Փաշինյանն իր ընտանիքի հետ

Որտե՞ղ է Փաշինյանի միջնեկ դուստրը մեքենա վարել սովորում. Աննա Հակոբյանի խոսնակի պատասխանը

600
(Թարմացված է 18:54 25.03.2020)
ՀՀ վարչապետի տիկնոջ խոսնակը հայտնում է, որ երբ Շուշան Փաշինյանը մեքենա է վարել, նրա կողքին նստած է եղել մայրը՝ Աննա Հակոբյանը։

ԵՐԵՎԱՆ, 25 մարտի – Sputnik. ՀՀ վարչապետ Նիկոլ Փաշինյանի միջնեկ դուստրը` Շուշան Փաշինյանը, մեքենա վարել է սովորում կառավարական առանձնատան տարածքում։ Փաշինյանի կնոջ` Աննա Հակոբյանի խոսնակ Հասմիկ Հարությունյանը Facebook սցոիալական ցանցի իր էջում անդրադարձել է սոցցանցերում տարածված տեսանյութին։

Նիկոլ Փաշինյանը ճիշտ բարևելու օրինակ է ցույց տալիս. լուսանկար

«Շուշան Փաշինյանի կողքին նստած էր մայրը՝ Աննա Հակոբյանը։ Ինչ վերաբերում է մեքենայի մակնիշին, ապա Շուշանը վարում էր ընտանիքին պատկանող «Nissan qashqai մեքենան»։ Մեքենայում եղած բոլոր անձինք կապել էին ամրագոտիները: Վարելու ընթացքում ոչ մի անձ կամ կենդանի չի տուժել»,- գրել է խոսնակը։

Նշենք, որ վարչապետի դուստր Շուշան Փաշինյանը տեսանյութը հրապարակել էր սոցցանցային իր էջերում, որը ակտիվ քննարկման պատճառ էր դարձել։ Ոմանք նշել էին, թե ինչու են թույլ տվել, որ 13 տարեկան աղջիկը մեքենա վարի:

Օրվա կադր. «զինված» տատիկն Աննա Հակոբյանի հետ սելֆի չի արել

600
թեգերը:
տեսանյութ, ավտոմեքենա, Հայաստան
Ըստ թեմայի
Աննա Հակոբյանը սիրով պատմել է վարսավիրանոցի, make up-ի ու հայ վարսավիրի մասին
«Գարուն Երևան, սիրուն Երևան». Փաշինյանը կնոջն ու դուստրերին կակաչներ է նվիրել
Վարպետության դաս Նիկոլ Փաշինյանից, կամ ինչպես օգտակար սնվել արտակարգ դրության ժամանակ
Արմինե Հարությունյան

Արմինե Հարությունյանը նկարահանվել է իտալական հեղինակավոր «Grazia» ամսագրի համար

20
(Թարմացված է 14:46 19.01.2021)
Ճանաչված հայուհու հետևորդները բազմաթիվ շնորհավորանքներ են գրել և նորանոր հաջողություններ մաղթել նրան։

ԵՐԵՎԱՆ, 19 հունվարի – Sputnik. Հայտնի մոդել Արմինե Հարությունյանը, որը մեծ ճանաչում ձեռք բերեց աշխարհահռչակ «Gucci»-ի 2020թ.–ի հավաքածուի ցուցադրությանը մասնակցելուց հետո, նկարահանվել է իտալական «Grazia» ամսագրի համար։ Նա այդ մասին հայտնել է Instagram-ի իր էջում և լուսանկարներ հրապարակել։

Посмотреть эту публикацию в Instagram

Публикация от Armina 🇦🇲 (@deararmine)

Արմինեի հետևորդները բազմաթիվ շնորհավորանքներ են գրել և մոդելին նորանոր հաջողություններ մաղթել։

«Գեղեցկուհի, լիքը հաջողություններ քեզ։ Կատարյալ։ Յուրահատուկ»,– գրել են նրանք։

Ավելի վաղ մոդելը նկարահանվել էր «The Muse Fashion» հայկական ապրանքանիշի գովազդային տեսահոլովակում։

Նշենք, որ Արմինեն սկզբում մեծ քննադատությունների ալիքի բախվեց։ Շատերը նրան վիրավորում էին տարբերվող արտաքինի համար ու առաջարկում պլաստիկ միջամտության դիմել։

«Gucci»–ի հայ մոդելը դարձել է հայրենական դիզայների նոր հավաքածուի դեմքը

Սակայն այժմ հայուհին իր հստակ քայլերն է անում նորաձևության բարձր բեմերում, իսկ քննադատություններին վերաբերվում է ժպիտով։

Ինչ տեսք ուներ «Gucci»–ի հայ մոդելը մանուկ հասակում. լուսանկար

20
թեգերը:
ամսագիր, Արմինե Հարությունյան, Հայաստան
Ըստ թեմայի
«Ձեր որդին հրաշք է». Սիրուն Մինասն ընտանեկան լուսանկար է հրապարակել
Երգչուհի Լոլիտան 6–րդ անգամ է ամուսնացել
«Ես սգում եմ բաց աչքերով». Անժելա Սարաֆյանը Instagram–ից ջնջել է բոլոր լուսանկարները
Ի հեճուկս 2020-ի․ որտեղ են ամանորյա արձակուրդներն անցկացրել հայտնի հայերը

Պետք է ուշադիր լինել քննադատությունների նկատմամբ. Փաշինյանը ներկայացրել է նոր նախարարին

23
(Թարմացված է 14:14 19.01.2021)
Վարչապետի համոզմամբ՝ կառավարությունը պատվով է դիմակայել նոր տիպի կորոնավիրուսի համավարակին և այսօր էլ միջազգային չափանիշներով ունենք կառավարելի իրավիճակ:

ՀՀ վարչապետ Նիկոլ Փաշինյանը հույս ունի, որ բարեփոխումների այն տեմպը, որ կա առողջապահական համակարգում, առնվազն կպահպանվի և մի բան էլ կմեծանա։ Այս մասին նա այսօր ասել է նորանշանակ նախարար Անահիտ Ավանեսյանին առողջապահության նախարարության աշխատակազմին ներկայացնելու ժամանակ:

Премьер-министр Никол Пашинян представил нового министра здравоохранения сотрудникам министерства (19 января 2021). Еревaн
© Photo / official site of the Prime minister of RA
ՀՀ վարչապետ Նիկոլ Փաշինյանը առողջապահության նախարարության աշխատակազմին է ներկայացրել նորանշանակ նախարար Անահիտ Ավանեսյանին

Նա նշել է, որ այդուհանդերձ, չէր ուզենա, որ հանրության շրջանում տպավորություն ստեղծվի, թե առողջապահական համակարգի գործունեությունը համարում են անթերի, քանի որ առողջապահական համակարգի գործունեությունը և որակը շատ տեղերում դեռ հեռու է իրենց պատկերացրածից ու երազածից, բայց ընդհանուր առմամբ պետք է արձանագրել, որ հատկապես ճգնաժամային 2020 թվականին առողջապահական համակարգն, ընդհանուր առմամբ, լուծել է իր առջև դրված խնդիրները:

Премьер-министр Никол Пашинян представил нового министра здравоохранения сотрудникам министерства (19 января 2021). Еревaн
© Photo / official site of the Prime minister of RA
ՀՀ վարչապետ Նիկոլ Փաշինյանը առողջապահության նախարարության աշխատակազմին է ներկայացրել նորանշանակ նախարար Անահիտ Ավանեսյանին

Անդրադառնալով Անահիտ Ավանեսյանի նշանակմանը՝ կառավարության ղեկավարը հիշեցրել է, որ նա այս ընթացքում զբաղեցրել է առողջապահության նախարարի առաջին տեղակալի պաշտոնը, այսինքն եղել է թիմի անդամ: 

«Հույս ունենք, որ առողջապահության նախարարությունը կշարունակի ակտիվ գործունեությունը և չի վախենա քննադատություններից, որովհետև աշխատանքը, բնականաբար, բերում է քննադատություն: Իհարկե պետք է առավել ուշադիր լինել քննադատությունների նկատմամբ և փորձել օգտակար ու ռացիոնալ տեղեկատվություն ու խորհրդատվություն դուրս բերել»,- ասել է վարչապետը:

Վարչապետը շնորհակալություն է հայտնել Արսեն Թորոսյանին առողջապահության նախարարի պաշտոնում գործունեության համար, արձանագրելով, որ Թորոսյանի պաշտոնավարման ընթացքում նախարարությունը ամենաարդյունավետ գերատեսչություններից մեկն է եղել։

Премьер-министр Никол Пашинян представил нового министра здравоохранения сотрудникам министерства (19 января 2021). Еревaн
© Photo / official site of the Prime minister of RA
ՀՀ վարչապետ Նիկոլ Փաշինյանը առողջապահության նախարարության աշխատակազմին է ներկայացրել նորանշանակ նախարար Անահիտ Ավանեսյանին

Վարչապետը նկատել է, որ 2020 թվականը հատկապես առողջապահության ոլորտի համար մեծ փորձությունների տարի է եղել՝ պայմանավորված կորոնավիրուսով և պատերազմով: 

«Ուզում եմ հատկապես հիշեցնել, որովհետև հիմա այդ դրվագի մասին, ըստ էության, մոռացվել է, որ կար ժամանակ, երբ մեզ կորոնավիրուսի դեմ պայքարի համատեքստում ի ցույց էին դնում այլ երկրներ, ասելով, որ ահա տեսեք, թե ինչպես է պետք պայքարել կորոնավիրուսի դեմ, դուք կորոնավիրուսի դեմ պայքարել չգիտեք»,–ասել է նա:

Վարչապետի համոզմամբ՝ կառավարությունը պատվով է դիմակայել նոր տիպի կորոնավիրուսի համավարակին և այսօր էլ միջազգային չափանիշներով ունենք կառավարելի իրավիճակ: Պատերազմից հետո մարմինների նույնականացման հարցում եղած բարդությունները նույնպես, ըստ Փաշինյանի, հաղթահարվել են և «այդ աշխատանքը նույնպես շատ ընդունելի տեմպեր է ստացել»։

Անահիտ Ավանեսյանը նշանակվեց առողջապահության նախարար

23
թեգերը:
ՀՀ Առողջապահության նախարարություն, Արսեն Թորոսյան, Անահիտ Ավանեսյան, Նախարար, Նիկոլ Փաշինյան
Ըստ թեմայի
Էդուարդ Աղաջանյանն ազատվեց պաշտոնից, նրան կփոխարինի Արսեն Թորոսյանը
Արսեն Թորոսյանը հրաժարվում է պաշտոնից
Խնդրում եմ ձեզ շարունակել աշխատել նույն նվիրումով և ջանասիրությամբ․ Թորոսյանի հրաժեշտը
Տիգրան Քեյան

«Բալային համակարգը կմնա թղթի վրա». «Վարորդի ընկեր» ՀԿ նախագահն ասել է` ինչու

0
«Վարորդի ընկեր» ՀԿ նախագահ Տիգրան Քեյանը Sputnik Արմենիայի եթերում անդրադարձել է Հայաստանի հանրապետությունում մեկ տարուց ավել գործող տուգանային միավորների համակարգի արդյունավետության խնդրին։  
Քեյան. «Քանի որ չկա պատշաճ վերահսկողություն, բալային համակարգը կմնա թղթի վրա»

Տիգրան Քեյանի դիտարկմամբ` ինչ պլանավորված էր նախապես, այդ առումով համակարգն իրեն ամբողջությամբ չի արդարացրել, լիարժեքորեն չի վերահսկել, որպեսզի վարորդներին բերի օրինական դաշտ, բայց երթևեկության անվտանգության առումով որոշակիորեն իրավիճակը մեղմել է և այդ տեսանկյունից կա դրական միտում։ 

«Ինչպես ասել եմ նախկինում, այժմ էլ կրկնում եմ, որ վերահսկող մարմինը պետք է լիարժեք իրականացնի իր գործառույթներն ու ավելի շատ աշխատի այդ ուղղությամբ, մինչդեռ նշված մարմինը տարեցտարի թուլացնում է իր վերահսկողական ֆունկցիան։ Հույս ունենք, որ այս տարվա աշնանից գործունեության մեջ դրվող պարեկային ծառայությունը կշտկի իրավիճակը, բայց եթե այդ ծառայությունն էլ աշխատի նույն ինտենսիվությամբ, ինչ ճանապարհային ոստիկանությունը, ապա ցանկացած ներդրվող համակարգ այստեղ չի աշխատի»,– նշեց «Վարորդի ընկեր» ՀԿ նախագահը։

Քեյանի տեղեկացմամբ` նախորդ տարվա ընթացքում տուգանային 9 բալը գերազանցած վարորդների թավաքանակը եղել է մոտ 2000։ Ըստ նրա`շուրջ 10 հազար հոգի վարորդական իրավունք ստանալու համար մասնակցել են համապատասխան քննության, և համեմատելով վկայական ստացողների քանակը վարորդական իրավունքից զրկվածների քանակի հետ` Քեյանը տեսնում է դրական միտում և ընդգծում, որ ներդրված նոր համակարգը նույնպես ցույց կտա, թե ինչ խնդիրներ կարող են ծագել քննական պրոցեսի ընթացքում։

«Եթե գործնական քննությունը հանձնեն երթևեկության մեջ, ապա ավելի դժվար կլինի, քան եթե մեքենան վարեն անգիր արած որևէ երթուղով։ Այդ դեպքում կպակասի անփորձ վարորդների քանակը և երթևեկությունն էլ այդ մասով որոշակիորեն կկարգավորվի։ Կարծում եմ, որ վարորդական իրավունք ստանալու համար նախատեսված քննությունը պետք է բարդացվի, որ տեսականն անգիր արած դիմորդների քանակը պակասի»,– նշեց «Վարորդի ընկեր» ՀԿ նախագահը։

Անդրադառնալով կարգազանց վարորդների համար նախատեսված տուգանքների համաչափության խնդրին` Քեյանն ընդգծեց, որ առանց վարորդական իրավունքի մեքենա վարողները ոչ թե պետք է տուգանվեն թեկուզ 200 հազար դրամով, այլ ենթարկվեն լուրջ պատասխանատվության։ Ըստ նրա` պատասխանատվության շեմը շատ մեղմ էր, հետևաբար ուզում են բարձրացնել տուգանքի չափը, բայցևայնպես, պետք է հաշվի առնել, որ գործ ունենք մարդկանց անվտանգության, նրանց կյանքի հետ։ 

Ղահրամանյան. «Բալային համակարգի ներդրումից հետո երթևեկության մեջ լարվածությունը նվազել է»

«Վարորդի ընկեր» ՀԿ նախագահի համոզմամբ` հնարավոր չէ ստեղծել մի համակարգ, որում տուգանքների համաչափությունն ընդունելի լինի բոլորի համար, որովհետև յուրաքանչյուր մարդ ունի տարբեր մոտեցում։ Ըստ նրա` տուգանքները ոչ այնքան մարդու անվտանգության ու երթևեկության հարցերն են կարգավորում, որքան սոցիալական հարց են լուծում։ Քեյանի կարծիքով` քանի որ չկա պատշաճ վերահսկողություն, բալային համակարգը կմնա թղթի վրա։

Չենք կարող եվրոպական երկրներից վերցնել միայն մուրճը. բալային համակարգը Հայաստանին չի օգնի

0
թեգերը:
Բալային համակարգ, Հայաստան, Տուգանք, վարորդ, Տիգրան Քեյան
Ըստ թեմայի
Էլեկտրաշարժիչով ավտոմեքենաների ներմուծումը շատ ավելի ձեռնտու է դառնալու. Տիգրան Քեյան
Որ դեպքում կարող են վարորդները հաշտվել Հայաստանում ճանապարհները վճարովի դարձնելու մտքի հետ
Ինչ է պետք անել Երևանում խցանումներից խուսափելու համար. Քեյանը լուծում է առաջարկում
Խցանված Երևանն ու դիմակավոր ուղևորները. ինչպե՞ս փրկել կորոնավիրուսից փրկվածներին