ԵՐԵՎԱՆ, 8 ապրիլի – Sputnik. Հայաստանում թոքերի արհեստական օդափոխության ապարատներ արտադրելու համար մի քանի ամիս պետք կլինի: Այս մասին այսօր լրագրողների հետ հանդիպմանը հայտնեց ՀՀ բարձր տեխնոլոգիական արդյունաբերության նախարար Հակոբ Արշակյանը:
«Տնտեսական շահավետության տեսանկյունից, կարծում եմ, որ այդ ներուժը Հայաստանում կա»,- ասաց Արշակյանը:
Այդուհանդերձ, նրա խոսքով, այդ աշխատանքով ոչ թե պոետությունն է զբաղվելու, այլ մասնավոր տնտեսվարողը, որն էլ պետք է դա անի մաքսիմալ օպտիմալ տարբերակով:
«Բազմաթիվ ընկերություններ փորձում են նման սարքեր արտադրել, բայց, հաշվի առնելով, որ դա պարզ սարքավորում, չէ, այլ բավականին բարդ սարք է, որոշ ժամանակ պետք կլինի դրանց արտադրական փուլին հասնելու համար»,- նշեց նախարարը:
ՀՀ տեղափոխված Covid-19 վարակի հետազոտման շարժական լաբորատորիան կսկսի արագ ախտորոշումները
Ինչ վերաբերում է նման կենսական անհրաժեշտ սարքավորումների ներմուծմանը, Արշակյանը հայտնեց, որ որոշակի խմբաքանակ արտերկրում արդեն գնվել է և այժմ տեղափոխվում է Հայաստան, ընդ որում, ոչ միայն արհեստական շնչառության, այլև թթվածին մատակարարող այլ տիպի սարքավորումներ ևս:
Առայժմ Հայաստանում միայն վերանորոգվում են թոքերի արհեստական շնչառության սարքերը: Ավելի վաղ Արշակյանը հայտնել էր, որ այս պահին թոքերի արհեստական շնչառության 10 սարք է վերանորոգվել, որոնք ենթական են շահագործման։
