Կորոնավիրուսն ու «ռուսական» խոպանը․ հայերի ընտանիքները զրկվել են փողից

1499
(Թարմացված է 23:14 04.04.2020)
Աշխատանքային միգրանտների զգալի մասը զրկվել է փողից, որով նրանք և՛ իրենց գլուխն էին պահում, և՛ օգնում հարազատներին։

ԵՐԵՎԱՆ, 4 ապրիլի – Sputnik. Կորոնավիրուսի դեմ պայքարի շրջանակում Ռուսաստանի ձեռնարկած միջոցների ու սահմանափակումների պատճառով հայ աշխատանքային միգրանտներն ու նրանց ընտանիքները զրկվել են եկամտի հիմնական աղբյուրից։

Համավարակի պատճառով Ռուսաստանում մարտի 25-ից ապրիլի 30-ը ոչ աշխատանքային օրեր են հայտարարվել։ Ձեռնարկությունների ու արտադրամասերի աշխատանքը դադարեցվել է։ Շարունակում են աշխատել ղեկավար մարմինները, չընդհատվող արտադրություն ունեցող ձեռնարկությունները, դեղատները, մթերային և առաջին անհրաժեշտության ապրանքների խանութներն ու բուժհաստատությունները։

Ռուսաստանում աշխատող հայերի վրա ազդել են հատկապես շինարարության դադարեցումն ու առևտրի սահմանափակումները։ Եթե գրանցված աշխատակիցներին պաշտոնապես պետք է աշխատավարձ տան, ապա չգրանցվածների դեպքում գործատուն ոչ մի պարտավորություն չունի։

Խոպանչիների բարդ ճակատագիրը

Արշակն ու Արտյոմը եղբայրներ են, նրանք ամեն տարի Մարտունի քաղաքից Ռուսաստան էին մեկնում՝ արտագնա աշխատանքի։ Գարնանը գնում էին, ուշ աշնանը` վերադառնում, շինարարությամբ էին զբաղվում։

Երբ Ռուսաստանը «փակվեց», սկսեցին Հայաստանում գումար աշխատել։ Համագործակցում էին տեխնիկա վերանորոգող ու տեղադրող ընկերությունների հետ, սակայն նրանց պաշտոնապես չէին գրանցում։ Նրանք վերանորոգման աշխատանքներ էին անում տներում ու գումարն առձեռն էին ստանում։

Երբ երկրում արտակարգ դրություն հայտարարվեց, եղբայրներն այդ եկամտից էլ զրկվեցին, իսկ ամենավատն այն է, որ նրանք պետական աջակցության ոչ մի ծրագրի չափանիշներին չեն համապատասխանում։ Դրան գումարած` մեկ միլիոն դրամ էլ վարկ ունեն։

Հայաստանում այս եղբայրների պես մարդիկ հազարների են հասնում։ Շատերն էին որոշել ժամանակավոր աշխատանք գտնել Հայաստանում, մինչև Ռուսաստանը նորից կբացի սահմանը։ Մարդիկ իրենց հավաքած գումարը ծախսում էին` հուսալով, որ Ռուսաստանի հետ սահմանը ուր որ է կբացվի, բայց հրաշք տեղի չունեցավ, իսկ պաշարները ժամանակի ընթացքում սպառվում են։

Արամի հայրը Ռուսաստանի Վլադիմիրի մարզում նույնպես շինարարությամբ է զբաղվում։ Sputnik Արմենիայի հետ զրույցում տղան նշեց, որ հայրը գրեթե չի աշխատում։ Եթե հանկարծ աշխատանքի դուրս գա, կտուգանեն։

«Թաղայիններն անընդհատ ստուգում են` միգրանտները տանը նստած են, թե ոչ, արդյոք հյուր չե՞ն ընդունում», - ասաց Արամը։

Այդուհանդերձ տղամարդը փորձում է գումար վաստակելու այլ ճանապարհներ գտնել ընտանիքն ինչ–որ կերպ պահելու համար։ Նա ծանոթների հետ աշխատում է մեկուսացված տարածքներում, որտեղ սահմանափակ թվով բանվորներ կան։ Օրենք են խախտում, բայց փող է պետք։

Արմանը որդու հետ Մոսկվայի մարզում է աշխատում։ Նրա բախտը բերել է․ չնայած շինարարական աշխատանքներ իրականացնելու արգելքին, կարողացել է աշխատանքի ընդունվել ու մասնավոր տան ներքին ձևավորմամբ է զբաղվում։ Սահմանափակումները նրան այդքան էլ չեն խանգարում։

«Ինչքան ժամանակ է` աշխատանքի եմ գնում, դեռ չեն կանգնեցրել, չեն ստուգել», - ասում է Արմանը։

Նրա որդին՝ Վահեն, սպասարկման ոլորտում է աշխատում՝ հեռահաղորդակցման ընկերությունում։ Սակայն նրա աշխատավարձն ուղղակիորեն կախված է վաճառքի ծավալից, ինչը հասկանալի պատճառներով նվազել է։ Տղան ստիպված հեռավար աշխատանքի է անցել։

«Թեև ինձ թույլտվություն են տվել, ու տնից եմ աշխատում, բայց միևնույնն է` առաջիկա ամիսներին եկամուտը կտրուկ կնվազի»,- ասում է նա։

Խոպանչիների շարքում հայեր կան, որոնք Ռուսաստանի քաղաքացիություն ունեն, բայց դա դեռ չի նշանակում, որ նրանք ավելի շահեկան վիճակում են։

Սարգիսի ընտանիքը Հայաստանում է, իսկ ինքը Եկատերինբուրգի մոտակայքում գտնվող գործարանի գրանցված աշխատող է։ Սահմանափակումների պատճառով ձեռնարկության աշխատանքը դադարեցվել է, ու դեռ հասկանալի չէ՝ աշխատավարձի հարցն ինչպես է լուծվելու։ Նույն վիճակում է Հովհաննեսը, որը մեքենայով սնունդ էր մատակարարում Մոսկվայի մանկապարտեզներին։ Հաստատությունները փակ են, իսկ նա գումար էր ստանում ամեն առաքումից։

Հայաստանից Ռուսաստան և հակառակ ուղղությամբ մարդկանց տեղափոխող միկրոավտոբուսների հայ վարորդներն էլ առանձին թեմա են։ Ոմանք հասցրել են Հայաստանից մարդկանց տանել, բայց սահմանները փակվել են, ու նրանք իրենց մեքենաների հետ մնացել են ճանապարհներին։ Հիմա վարորդները տարբեր քաղաքներից հավաքվում են Մոսկվայում, որ կարողանան վերադառնալ։

Նշենք, որ այստեղից գնացող հայերը հիմնականում ծանոթի կամ ծանոթների ծանոթի մոտ են գնում։ Շատերն անօրինական են աշխատում, եթե գործատուի հարցում բախտները բերում է, ապա նույնիսկ այս իրավիճակում աշխատանքի համար փոխհատուցում են ստանում, իսկ եթե ոչ, Հայաստանում մնացած նրանց ընտանիքները ստիպված են պարտք վերցնել հարազատ–բարեկամներից կամ պարտք մնալ խանութին։ Փոքր խանութներում (հատկապես՝ մարզերում) դա ընդունված տարբերակ է։

Հայաստանի կառավարությունն ու աջակցությունը

Տնտեսագետ Ատոմ Մարգարյանի խոսքով՝ միգրանտների ընտանիքների մի մասը նպաստ է ստանում, բայց ոչ բոլորը։ Կան մարդիկ, որոնք արտակարգ դրության ռեժիմի պատճառով տուժածների ծրագրի շահառու չեն համարվում։

«Ցավոք, այդ ընտանիքների վիճակը վատանալու է։ Այս իրավիճակում կառավարությունը պետք է գոնե միջնաժամկետ հեռանկարում աջակցի նրանց։ Մի քանի տարբերակներ կան՝ սկսած ուղիղ օգնությունից, վերջացրած աշխատանքի ընդունվելու հարցում աջակցելով», - ասաց Մարգարյանը։

Ամենադժվարը կարանտինի շրջանում է լինելու։ Տնտեսագետը հույս ունի՝ իշխանությունը, որը հետզհետե ընդլայնում է պետական աջակցություն ստացող անձանց շրջանակը, իրավիճակը կդիտակի նաև այդ տեսանկյունից։

Հետևանքները Հայաստանի տնտեսության համար

Մասնագետի կարծիքով՝ այս պահին անիմաստ է որևէ կանխատեսում անել։ Մարգարյանի խոսքով՝ ամեն ինչ կախված է նրանից, թե իրավիճակն ինչպես կզարգանա մինչև տարեվերջ։

Նրա խոսքով՝ Հայաստանի քաղաքացիները Ռուսաստանում չափազանց լուրջ խնդիրների առաջ են կանգնել։ Եկամուտը զրոյին է մոտենում։ Այնպես որ հույս չկա, թե նրանք կարող են որևէ եկամուտ ստանալ ու Հայաստան ուղարկել։

«Իսկ դրամական փոխանցումները Հայաստանի մակրոտնտեսական պահանջների համար լուրջ գործոն է։ Ամեն տարի դրանց մակարդակը մոտ 1,5 միլիարդ դոլար է կազմում։ Եվ դա առավելագույն ծավալը չէ, եթե հաշվի առնենք վերջին երկու տարիները»,– ասաց Մարգարյանը։

Չնայած հստակ կանխատեսումների բացակայությանը, կարելի է միանշանակ արձանագրել, որ կորոնավիրուսի հետ կապված ներկայիս իրավիճակը շատ լրջորեն կանդրադառնա Հայաստանի տնտեսության վրա, հատկապես՝ Ռուսաստանի գծով։

«Առաջիկա երեք ամիսները չափազանց անբարենպաստ են լինելու, սա միանշանակ է», - ընդգծեց Մարգարյանը։

Նշենք, որ ԿԲ տվյալների համաձայն՝ 2019 թվականին Հայաստան կատարվող տրանսֆերտների ծավալը կազմել է 1,788 միլիարդ դրամ, դրանից ավելի քան մեկ միլիարդը Ռուսաստանից է փոխանցվել։

 

1499
թեգերը:
Արտակարգ դրություն, փող, խոպանչի, Խոպան, Ռուսաստան, Հայաստան
Ըստ թեմայի
Ի՞նչ տարբերություն` վիրուսից կմեռնենք, թե սովից․ բազմազավակ մոր խնդիրներն ու կորոնավիրուսը
Կորոնավիրուսից ու արտակարգ դրությունից տուժած ընտանիքներն աջակցություն կստանան
Բազմազավակ ընտանիքները կբավարարվեն միայն նպաստով. աջակցություն նախատեսված չէ
Քիչ գումար` շատերին. Բաթոյանն ասաց` ինչպես են մարդիկ աջակցություն ստանալու պետությունից
 Արծրուն Հովհաննիսյան

Զոհված ժամկետային զինծառայողներն առաջնագծում չեն եղել․ Արծրուն Հովհաննիսյան

629
(Թարմացված է 19:46 14.07.2020)
Հովհաննիսյանը նշել է, որ հայ–ադրբեջանական սահմանի Տավուշի հատվածում մարտական գործողություններ են ընթանում, դա նշանակում է, որ բոլոր օղակներն ու բնագծերը մարտի մեջ են։

ԵՐԵՎԱՆ, 14 հուլիսի - Sputnik. Այսօր Տավուշում ադրբեջանական կրակոցից զոհված ժամկետային երկու զինծառայողներն առաջնագծում չեն եղել։ Այս մասին Sputnik Արմենիայի հետ զրույցում ասաց Իջևանում լրատվական ճգնաժամային կենտրոնի պատասխանատու Արծրուն Հովհաննիսյանը։

«Զոհված զինծառայողներն առաջնագծում չեն եղել, բայց այժմ մարտական գործողություններ են ընթանում, և բոլոր օղակներն ու բնագծերը մարտի մեջ են»,- ասաց նա։

Նշենք, ավելի վաղ ՊՆ ռազմական վերահսկողական ծառայության պետ գեներալ-գնդապետ Մովսես Հակոբյանը հայտարարել էր, որ Տավուշում գործողություններում պարտադիր ժամկետային ոչ մի զինծառայող ներգրավված չէ:

Ադրբեջանը 120 մմ ականանետներից կրակել է «Տավուշ տեքստիլի» ուղղությամբ

Հիշեցնենք` հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Սին «հերոսություն» է. մասնագիտական ապտակ ադրբեջանցի հաքերներին

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

Ադրբեջանի պաշտպանության նախարարի տեղակալ Քերիմ Վելիևն այսօր հայտնել է, որ հայ-ադրբեջանական սահմանին մարտական գործողությունների հետևանքով սպանվել են գեներալ-մայոր Փոլադ Հաշիմովը և գնդապետ Իլգար Միրզեևը։


ԱՊԱ գործակալությունն էլ տեղեկացրել են, որ սպանվել են նաև մայոր Ահմեդով Նամիգ Խաժանօղլուն, մայոր Նովրուզով Անար Գյուլվերդիօղլուն, ենթասպա Զեյնալլա Իլգար Այազօղլուն, ենթասպա Բաբաև Յաշար Վասիֆօղլուն, գերժամանակակից ծառայության զինծառայող, զինվոր Մուստաֆազադե Էլչին Արիֆօղլուն:

Հայկական կողմից կա 5 վիրավոր և չորս զոհ։ Հակառակորդի կրակոցից մահացել են մայոր Գարուշ Վեմիրի Համբարձումյանը և կապիտան Սոս Փայլակի Էլբակյանը, ժամկետային զինծառայողներ` կրտսեր սերժանտներ Սմբատ Գևորգի Գաբրելյանն ու Գրիշա Վահանի Մաթևոսյանը։

Արցախի ՊԲ–ն նոր հաղորդագրություն է տարածել սահմանին տիրող իրավիճակի մասին

629
թեգերը:
առաջնագիծ, Զոհ, հայ-ադրբեջանական, զինծառայող, Տավուշ, Արծրուն Հովհաննիսյան
Ըստ թեմայի
Հայկական ԶՈւ-ն ադրբեջանական հերթական ԱԹՍ-ն է խոցել
ՀԱՊԿ-ը կոչ է անում անհապաղ դադարեցնել հրաձգությունը հայ-ադրբեջանական սահմանին
Ցնծության ճիչ․ ՀՀ ԶՈՒ–ն ադրբեջանական հերթական անօդաչուն է խոցել
Ադրբեջանն իր բնակչությանը շրջապատել է հրետանային մարտկոցներով՝ դարձնելով թիրախ. լուսանկար
Ֆելիկս Ցոլակյան

Նախարարը հանձնարարել է պատրաստ լինել Տավուշի բնակավայրերից բնակչության տարհանմանը

596
(Թարմացված է 18:57 14.07.2020)
Փրկարարները պետք է հասանելի լինեն յուրաքանչյուր բնակչի, անհրաժեշտության դեպքում օգնեն պարենի ձեռքբերման և այլ հարցերով՝ ելնելով բնակիչների անվտանգությունից:

ԵՐԵՎԱՆ, 14 հուլիսի - Sputnik. Հուլիսի 14-ին Արտակարգ իրավիճակների նախարար Ֆելիքս Ցոլակյանը խորհրդակցություն է անցկացրել, որին մասնակցել է նաև Տավուշի մարզային փրկարարական վարչության պետ փ/ծ գնդապետ Փիրումյանը: Նա ներկայացրել է սահմանում տիրող իրավիճակը և ձեռնարկվող առաջնահերթ միջոցառումները:

Նախարար Ցոլակյանը հանձնարարել է բոլոր գործողությունները համաձայնեցնել տեղի զինված ուժերի ղեկավար կազմի հետ, առավելագույն ինտենսիվությամբ նախապատրաստվել, ըստ անհրաժեշտության, բնակչության պատսպարման աշխատանքներին:

«Անհրաժեշտ է հասանելի լինել յուրաքանչյուր բնակչին, կապի և հեռահաղորդացության միջոցներով աշխատել մեր քաղաքացիների հետ, նույնիսկ, եթե պետք է՝ օգնել պարենի ձեռքբերման և այլ հարցերով՝ ելնելով բնակիչների անվտանգությունից»,-ասել է նախարարը:

Արցախի ՊԲ–ն նոր հաղորդագրություն է տարածել սահմանին տիրող իրավիճակի մասին

Խորհրդակցության ընթացքում անդրադարձ է եղել նաև հուլիսի 13-ին Շիրակի մարզում տեղացած աննախադեպ ծավալի անձրևներին: Մարզային փրկարարական վարչության պետ փ/ծ գնդապետ Գյոզալյանը հայտնել է, որ հնարավոր բոլոր միջոցներով իրականացվում են ջրահեռացման աշխատանքներ, տարհանվել են հարյուրավոր տրանսպորտային միջոցներ, բացվել են դիտահորեր, փրկվել տասնյակ տներ: Վիճակը կառավարելի է:

Նախարարը մտահոգիչ է համարել նաև 2020 թվականի առաջին կիսամյակի ընթացքում գրանցված ջրահեղձումների թիվը և հանձնարարել է խստացնել հսկողությունը Սևանի ափամերձ և այլ ջրային տարածքներում:

596
թեգերը:
Տավուշ, ՀՀ արտակարգ իրավիճակների նախարարություն (ԱԻՆ), Ֆելիքս Ցոլակյան
Ըստ թեմայի
Սու-30-ներն օդ են բարձրացել, բայց Ադրբեջանի գործողությունների հետ կապ չունեն. ՀՀ ՊՆ
Ինչպես է հայկական ԶՈւ–ն ոչնչացնում ադրբեջանական հենակետերը. ՊՆ–ն տեսանյութ է հրապարակել
ՀԱՊԿ-ը կոչ է անում անհապաղ դադարեցնել հրաձգությունը հայ-ադրբեջանական սահմանին
Հայկական ԶՈւ-ն ադրբեջանական հերթական ԱԹՍ-ն է խոցել
Մամիկոն Ասլանյան

Բացասական եզրակացության դեպքում չեն վճարվի. Վանաձորում գոհ չեն ասֆալտապատման աշխատանքներից

0
Վանաձորի համայնքապետ Մամիկոն Ասլանյանը Sputnik Արմենիայի եթերում անդրադարձել է ճանապարհաշինարարության անորակ աշխատանքներին: 
Ասլանյան. «Ճանապարհաշինարարական աշխատանքներում եղել են ժամկետների հետ կապված բացթողումներ»

Վանաձորում դժգոհ են ճանապարհաշինարարության աշխատանքների ընթացքից: Խոսքը ոչ այնքան իրականացվող աշխատանքների որակի մասին է, որքան դրանց ձգձգման: Ընկերությունը խոստացել է դրանք ավարտել մինչև օգոստոսի 1-ը, իսկ մարզպետարանն ու համայնքապետարանը կարող են գնահատականներ տալ աշխատանքների ամբողջական ավարտից հետո: Վանաձորի համայնքապետ Մամիկոն Ասլանյանի փոխանցմամբ՝ ինքը և Լոռու մարզպետ Անդրեյ Ղուկասյանը շրջել են և ծանոթացել սուբվենցիոն ծրագրերով իրականացվող աշխատանքների ընթացքին:

Անդրադառնալով այն հանգամանքին, որ Լոռու մարզպետը դիմել է դատախազություն՝ երկու լաբորատորիաներից ներկայացրած եզրակացության առթիվ, Ասլանյանը նշեց, որ դեռ անցած տարվանից ճանապարհաշինարարական կազմակերպության աշխատանքների որակի վերաբերյալ լաբորատորիաներից մեկը ներկայացրել էր դրական եզրակացության, մինչդեռ ՏԿԵ նախարարության ենթակայությամբ գործող ՊՈԱԿ-ի լաբորատոր փորձաքննության արդյունքում դրական եզրակացության է արժանացել փողոցներից մեկը, մյուս երեքի վերաբերյալ առկա է բացասական եզրակացություն:

«Լոռու Մարզպետը դիմել է դատախազություն՝ պարզելու, թե ինչպես է ստացվել, որ մի տեղից ստացվել է դրական, իսկ մյուս տեղից՝ բացասական եզրակացություն: Ի դեպ, մեզ անցյալ տարվա վերջին ներկայացրել էին 4-5 փողոցի վերաբերյալ եզրակացություն, մենք կրկնակի եզրակացությամբ վճարել ենք միայն մեկ փողոցի համար, որի առթիվ երկու լաբորատորիաներն էլ տվել են դրական եզրակացություն»,- Sputnik Արմենիայի հետ զրույցում հայտնեց Վանաձորի համայնքապետը: 

Ի՞նչ վիճակում է Վանաձորից Վրաստանի սահման տանող ճանապարհը

Ասլանյանի տեղեկացմամբ՝ իրենք իրականացնում են աշխատանքների կազմակերպման վերահսկողություն, իսկ աշխատանքներն, ըստ նրա, ընթացել են ոչ թե թերություններով, այլ կազմակերպության կողմից եղել են բացթողումներ, որոնք արձանագրված են և առնչվում են ժամկետներին, աշխատանքների կազմակերպման ինտենսիվությանը: Սակայն, երբ համայնքապետարանը սկսել է խզման գործընթաց, կազմակերպությունը խոստացել է 4-5 օրում մոտ 5-6 հազար քառակուսի մետր տարածքի աշխատանքներին տեմպ հաղորդել: 

«Ընդամենը մնում էր երեք փողոց և մեկ կիսատ փողոց, որպեսզի ամբողջությամբ ասֆալտապատվեին: Ըստ այդմ՝ աշխատանքների ընդունման կարգը կորոշվի լաբորատոր փորձաքնության դրական եզրակացության պարագայում, իսկ բացասական եզրակացության դեպքում ճանապարհաշինարակական աշխատանքները չեն վճարվի»,- ասաց նա:

Ազատության հրապարակը կբարեկարգվի. քաղաքապետարանն առաջարկում է ասֆալտը հանել ու սալիկապատել

Շրջանառվող տեղեկատվության համաձայն՝ Վանաձորում «Մ. Բուատ» ճանապարհաշինարարական ընկերությունը ստիպված կլինի անցած տարի հիմնանորոգած փողոցներից մեկը նորից ասֆալտապատել, քանի որ կառավարության և համայնքի համատեղ ֆինանսավորմամբ կատարված աշխատանքը չի ընդունվել պատվիրատուի կողմից. լաբորատոր փորձաքննությամբ հաստատվել է, որ ասֆալտն անորակ է:

0
թեգերը:
Արկադի Ղուկասյան, Լոռի, եզրակացություն, ասֆալտ, Վանաձոր
Ըստ թեմայի
Դիտավորյալ անորակ ասֆալտ անողները կպատժվե՞ն քրեորեն. Փաշինյանը բարկացել է
Ոչ թե մոխրագույն ասֆալտ, այլ սթրիթբոլի դաշտ. Երևանը հետ չի մնում Նյու Յորքից. տեսանյութ
Ասֆալտանախշումը Երևանում թափ է հավաքում. ներկ վաճառողն ու ակտիվիստը պարապ չեն մնա
«Ասֆալտ անողներին ասֆալտին փռելու» խնդիր չկա. Շիրակի մարզպետն ամփոփեց 100 օրը