Ucom

Մոտ 800 աշխատակից ազատման դիմում են գրել. Ucom–ում քննարկումներ են ընթանում

3804
(Թարմացված է 14:02 17.07.2020)
Ucom–ի հիմնադիրներ Եսայան եղբայրների հետ որոշել են հեռանալ ընկերության մի շարք առանցքային աշխատակիցները։ Sputnik Արմենիայի աղբյուրն ասել է՝  ինչ է կատարվում այնտեղ։

ԵՐԵՎԱՆ, 10 ապրիլի — Sputnik. Ucom հեռահաղորդակցման ընկերության մոտ 800 աշխատակից աշխատանքից ազատվելու դիմում եմ ներկայացրել։ Սա կարող է հանգեցնել ընկերության փլուզմանը, քանի որ այդ աշխատակիցների կեսն առանցքային պաշտոններ են զբաղեցնում։ Այս տեղեկությունը հայտնեց Sputnik Արմենիայի աղբյուրը։

Հայկ և Ալեքսանդր Եսայանները պատրաստ են գնել Ucom-ի` իրենց չպատկանող բաժնեմասը

Ավելի վաղ լրատվամիջոցները նշել էին, որ Ucom-ի ու Beeline-ի հնարավոր ձուլման պատճառով տնօրենների խորհրդում խնդիրներ են առաջացել։ Իբրև թե որոշվել էր, որ Beelinе-ի գլխավոր տնօրեն Անդրեյ Պյատախինը նշանակվելու է Ucom-ի տնօրեն, ինչի հետ համաձայն չէին Ucom-ի հիմնադիր եղբայրներ Հայկ ու Ալեքսանդր Եսայանները։

«Ընկերության աշխատակիցները շարունակում են դիմումներ գրել այն բանից հետո, երբ Եսայանները որոշեցին հեռանալ։ Մարդիկ չեն ուզում Պյատախինի ղեկավարության ներքո աշխատել, բոլորն ընկերությունում խոսում են նրան տնօրեն նշանակելու մասին»,-մանրամասնեց մեր աղբյուրը։

Նրա խոսքով՝ այս պահին ինչ-որ բանակցություններ են ընթանում, սակայն ընկերության «վերնախավից» բացի ոչ ոք չգիտի՝ ինչի մասին են բանակցում։ Ըստ մեր զրուցակցի՝ Եսայանները աշխատակիցների հետ որևէ քննարկում չեն ունեցել ու չեն խնդրել նրանց՝ աջակցել իրենց այս հարցում։ Պարզապես մարդիկ դիմումներ են գրում ի նշան ղեկավարության հետ համաձայնության։

«Եթե դիմում դրած բոլոր աշխատակիցները որոշեն վաղվանից գործի չգալ, ապա ընկերության աշխատանքը կկանգնի, քաղաքացիներն էլ կարանտինի ընթացքում կապ չեն ունենա»,-ընդգծեց մեր աղբյուրը։

«Ինտերնետ հանրություն» ՀԿ-ի փոխնախագահ Գրիգոր Սաղյանը Sputnik Արմենիայի հետ զրույցում նշեց, որ ամենայն հավանականությամբ, ղեկավար կազմի աշխատակիցներն անմիջապես չեն լքի իրենց պաշտոնները․ աշխատանքային օրենսգրքի համաձայն՝ նրանք որոշ ժամանակի պետք է շարունակեն աշխատել։

Նա հավելեց, որ հնարավոր է՝ ընկերության աշխատակիցներն այսպիսով իրենց անհամաձայնությունն են ուզում հայտնել։ Սակայն այդ դեպքում, ըստ Սաղյանի, անհասկանալի է՝ ինչի հետ համաձայն չեն, եթե գործարքը հաստատված կամ հրապարակված չէ։

«Քանի ամիս է անցել, իսկ այդ գործընթացի մասին ոչ ոք այդպես էլ կարծիք չի հայտնել։ Անհասկանալի է՝ ինչու»,-ավելացրեց Սաղյանը։

Մեզ չհաջողվեց կապ հաստատել Ucom-ի մամուլի ծառայության հետ։ Կապ հաստատեցինք համահիմնադիր Ալեքսանդր Եսայանցի հետ, սակայն նա այս պահին զերծ մնաց որևէ մեկնաբանություն տալուց։

Beeline-ի մամուլի ծառայությունից մեզ տեղեկացրեցին, որ իրենց ընկերությունում ոչ մի փոփոխություն չի կատարվում, ու Պյատախինը շարունակում է զբաղեցնել գլխավոր տնօրենի պաշտոնը և չի պատրաստվում լքել այն։ Beeline–ը շարունակում է աշխատել սովորականի պես, ընդգծեցին ընկերությունից։

Հիշեցնենք, որ ապրիլի 9–ին հայտնի դարձավ, որ Ucom ընկերության կառավարման ողջ օղակը՝ բոլոր տնօրենների գլխավորությամբ, ինչպես նաև տեխնիկական ողջ անձնակազմը աշխատանքից ազատման դիմումներ են գրել։

2019 թվականի դեկտեմբերի 30-ին հայտնի դարձավ, որ Ucom-ը դիմել է Հանրային ծառայությունները կարգավորող հանձնաժողով` «Վեոն Արմենիա» ընկերությունը (ապրանքանիշը «Beeline») գնելու նպատակով:

Մինչև 2015 թվականին Orange Armenia–ն ձեռք բերելը ընկերությունում աշխատել է մոտ 800 մարդ։ Դրանից հետո Ucom–ն ընդունել է Orange–ի աշխատակիցներին, և ընկերությունում սկսել է աշխատել 1200 մարդ։ Այսօր այդ թիվը 1600–ի է հասել։

3804
թեգերը:
UCom ընկերությունը, ազատման դիմում, աշխատատեղ, աշխատանք, Հայաստան
Հենրիխ Մխիթարյան

«Ճանաչո՞ւմ ես ինձ, ճանաչիր Արցախը». Հենրիխ Մխիթարյանը նոր գրառում է արել

145
(Թարմացված է 19:46 31.10.2020)
Հայ ֆուտբոլիստը շարունակում է իր միջազգային ճանաչվածությունն օգտագործել` աշխարհին Արցախի դեմ սանձազերծված ագրեսիայի մասին պատմելու համար։

ԵՐԵՎԱՆ, 31 հոկտեմբերի - Sputnik. Հայաստանի ազգային հավաքականի և «Ռոմայի» կիսապաշտպան Հենրիխ Մխիթարյանը շարունակում է աշխարհի ուշադրությունը հրավիրել Արցախում շարունակվող պատերազմի վրա։ Facebook-ի իր էջում նա հերթական գրառումն է արել՝ պատմելով խաղաղ բնակչության դեմ իրականացվող ագրեսիայի մասին։

Նա կրկին դիմել է միջազգային հանրությանը՝ կոչ անելով ճանաչել Արցախի անկախությունը։

«Արցախի հայերը խաղաղություն են ուզում: Հակամարտության սրման, ինչպես նաև հայ անմեղ քաղաքացիների շարունակական թիրախավորման և նրանց ֆիզիկական ոչնչացման սպառնալիքի լույսի ներքո մենք միջազգային հանրությանը կոչ ենք անում ճանաչել Արցախի Հանրապետության անկախությունը և նրա ինքնորոշման իրավունքը»,- գրել է հայազգի աշխարհահռչակ ֆուտբոլիստը։

Նշենք, որ պատերազմի առաջին օրերից Հենրիխ Մխիթարյանն իր ճանաչվածությունը դարձրեց զենք հօգուտ ճշմարտության ու հայ ժողովրդի։ Նա բազմիցս իր հրապարակումներում անդրադարձել է Արցախում տիրող իրավիճակին։ Նա պարբերաբար սոցիալական ցանցերի իր էջերում գրառումներ է անում, լուսանկարներ հրապարակում՝ միջազգային հանրությանը կոչ անելով շտապ միջամտել Ադրբեջանի և Թուրքիայի կողմից սանձազերծված ագրեսիան դադարեցնելու համար։

Ավելի վաղ «Ռոմայի» գլխավոր մարզիչ Պաուլո Ֆոնսեկան էլ իր հերթին հայտնել էր, որ պատրաստ է Հենրիխ Մխիթարյանին հանգիստ տալ առաջիկա խաղերին, քանի որ նա մտքերով Արցախում է:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 31-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6947 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 239 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 656 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

145
թեգերը:
Հենրիխ Մխիթարյան, Արցախ, Արցախյան պատերազմ
թեմա:
Հենրիխ Մխիթարյան
Ըստ թեմայի
Հենրիխ Մխիթարյանը դիմել է միջազգային հանրությանը
Հենրիխ Մխիթարյանի մտքերն Արցախում են. «Ռոման» աջակցում է հայ ֆուտբոլիստին
«Ծանր սրտով եմ գրում». Հենրիխ Մխիթարյանը բաց նամակ է հղել Պուտինին, Թրամփին ու Մակրոնին
Հիվանդանոց

Վիրավորների բուժմամբ զբաղվող հիվանդանոցներին օպերատիվ կտրամադրվի այն, ինչի կարիքը կա

67
(Թարմացված է 19:29 31.10.2020)
Անհրաժեշտ սարքավորումներն ու դեղորայքը ժամանակին են տեղ հասնում. մինչ օրս որևէ վիրավոր զինվորի բուժօգնություն չի տուժել այդ պատճառով։

ԵՐԵՎԱՆ, 31 հոկտեմբերի - Sputnik. ՀՀ առողջապահության նախարարությունը տեղեկացնում է, որ վիրավոր զինծառայողների բուժմամբ զբաղվող հիվանդանոցների կարիքները կբավարարվեն «կենտրոնացված ձևով»։

«Ցանկացած հիվանդանոցում, որտեղ ընթանում է Ադրբեջանի սանձազերծած լայնածավալ պատերազմի հետևանքով վիրավորում ստացած զինվորների բուժում և ընթացքում առաջանում է որևէ կարիք, որն այդ պահին բացակայում է հիվանդանոցում՝ խնդրում ենք հարցը լուծել կենտրոնացված ձևով»,- նշված է ԱՆ մամուլի ծառայության տարածած հաղորդագրության մեջ։

Հաջորդիվ նախարարությունը մանրամասնում է. «կենտրոնացված» նշանակում է՝ տվյալ հիվանդանոցի տնօրինության միջոցով պետք է կարիքը ներկայացվի նախարարություն։ Եթե անհրաժեշտ պարագան (սարքավորում, դեղորայք և այլն) ՀՀ ԱՆ «Մարդասիրական օգնության հանրապետական կենտրոնի» պահեստում կա, ապա անմիջապես կտրամադրվի։ Եթե չկա, ապա օպերատիվ կերպով ձեռք կբերվի և կմատակարարվի։

Նախարարությունից նաև տեղեկացնում են, որ մատակարարվել են անհրաժեշտ բոլոր սարքավորումներն ու դեղորայքը, և որևէ վիրավորի բուժօգնություն չի տուժել դրա պատճառով։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 31-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6947 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 239 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 656 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

67
թեգերը:
զինծառայող, Վիրավոր, Հայաստան
Ըստ թեմայի
Պատերազմն ու կորոնավիրուսը. ՀՀ առողջապահության նախարարությունը պատասխանել է քննադատությանը
Առողջապահության նախարարությունը ահազանգում է` կորոնավիրուսը կարող է վնասել մեր զինվորներին
Ով կարող է արյան դոնոր դառնալ վիրավորների համար
Ցուցահանդես

Ռազմական կոմունիզմ, կամ ինչպես են Հայաստանի ինժեներներն ամրապնդում պաշտպանությունը

23
Մրցակցություն, անձնական հավակնություններ, անգամ ֆինանսական հաշվարկներ՝ ամեն ինչ մի կողմ է դրվել։ Ցանկացած խնդրանքին իսկույն արձագանքում են թե՛ բիզնես-գործընկերները, թե՛ պետությունը, ընդ որում՝ ոչ միայն ուժային գերատեսչությունները։

ԵՐԵՎԱՆ, 31 հոկտեմբերի – Sputnik. Թե ինչպիսի պաշտպանական տեխնոլոգիաներ են մշակում Հայաստանում, մենք արդեն բազմիցս ենք պատմել։ Թե դրանցից որոնք են կիրառվում, բնականաբար, բարձրաձայնել չարժե (համենայն դեպս՝ հիմա)։ Բայց մի բան կարելի է հաստատ ասել` ինժեներական ոլորտի ձեռնարկություններն ինքնակազմակերպվել են և բանակին օգնում են այնպես, ինչպես երբևէ չեն օգնել։

Ընկերությունները, որոնք նախկինում մոլի մրցակիցներ էին, հիմա գծագրեր և ծրագրային կոդեր են փոխանակում: Եթե նյութեր կամ մասեր են անհրաժեշտ, տալիս են անվճար կամ ինքնարժեքով:

«Ընդ որում՝ նույնիսկ չեն ճշտում, թե ինչի համար է պետք։ Բավական է որևէ բան խնդրել, չեն հարցնում` ինչո՞ւ կամ ինչքա՞ն կտաս, ասում են՝ արի, վերցրու»։ Մենք էլ, բնականաբար, այդպես ենք անում»,- Sputnik Արմենիային ասաց «Լոկատոր» ընկերության տնօրեն Արման Խաչատրյանը։

Հայերն Ադրբեջանի պետական փաստաթղթերի հասանելիություն են ստացել. տեսանյութ

Ոլորտի ձեռնարկությունները հայտարարությունների ներքին հարթակ են ստեղծել, որտեղ հայտնում են, թե ինչ ռեսուրսներ կարող են առաջարկել։ Ինչ-որ մեկը շարժիչներ ունի, ուրիշը՝ միկրոսխեմաներ, երրորդի ծրագրավորողները կարող են մի քանի օր անվճար աշխատել, կամ ինժեներները կարող են էլեկտրոնային սխեմա հավաքել։ Ինչ-որ ընկերություն գրել էր, որ հաշվարկների և փորձարկումների համար ֆիզիկոսներ են պետք։ Մի քանի ժամ անց նրանց դուռը թակեց միանգամայն անծանոթ մարդ՝ ինստիտուտներից մեկի գիտաշխատող, և հարցրեց, թե ինչով կարող է օգնել։

Ձևավորվել են նաև ծրագրող-կամավորականների շարժական բրիգադներ, որոնցում շատ երիտասարդ տղաներ ու աղջիկներ կան։ Երբ որևէ ձեռնարկության համար շտապ պետք է որևէ բան գրել, նրանք իսկույն գալիս են` չհարցնելով, թե որքան են վճարելու։

Կես խոսքից փոխըմբռնում է ձևավորվել նաև պաշտպանության նախարարության հետ։ Եթե ուսումնասիրությունների համար ինչ-որ նյութեր են պետք, տրամադրում են առաջին իսկ խնդրանքով` իմանալով, թե որ ընկերությունն ինչով է զբաղվում և հասկանալով, թե ինչի համար է խնդրում այս կամ այն բանը։

«Ընդ որում՝ նույնպիսի անվերապահ աջակցություն կա նաև պաշտպանության հետ կապ չունեցող գերատեսչություններից, եթե պետք է լինում նրանց հետ որևէ բան կարգավորել»,-ընդգծեց Խաչատրյանը։

Ինժեներներին օգնում է նաև սփյուռքահայությունը։ Մեկը՝ որպես ծրագրավորող, երկրորդը՝ որպես առաքիչ, եթե պետք է արագ ինչ-որ բան գնել և ուղարկել, ինչ-որ մեկն էլ ուղղակի նյութապես է օգնում, եթե ինչ-որ նյութեր կամ տեխնիկա շտապ գնելու կարիք կա։

Այլ կերպ ասած՝ տարերայնորեն, առանց կազմակերպման և վերևից եկած հրահանգի յուրատեսակ կոմունիզմ է ձևավորվել մեկ ընդհանուր նպատակի համար։

«Այս ամենի շնորհիվ մենք նոր, կարևոր տեխնոլոգիա ենք կազմել։ Սովորական պայմաներում մեզնից կես տարի կպահանջվեր, հիմա գլուխ հանեցինք մեկ շաբաթից էլ պակաս ժամանակում։ Տղաները մի քանի օր չեն քնել, աշխատել են երեք հերթափոխով, բայց ամեն ինչ արել են․․․ մի խոսքով, լավ ենք աշխատում»,-ավելացրեց Խաչատրյանը։

Այս և այլ տեխնոլոգիաները փորձարկվում և կատարելագործվում են պատերազմական պայմաններում։

ՊԲ–ն ԱԹՍ է ոչնչացրել Ստեփանակերտի երկնքում

23
թեգերը:
ինժեներ, Հայաստան
Ըստ թեմայի
Ինչպես ունենալ ԱԹՍ-ների մեր բանակը. Կարեն Վարդանյանի ընտանիքի առաջարկն ու առաջին ներդրումը
Կորուստներ են պատճառել թշնամուն ու հետ շպրտել․ նոր հերոսներ ունենք
Հայկ Պետրոսյանը նույնպես կմեկնի Արցախ. ճակատագիրը չի ների, եթե արժանի չլինենք մեր տղաներին