Առաքիչ

Ոչ ոք վաղվա վրա վստահ չէ. մարդիկ հրաժարվել են առցանց խաղադրույքներից ու պատվերներից

301
(Թարմացված է 23:18 27.03.2020)
Հայաստանում առցանց առևտուրը վերջին տարիներին լուրջ աճ էր արձանագրում։ Թվում էր` մեկուսացման պայմաններում մարդիկ ավելի շատ են առցանց գնումներ անելու, այնինչ հիմա շատերը պարզապես վախենում են ավելորդ ծախսերից։

Արամ Գարեգինյան, Sputnik Արմենիա

Մի քանի օր է` մարդիկ նստած են տանը. ոմանք հետևում են խիստ անհրաժեշտության դեպքում տնից դուրս գալու պահանջին, ոմանք էլ աշխատանք չունեն։ Ռեստորանները փակվել են, բայց գործում են սննդի առաքման ծառայությունները, այնպես որ ցանկացողները կարող են իրենց ստամոքսին երես տալ շեֆ–խոհարարների պատրաստած ուտեստներով։ Բայց մի խնդիր կա. այսօր քչերն են այդ քայլին գնում։ Համենայնդեպս այս պնդումն է անում սննդի առաքման հայաստանյան խոշոր ծառայություններից մեկի` Menu.am–ի հիմնադիր Վահան Քերոբյանը։

Արտակարգ դրության առաջին մի քանի օրերին մարդիկ աշխատում էին որքան հնարավոր է շատ մթերք գնել խանութից ու պահեստավորել։ Հետո անհանգստությունը նվազեց, և հիմա առևտուրը աստիճանաբար վերադառնում է նախկին հուն։ Սակայն այստեղ էլ մտահոգության տխուր նոտաներ կան. մարդիկ խնայում են իրենց փողերը։ Եթե նախկինում որևէ տեղից առցանց սնունդ էին պատվիրում, ապա այսօր գերադասում են 300 մետր քայլել ու հասնել խանութ։

«Ձեռնարկություններից շատերը, որոնց մենեջերների հետ ես զրուցում եմ, կրճատումների են պատրաստվում։ Տհաճ սպասումներ ունեն նաև աշխատակիցները, որոնք փորձում են տնտեսել փողերն ու նվազագույն ծախսեր անել», –Sputnik Արմենիայի հետ զրույցում ասաց Քերոբյանը։

Գործարարն ավելացրեց նաև, որ բացասական սպասումներ են նկատվում նաև բանկային և ՏՏ ոլորտներում, որոնք, թվում է, պիտի ֆորսմաժորային իրավիճակից ամենապաշտպանվածը լինեին։

Կարո՞ղ եմ շուկա գնալ, կամ վզներիս խփեց կորոնավիրուսը. մարդիկ անկեղծացան Փաշինյանի հետ

Բարդ վիճակում են հայտնվել սովորական և առցանց տոտալիզատորներ սպասարկող երկու խոշոր ընկերությունները։ Նրանց շրջանառությունը կտրուկ նվազել է. տոտալիզատորները փակվել են, իսկ առցանց խաղադրույքներ գրեթե ոչ ոք չի անում (ի՞նչ խաղադրույք, եթե ապրել է պետք մինչև հաջորդ աշխատավարձ)։

«Իհարկե, ոչ բոլոր ընկերություններն են այդ աստիճան տուժել, բայց իրենց ծախսերի մեջ զգուշավոր են դարձել բոլորը»,– ընդգծեց Քերոբյանը։

Globbing ընկերության (Հայաստանի առցանց առևտրի խոշորագույն օպերատորներից մեկը) մարքեթինգի տնօրեն Վահե Ղազարյանն էլ հայտնեց, որ կրճատվել է նաև ոչ պարենային ապրանքների առցանց առևտուրը։ Առաջվա համեմատ մարդիկ ավելի հաճախ են նախընտրում ապրանքը թողնել պահեստում, որպեսզի հավելյալ չվճարեն առաքման համար։

«Մեր առաքիչները հետևում են անվտանգության և ախտահանման բոլոր պահանջներին, բայց հիմա մարդկանց համար այլ բան է կարևոր` ավել գումար չծախսել։ Ոչ ոք վաղվա օրվա վրա վստահ չէ», – ասաց նա։

Բացի դրանից, մի քանի երկրներ, որոնց հետ աշխատում է ընկերությունը, դադարեցրել են ավիափոխադրումները` Իտալիան` ամբողջությամբ, Չինաստանը` մասամբ։ Դեռ բաց են ԱՄՆ–ից, Անգլիայից, Գերմանիայից և Ռուսաստանից եկող երթուղիները, բայց նրանց օդանավակայաններում նախապատվությունը տրվում է դեղերին ու բժշկական սարքերին։ Մնացածը հերթի մեջ է հայտնվում։

«Դրա պատճառով մենք ամեն օր ստիպված լրացուցիչ գումարներ ենք վճարում, որպեսզի ապրանքը պահենք օդանավակայանների տերմինալներում», – հավելեց Ղազարյանը։

Սրան էլ գումարվել է այն հանգամանքը, որ ավիաընկերությունները հիմա մեծ վնասներ են կրում և ուզում են գումար աշխատել բեռնափոխադրումների միջոցով։

Նրա խոսքով` մի փոքր, բայց ոչ զգալի (ամենաշատը 10%) ավելացել են հայկական ապրանքների մատակարարումները , այսինքն` ՀՀ–ի ներսում կատարվող փոխադրումները)։

Վերջին տարիներին առցանց առևտուրը գնալով բավականին մեծ պահանջարկ էր վայելում նաև այն պատճառով, որ մարդիկ արտասահմանյան ապրանքները գնում էին համեմատաբար ցածր գնով։ Աճում էին նաև սննդի առաքման պատվերները։ Թվում էր, թե այսօր էլ շատերը կցանկանան օգտվել առաքման ծառայություններից, քանի որ վարակվելու հավանականությունն այդպես ավելի քիչ է, բայց մարդկանց մեծ մասը մտահոգված է, որովհետև ոչ ոք չգիտի` որքան գումար կմնա վաղվա համար։

Արսեն Թորոսյանն այցելել է Ծաղկաձորում մեկուսացված քաղաքացիներին ու տուն չգնացող բժիշկներին

Նշենք, որ Հայաստանի ԿԲ–ի վիճակագրության համաձայն` վերջին 5 տարվա ընթացքում բանկային քարտով առցանց գործարքներն աճել են ավելի քան տասը անգամ. 2014 թվականին դրանք կազմել են շուրջ 25 մլրդ դրամ, 2019-ին` 338 մլրդ դրամ։ Իհարկե, մասամբ քարտերով վճարումներ էին արվում ավտոմեքենաների պատվերների համար (2019 թվականի ավտոմոբիլային բումի ժամանակ)։ Սակայն 2020 թվականի հունվարին էլ, երբ գրեթե դադարել էին մեքենաներ գնել, առցանց առևտրի շրջանառությունը գրեթե նույնքան մեծ է եղել. 2019 թվականի դեկտեմբերին գործարքների գումարը կազմել է շուրջ 44 մլրդ դրամ, իսկ 2020 թվականի հունվարին` մոտ 34 մլրդ։ Ավելի շատ մարդ է սկսել քարտով վճարել նաև կոմունալ ծառայությունների, սնունդ պատվիրելու ու արտասահմանում վաճառվող հեռախոսների դիմաց։ Այսօր այդ սովորույթներին այլ աչքերով են նայում։

301
թեգերը:
առաքում, առևտուր, Հայաստան
Ըստ թեմայի
Ի՞նչ է սպառնում արտակարգ դրության կանոնները խախտողներին
«Օգտվե՛ք վերահսկողական ծրագրերից»․ փորձագետի խորհուրդը ծնողներին
Բանկերը վերանայել են պայմանները. հազարավոր վարկառուներ վարկային արձակուրդ են ստացել
Սահման, արխիվային լուսնկար

Համացանցում են հայտնվել ադրբեջանական խոցված УАЗ-ի լուսանկարները

503
(Թարմացված է 02:07 13.07.2020)
Ավելի վաղ հայտնել էինք, որ ադրբեջանցի զինծառայողները հայ-ադրբեջանական սահմանը հատելու երկու փորձ էին արել:

ԵՐԵՎԱՆ, 12 հուլիսի - Sputnik. Հայկական զինված ուժերը խոցել է հայկական դիրքերի ուղղությամբ գրոհած УАЗ-ը: Տեղեկությունը հայտնում է Banak.info կայքը, որի ձեռքի տակ են հայտնվել հայկական դիրքերին չհասած ադրբեջանական կողմի խոցված մեքենայի լուսանկարները։

УАЗ, на котором азербайджанские военные предприняли попытку захватить опорный пункт ВС Армении (12 июля 2020).
© Photo : Banak.info
Հայ զինծառայողները խոցել են ադրբեջանական УАЗ-ը

Ինչպես արդեն տեղեկացրել ենք ադրբեջանական կողմը վերսկսել է Տավուշի դիրքերի ուղղությամբ հրետակոծությունը: Ավելի վաղ հայտնել էինք, որ այսօր՝ ժամը 12:30-ի սահմաններում, Ադրբեջանի զինված ուժերի զինծառայողները, УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով հետ շպրտվել: 

503
թեգերը:
Տավուշ, կրակոց, հայ-ադրբեջանական, Սահման
Ըստ թեմայի
Հայ–ադրբեջանական սահմանին կրակոցների թիվը նվազել է. Արցախի ՊԲ
Մշտադիտարկման դադարեցումը հայ-ադրբեջանական սահմանին նոր ռիսկեր է ծնել
Տոնոյանն այցելել է հայ-ադրբեջանական սահմանի մարտական հենակետեր. լուսանկարներ
ՀԱՊԿ գլխավոր քարտուղարն արձագանքել է հայ–ադրբեջանական սահմանին հնչած կրակոցներին
Премьер-министр Никол Пашинян собственноручно раздает медицинские маски на улице (18 июня 2020). Еревaн

Ինչպես է COVID-19-ը փոխել քաղաքական գործիչների կյանքը

169
(Թարմացված է 00:09 13.07.2020)
Կորոնավիրուսը փոխել է ամբողջ աշխարհակարգը, և ամենայն հավանականությամբ՝ այլևս այն չի լինի նախկինի պես։ Այս հոդվածում փորձել ենք  ներկայացնել այն քաղաքական գործիչներին, որոնց կյանքը, վարվեցողությունը, սովորություններն ու գաղափարախոսությունը փոխվել են COVID-19-ի պատճառով։

Կորոնավիրուսի համավարակը նման է հեքիաթների սև հայելիներին, որոնց օգնությամբ շատերը, ի վերջո, կարողացան կողքից տեսնել սեփական անձի «սև» կողմերը և (հուսով ենք) դեպի լավը փոխել իրենց էությունն ու կյանքը։

Նիկոլ Փաշինյան, Հայաստան

Կորոնավիրուսը Հայաստան հասավ 2020թ-ի մարտին՝ այն օրերին, երբ երկրի իշխանությունները Սահմանադրական բարեփոխումների հանրաքվեի քարոզարշավի բուռն շրջանում էին։ Ամբողջ աշխարհը սոցիալական հեռավորություն և խիստ կարանտին էր պահպանում, իսկ Հայաստանում բազմահազարանոց հանրահավաքներ էին անցկացնում։

Հետո, այնուամենայնիվ, արտակարգ դրություն սահմանվեց (մարտի 16-ին), երկու ամիս Հայաստանում բաց էին միայն դեղատներն ու մթերային խանութները, իսկ քաղաքացիներին արգելված էր առանց հատուկ անհրաժեշտության դուրս գալ տնից։ Խիստ սահմանափակումների կիզակետում ՀՀ վարչապետին նկատեցին Արցախում, մեծ թվով մարդկանց շրջանում՝ առանց դիմակի և սոցիալական հեռավորության պահպանելու։ Այնուհետև նա առանց դիմակի հանդես եկավ խորհրդարանում։ Եվ այսպես շարունակ․․․

Премьер-министр Никол Пашинян на онлайн брифинге (1 июля 2020). Еревaн
© Photo : press office of the GoV of RA
Նիկոլ Փաշինյան

Մինչև ինքն էլ վարակվեց կորոնավիրուսով, ինչի մասին Փաշինյանը հայտարարեց իր ծննդյան օրը՝ հունիսի 1-ին։ Թեև դիմակ դնելը մինչ այդ էլ պարտադիր էր, վարակվելուց հետո Փաշինյանը սկսեց ակտիվորեն քարոզել դիմակների անհրաժեշտությունը։ Ավելին՝ պարետատան ամենօրյա ճեպազրույցներում սկսեցին կորոնավիրուսը հաղթահարած կամ դրա պատճառով հարազատ կորցրած հերոսներ հայտնվել, կամ հոգնատանջ բժիշկներ, որոնք պայքարում են վարակի դեմ և այլն։ Եվ այս ամենը՝ քաղաքացիներին խելքի բերելու և պարետատան որոշումներին վերջապես հետևելու համար։

«Ինքս անզգույշ էի, դիմակ չէի դնում և վարակվեցի։ Խնդրում եմ՝ դրեք դիմակները, պահպանեք ձեր մտերիմների առողջությունը»,-բազմիցս հայտարարել է ՀՀ վարչապետը։

Տեսնելով, որ անգամ ճեպազրույցներից հետո շատ քաղաքացիներ դիմակ չեն դնում, շարունակում են հավաքվել մեծ խմբերով, Փաշինյանը արշավ սկսեց Facebook սոցիալական ցանցում, հրապարակելով խախտում անողների լուսանկարներն ու տեսանյութերը(նյութերն ուղարկում էին իրենք՝ օգտատերերը)։ Հիմա Հայաստանի փողոցներում տուգանում են անգամ նրանց, ովքեր մի փոքր իջեցրել են դիմակը՝ մաքուր օդ շնչելու համար։ Եվ կարևոր չէ, որ մենակ նստած ես նստարանին, իսկ մոտակայքում ոչ ոք չկա։ Օրենք է․․․

Բորիս Ջոնսոն, Մեծ Բրիտանիա

Բրիտանիայի վարչապետի՝ COVID-19-ով վարակվելը համավարակի վաղ փուլում, ամենաաղմկահարույցներից մեկը կարելի է համարել։ Ջոնսոնը կորոնավիրուսով վարակվեց 2020թ-ի մարտին,նույն ժամանակահատվածում հիվանդացավ նաև երկրի Առողջապահության նախարար Մեթյու Հենքոքը։

Премьер-министр Великобритании Борис Джонсон (17 июня 2020). Лондон
© AP Photo / Kirsty Wigglesworth
Բորիս Ջոնսոն

Եվ, եթե վերջինս մեկ շաբաթ անց առողջացավ, ապա Ջոնսոնն անգամ վերակենդանացման բաժանմունքում հայտնվեց և հրաշքով ողջ մնաց։ Կազդուրվելուց և աշխատանքի վերադառնալուց հետո նա սկսեց ուսումնասիրել, թե «ում մահն է գուժում կորոնավիրուսը»։

Պարզվեց, որ Ջոնսոնի ավելորդ քաշն ու ֆասթ-ֆուդով սնվելու սովորությունը քիչ էր մնում նրան գերեզման հասցնեին։ Վիճակագրության համաձայն՝ ավելորդ քաշ ունեցող մարդիկ COVID-19-ի ռիսկային խմբում են։ Եթե կորոնավիրուսը չլիներ, Բրիտանիայի վարչապետը այդպես էլ շարունակելու էր համբուրգերները լիովին անվտանգ ուտելիք համարել։

Բարեբախտաբար, Ջոնսոնը ոչ միայն սկսեց առողջ սնունդ օգտագործել և ակտիվորեն զբաղվել ֆիթնեսով, այլ նաև ամբողջ երկրին ստիպեց առողջ ապրելակերպ վարել։ Նա սկսեց առողջ ապրելակերպ քարոզել և ագրեսիվ պայքար մղել բրիտանացիների ճարպակալման դեմ։ Նրա շնորհիվ Բրիտանիան քիչ էր մնում ավելացներ հարկերը գազավորված ըմպելիքներ և չիպսեր արտադրողների համար, բայց կորոնավիրուսի և դրա հետևանքով սկսված տնտեսական ճգնաժամի  պատճառով լիբերալները չհամարձակվեցին գնալ այդ քայլին։

Ժաիր Բոլսոնարու, Բրազիլիա

Բրազիլիայում, որտեղ համավարակի սկզբից մինչ օրս կորոնավիրուս է հայտնաբերվել ավելի քան 1,1 միլիոն մարդու մոտ, ավելի քան 51,000-ը մահացել են, նախագահ Ժաիր Բոլսոնարուն չէր հավատում վիրուսի գոյությանը այնքան ժամանակ, մինչև վարակվեց։

Բոլսոնարուն երկար ժամանակ կորոնավիրուսի սպառնալիքն իրական չէր համարում, ասում էր՝ սովորական գրիպ է, հրաժարվում էր դիմակ դնել, ինչպես նաև քննադատում էր Բրազիլիայի զանազան շրջաններում համավարակի ֆոնին հաստատված սահմանափակումները։

Президент Бразилии Жаир Болсанаро во время объявления о положительном результате теста на коронавирус (7 июля 2020). Бразилиа
TV BRASIL / AFP
Ժաիր Բոլսոնարու

Բայց, նախևառաջ, Բրազիլիայի դատարանը համառ նախագահին պարտավորեցրեց հանրային վայրերում դիմակ դնել, սահմանելով 2000 ռեալ (մոտ 400 դոլար) տուգանք՝ ամեն անգամ առանց դիմակի դուրս գալու համար։ Զվարճալի է, որ դատավորի վճռի մեջ այսպիսի նախադասություն կար․ «Անգամ նախագահի անվան պարզագույն որոնումը Google համակարգում ցույց է տալիս, որ նա գործնականում դիմակ չի դնում»։

Եվ երկրորդ՝ ճակատագրի հեգնանքով նախագահն ինքը շուտով վարակվեց կորոնավիրուսով։ Հուլիսի 7-ին նա հայտարարություն տարածեց, դիմակով(!) կանգնած լրագրողների  առջև՝ իր նստավայրի մոտ։

«Վախենալու պատճառ չկա։Կյանքը շարունակվում է»,-ասաց նա։

Այդ հայտարարությունից հետո նա մոռացավ թե՛ հիվանդության, թե՛ տուգանքի մասին և հանեց դիմակը։

«Ուղղակի իմ դեմքին նայեք։ Ես ինձ լավ եմ զգում»,-նշեց Բոլսոնարուն։

Բրազիլացի լրագրողներն էլ անճարակներից չեն․ անմիջապես նախագահի դեմ հայց ներկայացրին դատարան՝ իրենց առողջությանը վտանգելու համար։ Աշխարհում կա՞ արդյոք այլ առաջնորդ, որին այդքան հաճախ են դատի տալիս։

Հաշիմ Տաչի, Կոսովո

Հաագայի հատուկ դատարանը ոչ թե շնորհիվ COVID-19-ի, այլ ի հեճուկս դրա, շարունակում է 1998-1999թթ․ Կոսովոյի պատերազմի հետաքննությունը և մեղադրանք է ներկայացրել Կոսովոյի ներկայիս նախագահ Հաշիմ Տաչիին։ Դատարանի տվյալներով՝ Տաչիի գործողությունների պատճառով հարյուրավոր մարդիկ են տուժել, սպանությունների մեծ մասը Հաագան ռազմական հանցագործություն է որակել։ Բացի այդ, նախագահը մեղադրվում է մարդկանց բռնի անհետացման, հետապնդման և կտտանքների ենթարկելու համար։

Президент Косово Хашим Тачи во время эксклюзивного интервью AFP (30 апреля 2019). Берлин
© AFP 2020 / JOHN MACDOUGALL
Հաշիմ Տաչի

Տաչին իրեն մեղավոր չի ճանաչում և նման հակասական որոշումը հրապարակելու՝ Հաագայի ընտրած ժամանակը կասկածելի է համարում։

«Ոչ ոք չի կարող նենգափոխել Կոսովոյի պատմությունը։ Ես հույս ունեմ, որ ապագան լուսավոր է լինելու Կոսովոյի և Ալբանիայի համար»,- հայտարարել է նա։

Համենայն դեպս՝ Տաչին չեղարկել է իր այցը Վաշինգտոն՝ Սերբիայի ղեկավարության հետ բանակցությունների համար, պատճառ բերելով համավարակը։

169
Զինծառայողներ, արխիվային լուսանկար

Ադրբեջանական ԶՈՒ կրակոցները տարբեր ինտենսիվությամբ շարունակվում են. Շուշան Ստեփանյան

215
(Թարմացված է 01:59 13.07.2020)
ՀՀ Պն մամուլի խոսնակը հայտնում է, որ հայկական զինված ուժերն ադրբեջանական բնակավայրերի ուղղությամբ կրակ չեն վարում։

ԵՐԵՎԱՆ, 13 հուլիսի - Sputnik. ՀՀ Պն մամուլի խոսնակ Շուշան Ստեփանյանը հայտնում է, որ ադրբեջանական զինված ուժերի կողմից կրակոցները պարբերաբար տարբեր ինտենսիվությամբ շարունակվում են։ Ստեփանյանը Facebook սոցիալական ցանցի իր էջում գրառում է արել` հայտնելով, որ հակառակորդի բոլոր փորձերը թիրախավորվում և չեզոքացվում են։

«Հայկական զինված ուժերը կորուստներ և վիրավորներ չունեն»,– գրել է նա։

Մեկ այլ գրառմամբ էլ Ստեփանյանը տեղեկացրել է, որ հայկական զինված ուժերն ադրբեջանական բնակավայրերի ուղղությամբ կրակ չեն վարում։ Նրա խոսքով` թիրախավորվում են միայն ադրբեջանական զինված ուժերի ինժեներական ենթակառուցվածքներն ու տեխնիկական միջոցները։

Հիշեցնենք, որ այսօր՝ ժամը 12:30-ի սահմաններում, Ադրբեջանի զինված ուժերի զինծառայողները, УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի

նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը:

215
թեգերը:
Շուշան Ստեփանյան, կրակոց, Սահման, հայ-ադրբեջանական