Թինաթին Սարգսյանի ընտանիքը

Ի՞նչ տարբերություն` վիրուսից կմեռնենք, թե սովից․ բազմազավակ մոր խնդիրներն ու կորոնավիրուսը

730
(Թարմացված է 15:35 03.04.2020)
Նպաստառու, բազմազավակ ընտանիքների համար այս օրերին սոցիալական աջակցության որևէ ծրագրի չկա: Ծնողներից շատերը լուրջ խնդրի առաջ են կանգնած։ Այս ու այն կողմ ընկած ելք են փնտրում, բայց բոլոր տեղերից նույն պատասխանն է` որևէ աջակցության ծրագրի շահառու չեք։

Աստղիկ Սուքիասյան, Sputnik Արմենիա

Sputnik Արմենիա լրատվական գործակալությունը սոցցանցային էջերով հաճախ է քաղաքացիներից հաղորդագրություններ ստանում, որոնք խնդրում են այս կամ այն հարցով օգնել։ Բազմազավակ մայր Թինաթին Սարգսյանից ստացած հաղորդագրությունը ճարահատյալ մոր աղերս էր, որն իրավունք չունեինք անտեսելու։

«Խնդրում եմ ձեզ, օգնեք ինձ ձայնս լսելի դարձնեմ։ Միայնակ մայր եմ, բայց այսքան տարի ամեն բան արել եմ, որ 6 երեխաներիս ըստ պահանջի պահեմ։ Ժամանակ առ ժամանակ օրավարձով աշխատել եմ, բայց արդեն քանի օր է այս իրադրության պատճառով չեմ կարողանում տնից դուրս գալ․․․արդեն մեկ շաբաթ է` մեր տանը նորմալ ուտելու բան չկա, երեխաներս սոված են, ինչ տարբերություն` վիրուսից կմեռնենք, թե սովից: Օգնեք․․․»,-գրված էր հաղորդագրության մեջ։

Шестеро детей с матерью Тинатин Ераносян
© Sputnik / Astxik Suqiasyan
Թինաթին Սարգսյանն իր 6 զավակների հետ

Նման տողերից հետո, դժվար է մնալ տանն ու ձևացնել, որ ոչինչ էլ չի եղել։

2 ժամ անց արդեն Չարբախի Շիրակ փողոցում գտնվող շենքի մոտ էի։ Թինաթինը, տեղեկանալով, որ գնում եմ իրեն լսելու, ավագ որդուն ուղարկել էր ինձ դիմավորելու։

Դեռ բնակարանի դռան մոտ չէինք հասել, երեխաներն անհամբեր բացեցին դուռն ու ինձ ներս հրավիրեցին։

Տունը փոքր էր, չվերանորոգած, բաց դռնից այնկողմ  նշմարում էին 2 մահճակալները։ Երեխաներից 3-ը տատիկի հետ քնում են այդ մահճակալների վրա, իսկ երեքը մայրիկի հետ ստիպված են քնել հատակին։ Տարրական կենցաղային պայմաններ տանը կան, միայն թե գազի կաթսան վաղուց փոխելու ժամանակն է։ Անսարքության պատճառով հաճախ է գազի արտահոսք լինում։

Երեխաները, ինձ դիմավորելուց հետո, մի մարդու պես տեղավորվեցին աթոռների վրա ու սկսեցին ուշադիր լսել իմ ու մայրիկի խոսակցությունը։ Նրանցից ամենափոքրն անգամ, որը 4 տարեկան է, չընդհատեց մեզ, անգամ չարաճճիություն չարեց, քաղցրավենիք չուզեց․․․ մի տեսակ տխուր հասունություն կա այս երեխաների մեջ։ Նրանց դեմքին ժպիտ հայտնվեց միայն այն ժամանակ, երբ մայրը սկսեց ներկայացնել իրենց ու նշել նրանց ծննդյան տարեթվերն ու օրերը։

Գուցե գտնվեն մարդիկ, որոնք կմեղադրեն կնոջն ու նրա նման ծնողներին` շատ երեխաներ ունենալու համար։ Իսկ ի՞նչ է անում պետությունն այս դժվարին պահին բազմազավակ ընտանիքների համար։ Կորոնավիրուսի պատճառով ստեղծված վիճակից ելնելով` կառավարությունը որոշում կայացրեց, որ մինչև 18 տարեկան երեխաներ ունեցող այն ընտանիքները, որոնցում ծնողները 2020թ-ի մարտի 12-ից մինչև մարտի 31-ը գրանցված աշխատանք չեն ունեցել, նպաստառու չեն եղել, չեն ունեցել ԱՁ, աջակցություն կստանան՝  յուրաքանչյուր երեխայի համար միանվագ 26 500 դրամ: Իսկ բազմազավակ ընտանիքները  ստիպված են բավարարվել սոցիալական նպաստով։

Օրինակ` Թինաթինը 6 երեխաների համար պետությունից ստանում է 63 000 դրամ նպաստ։ Իսկ 15 երեխա ունեցող ընտանիքը` 100 500 դրամ։ Այս թանկացումների ֆոնին ինքներդ եզրակացություն արեք այդ գումարով քանի օր է հնարավոր երեխաներին պահել, նորմալ կերակրել, կոմունալներ վճարել։

12 երեխա ունեցող Բեժանյանները միայն մեկ երազանք ունեն. տեսանյութ

«Ես ձեռքերս ծալած չեմ նստում։ Անընդհատ կարճաժամկետ ինչ–որ գործեր եմ անում, օրավարձով տան մաքրություն եմ անում, բայց հիմա էլ հանրային տրանսպորտը չի գործում, իսկ տաքսիներով երթևեկելու գումար չունեմ։ Եթե պետությունն այս դժվարին պահին ինձ չի աջակցում, ապա թող թույլ տա հանրային տրանսպորն աշխատի ու իմ նման մարդիկ կարողանան աշխատանքի գնալ, որպեսզի օրվա հացի խնդիրը լուծեն»,-հուզմունքը զսպելով պատմում է մայրը։

Արցունքները զսպելով Թինիաթին վստահեցնում է, որ այսքան ժամանակ իր երեխաներին պահելու համար ոչ մեկից օգնություն չի խնդրել, բայց հիմա սեփական երեխաներին քաղցած տեսնել  չի կարողանում։ Ասում է` 5 օր է երեխաներին շաքարաջրով է պահում։

Թանիաթինը զոհված ազատամարտիկի դուստր է, տարիներ առաջ է ամուսնալուծվել , նախկին ամուսնու հետ կապն ամբողջովին կտրվել է։ Այժմ ապրում է վատառողջ մոր հետ, որն ամեն կերպ երեխաների խնամքն իր վրա է վերցնում, որպեսզի աղջիկն աշխատի։

Երեխաներից 4-ը դպրոցական են, բայց օնլայն դասերին չեն մասնակցում, որովհետև ինտերնետ կապն ակտիվացնելու համար օրական 100 դրամ է պետք, որը Թանիաթինի խոսոքով` մեկ հացի գումար է։

Երևանում կինը 12-րդ երեխային է լույս աշխարհ բերել. լուսանկարներ

Բազմազավակ մայրը դիմել է թաղապետարան,աշխատանքի և սոցիալական հարցերի նախարարություն, պարետատուն, անգամ «Կարմիր խաչ», բայց բոլորը միաբերան կրկնում են, որ այս օրերին նրանց հավելյալ օգնություն չի հասնում, քանի որ կառավարության կողմից ընդունված որևէ աջակցության ծրագրի շահառու չեն հանդիսանում։

Ուրախ ու տխուր վերջաբանի փոխարեն. տան ամենակրտսեր ձագուկի ՝ փոքրիկ Դավիթի ծննդյան օրը մարտի 29-ինն է։ Նա այդ օրը 4 տարեկան է դարձել։ Մայրը տոնական տորթ չի կարողացել գնել որդու համար։ Դավիթը վստահ է` եթե տորթ չկա ու մոմերը չի փչել, ուրեմն դեռ մեկ տարով չի մեծացել։

730
թեգերը:
աշխատանք, Արտակարգ դրություն, կորոնավիրուս, տորթ, ծնունդ, երեխա, մայր, բազմազավակ ընտանիք
Ըստ թեմայի
Յոթ երեխաները փողոցում են հայտնվել․ Էջմիածնի քաղաքապետը կօգնի՞ բազմազավակ ընտանիքին
Իր օրենքներով ապրող բազմազավակ ընտանիքների գյուղը. ՍՕՍ-ում գերիշխում է սերը
Հայ բազմազավակ եղբայրները ներառվել են Ռուսաստանի ամենահարուստ կլանների ցանկում. Forbes
Արևիկ Համբարձումյանը պատասխանում է բլից հարցերի

Ինչպես կարմիր բերետով աղջնակը հաջողակ մենեջեր դարձավ. Արևիկ Համբարձումյանի պատմությունը

275
(Թարմացված է 23:22 31.05.2020)
Արևիկ Համբարձումյանը ղեկավարում է երևանյան ժամանցի ամենահայտնի կենտրոններից մեկը, մենթորության մասին դասախոսություններ է կարդում ու փորձում օգնել երիտասարդներին։

Գործարար կանանց մասին խոսելիս առաջին բանը, որ մտքիս է գալիս, «Սատանան Պրադա է կրում» ֆիլմի գլխավոր հերոսուհու միշտ դժգոհ ձայնն է։ Երևի պատճառն այն է, որ տարիներ շարունակ կինեմատոգրաֆիայում կերտվել են «երկաթե լեդիների» կերպարներ, որոնց բնորոշ է չորությունն ու մի փոքր դաժանությունը։ Հայկական իրականությունը մի փոքր այլ է. գործարար կանայք ոչ միայն նման չեն հոլիվուդյան կիսավհուկ կերպարներին, այլև առանձնանում են իրենց կանացիությամբ ու փափկությամբ։ Նման կանանցից է նաև Արևիկ Համբարձումյանը, որին Երևանում, Գյումրիում և Վանաձորում ճանաչում են, որպես «Լոֆթի Արևիկ»։ Նա ղեկավարում է մայրաքաղաքի ժամանցի ամենահայտնի վայրերից մեկը, մենթորության մասին դասախոսություններ է կարդում ու փորձում է հավասարության նշան դնել կին և տղամարդ մենեջերների միջև։

Директор Лофта Аревик Амбарцумян
© Sputnik / Aram Nersesyan
Արևիկ Համբարձումյան

Արևիկը ծնվել է Վանաձորում։ Երկար տարիներ զբաղվել է հենդբոլով, բայց վնասվածքի պատճառով հրաժեշտ է տվել սիրած մարզաձևին` չնայած հիմա էլ երբեմն երազում վազում է գնդակով ու զգում է դաշտի հոտը։

«Ես միշտ ուզում էի հայտնի լինել, բայց խոսքը դերասանության կամ երգելու մասին չէր։ Ուզում էի, որ ինձ մատով ցույց տային ու ասեին` ապրի Արևիկը։ Պիոների սինդրոմ է (ծիծաղում է)։ Երբեք կոնկրետ մասնագիտության մասին չեմ երազել, երևի ես ճիշտ տեղում եմ հիմա», - ասում է նա։

«Աղջիկս ամեն օր զանգում, հարցնում է` ինչու տուն չես գալիս». «Նորք» ինֆեկցիոնի տնօրեն

Արևիկը խոստովանում է, որ հաջողությունն իրեն հեշտությամբ չի տրվել։ Մայրաքաղաքը միայն երկրորդ փորձից է «ենթարկվել» նրան, երբ նա կարմիր բերետ է դրել ու Զեմֆիրայի «До свидания, мой любимый город» երգի հնչյունների ուղեկցությամբ եկել է Երևան։ Եղել են օրեր, երբ աշխատանք ստանալու հույսով ինքնակենսագրական է բաժանել Խանջյան փողոցի խանութներին, որոշ ժամանակ ադմինիստրատոր է աշխատել հայտնի մարդու մոտ։

Директор Лофта Аревик Амбарцумян
© Sputnik / Aram Nersesyan
Արևիկ Համբարձումյան

«Մի անգամ նա ինձ խնդրեց գնալ ժամացույցի խանութ և վերցնել իր ընկերուհու համար պատվիրած ժամացույցը։ Ցուրտ ու թաց եղանակ էր, ոտքով գնացի, ու ամբողջ ճանապարհին զանազան մտքեր էին գլխումս պտտվում։ Հենց այդ օրը հասկացա, որ ուզում եմ ինձ համար էլ այդպիսի ժամացույց գնել»,- պատմում է նա։

Հետո նա մոտ 6 տարի սոմելյե է աշխատել, իր համար նոր բացահայտումներ արել ու որոշակի դադարից հետո հայտնվել իր այժմյան տեղում։ Արևիկը պնդում է, որ յուրաքանչյուրի մարդու հաջողության հետևում մեկ մարդ կա կամ մարդկանց խումբ, որոնք ինչ–որ բան են սովորեցրել, աջակցել ու հավատացել են նրան։ 8-րդ դասարանից սկսած` նրա կյանքում հայտնվել են տարբեր մարդիկ, որոնք նրա համար մենթորներ են եղել, իսկ հիմա ինքն է փորձում այդպիսին լինել։

Директор Лофта Аревик Амбарцумян
© Sputnik / Aram Nersesyan
Արևիկ Համբարձումյան

«Կան մի քանի երիտասարդներ, որոնք իրենց ուզած ժամին կարող են զանգել ինձ, հաղորդագրություն ուղարկել կամ գալ ինձ մոտ։ Ես միշտ նրանց համար ժամանակ եմ գտնում, որովհետև ժամանակին ինչ–որ մեկն էլ ինձ համար է գտել», - ասում է Արևիկը։

Նրանք սիրո մասին չէին խոսում, չէին գրկախառնվում հանրության առաջ. մի կյանք ապրեցրած սերը

Օրն իսկապես ծանրաբեռնված է անցնում. երբեմն աշխատում է 24/7 գրաֆիկով, բայց միշտ ժամանակ է գտնում իր խնամքի, ինքնազարգացման ու ընթերցանության համար։ Ու թեև չի սիրում «կին գործարար» արտահայտությունը, բայց խոստովանում է, որ որոշ ժամանակ է պետք եղել իր դիրքն ամրապնդելու ու կարծրատիպերը կոտրելու համար։ Նա հիշեց մի զվարճալի դեպք, երբ հարկային մարմնի աշխատակիցները եկել են «Լոֆթ» ու փորձել են հասկանալ` ինչ վայր է։

«Երբ ես եկա ջինսով ու մազերս պոչ կապած, նրանք ինձ նայեցին «տանը մեծերից ով կա» դեմքի արտահայտությամբ։ Սկսվեց պայքարը կառույցի ղեկավարի դերի և տեղի համար, միայն որոշակի ջանքերից հետո սկսեցինք խոսել հավասարը հավասարի սկզբունքով։ Դրանից հետո իմ կին լինելու հանգամանքը միայն օգնել է», - պատմում է նա։

Արևիկն ասում է, որ չնայած առօրյան շատ աշխատանքային է ու ծանրաբեռնված, բայց ինքը տնային մարդ է ու նախընտրում է հանգստանալ իր անկյունում։ Նրան բնորոշ են աղջկական զգացմունքներն ու հույզերը, որոնք աշխատում է չարտահայտել սոցիալական կայքերում։ Փոխարենը առանց կաշկանդվելու նշում է, որ մանուշակագույն կակաչներ է սիրում ու Վիլյամ Սարոյանի «Մայրիկ, ես սիրում եմ քեզ»–ը։

Ինչ մասնագիտություններ պետք է ընտրեն հայաստանցի երիտասարդները, որպեսզի չսխալվեն

275
թեգերը:
գործարար, Կին, Հայաստան
Ըստ թեմայի
Ինչեր չեն անում հայ պատանիները Մխիթարյանին նմանվելու համար, կամ փոքրիկ Զառայի երազանքը
Հույս կա. ամուսնական գործակալության տնօրենը վստահեցնում է` ոչ մեկը տանը չի մնա
Ագրեսիա՞, վախե՞ր... հոգեբաններն ասել են` ինչ հետևանքներ կթողնի համավարակը
Կարեն Մեժլումյան

Սեյրան Օհանյանի փաստաբաններից ևս մեկի մոտ COVID 19 է ախտորշվել. նա հորդորում է դիմակ կրել

106
(Թարմացված է 19:19 31.05.2020)
Անընդհատ ականջիդ մեջ են հարևան սենյակներում գտնվող, տարիքով շատ ավելի մեծ տատիկ-պապիկների ցավից տնքոցները: Կարեն Մեժլումյանը նկարագրել է, թե ինչ վիճակ է հիվանդանոցում:

ԵՐԵՎԱՆ, 31 մայիսի - Soutnik. ՀՀ պաշտպանության նախկին նախարար Սեյրան Օհանյանի փաստաբան Կարեն Մեժլումյանի մոտ կորոնավիրուս է ախտորոշվել: Այս մասին Մեժլումյանը հայտնել է Facebook-ի գրառման մեջ:

«Առավոտյան արթնանում ես ու զգում մեջքիդ մկանների բռնվածության ցավը։ Ջերնաչափում ես՝ 37+։ Դեղեր, վիտամիններ ... Երեկոյան՝ 38+։ Ջերմիջեցնող (պարացետամոլ)։ Գիշերը՝ նույնպես։ COVID 19 թեստի հանձնում։ Դրական է։ Հոսպիտալացում։ Ռենտգենով ճառագայթում, սրսկումներ, սիստեմաներ, ամենօրյա արյան հանձնում, դեղահաբեր»,- գրել է նա:

Հայաստանում կորոնավիրուսով վարակվածների թիվը մեկ օրում ավելացել է 355-ով և հասել 9282–ի

Փաստաբանը նկարագրել է, թե ինչ է կատարվում հիվանդանոցում. «Անընդհատ ականջիդ մեջ են հարևան սենյակներում գտնվող, տարիքով շատ ավելի մեծ տատիկ-պապիկների ցավից տնքոցները»:

Կարեն Մեժլումյանը հայտնել է նաև, որ հիվանդությունը չի շրջանցել նաև իր ընտանիքի չափահաս անդամներին:

«Ասածս ինչ է. եթե դրսում, աշխատնաքի վյարում շփումների ժամանակ փոխադարձաբար պահենք անվտանգության տարրական կանոնները՝ դիմակի կրում, սոցիալական հեռավորություն և այլն, չենք վարակվի, վարակը տուն չենք բերի և ընտանյոք նման վիճակի մեջ չենք հայտնվի։ Եվ ընդհանրապես, արժե՞ արդյոք, համաճարակի պայմաններում հանդիպմամբ շփվել թեկուզ ամենամտերիմ անձի հետ, եթե նա չի մտածում առողջությանդ, ընտանիքիդ առողջության մասին ու իրեն նեղություն չի տալիս շփման ժամանակ դիմակ կրել»,- գրել է փաստաբանը:

Հիշեցնենք՝ մայիսի 26-ին կորոնավիրուս է ախտորոշվել Սեյրան Օհանյանի փաստաբան Ինեսա Պետրոսյանի մոտ, որը Կարեն Մեժլումյանի կինն է:

Թեստի դրական պատասխանից հետո Պետրոսյանը չէր հոսպիտալացվել՝ հիվանդության ասիմպտոմ ընթացքով պայմանավորված: Սակայն օրեր անց տեղափոխվել էր հիվանդանոց՝ արդեն երկկողմանի թոքաբորբով:
Կարեն Մեժլումյանը, որպես վարակակրի հետ շփում ունեցած անձ, ինքնամեկուսացված էր:

Նշենք, որ մարտի 1-ի գործով դատավարությունը Սեյրան Օհանյանի փաստաբանի հիվանդությամբ պայմանավորված հետաձգվել էր: Դատական հաջորդ նիստը նշանակված է հունիսի 9-ին:

106
թեգերը:
Կին, դիմակ, հիվանդանոց, համավարակ, կորոնավիրուս, փաստաբան, Սեյրան Օհանյան
թեմա:
Կորոնավիրուսը Հայաստանում և Արցախում
Ըստ թեմայի
Արցախում ևս երկու մարդու մոտ կորոնավիրուս է հաստատվել
Կորոնավիրուսից մահացել է Սարհատ Պետրոսյանի մայրը՝ Ռուբինա Ղազարյանցը
Հայաստանում ևս 4 մարդ է մահացել կորոնավիրուսից
Կորոնավիրուսի բուժման մեթոդները պետք է նույնականացնել. Արսեն Թորոսյան
Բողոքի ակցիա, ԱՄՆ

Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ

0
(Թարմացված է 23:35 31.05.2020)
Ցույցերի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղավանդակներից այն կողմ չի անցել։

ԵՐԵՎԱՆ, 31 մայիսի –Sputnik.  ԱՄՆ գաղտնի ծառայությունների ավելի քան 60 սպա և հատուկ գործակալներ տուժել են Սպիտակ տան մոտ ընթացող ցույցի ժամանակ, նրանցից 11-ը հիվանդանոց է տեղափոխվել բուժզննման համար: Տեղեկությունը հայտնում է Գաղտնի ծառայությունների մամուլի ծառայությունը։

Այդ ծառայությունն ապահովում է ԱՄՆ կառավարական մարմինների և ղեկավարության անվտանգությունը։

«Ուրբաթ գիշերվանից մինչև կիրակի առավոտ Գաղտնի ծառայության ավելի քան 60 սպա և հատուկ գործակալ բազմաթիվ վնասվածքներ են ստացել նրանց ուղղությամբ նետած աղյուսների, քարերի, շշերի, ճայթուկների և այլ առարկաների պատճառով։ Ընդհանուր առմամբ 11 տուժած տեղի հիվանդանոց է տեղափոխվել, նրանց օգնություն է ցուցաբերվել, վնասվածքները կյանքի համար վտանգավոր չեն», – նշված է հաղորդագրության մեջ։

Նշվում է, որ ցույցի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղերից այն կողմ չի անցել։

«Չեմ կարողանում շնչել»․ խռովությունները տարածվել են ԱՄՆ-ում

ԱՄՆ նախագահ Դոնալդ Թրամփն ավելի վաղ գովել է ծառայության գործողություններն ու քննադատել ցուցարարներին։

Անկարգությունները սկսվել էին ԱՄՆ Մինեապոլիս և մի շարք այլ  քաղաքներում այն բանից հետո, երբ ոստիկանության ձեռքից մահացավ աֆրոամերիկացի Ջորջ Ֆլոյդը։

Համացանցում տեսանյութ էր հայտնվել որում երևում է, թե ինչպես են մայիսի 25-ին Մինեապոլիսում աֆրոամերիկացի 46-ամյա Ջորջ Ֆլոյդի նկատմամբ ոստիկանության երկու ծառայողներ բռնություն կիրառում: Նրանցից մեկը ծնկով սեղմել էր գետնին պառկած Ֆլոյդի կոկորդն ու մի քանի րոպե պահել այդ դիրքում, չնայած որ քաղաքացին ասում էր, որ չի կարողանում շնչել ու թախանձագին խնդրում էր բաց թողնել իրեն։

Ոստիկանները անտեսել էին ոչ միայն իրենց զոհի, այլև հավաքվածների զգուշացումները, որ դադարեցնեն քաղաքացու նկատմամբ բռնությունը:

Իսկ երբ Ֆլոյդը կորցրել է գիտակցությունը, նրան տեղափոխել են հիվանդանոց, որտեղ էլ բժիշկներն արձանագրել են նրա մահը:

Ոստիկան Դերեկ Շովինը նախ հեռացվել էր ոստիկանության համակարգից, ապա՝ ձերբակալվել:

Աշխատանքից հեռացվել են միջադեպին մասնակցած ևս երեք ոստիկան:

Մինեապոլիսում անկարգությունները շարունակվում են․ ցուցարարները բանկ են հրկիզել

0
թեգերը:
Ձերբակալում, հիվանդանոց, Տուժածներ, Բողոքի ակցիա, ԱՄՆ
Ըստ թեմայի
ԱՄՆ-ն դադարեցնում է հարաբերությունները ԱՀԿ–ի հետ. Թրամփ
Կորոնավիրուսի մասին ապատեղեկատվություն տարածող կայքն աշխատել է ԱՄՆ փողերով
Թրամփն ասել է՝ ինչու է ԱՄՆ-ն թոքերի արհեստական շնչառության սարքեր տրամադրում այլ երկրների
ԱՄՆ–ում բնակվող հայերից մեկը Դավիթ Տոնոյանին է փոխանցել իր պապի` 100 տարվա ստացականը