ԵՐԵՎԱՆ, 2 ապրիլի –Sputnik. Մարտի 31-ին մահացած օպերային երգչուհին մենակ է ապրելիս եղել: Տեղեկությունն ասօր կառավարության նիստից հետո մամուլի կենտրոնում տեղի ունեցած ասուլիսի ժամանակ հայտնեց ՀՀ առողջապահության նախարարի մամուլի քարտուղար Ալինա Նիկողոսյանը:
Կորոնավիրուսի դեմ պայքարն առողջապահության նախարարը համեմատեց պատերազմական դրության հետ
Ունեցել է նա թոքաբորբ և կորոնավիրուս, թե ոչ՝ Նիկողոսյանի խոսքով՝ պիտի հաստատի դիահերձումը:
Նա նշեց, որ երգչուհու առողջական վիճակի հետ կապված կանչ է գրանցվել շտապօգնության ծառայություն, բայց երգչուհին հրաժարվել է հոսպիտալացումից:
«Կանչով եկած բուժօգնության բրիգադին երգչուհին ասել է, որ առավոտյան կդիմի հիվանդանոց, բայց առավոտյան արդեն մահը վրա է հասել»,-ասաց Նիկողոսյանը:
Առողջապահության նախարարության մասնագետները, նրա խոսքով, այժմ պարզում են մահացած երգչուհու շփման շրջանակը: Հայտնի է միայն, որ քույրը ևս վատառողջ է:
Հիշեցնենք՝ երեկ տեղեկացրել էինք, որ մահացել է Ալ. Սպենդիարյանի անվան օպերայի և բալետի ազգային ակադեմիական թատրոնի երգչախմբի երգչուհի Աննա Սարդարյանը: Նա 50 տարեկան էր։
Երգչախմբի անդամները վերջին անգամ օպերային թատրոնում են եղել և նրան հանդիպել են մարտի 13-ին:
Աննա Սարդարյանը ծնվել է 1969թ.–ին, Երևանում։ Մինչև օպերայի և բալետի թատրոնում աշխատելը Սարդարյանը երգել է Հայաստանի հանրային ռադիոյի կամերային երգչախմբում։
Ապրիլի 2. կորոնավիրուսով վարակվածների թիվը Հայաստանում հասավ 663-ի
