Գեորգի Ավետիսյան. արխիվային լուսանկար

ՍԱՏՄ-ն վերահսկում է նաև սննդամթերքի առցանց վաճառքի իրականացումը. ինչ աշխատանքներ են տարվել

65
(Թարմացված է 17:14 07.04.2020)
Գեորգի Ավետիսյանը ներկայացրեց այս օրերին կատարված աշխատանքը, խոսեց արտադրամասերից մեկում հայտնաբերված վարակակրի մասին և ներկայացրեց այն արտադրամասերը, որոնց թույլատրվել է միայն առցանց վաճառք իրականացնել։

ԵՐԵՎԱՆ, 7 ապրիլի-Sputnik. ՍԱՏՄ տեսուչները վերջին մեկ ամսվա ընթացքում այցելել են Երևանում մոտ 500, մարզերում՝ գրեթե 3600 սննդամթերքի իրացման կազմակերպություններ և արտադրություններ, տեղում ստուգումներ իրականացրել։ Կառավարության մամուլի կենտրոնում այսօր կայացած ասուլիսի ընթացքում Սննդամթերքի անվտանգության տեսչական մարմնի ղեկավար Գեորգի Ավետիսյանը ներկայացրեց, թե ինչ միջոցառումներ են իրականացվել մարտի 13- ից ապրիլի 6-ն ընկած ժամանակահատվածում։

Նա հիշեցրեց, որ իրացման ցանցերին, հանրային սննդի օբյեկտներին և սննդամթերքի արտադրություններին բաժանել են վարակի տարածումը նվազեցնելուն ուղղված գործողությունների ուղեցույցներ, ապա նաև տեսչական մարմինն ամենօրյա ռեժիմով հետևում է ուղեցույցի պահանջների կատարմանը։ Ամենօրյա ռեժիմով տեսչական մարմինը գրեթե բոլոր մեծ արտադրամասերից ֆոտո և տեսառեպորտաժներ է նաև ստանում, որոնք ներկայացնում են այդ օրը կատարած ախտահանիչ միջոցառումները։

«Մարտի 27-ին և 28-ին մշտադիտարկումներ են իրականացվել  հանրապետության տարածքում գործող գյուղատնտեսական արտադրության 18 շուկաներում, արձանագրվել է, որ մարզերում շուկաների մեծ մասը չի գործում, իսկ գործող շուկաներում միայն մի քանի կետում է վաճառք իրականացվում, այցելուների քանակն էլ նկատելիորեն պակասել է»,- նշեց Ավետիսյանը՝ հավելելով, որ շրջայցերի ընթացքում սանիտարահիգիենիկ նորմերին անհամապատասխանություն հայտնաբերելու դեպքերում տրվել են համապատասխան հանձնարարականներ։

Երևանի խոշոր սուպերմարկետներն ախտահանվում են. լուսանկարներ

Ապրիլի 6-ին տեսչական մարմնում ստեղծվել է աշխատանքային խումբ սննդամթերքի առցանց վաճառքով զբաղվող կազմակերպությունների աշխատանքի նկատմամբ պետական վերահսկողություն իրականացնելու համար։

«Երեկ տեսչական մարմնի Գեղարքունիքի և Արագածոտնի մարզային կենտրոնի աշխատակիցներն այցելել են բոլորիս հայտնի «Ծովագյուղ» և «Գնթունիք» սուպերմարկետ-ֆուդկորտեր և պարզել, որ այդ վայրերում հանրային սննդի կազմակերպման գործընթացը դադարեցված չէ»,- հայտնեց Ավետիսյանը՝ հավելելով, որ տեղում կասեցվել է նրանց աշխատանքը, այսօրվանից այդ ընկերություններն իրականացնում են միայն առաքում։

Ավետիսյանը անդրադարձավ նաև այն խնդրին, որ հացը խանութների մի մասում շարունակում են չփաթեթավորած վաճառել։ Նա նշեց՝ հացի փաթեթավորմանը վերաբերող օրենսդրական պարտադիր պահանջ չկա, սակայն ՍԱՏՄ հորդորներով՝ տնտեսվարողների մեծ մասն իրականացնում է փաթեթավորում։ Անդրադառնալով այն մտահոգություններին՝ թե արդյոք հացը կարող է կորոնավիրուսի փոխանցման աղբյուր լինել, Ավետիսյանը նշեց, որ գիտական որևէ աղբյուրում նման բան չի նշվում, գոնե իրենք ծանոթ չեն։

Աքորիում 165 գլուխ խոզ է սատկել. ո՞րն է զանգվածային անկման պատճառը

Մեկնաբանելով  «Դարոյինք» արտադրամասում կորոնավիրուսով վարակվելու դեպքի մասին խոսակցությունները` տեսչական մարմնի ղեկավարը նշեց, որ վարակվածը եղել է մենեջերը, այլ ոչ թե արտադրամասի աշխատակից, որի հետ արտադրության մասնակիցները շփում չեն ունեցել

Հիշեցնենք նաև, որ կորոնովիրուսի տարածման կանխարգելման համար Հայաստանում մարտի 16-ից ապրիլի 14–ն արտակարգ դրություն է սահմանվել։ 

Պարետ Տիգրան Ավինյանի որոշմամբ՝ մինչև ապրիլի 12-ը գործում են արտակարգ ռեժիմի խստացման պայմաններ. չի աշխատում հասարակական տրանսպորտը, 39 տարվա մեջ առաջին անգամ գործունեությունը դադարեցրել է Երևանի մետրոպոլիտենը: Քաղաքացիները տնից դուրս գալ կարող են միայն ծայրահեղ անհրաժեշտության դեպքում՝ իրենց հետ ունենալով անձը հաստատող փաստաթուղթ և հատուկ ձևաթուղթ: 

 

65
թեգերը:
Գեորգի Ավետիսյան, Արտակարգ դրություն, սնունդ, Հայաստան, ՍԱՏՄ(Սննդամթերքի անվտանգության տեսչական մարմին)
Ըստ թեմայի
Ռուսական ընկերությունը կորոնավիրուսի հայտնաբերման նոր տիպի թեստ է մշակում
Մարդիկ օնլայն հարթակներում թատրոն, համերգ, օպերա են դիտում. մշակութային շարժը մեծ է
Հայաստանն ինքնաթիռ է ուղարկել Չինաստան՝ բժշկական սարքավորումներ ու թեստեր բերելու
Եվգենյա Մեդվեդևա–Բաբասյան

Եվգենյա Մեդվեդևա–Բաբասյանն իր մասին 5 փաստ է ներկայացրել

57
(Թարմացված է 23:01 23.01.2021)
Մեդվեդևան խոստացել է սոցցանցերում հրապարակել իր փայլուն քարերով զգեստը, հենց այն պատրաստ լինի։

ԵՐԵՎԱՆ, 23 հունվարի – Sputnik. Հայտնի ռուսաստանցի գեղասահորդ Եվգենյա Մեդվեդևա–Բաբասյանը Olympic Channel-ի հետ զրույցում իր մասին հինգ արտասովոր փաստ է ներկայացրել։

Աղջիկն ասել է, օրինակ, որ ընդամենը երկու օր առաջ է կանաչ ձիթապտուղ համտեսել։

​«Առաջին բանը, որ անում եմ առավոտյան՝ ստուգում եմ սոցցանցերը։ Նայում եմ լայքերը, բայց միշտ չէ, որ կարդում եմ մեկնաբանությունները, թեև միևնույնն է` հետևում եմ։ Նաև շանս փորը համբուրելու սովորություն ունեմ։ Կարմիր շրթներկի հետքը մնում է», - ասել է Մեդվեդրան Olympic Channel-ի հետ զրույցում։

Նա նաև խոստովանել է, որ յոթ անգամ դիտել է «Շերկոկ» սերիալը, քանի որ շատ է սիրում այն։

«Ես ու մայրս փայլուն քարերով նկարներ ենք անում։ Դա ասես արվեստի գործ լինի, բայց փայլում է ինչպես գեղասահքի համար նախատեսված զգեստ։ Instagram-ում կհրապարակեմ, երբ պատրաստ լինի»,–հավելել է նա։

Նշենք, որ գեղասահորդուհի Եվգենյա Մեդվեդևան հայկական արմատներ ունի: Աղջիկը 2018 թվականի Օլիմպիական խաղերի արծաթե մեդալակիր է, Աշխարհի կրկնակի չեմպիոն (2016, 2017), Աշխարհի գավաթի (2019) բրոնզե մեդալակիր, Եվրոպայի երկակի չեմպիոն (2016, 2017), Եվրոպայի առաջնության արծաթե մեդալակիր։

«Ատոմային զենք ես». Գոհար Ավետիսյանը փայլել է իր շքեղ կազմվածքով

57
թեգերը:
ինստագրամ, Եվգենյա Մեդվեդևա–Բաբասյան
Ըստ թեմայի
Բաժանում և ոչ միայն. Եվգենյա Մեդվեդևա–Բաբասյանն ասել է`ինչպես է պայքարում դեպրեսիայի դեմ
Եվգենյա Մեդվեդևան նկարել է ճապոնացի ընկերոջը
Մեդվեդևան կփոխի՞ քաղաքացիությունը, կամ ինչպես են հայ մարզիչներն օգնում այլոց գեղասահքում
Արխիվային լուսանկար

Լարսը փակել են. ռուսական կողմում 760 բեռնատար է կուտակվել

51
ՀՀ տարածքում նույնպես կան փակ ավտոճանապարհներ, իսկ Սյունիքի ավտոճանապարհներին տեղ-տեղ առկա է մերկասառույց։

ԵՐԵՎԱՆ, 23 հունվարի – Sputnik. Արտակարգ իրավիճակների նախարարությունը տեղեկացնում է, որ Ստեփանծմինդա-Լարս ավտոճանապարհի ռուսական կողմում կուտակվել է 760 բեռնատար ավտոմեքենա:

«Ստեփանծմինդա-Լարս ավտոճանապարհը փակ է միայն բեռնատար ավտոմեքենաների համար»,–նշված է հաղորդագրության մեջ։

Հայաստանի Հանրապետության տարածքում նույնպես կան փակ ավտոճանապարհներ. փակ են Արագածոտնի «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները, իսկ Վարդենյաց լեռնանցքը փակ է միայն կցորդիչով բեռնատարների համար։
Արագածոտնի մարզի Ապարան-Արագած, Վայոց ձորի մարզի Սարավան-«Զանգեր» հատվածում, դեպի Ջերմուկ քաղաք տանող, Աղավնաձոր-

Արենիի ավտոճանապարհներին և Սյունիքի մարզի ավտոճանապարհներին տեղ-տեղ առկա է մերկասառույց։

Վարորդներին խորհուրդ է տրվում երթևեկել բացառապես ձմեռային անվադողերով։

Հիշեցնենք` այսօր առավոտյան Լարսը բաց էր բոլոր տիպի տրանսպորտային միջոցների համար։

51
թեգերը:
ՀՀ արտակարգ իրավիճակների նախարարություն (ԱԻՆ), բեռնատար, Վերին Լարս
թեմա:
Եղանակը Հայաստանում
Ըստ թեմայի
Հայկական բեռնատարներն այլևս կանգնած չեն մնա․ Լարսի ճանապարհի շինարարությունը կավարտվի
Վերին Լարսի այլընտրանք. ռուսական ընկերությունը հայկական բիզնեսին լաստանավ է տրամադրել
Արդիականացումը չի՞ փրկի․ որն է Վերին Լարսի անցակետի խնդրի լուծումը
Մարիա Զախարովա. արխիվային լուսանկար

«Դա միջամտություն է ներքին գործերին». Մարիա Զախարովան պատասխանել է ԱՄՆ դեսպանատանը

88
(Թարմացված է 23:23 23.01.2021)
Ավելի վաղ Ռուսաստանի ԱԳՆ-ն նույնպես արձագանքել էր ԱՄՆ դեսպանատան հայտարարությանը, նշելով, որ դա կանդրադառնա ռուս-ամերիկյան հարաբերությունների վրա։

ԵՐԵՎԱՆ, 23 հունվարի - Sputnik. Ռուսաստանի ԱԳՆ ներկայացուցիչ Մարիա Զարխարովան պատասխանել է Ռուսաստանում չարտոնված միտինգների վերաբերյալ ԱՄՆ դեսպանատան հայտարարությանը։

«Ահա տեսեք՝ ամերիկյան դեսպանատունը տեղեկություն է հրապարակում։ Սա իսկական միջամտություն է ներքին գործերին», - ասել է Զախարովան «Սոլովյով LIVE»-ի եթերում։

Ավելի վաղ ԱՄՆ դեսպանատունը Ռուսաստանում չարտոնված ակցիաների մասին հաղորդագրությունների ֆոնին հայտարարել էր, որ հետևում է «ռուսական 38 քաղաքներում բողոքի ակցիաների մասին հաղորդագրություններին»։ ԱՄՆ դեսպանատնից ավելացրել էին, որ «սատարում են խաղաղ բողոքի բոլոր մարդկանց իրավունքն ու կարծիք արտահայտելու ազատությունը», իսկ ռուս իշխանության քայլերն, իբրև, «ուղղված են այդ իրավունքը ճնշելուն»։

Մոսկվայում չարտոնված միտինգի ժամանակ 39 ուժայիններ են տուժել

ՌԴ ԱԳՆ-ն արձագանքել է այդ հայտարարությանը, ընդգծելով, որ ծայրահեղական տարրերին սատարելու փորձերը երկկողմանի հարաբերությունների համար բացասական հետևանքներ են ունենալու։ Գերատեսչությունում հիշեցրել են, որ դեսպանատունն առաջին անգամ չէ, որ արհամարհական վերաբերմունք է ցուցադրում դիվանագիտական նորմերի ու կանոնների նկատմամբ ու սոցիալական ցանցերում ակտիվ հաղորդագրություններ է հրապարակում՝ աջակցելով ռուսական քաղաքներում չարտոնված բողոքի ակցիաներին։

Ռուսաստանում քրեական պատիժ կսահմանվի դեռահասներին հանրահավաքներում ներգրավելու համար

88
թեգերը:
Բողոքի ակցիա, դեսպանություն, ԱՄՆ, Ռուսաստան, Մարիա Զախարովա
Ըստ թեմայի
Լավրովն ու Զարիֆը Մոսկվայում կքննարկեն Ղարաբաղի հարցը․ Մարիա Զախարովա
Եռակողմ հայտարարության իրականացման համար համալիր աշխատանք է սպասվում․ Զախարովա
Եթե Բաքուն ու Երևանը ցանկանան․ Զախարովան՝ հայերի ու ադրբեջանցիների երկխոսության մասին