ԵՐԵՎԱՆ, 4 ապրիլի – Sputnik. Երևանի քաղաքապետի մամուլի քարտուղար Հակոբ Կարապետյանը Sputnik Արմենիային հայտնեց, որ կորոնավիրուսի պատճառով Հայաստանում սահմանված արտակարգ դրության ժամանակահատվածում Երևանի քաղաքապետարանի աղբահանության ծառայության աշխատակիցներին լրացուցիչ անձնական պաշտպանիչ միջոցներ են տրամադրվում:
Ստեղծված իրավիճակում քաղաքում մաքրություն պահպանելը կօգնի վարակի դեմ պայքարին: Ուստի աղբահանության ծառայության աշխատակիցները շարունակում են աղբը մաքրել ինչպես բակերից, այնպես էլ փողոցներից:
Աղբահանության աշխատակիցներին տրամադրվում է անհրաժեշտ աշխատանքային հագուստ, իսկ արտակարգ դրության ժամանակ նրանց հատկացվել է լրացուցիչ աշխատանքային ձեռնոցներ: Բացի այդ, աշխատողներն ավելի հաճախ են ախտահանում իրենց ձեռքերն ու հագուստը ախտահանիչ նյութերով։
«Նույն կերպ ուժեղացված է հսկողությունը կանաչապատման աշխատողների համար, որոնք շարունակում են աշխատել», - շեշտեց Կարապետյանը:
Ալկոգել ծիրանով, կամ ինչ փոփոխություններ է կրել երկրում ախտահանող միջոցների արտադրությունը
Հիշեցնենք, որ Հայաստանում կորոնավիրուսի տարածման սպառնալիքի պատճառով արտակարգ դրություն է հայտարարվել մինչև ապրիլի 14-ը: Պարետ Տիգրան Ավինյանի որոշմամբ՝ մինչև ապրիլի 12-ը գործում են արտակարգ ռեժիմի խստացման պայմաններ: Հայաստանում չի աշխատում հասարակական տրանսպորտը, 39 տարվա մեջ առաջին անգամ գործունեությունը դադարեցրել է Երևանի մետրոպոլիտենը: Քաղաքացիները կարող են տնից դուրս գալ միայն ծայրահեղ անհրաժեշտության դեպքում՝ իրենց հետ ունենալով անձը հաստատող փաստաթուղթ և հատուկ ձևաթուղթ:
Ի՞նչ անել, եթե ախտահանող միջոցն ալերգիկ ռեակցիա է առաջացնում․ խորհուրդներ մասնագետից
