Ոստիկան

16:00-ից հետո ոստիկանությունը կսկսի տուգանել. սահմանափակման ռեժիմը խախտողներին կպատժեն

1719
(Թարմացված է 19:25 30.03.2020)
Կեսգիշերին տեղաշարժի սահմանափակումներն ուժի մեջ մտնելուց հետո 92 քաղաքացի իջեցվել են ավտոմեքենաներից, 2 վարորդի նկատմամբ կիրառվել են տուգանքներ:

ԵՐԵՎԱՆ, 25 մարտի- Sputnik. Հայաստանում հաշվառված 2419 մեկուսացված ու ինքնամեկուսացած անձանցից ոչ մեկը վերջին 24 ժամերի ընթացքում չի խախտել մեկուսացման ռեժիմը: Տեղեկությունն  այսօր լրագրողների հետ հանդիպմանը հայտնեց  ՀՀ ոստիկանության պետի տեղակալ Հայկ Մհրյանը:

«Երեկվա դրությամբ մենք ոչ մի արձագանք չենք ունեցել թե՛ քաղաքացիներից, որոնք մեզ այդ հարցում շատ օգնում են և տեղեկություններ են փոխանցում, թե՛ առողջապահության նախարարությունից: Բայց երեկ չէ առաջին օրն, օրինակ, ունեցել ենք և կարգավորել ենք»,- ասաց նա:

Անդրադառնալով երեկ կեսգիշերից ուժի մեջ մտած անձանց տեղաշարժի սահմանափակմանը վերաբերող որոշմանը՝ ոստիկանության պաշտոնյան հայտնեց, որ անցած կեսգիշերից սկսած 92 անձի, որոնք խախտել են ավտոմեքենայում 2 հոգուց ավելի գտնվելու որոշումը, ոստիկանները դուրս են հրավիրել ավտոմեքենայից, 2 ավտոմեքենաների նատմամբ տուգանքի ակտեր են կազմվել:

Բայց առավել խիստ հսկողություն կսահմանվի այսօր 16:00-ից հետո: Այդ ժամից սկսած սահմանափակման ռեժիմը խախտողների նկատմամբ կկիրառվի վարչական պատասխանատվություն՝ տուգանք՝ 100-250 հազար դրամի չափով:

Կոմունալ վճարումները արտակարգ դրության ժամանակ․ ՀՀ քաղաքացիներին արտոնություններ կտրվե՞ն

«Մինչև 16:00 փորձելու ենք քաղաքացիներին, կոպիտ ասած, ընտելացնենք պրոցեսին»,- ասաց Մհրյանը: «Ընտելացնելու» համար ոստիկանության ավտոմեքենաները երեկ երեկոյից սկսած շրջում են փողոցներում ու մարդկանց իրազեկում առանց անհրաժեշտության տնից դուրս չգալու՝ պարետի որոշման մասին:

Պատասխանելով տնից դուրս գալիս անձնագիր ու տեղաշարժման թերթիկ ունենալու պարտադիր պահանջի մասին հարցերին՝ ոստիկանապետի տեղակալը նշեց, որ, օրինակ, աղբը թափելու դեպքում այդ նորմը պարտադիր չէ:

«Ես կարծում եմ, որ եթե ոսիկանության աշխատակիցը տեսնի, որ քաղաքացին աղբն է տանում թափելու, ընբռնումով կմոտենա և կխնդրի ուղղակի արագ թափել ու գնալ տուն»,- ասաց Մհրյանը:

Հիշեցնենք, կորոնավիրուսի տարածումը կանխելու նպատակով ՀՀ ԱԺ-ն արտահերթ նիստում մարտի 23-ին միաձայն (117 կողմ) ընդունեց արտակարգ դրության ժամանակ մեկուսացման կամ ինքնամեկուսացման պահանջները խախտելու համար վարչական ու քրեական պատասխանատվության մասին օրինագիծը։

Քրեական ու վարչական օրենսգրքերում կատարված փոփոխություններով` արտակարգ դրության ընթացքում մեկուսացման կամ ինքնամեկուսացման կանոնները խախտելն առաջացնում է տուգանքի նշանակում 100-250 հազար դրամի չափով (առաջին ընթերցմամբ ընդունված տարբերակում 300-500 հազար էր), մեկուսացման կամ ինքնամեկուսացման կանոնները խախտելու հետևանքով անզգուշությամբ այլ անձի վարակումը պատժվում է տուգանքով՝ 300-500 հազար դրամի չափով, կամ կալանքով՝ առավելագույնը 1 ամիս ժամկետով, երկու կամ ավելի անձանց վարակումը կամ մարդու առողջությանը ծանր վնասի պատճառումը պատժվում է տուգանքով՝ 500-700 հազար դրամի չափով կամ կալանքով՝ 1-3 ամիս ժամկետով, կամ ազատազրկմամբ՝ մինչև 2 տարի ժամկետով, մարդու մահվան առաջացումը պատժվում է ազատազրկմամբ՝ 2-4 տարի ժամկետով։

ՀՀ ոստիկանությունը մեկ շաբաթով դադարեցնում է մի քանի ստորաբաժանումների աշխատանքը

1719
թեգերը:
խախտում, Տուգանք, ՀՀ Ոստիկանություն, Արտակարգ դրություն, Հայաստան, կորոնավիրուս
թեմա:
Կորոնավիրուսը Հայաստանում և Արցախում (1336)
Ըստ թեմայի
Հարավկովկասյան երկաթուղին 5 մլն դրամ է փոխանցել կորոնավիրուսի կանխարգելման դրամահավաքին
ՏՄՊՊ հանձնաժողովը մատնված է անգործության. տնտեսագետը՝ բենզինի շուկայի մասին
Կենտրոնական բանկի որոշմամբ ուժը կորցրած է ճանաչվել «Վարկս Էյ ԷՄ»–ի լիցենզիան
Օգսեն Գաբրիելյան

Ինչպես կարող է մաթեմատիկան օգնել քաղցկեղի դեմ պայքարին. պատմում է հայ գիտնականը

84
(Թարմացված է 00:51 06.08.2020)
Կախված գենային կոդի տարբերություններից` տարբեր մարդկանց մոտ սպիտակուցներն ու ֆերմենտները տարբեր կերպ են արտադրվում։ Կենսաինֆորմատիկան օգնում է հաշվարկել, թե ինչպես ենք մենք դրանից կախված յուրացնում դեղերը։

ԵՐԵՎԱՆ, 6 օգոստոսի – Sputnik. Ցավազրկողները ոմանց անմիջապես են օգնում, ոմանց ընդհանրապես չեն օգնում։ Ի՞նչն է պատճառը, և ինչպե՞ս հասկանալ, թե ով որ դեղը պետք է ընդունի։ Այս հարցի պատասխանը գտնելու հարցում օգնում է կենսաինֆորմատիկան։ Մաթեմատիկոսը իհարկե չի կարող նոր դեղ ստեղծել, սակայն կենսաբանության և քիմիայի տվյալների հիման վրա կարող է հաշվարկել մոդելներ, որոնցով քիմիական նյութն ազդում է օրգանիզմի բջիջների և հյուսվածքների վրա։

«Մեր խնդիրն է ուսումնասիրել այդ մոդելների տարբերությունը մարդկանց տարբեր խմբերի համար, որոնք տարբեր գենետիկական առանձնահատկություններ ունեն։ Կախված գենոմում առկա տարբերություններից` օրգանիզմում կարող են տարբեր կերպ գեներացվել սպիտակուցները, որոնք կարգավորում են մեր կենսագործունեությունը։ Իսկ այստեղից արդեն կարելի է հասկանալ, թե ինչպես և մարդկանց որ խմբերի մոտ են սպիտակուցներն ու ֆերմենտներն արձագանքում դեղերին», – Sputnik Արմենիայի հետ զրույցում պարզաբանեց «Boehringer Ingelheim» գերմանական դեղագործական ընկերության տրանսլյացիոն բժշկության բաժնի գիտաշխատող Օգսեն Գաբրիելյանը։

Մի քանի տարի առաջ կենսաինֆորմատիկայի շնորհիվ ընկերությունը կարողացավ շուկայում պահպանել իր արտադրած հակաքաղցկեղային «Աֆատինիբ» դեղամիջոցը։

«Դու մենակ չես». ապարանցի Ռոմիկն ուզում է առողջանալ, գեղեցիկ կին ու «Յաշիկ» ունենալ

Այն ազդում էր հիվանդների միայն 20%–ի վրա, և բժիշկները ոչ մի կերպ չէին կարողանում հասկանալ, թե կոնկրետ ում։ Օգնության եկան կենսաինֆորմատիկները, որոնք համեմատեցին պացիենտների գենետիկ կոդը։ Պարզվեց, որ գենոմից կախված` քաղցկեղային ուռուցքում տարբեր կերպ են արտահայտվում կինազի (ֆերմենտ, որը կարգավորում է սպիտակուցների փոխազդեցությունը) պաթոլոգիական մուտացիաները։ Դեղամիջոցը որոշակի մուտացիաներ սպանում է, և մարդը գրեթե լիովին բուժվում է։

«Մենք պարզեցինք, թե կենսաբանական ինչ ինդիկատորներով կամ կենսամարկերներով է տարբերվում մարդկանց այդ խումբը, և այժմ դեղորայքը ցուցվում է հենց նրանց», – հավելեց Գաբրիելյանը։

Այդպիսով, դեղամիջոցի ազդեցությունը դեռ չի կարելի ճշգրիտ հաշվարկել յուրաքանչյուր անհատի համար, սակայն արդեն կարելի է մարդկանց կոնկրետ գենետիկ խմբերի համար։

Կարելի է խոսել նաև անհատական բժշկության առաջին փորձերի մասին, այդ թվում` հակաքաղցկեղային։ Օրինակ` շվեյցարական «Նովարտիս ֆարմա» ընկերությունը փորձարկում է վիրուսներ և պաթոգեն բջիջներ սպանող մարդու իմունիտետը պահպանող բջիջների կատարելագործման տեխնոլոգիան։ Բջիջները վերցնում են օրգանիզմից, «մարզում» քաղցկեղային ուռուցքի ոչնչացման համար, այնուհետև հետ են ներարկում։

«Ապագայում` 50 տարի անց, գուցե դեղերն անհատական դառնան. վերցնելու են հիվանդ մարդու գենոմը և այն հաշվի առնելով, սինթեզելու են հենց նրան համապատասխանող դեղերը։ Դրան հասնելու համար դեռ շատ աշխատանք է պետք, բայց առաջին քայլերն արդեն արվում են։ Կենսաինֆորմատիկան կարող է օգնել այդ հարցում», – ընդգծեց Գաբրիելյանը։

Նշենք, որ գիտնականը կապ է պահպանում Հայաստանի գործընկերների, այդ թվում` ԳԱԱ մոլեկուլյար կենսաբանության ինստիտուտի հետ։

«Դու մենակ չես». Գավառի դատարանի 5–ամյա «շեֆն» ու ցավոտ կատետորները. ինչ է երազում Աշոտը

84
թեգերը:
մաթեմատիկա, բժիշկ, քաղցկեղ, գիտնական, Գերմանիա
Ըստ թեմայի
Հայաստանի և Ռուսաստանի մասնագետները միասին կբուժեն քաղցկեղով հիվանդ երեխաներին
Քաղցկեղը հնարավոր կլինի՞ արագ ախտորոշել և բուժել. «Ռոսատոմը» նոր սարքավորում է մշակում
Բեյրութում պայթած քիմիական նյութը քաղցկեղածին չէ. ո՞ր դեպքում այն կարող է վտանգավոր լինել
Լոռամիրգ

Ի՞նչ է տեղի ունենում օրգանիզմում, երբ լոռամիրգ ենք ուտում

33
(Թարմացված է 14:15 05.08.2020)
Վիտամինների և հանքանյութերի պարունակությամբ հարուստ լոռամիրգը վայրի հատապտուղների շարքում ամենաօգտակարներից մեկն է և կիրառվում մրսածությունը բուժելու համար։ Թե ինչպիսի ազդեցություն է ունենում այս հատապտուղը մարդու օրգանիզմի վրա՝ ընթերցեք Sputnik Արմենիայի հոդվածում:

Կարմիր պտուղներով մշտադալար այս թփերն աճում են ճահիճներում և լճերի ճահճացած ափերին, սոճու և խառն անտառներում։

Ի՞նչ է կատարվում օրգանիզմի հետ, երբ բալ եք ուտում

Լոռամիրգը վիտամիններով հարուստ մեկ ամբողջական համալիր է, որը բնությունն ընծայել է մեզ։  Իր օգտակար հատկությունների շնորհիվ այս հատապտուղը համարվում է «սուպերֆուդ»։ Բանն այն է, որ բոլոր այն նյութերը, որոնցով հարուստ է լոռամիրգը, բավական բալանսավորված են, այդ պատճառով էլ լավ են յուրացվում օրգանիզմի կողմից։ Միևնույն ժամանակ լոռամրգի 100 գրամի էներգետիկ արժեքը կազմում է ընդամենը 30 կկալ։

Այս պտուղը իր օգտակար հատկությունները պահպանում է շուրջ տարին։ Այնպես որ, օրգանիզմի համար չորացրած լոռամիրգը նույնքան օգտակար է, որքան թարմը։

Продажа клюквы на продовольственной ярмарке
© Sputnik / Виталий Аньков
Լոռամիրգ

 

С վիտամինի մեծ քանակության շնորհիվ այն անվանում են նաև «հյուսիսային կիտրոն» ։ Լոռամիրգը հարուստ է նաև շաքարներով` գլյուկոզայով և ֆրուկտոզայով, պարունակում է մեծ քանակի օրգանական թթուներ՝ բենզոյաթթու, կիտրոնաթթու, խինինաթթու, խնձորաթթու,  սաթաթթու և թրթնջաթթու։

Հենց բենզոյաթթվի (բնական կոնսերվանտ) պարունակությամբ է բացատրվում այս մթերքի երկար պահպանման գաղտնիքը։

 

Իր օգտակարության շնորհիվ լոռամիրգը լայնորեն կիրառվում է տարբեր հիվանդությունների բուժման դեպքում։ Այն կարող է բարերար ազդեցություն ունենալ ինչպես որոշակի օրգանների և համակարգերի վրա, այնպես էլ լավացնել ամբողջ օրգանիզմի աշխատանքն ընդհանուր առմամբ։

Ի՞նչ է կատարվում օրգանիզմում, երբ մոռ եք ուտում

Մասնագետները խորհուրդ են տալիս լոռամիրգը ներառել սննդակարգում ֆիզիկական, հուզական և մտավոր լարվածության ժամանակ օրգանիզմի տոնուսն ու աշխատունակությունը բարձրացնելու համար։ Լոռամրգի հյութով, մեղրով և մասուրով պատրաստած ըմպելիքը հիանալի փոխարինում է սուրճին և օրգանիզմը հաջողությամբ հաղթահարում է ծանրաբեռնվածությունը։

Коктейль из ягод клюквы
Լոռամրգով պատրաստած կոկտեյլ

 

Վերացնում է մրսածության հետևանքները

«Հյուսիսային կիտրոնը» հիանալի պրոֆիլակտիկ միջոց է, որն ամրապնդում է իմունիտետն ու բարձրացնում օրգանիզմի պաշտպանական գործառույթները։ Լոռամրգից պատրաստած օշարակը, հյութն ու մորսը հաջողությամբ կիրառում են մրսածությունը բուժելու համար։ Դրանք օժտված են ջերմիջեցնող, հակաբորբոքային և կազդուրիչ հատկությամբ։

Սև, սպիտակ և կարմիր․ հաղարջի ո՞ր տեսակն է առավել օգտակար

Լոռամրգի և դրանից պատրաստված ըմպելիքի օգտագործումը կարող է բուժել թեթև մրսածությունն առանց դեղամիջոցների կիրառության։

Պաշտպանում է ատամները

Լոռամրգի հյութը, ամենից զատ, կարող է կանխել կարիեսը, ակտիվորեն մանրէազերծելով բերանի խոռոչը։

Հայտնի է, որ այս պտղի հյութով մեր նախնիները բուժում էին լնդախտը, տենդը, ինչպես նաև մշակում խոցերն ու վերքերը։

Ամրացնում է արյունատար անոթները, կանխում թրոմբների առաջացումը

Լոռամրգի հատիկները նպաստում են  արյան մեջ խոլեստերինի նվազմանն ու անոթների պատերի ամրացմանը։ Բացի այդ՝ դրանք կանխում են  մանր ու միջին զարկերակների պատերին աթերոսկլերոզի վահանիկների և թրոմբների առաջացումը։

Կիրառում են ճաշատեսակներ պատրաստելիս

Լոռամիրգը բավական թթու է։ Առավել հաճախ «հյուսիսային կիտրոնը» օգտագործվում է տարբեր ըմպելիքների տեսքով` մորսեր, հյութեր, կիսելներ, լիկյորներ, թուրմեր, ալկոհոլային կոկտեյլներ պատրաստելիս։ Այն ավելացնում են նաև կարկանդակների միջուկի, աղանդերի և զապեկանկայի մեջ։

Լոռամրգից նաև դոնդող և լոռամրգի հայտնի սոուս են պատրաստում, որը մատուցում են հնդկահավի հետ։

Сбор клюквы
© Sputnik / Сергей Лескеть
Բերքահավաք

Հատապտուղն օգտագործում են նաև կեքսեր, կարկանդակներ և այլ թխվածքներ պատրաստելիս։

Ձմռանը մեծ պահանջարկ է վայելում լոռամրգից պատրաստված մուրաբան։ Այս պտուղի տերևները կարելի է թրմել և օգտագործել որպես թեյ։

Բացի այդ՝ «հյուսիսային կիտրոնը» կիրառում են ոչ քաղցր, այդ թվում՝ մսային և ձկնային ուտեստների պատրաստելիս։

Հակացուցումներ կա՞ն

Լոռամրգից պետք է հրաժարվել, եթե արյան մակարդումը նվազեցնող դեղորայք եք օգտագործում, քանի որ պտուղը կարող է հանգեցնել արյունահոսության։

Չարժե այն համադրել այնպիսի մթերքների հետ, որոնք մեծ քանակությամբ թրթնջաթթու են պարունակում (թրթնջուկ, սպանախ, լոլիկ, մաղադանոս, ճակնդեղ), քանի որ լոռամիրգն ուժեղացնում է մեզի հետ աղերի (օքսոլատներ) դուրսբերումը, ինչը միզաքարային հիվանդությամբ տառապող պացիենտների մոտ կարող է հանգեցնել քարերի առաջացման։

Ինչ է կատարվում օրգանիզմում, երբ թուզ եք ուտում

«Հյուսիսային կիտրոն» չի թույլատրվում օգտագործել սեկրետոր բարձր ակտիվությամբ գաստրիտի ժամանակ, ինչպես նաև  ստամոքսի խոցի դեպքում։

Լոռամիրգը խորհուրդ չի տրվում նաև ալերգիկ ռեակցիա ունեցողներին։

33
թեգերը:
օրգանիզմ, լոռամիրգ, հատապտուղ
Ըստ թեմայի
Ինչ է տեղի ունենում օրգանիզմում, երբ մեղր ենք ուտում
Ի՞նչ է տեղի ունենում օրգանիզմում, երբ դեղձ ենք ուտում
Ի՞նչ է կատարվում օրգանիզմում, երբ դդմիկ ենք ուտում
Ի՞նչ է կատարվում օրգանիզմում, երբ սմբուկ ենք ուտում
Հիվանդանոց, արխիվային լուսանկար

Հայաստանում կորոնավիրուսով վարակվածների թիվն ավելացել է 233-ով և դարձել 39819-ի

0
Հիվանդությունների կանխարգելման և վերահսկման ազգային կենտրոնը հրապարակել է Հայաստանում կորոնավիրուսային հիվանդության վերաբերյալ վերջին մեկ օրվա տվյալները։

ԵՐԵՎԱՆ, 6 օգոստոսի — SputnikՀայաստանում կորոնավիրուսով վարակվածների թիվը վերջին մեկ օրում ավելացել է 233–ով և դարձել 39 586։ Տեղեկությունը հայտնում է Հիվանդությունների կանխարգելման և վերահսկման ազգային կենտրոնը:

Կենտրոնի տվյալներով` այս պահին փաստացի բուժում է ստանում 7 263 մարդ, կատարվել է 171 600 թեստավորում, առողջացել են վարակվածներից 31 556-ը։ Գրանցվել է մահվան 772 (+2) դեպք։ Կորոնավիրուսով վարակված, բայց այլ հիվանդության պատճառով մահացածների թիվը չի ավելացել (228)։

Օգոստոսի 5-ի տվյալներով՝ ՀՀ-ում կորոնավիրուսով վարակվածների թիվը 39 586 էր:

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Կորոնավիրուսային իրավիճակը բարելավվում է, բայց վատ լուրեր կան

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջիններս պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը։

Green Card-ը շահել են, բայց համավարակը խառնել է ամեն ինչ. հայերը կկարողանա՞ն հասնել ԱՄՆ

 

0
թեգերը:
Արտակարգ դրություն, հիվանդ, համավարակ, թեստ, կորոնավիրուս, Հայաստան
թեմա:
Կորոնավիրուսը Հայաստանում և Արցախում (1336)
Ըստ թեմայի
Կորոնավիրուսի հրաշքը. կեսդարյա բաժանումից հետո ԱՄՆ-ում քույրերը գտել են միմյանց
Իրավապահները տեղորոշել են կորոնավիրուսի մասին հակաքարոզչություն անողներին. Փաշինյան
ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրա
Աշխարհում կորոնավիրոսով հիվանդների թիվը հատել է 18 միլիոնի շեմը. նոր տվյալներ