Սուպերմարկետ, արխիվային լուսանկար

Միսը, կարագը, բրինձը, ձեթը կարող են էժանանալ. ԵԱՏՄ-ում գտել են գնաճը զսպելու ուղին

215
(Թարմացված է 12:23 09.04.2020)
Ի տարբերություն գյուղմթերքի մաքաստուրքերի զրոյացման մասին կառավարության ընդունած որոշման, որը գործելու է մինչև տարեվերջ, գյուղմթերքի մասին որոշումը ժամանակավոր է և առայժմ կգործի մինչև հունիս:

ԵՐԵՎԱՆ, 9 ապրիլի - Sputnik. Միսը, կարագը, բրինձը, ձեթը, մարգարինը, ծխախոտի հումքը, պարարտանյութը, դեղորայքն առաջիկայում կէժանանան միջինը 3 տոկոսով: Նույն չափով նկվազեն նաև Հայաստան ներմուծվող մշակված կաշվե ու թանկարժեք քարերի գները: Այս մասին այսօր կառավարության նիստում հայտնեց ՀՀ փոխվարչապետ Մհեր Գրիգորյանը՝ ներկայացնելով «Եվրասիական տնտեսական միության մասին» պայմանագրում առաջարկվող փոփոխությունները:

«Ուզում եմ նաև ավելացնել, որ այս ընթացքում՝ մարտ-ապրիլ ամիսներին տեղի է ունեցել ԵԱՏՄ խորհրդի 3 նիստ: Որոշումներ են կայացվել, որոնք երեկ մտան ուժի մեջ: Այդ որոշումների համաձայն` ԵԱՏՄ բոլոր երկրների համար սահմանվել է, որ երրորդ երկրներից ներմուծվող գյուղմթերքի նկատմամբ ժամանակավորապես կիրառվելու է զրոյական մաքսատուրք»,- ասաց Գրիգորյանը:

Որքանով կազդի արտակարգ դրությունը գների վրա. ԿԲ-ի պարզաբանումը

Ի տարբերություն գյուղմթերքի մաքաստուրքերի զրոյացման մասին կառավարության ընդունած որոշման, որը գործելու է մինչև տարեվերջ, գյուղմթերքի մասին որոշումը ժամանակավոր է և առայժմ կգործի մինչև հունիս: ՀՀ վարչապետը կարևորց որոշման ընդունումը հատկապես այսօր, երբ շուկայում ակնհայտ գնաճային ճնշումներ են նկատվում:
Կառավարությունն ընդունեց պայմանագրի նախագիծն ու կարևորեց, որ այն հնարավորինս արագ վավերացնի նաև ԱԺ-ն՝ գների հետագա հնարավոր բարձրացումները զսպելու համար:

ՏՄՊՊՀ-ն գների անկում է գրանցել

215
թեգերը:
մաքսատուրք, կարագ, Միս, գնաճ, Եվրասիական Տնտեսական Միություն (ԵԱՏՄ)
թեմա:
Հայաստան և ԵԱՏՄ (186)
Декорации в ТЦ Mega Mall

Առևտրի կենտրոնում ռումբ չի հայտնաբերվել. ահազանգերից մեկը կեղծ էր

2
«Դալմա Գարդեն Մոլ» առևտրի կենտրոնում փրկարարներն ու ոստիկանները տարհանել են քաղաքացիներին: Ռումբի որոնման աշխատանքներն այս պահի դրությամբ շարունակվում են:

ԵՐԵՎԱՆ, 6 հուլիսի - Sputnik. Երևանի Նոր Նորք համայնքում գտնվող «Մեգամոլ Արմենիա» առևտրի կենտրոնում իրականացված տեղազննման արդյունքում ռումբ չի հայտնաբերվել։ Տեղեկությունը հայտնում է ՀՀ ԱԻՆ լրատվական ծառայությունը:

Հիշեցնենք՝ այսօր՝ ժամը 13։30-ին, Ճգնաժամային կառավարման ազգային կենտրոնը ոստիկանությունից տեղեկություն էր ստացել, որ ինտերնետային հարթակում հաղորդագրություն է տարածվել, թե Երևանի «Մեգամոլ Արմենիա» առևտրի կենտրոնի 1-ին և 2-րդ հարկերում ռումբեր են տեղադրված, որոնք ժամը 13։50-ին պայթելու են։

Դեպքի վայր մեկնած փրկարարներն ու ոստիկանության աշխատակիցներն իրականացրել էին  տարհանում, որի ընթացքում անվտանգ տարածք էր դուրս բերվել մոտ 350 քաղաքացի։ Միաժամանակ փրկարար ծառայության և ոստիկանության կինոլոգիական խմբերն իրականացրել էին ռումբերի որոնման աշխատանքներ, որոնց ավարտին ռումբի մասին ահազանգի իսկությունը հերքվել էր:

Նշենք, որ այսօր ռումբի մասին ահազանգ էր ստացվել նաև Երևանի «Դալմա Գարդեն Մոլ» առևտրի կենտրոնի վերաբերյալ: Այստեղ ևս փրկարարներն ու ոստիկանները տարհանել են քաղաքացիներին: Ռումբի որոնման աշխատանքներն այս պահի դրությամբ դեռ շարունակվում են:

Հիշեցնենք՝ հուլիսի 1-ին ԱԻՆ Ճգնաժամային կառավարման ազգային կենտրոնն ահազանգ է ստացել, որ Երևանի «Երևան մոլ» առևտրի և զվարճանքի համալիրի «Ֆուդկորտում» ռումբ է տեղադրված։

Առևտրի կենտրոնից մարդկանց էվակուացնելուց հետո փրկարարներն իրականացրել էին տեղազննում, որի արդյունքում ռումբ չէր հայտնաբերվել։

2
Ոստիկաններ, արխիվային լուսանկար

ԿԲ-ի շենքին բեռնատարով մոտեցած ակցիայի մասնակիցները բերման են ենթարկվել

9
(Թարմացված է 16:03 06.07.2020)
Բողոքի ակցիայի ժամանակ ԿԲ-ին էր մոտեցել բեռնատար ավտոմեքենա, որի մեջ գտնվող մի խումբ անձինք գունավոր ծուխ արձակող ճայթուկներ էին նետել շենքի ուղղությամբ:

ԵՐԵՎԱՆ, 6 հուլիսի - Sputnik. Ոստիկանությունը բերման է ենթարկել ԿԲ-ի մոտ բողոքի ակցիայի մասնակիցներից 5-ին: Այս մասին Sputnik Արմենիային հայտնեցին ՀՀ ոստիկանության լրատվության ու հասարակայնության հետ կապերի վարչությունից: Քաղաքացիները բերման են ենթարկվել ՀՀ վարչական իրավախախտումների վերաբերյալ օրենսգրքի 182 հոդվածի հիմքով՝ ոստիկանության զորքերի զինծառայողների կամ ոստիկանության ծառայողի օրինական պահանջը չկատարելու համար:

Հիշեցնենք՝ ԿԲ-ի մոտ բողոքի ակցիայի կազմակերպիչը ՀՀ քաղաքացի Մանուել Մանուկյանն էր: Նա իր դժգոհությունն էր արտահայտել բանկերի վարկային քաղաքականության վերաբերյալ:

Ակցիայի ժամանակ, երբ Մանուկյանը լրագրողներին հարցազրույց էր տալիս, ԿԲ-ին էր մոտեցել բեռնատար ավտոմեքենա, որի մեջ գտնվող մի խումբ անձինք գունավոր ծուխ արձակող ճայթուկներ էին նետել շենքի ուղղությամբ: Մանուկյանը ևս բարձրացել էր բեռնատարի թափք, որից հետո նրանք միասին հեռացել էին: Ոստիկանները միջամտել են կատարվածին և հինգ հոգու բերման ենթարկել:

Նոր աղմուկ Ամուլսարի շուրջ, կամ ինչու են Ջերմուկի բնակիչները կրկին փողոց դուրս եկել

9
թեգերը:
Հայաստան, Կենտրոնական բանկ (ԿԲ), Ոստիկանություն, ոստիկան, Բողոքի ակցիա
Ըստ թեմայի
Ռասիզմի դեմ բողոքի ակցիան Փարիզում վերածվել է անկարգությունների․ տեսանյութ
Ծառուկյանի հարցաքննությունն ու բողոքի ակցիաները՝ լուսանկարներով
Բողոքի ակցիաներ ԱՄՆ-ում․ ամերիկացիները փորձում են մեղքը բարդել Ռուսաստանի վրա
«Նույն Սերժ Սարգսյանն ա՝ մորուքով». ԲՀԿ-ականների բողոքի ակցիան ԱԱԾ շենքի դիմաց