձեռնտու է։

«Այնքան տեղերում եմ եղել, այնքան շատ մարդկանց հետ շփվել, որ հիմա ուզում եմ ամեն ինչից հեռու ապրել։ Այսօր աշխարհում կորոնավիրուսի համավարակն է շրջում, վերջերս Հայաստանի սահմանին մարտեր էին. բոլոր այդ իրադարձությունները շրջանցում են ինձ և իմ տունը։ Ես միշտ ուտելիքի երկու ամսվա պաշար ունեմ, մտադիր եմ նաև արևային մարտկոցներ տեղադրել, որպեսզի պետությունից էլ ավելի քիչ կախվածության մեջ լինեմ», – ասում է Դիլը։

Նրա այսօրվա ամենամեծ անհարմարությունները կապված են մե՛կ տաք ջրի, մե՛կ հոսանքի պարբերաբար անջատումների հետ (հաճախ հանդիպող խնդիր հայկական գյուղերում)։

Դիլը խոստովանում է, որ իրեն դուր է գալիս «օտարականի կերպարը», պետք չէ հարմարվել սոցիալական նորմերին։

«Ոչ ոք ինձնից ոչինչ չի սպասում։ Մարդիկ փորձում են «յուրայիններին» իրենց ձևով կռել, իսկ օտարների հանդեպ մտավախություն ունեն։ Դա այն է, ինչ ինձ պետք է», – ասում է գրողը։

Корреспондент Sputnik Армения Жанна Погосян беседует с писателем Грегори Дилом в селе Калаван, Гегаркуник
© Sputnik / Aram Nersesyan
Բանաստեղծ Գրեգորի Դիլը Sputnik Արմենիայի լրագրողի հետ

Ժամանակի մեծ մասը նա անցկացնում է գրասեղանի մոտ կամ գործիքները ձեռքին։ Բացի այդ, հոգ է տանում տան կենդանիների մասին։ Դիլը կատուների և շների համար մշտապես  հատուկ կեր է ձեռք բերում, թեև Կալավանում խանութ չկա (մոտակա խանութները գտնվում են Ճամբարակում կամ Դիլիջանում)։

Առաջինն ու միակը. ինչպես ալոեն փոխեց հայ ինժեներ- երկրաբանի կյանքը

Իր ծրագրերի մասին Դիլը խոսել չի սիրում, սակայն իր տնից քիչ հեռու արդեն սկսել է փոքր հյուրատուն կառուցել։ Հիմա գիտի` որտեղ հյուրընկալել Երևանից, Նահանգներից, աշխարհի այլ երկրներից  իրեն այցելել ցանկացողներին։  Իսկ իր տանը գիշերելու են միայն սիրելի կենդանիներն ու գրքերը։

  • Գրող Գրեգորի Դիլը Կալավանի իր տան բակում
    Գրող Գրեգորի Դիլը Կալավանի իր տան բակում
    © Sputnik / Aram Nersesyan
  • Գրող Գրեգորի Դիլի ընտանի կենդանիները
    Գրող Գրեգորի Դիլի ընտանի կենդանիները
    © Sputnik / Aram Nersesyan
  • Գրող Գրեգորի Դիլի ընտանի կենդանիները
    Գրող Գրեգորի Դիլի ընտանի կենդանիները
    © Sputnik / Aram Nersesyan
  • Վահրամ Գոեկջյանի գրքերից
    Վահրամ Գոեկջյանի գրքերից
    © Sputnik / Aram Nersesyan
  • Գրող Գրեգորի Դիլը Կալավանի իր տան բակում
    Գրող Գրեգորի Դիլը Կալավանի իր տան բակում
    © Sputnik / Aram Nersesyan
  • Գրող Գրեգորի Դիլը
    Գրող Գրեգորի Դիլը
    © Sputnik / Aram Nersesyan
  • Գրող Գրեգորի Դիլի ընտանի կենդանիները
    Գրող Գրեգորի Դիլի ընտանի կենդանիները
    © Sputnik / Aram Nersesyan
1 / 7
© Sputnik / Aram Nersesyan
Գրող Գրեգորի Դիլը Կալավանի իր տան բակում
193
թեգերը:
Եվրոպա, Աֆրիկա, ԱՄՆ, կատու, Գրեգորի Դիլ, Կալավան
Ըստ թեմայի
Տավուշի Մովսես գյուղում հարսանիք է եղել. մարդիկ վերադառնում են բնականոն կյանքի
Թունավորված մեղուների առեղծվածը. ինչպես է գյուղացին ունքը շինելու տեղ աչքը հանում
Ավելի լավ տներ, քան հրետակոծությունից առաջ. Տավուշի մարզպետն այցելել է սահմանամերձ գյուղեր
Սվետլանա Տիխանովսկայ

Սվետլանա Տիխանովսկայան լքել է Բելառուսի տարածքը

0
(Թարմացված է 10:53 11.08.2020)
Լիտվայի արտգործնախարար Լինկյավիչյուսը հայտնել է, որ Սվետլանա Տիխանովսկայայի անվտանգությունն ապահովված է։

ԵՐԵՎԱՆ, 11 օգոստոսի – Sputnik. Բելառուսի նախագահի թեկնածու Սվետլանա Տիխանովսկայան ներկա պահին գտնվում է Լիտվայում։ Տեղեկությունը Twitter-ի իր էջում հայտնել է երկրի արտգործնախարար Լինաս Լինկյավիչյուսը։

«Սվետլանա Տիխանովսկայային վտանգ չի սպառնում, նա Լիտվայում է»,-գրել է նա։

Կիրակի՝ օգոստոսի 9-ին, Բելառուսում նախագահական ընտրություններ են կայացել։ Պաշտոնական տվյալներով ՝ ընտրություններում հաղթել է գործող նախագահ Ալեքսանդր Լուկաշենկոն, Նրա օգտին քվեարկել Է ընտրողների 80,23 տոկոսը: Նրա հիմնական մրցակից Սվետլանա Տիխանովսկայի օգտին քվեարկել է մասնակիցների 9,90 տոկոսը: Քվեարկության ավարտից հետո երկրում սկսվել են զանգվածային բողոքներ և ոստիկանության հետ բախումներ, որոնց հետևանքով կա մեկ զոհ:

0