Զինծառայող, արխիվային լուսանկար

Հայ–ադրբեջանական սահմանին պայմանագրային զինծառայող է վիրավորվել

185
(Թարմացված է 14:46 27.03.2020)
Ադրբեջանական զինված ուժերը կրակ են բացել հայկական ԶՈՒ–ի ուղղությամբ, ինչի հետևանքով էլ մեկ վիրավոր ունենք։

ԵՐԵՎԱՆ, 27 մարտի - Sputnik. Հայ–ադրբեջանական սահմանին պայմանագրային զինծառայող է վիրավորվել: Այս մասին Sputnik Արմենիայի հետ զրույցում հայտնեց պաշտպանության նախարարի մամուլի խոսնակ Շուշան Ստեփանյանը։


«Հակառակորդն առաջինն է կրակ բացել հայկական դիրքերի ուղղությամբ, ինչի հետևանքով էլ մեկ վիրավոր ունենք։ Զինծառայողը թեթև վնասվածք է ստացել, կյանքին վտանգ չի սպառնում»,–մանրամասնեց Ստեփանյանը։
Նրա խոսքով, հակառակորդի թիրախավորված ոչ մի կրակոց անպատասխան չի մնում և հայկական զինված ուժերը պատասխան կրակի միջոցով լռեցրել են դրանք։
Ադրբեջանական կողմում զոհերի կամ վիրավորների մասին տեղեկություններ չկան։

Ինչո՞ւ են դիվերսիա անում հենց հայ–ադրբեջանական սահմանին. ռազմական փորձագետը 2 վարկած ունի

Ստեփանյանը ընդգծեց` խոսակցությունները, թե առաջինը հայկական կողմն է կրակ բացել, հակառակորդի տեղեկատվական հերթական սադրանքն է։ Այժմ իրավիճակը սահմանին հանգիստ է։
Նշենք, որ ավելի վաղ ադրբեջանական ԶԼՄ–ները հայտնել էին, որ Տավուշի կողմից հայկական ԶՈՒ–ի սադրանքը կասեցվել է։

185
թեգերը:
Ադրբեջան, ՀՀ Պաշտպանության նախարարություն (ՊՆ), Շուշան Ստեփանյան, Վիրավոր, զինծառայող, Սահման, Հայաստան
Ըստ թեմայի
Անսպասելի այցեր. զինվորներին ասել են` ինչ է պետք անել կորոնավիրուսից պաշտպանվելու համար
Անդամահատված վիրավոր զինվորը պատրաստ է մարտի դաշտ վերադառնալ
Վիրավոր զինվորի հայրը. «Ասացի` Հայկ ջան, այստեղ եմ, նա սեղմեց ձեռքս»
Վիրավոր զինվորներն ապաքինվում են
Միխայիլ Գալուստյան

«Թու, խայտառակություն է». Միշա Գալուստյանը նոր տեսահոլովակ կթողարկի

7
(Թարմացված է 13:43 30.05.2020)
Միշա Գալուստյանը, որը որոշել է իր երկրպագուներին ուրախացնել Սուպեր Ժորիկի նոր կատարմամբ, հումորով է մեկնաբանել Գարիկ Մարտիրոսյանի գրառումը։

ԵՐԵՎԱՆ, 30 մայիսի – Sputnik. Ճանաչված երգիծաբան և հաղորդավար Միշա Գալուստյանն իր հայտնի Ժորիկ Վարդանովի կերպարում հանդես կգա 2–րդ տեսահոլովակով։ Տեղեկությունը հայտնում է հայտնի երգիծաբան Գարիկ Մարտիրոսյանը։

«Հունիսի 5–ին նոր տեսահոլովակ` Սուպեր Ժորիկի մատուցմամբ։ Նոր տեսահոլովակի անունն է «Զոլոտո»»,– Instagram–ի իր էջում գրել է նա։

Մարտիրոսյանի գրառումը մեկնաբանողներից մեկը հենց Միշա Գալուստյանն է։

Հա՞յ, իտալացի՞, թե՞ չինացի․ Միխայիլ Գալուստյանը պարզել է իր իսկական ազգությունը

«Թու, խայտառակություն է, զարմանում եմ` ինչպես Սուպեր Ժորիկը չի ամաչում։ Ես երբեք նման տեսահոլովակի չէի համաձայնվի։ Էլ չեմ հետևում ձեր էջին»,–կատակել է Միշան։

Super Жоrik-ի «Էլեկտրոկովկասը» հիացնում է. փորձագետը` Միշա Գալուստյանի տեսահոլովակի մասին

Посмотреть эту публикацию в Instagram

Публикация от Гарик Мартиросян (@martirosian_official)

Հիշեցնենք, որ Միշա Գալուստյանն իր հայտնի Ժորիկ Վարդանովի կերպարով առաջին տեսահոլովակը ներկայացրեց 2019 թվականի նոյեմբերին։

Երգը կոչվում էր «Хочу тибя любицца»:

Միշա Գալուստյանը սափրել է դեմքը և մարտահրավեր նետել հայտնիներին

7
թեգերը:
տեսահոլովակ, Գարիկ Մարտիրոսյան, Միխայիլ Գալուստյան
Ըստ թեմայի
Միշա Գալուստյանն անգլերեն է խոսում ու զվարճացնում Մարտիրոսյանի երկրպագուներին. տեսանյութ
«Բոլոր հայերն այդ ախտանիշն ունեն». Մարտիրոսյանը «վախեցել» է Գալուստյանի համար. տեսանյութ
«Գալուստյանը բարկացած է, տիեզերքը` վտանգված». Գարիկ Մարտիրոսյան
Հայկ Կոնջորյան

«Իմ ծննդյան օրը քեզ պիտի հողին հանձնեմ». ԱԺ պատգամավորը հորն ուղղված գրառում է արել

193
(Թարմացված է 13:03 30.05.2020)
Ազգային ժողովի պատգամավոր Հայկ Կոնջորյանի հայրը կորոնավիրուսի զոհ է դարձել։ Պատգամավորը սրտառուչ նամակ է գրել հորը։

ԵՐԵՎԱՆ, 30 մայիսի – Sputnik. ԱԺ «Իմ քայլը» խմբակցության պատգամավոր Հայկ Կոնջորյանը հոր մահվան առնչությամբ հուզիչ գրառում է արել Facebook-ի իր էջում։

«Պապ ջան, լույսով գնա։ Երևի Աստված ամեն մարդու ուղարկում է այնքան մեծ փորձություն, որքան որ նա կարող է տանել իր սրտում։ Այսօր՝ իմ ծննդյան օրը, ես քեզ հողին պիտի հանձնեմ ու չգիտեմ, թե որն է Աստծո նախախնամությունը այստեղ։ Բայց մի բան գիտեմ՝ իմ 33֊ամյա ծնունդը այսօր քո վերածնունդ է, պապ։ Դու ապրելու ես իմ մեջ, ես ապրելու եմ իմ և քո համար, իմ և քո փոխարեն։ Սիրում եմ քեզ։ Շնորհակալ եմ բոլորին ցավակցությունների ու զորակցության համար»,–գրել է նա։

Ավելի վաղ հայտնել էինք, որ Կոնջորյանի հայրը վարակված է եղել կորոնավիրուսով։

Նշենք, որ Հայաստանում կորոնավիրուսով վարակվածների թիվը, ըստ մայիսի 29-ի տվյալների, հասել է 8676–ի։

193
թեգերը:
կորոնավիրուս, Հայաստան, ԱԺ
Ըստ թեմայի
Երկու օր անընդմեջ 7 մարդ է մահանում ՀՀ–ում. քանի՞ տարեկան են կորոնավիուսի հերթական զոհերը
Կորոնավիրուսից մահացել է Հայոց ցեղասպանության թանգարան-ինստիտուտի գլխավոր հաշվապահը
Կորոնավիրուսից մահացել է հանրահայտ ֆիլմի հերոսուհու հայ ամուսինը