Armenia ավիաընկերություն, արխիվային լուսանկար

«Իրերը կոչենք իրենց անուններով». «Արմենիան» ստեղծված իրավիճակում իր բացատրությունն ունի 

2706
(Թարմացված է 16:51 05.04.2020)
«Արմենիա» ավիաընկերության գլխավոր տնօրենի տեղակալ Գևորգ Խաչատրյանը Sputnik Արմենիայի հետ զրույցում հերքեց Տաթևիկ Ռևազյանի` երեկվա հարցազրույցում հնչած հայտարարությունը. նրա խոսքով` ոչ թե ավիաընկերություններն են զրկվել արտոնագրից, այլ ՔԱԿ–ը չի անցել աուդիտը։

ԵՐԵՎԱՆ, 5 ապրիլի – Sputnik. «Արմենիա» ավիաընկերության գլխավոր տնօրենի տեղակալ Գևորգ Խաչատրյանը Քաղաքացիական ավիացիայի կոմիտեի (ՔԱԿ) նախագահին առաջարկում է իրերը կոչել իրենց անուններով։ Այս մասին նա ասաց Sputnik Արմենիայի հետ զրույցում` արձագանքելով Տաթևիկ Ռևազյանի երեկվա հարցազրույցին։

«Տաթևիկ Ռևազյանի խոսքով` ավիաընկերություններին են զրկել  լիցենզիայից, բայց ԵՄ ավիացիոն անվտանգության գործակալության (EASA) Հայաստան այցելելու միակ նպատակը Կոմիտեն ստուգելն է եղել»,– նշեց Խաչատրյանը։

Օդային տրանսպորտի միջազգային ասոցիացիայի բացասական զեկույցը, ըստ Գևորգ Խաչատրյանի, վերաբերել է բացառապես ՔԱԿ-ին և ոչ թե հայաստանյան ավիաընկերություններին։

Խաչատրյանը հայտնեց, որ «Արմենիա» ավիաընկերությունն ստացել է միջազգային թռիչքներ իրականացնելու արտոնագիր, բայց քանի որ ՔԱԿ–ն ընկել է սև ցուցակ, այդ սերտիֆիկատը ևս դադարում է գործել։  Այս պարագայում ավիաընկերությունը կարող է առանձին դիմել սերտիֆիկացման միջազգային այլ կառույցի ու նոր արտոնագիր ստանալ։

Այսպիսի սերտիֆիկացման մարմին է նաև Օդային տրանսպորտի միջազգային ասոցիացիան (IOSA), որն անվտանգության ամենաբարձր մակարդակ պահանջող միջազգային կառույցն է։ Եթե տվյալ երկրի Քաղավիացիան հայտնվել է սև ցուցակում, տեղական ընկերությունները կարող են դիմել այս մարմին ու ստանան առանձին արտոնագրեր, որոնց շնորհիվ կկարողանան պահպանել իրենց ունեցած պայմանագրերն ու դեպի եվրոպա թռիչների շուկան։

Քաղավիացիայի ոլորտում ստեղծված վիճակը համեմատում են 2–րդ համաշխարհայինի հետ

Խաչատրյանը չի բացառում, որ «Արմենիան» ևս առաջիկայում կդիմի այդ կառույցին։

«Մենք անելու ենք ամեն ինչ, որպեսզի մեր եվրոպական ուղղությունների ծրագրերն անխափան իրականացնենք, ու որևէ խնդիր, չեմ կարծում, որ կունենանք»,– ընդգծեց նա։

Իսկ ստեղծված իրավիճակը Գևորգ Խաչատրանն այսկերպ մեկնաբանեց.

«ԵՄ ավիացիոն անվտանգության գործակալությունը ստուգումներ է իրականացրել ՔԱԿ -ում, զուգահեռ նաև դրա ենթակայության տակ գտնվող ավիաընկերություններում։  Եվ եթե ՔԱԿ անվտանգության աուդիտը չի անցնում, մուտքը դեպի եվրոպա հայկական ավիաընկերությունների համար կփակվի, քանի որ ավիացիոն իշխանությունը ստացվում է ի զորու չէ ապահովել անվտանգության միջազգային նորմերը»։

Այդուհանդերձ, Տաթևիկ Ռևազյանի հարցազրույցից Խաչատրյանը հասկացել է, որ ՔԱԿ–ը մտադիր է բողոքարկել այդ որոշումը, ուստի հույս ունի , որ արդյունքը դրական կլինի։

Հիշեցնենք` երեկ ԶԼՄ–ներում տեղեկություն էր տարածվել, թե Միջազգային ավիացիոն գործակալությունը փետրվարին իրականացրած ստուգումներից հետո Հայաստանի Քաղավիացիայի կոմիտեին զրկել է լիցենզիայից։

Քաղաքացիական ավիացիայի կոմիտեի ղեկավարը  երեկ երեկոյան Հանրային հեռուստաընկերությանը տված հարցազրույցում հայտարարեց, որ ոչ թե ՔԱԿ–ն է զրկվել արտոնագրից, այլ Հայաստանում գրանցված երկու ավիաընկերություններին են ժամանակավորապես զրկել Եվրոպայի ուղղությամբ թռիչքներ իրականացնելու իրավունքից։

2706
թեգերը:
Տաթևիկ Ռևազյան, Քաղավիացիա, Հայաստան
Ըստ թեմայի
Կասեցվել է «Մարս Ավիայի» շահագործողի վկայականը. Քաղավիացիայի կոմիտե
Ռևիզոր է գալիս. եվրոպացիները խիստ աուդիտ կանցկացնեն Հայաստանի քաղավիացիայի կոմիտեում
Երևան–Ղրիմ չվերթի վերաբերյալ քննարկումներ չեն եղել. Քաղավիացիայի կոմիտե
ԱԳՆ–ն մեկնաբանեց Հայաստանի և Ադրբեջանի քաղավիացիայի կոմիտեների ղեկավարների հանդիպումը
Սպիտակ. արխիվային լուսանկար

Տուժածներ չկան. ինչ է եղել Սպիտակի հիվանդանոցում

128
(Թարմացված է 16:49 30.10.2020)
Համայնքապետարանից տեղեկացրեցին, որ անսարքությունն արդեն վերացված է, հիվանդներն անգամ չեն էլ իմացել խնդրի մասին։

ԵՐԵՎԱՆ, 30 հոկտեմբերի - Sputnik. Սպիտակի հիվանդանոցում պայթյուն չի եղել։  Տեղեկությունը Sputnik Արմենիայի հետ զրույցում հայտնեց Սպիտակի համայնքապետարանի պատասխանատուն։

Հիշեցնենք՝ քիչ առաջ ԱՆ մամուլի խոսնակ Ալինա Նիկողոսյանը հայտնել էր, որ Սպիտակ բժշկական կենտրոնում թթվածնի մատակարարման համակարգն է պայթել:

«Հիվանդանոցում պայթյուն չի եղել, անսարքություն է եղել թթվածնի բալոնի ռեդուկտորի հետ կապված»,- նշեց համայնքապետարանի ներկայացուցիչը։

Իրենց ունեցած տեղեկություններով՝ ներսում գտնվող հիվանդներն անգամ չեն էլ զգացել կատարվածը։

«Տուժածներ, վախեցողներ չեն եղել»,- հավելեց կինը։ Նրա խոսքով՝ անսարքությունն արդեն վերացված է։

Ավելի ուշ ՀՀ ԱԻՆ–ը հաստատեց, որ Սպիտակի հիվանդանոցում վնասվել է թթվածնային բալոնի մատակարարման համակարգը։ Այլ գույքային վնասներ և տուժածներ չկան։

128
թեգերը:
ՀՀ Առողջապահության նախարարություն, պայթյուն, հիվանդանոց, Սպիտակ
ՀՀ ԱԻՆ

Խնդրում ենք չանհանգստանալ. Շենգավիթում փորձարկվում է ձայնային տագնապի համակարգը

89
(Թարմացված է 15:49 30.10.2020)
ՀՀ–ում հայտարարված ռազմական դրության ռեժիմի շրջանակներում ՀՀ արտակարգ իրավիճակների նախարարությունը հայտարարել էր, որ հնարավոր օդային տագնապի դեպքում Երևանում ու ՀՀ այլ բնակավայրերում կարող են գործել օդային տագնապի ձայնային ազդանշաններ։

ԵՐԵՎԱՆ, 30 հոկտեմբերի - Sputnik. ՀՀ արտակարգ իրավիճակների նախարարությունը հայտնում է, որ այսօր ցերեկը Երևանի Շենգավիթ վարչական շրջանում իրականացվելու են նոր տեղադրված ձայնային տագնապի ազդանշանային էլեկտրաշչակների փորձարկումներ։

«Խնդրում ենք չանհանգստանալ։ Նախապես հայցում ենք ձեր ներողամտությունը»,– գրում է ԱԻՆ–ը։

Հիշեցնենք` ՀՀ–ում հայտարարված ռազմական դրության ռեժիմի շրջանակներում ՀՀ արտակարգ իրավիճակների նախարարությունը հայտարարել էր, որ հնարավոր օդային տագնապի դեպքում Երևանում ու ՀՀ այլ բնակավայրերում կարող են գործել օդային տագնապի ձայնային ազդանշաններ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ Գրանցվել են նաև թշնամական անօդաչու թռչող սարքերի թռիչքներ ու հարվածներ Հայաստանի Հանրապետության տարածքում, մասնավորապես՝ Կապանի շրջանում։ Այդ դեպքերում օդային տագնապի ազդանշան է միացել։

ԱԹՍ-ի արկն ընկել է գնդերեց Դավիթ սարկավագի ավտոմեքենայի վրա․ լուսանկար

89
թեգերը:
օդային տագնապ, ՀՀ արտակարգ իրավիճակների նախարարություն (ԱԻՆ)
Ըստ թեմայի
Ստեփանակերտում օդային տագնապ է
18 օրում խոցվել է հակառակորդի 180 օդային հարձակման միջոց. Մովսեսյան
Կապան քաղաքում օդային տագնապ է հայտարարվել
Աբբաս Արաղչի

Իրանը Ղարաբաղի վերաբերյալ իր ծրագիրն այնպես է նախագծել, որ ընդունելի լինի բոլորի համար

0
(Թարմացված է 17:15 30.10.2020)
Իրանական նախաձեռնության մանրամասները գործընկերներին ներկայացնելիս` Թեհրանը հաշվի է առել ինչպես Հայաստանի, այնպես էլ Ադրբեջանի նպատակները։

ԵՐԵՎԱՆ, 30 հոկտեմբերի – Sputnik. Իրանի նախագահի հատուկ բանագնաց, փոխարտգործնախարար Աբբաս Արաղչին ՌԻԱ Նովոստիին տված հարցազրույցում ասել է, որ Թեհրանը պատրաստ է միջնորդի դեր ստանձնել Ղարաբաղյան հակամարտության կարգավորման հարցում և հուսով է, որ իր ծրագիրը կօգնի կայուն խաղաղության հասնել։

Արաղչին նշել է, որ ԻԻՀ–ն մշտապես հայտարարել է հրադադարի հաստատմանն օժանդակելու, երկխոսություն սկսելու և խաղաղություն ու հանգստություն հաստատելու իր պատրաստակամության մասին։ Նա ընդգծել է, որ ԻԻՀ–ն լավ հարաբերություններ է պահպանում երկու երկրների հետ` Հայաստանի և Ադրբեջանի։

Արաղչին շեշտել է, որ իրանական նախաձեռնության մանրամասները գործընկերներին ներկայացնելիս` Թեհրանը մեծ ուշադրությամբ է վերաբերվել հակամարտության գործողությունների ուսումնասիրմանը, հաշվի է առել երկու երկրների` ինչպես Հայաստանի, այնպես էլ Ադրբեջանի նպատակները։

«Եվ այնպիսի առաջարկ ենք արել, որ այն ընդունելի լինի, տարածաշրջանի ազդեցիկ երկրները կարողանան մասնակցել, և հույս ունենք, որ այդ ծրագիրը ճանապարհ կհարթի Լեռնային Ղարաբաղում կայուն խաղաղություն հաստատելու համար», – ընդգծել է Արաղչին։

Ըստ նրա` դա հեշտ չէ, քանի որ բազմաթիվ խնդիրներ կան, այդ թվում «միջամտությունը տարածաշրջանից դուրս ու նրանց կողմից, ովքեր այս տարածաշրջանում խաղաղություն չեն ուզում»։ Արաղչին չի պարզաբանել, թե խոսքն ում մասին է, բայց ավելի վաղ նա ՌԻԱ Նովոստիին ասել էր, որ կարգավորմանը կարող են մասնակցել և՛ Ռուսաստանը, և՛ Թուրքիան։

«ԻԻՀ–ի ջանքերն ու նախաձեռնությունները չեն ժխտում այս հակամարտության կարգավորմանն ուղղված այլ նախաձեռնություններն ու ջանքերը, բայց մենք համոզված ենք, որ տարածաշրջանային ճգնաժամերը տարածաշրջանային լուծում ունեն», – եզրափակել է դիվանագետը։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

0
թեգերը:
Իրանի Իսլամական Հանրապետություն, Արցախ, Ադրբեջան, Հայաստան
թեմա:
Հրադադար Արցախում
Ըստ թեմայի
Իրանն ու Ռուսաստանը նմանատիպ մոտեցումներ ունեն Ղարաբաղյան հակամարտության հարցում. Արաղչի
Իրանի նախագահի բանագնացը Ղարաբաղի հարցով խորհրդակցություններ է անցկացրել Մոսկվայում
Իրանի փոխարտգործնախարարը Զոհրաբ Մնացականյանի հետ քննարկել է ԼՂ խնդիրը