Ալկոգել

Ալկոգելի գինը չի բարձրացել և նույնիսկ կնվազի. ՏՄՊՊՀ

139
(Թարմացված է 17:32 24.03.2020)
Հայաստանում ալկոգելի ու բժշկական դիմակների դեֆիցիտ չկա: Դեղատնային ցանցերում ալկոգելերի մնացորդային պաշարներ կան:

ԵՐԵՎԱՆ, մարտի 24 - Sputnik. Հայաստանում կորոնավիրուսի համավարակից առաջ ալկոգելի արտադրությամբ զբաղվում էր ընդամենը 3 ընկերություն՝ «Արթ կոսմետիկսը», «Արսանիտը» և «Էկոֆորմը»: Այսօր ալկոգել արտադրողների թիվը Հայաստանում արդեն 10-ն է: Այս մասին այսօր լրագրողների հետ հանդիպմանը հայտնեց ՀՀ ՏՄՊՊՀ նախագահ Գեղամ Գևորգյանը՝ նշելով, որ արտադրական ծավալները մի քանի անգամ ավելացել են, և այսօր բավարարում են ներքին ամբողջ պահանջարկը:

«Այսօր պահանջարկը բավարարված է, և դեղատնային ցանցերում ու արտադրողների մոտ կան մնացորդային ծավալներ»,- ասաց նա:

Ինչ վերաբերում է տեղական ալկոգելերի գներին, Գրիգորյանը հայտնեց, որ դրանք  բոլոր արտադրողների մոտ գրեթե նույնական են՝ մի քանի տասնյակ դրամի տարբերությամբ:

«Միջին գինը ներառյալ ԱԱՀ-ն՝ ամենափոքրից մինչև ամենամեծ ծավալը՝ 110-ից մինչև 15 000 դրամ է՝ կախված նրանից 100 գրամ է, թե 5 լիտր: «Ֆեոդորան» 88 դրամ է, «էկոֆորմը»՝ 300, «Արթ կոսմետիկսը»՝ 743-ից սկսած: Ընդ որում՝ այս գները մինչև ալկոգելի պահանջարկի բարձրացումը նույնն են  եղել, այսինքն՝ չեն թանկացել»,- նշեց Գևորգյանը:

Ավելին՝ նրա համոզմամբ, առաջիկայում Հայաստանում ալկոգելի գների նվազում է կանխատեսվում՝ պայմանավորված պահանջարկի կանխատեսվող անկմամբ:

Sputnik Արմենիայի հարցին, թե հնարավո՞ր է, որ ալկոգելերի արտադրողների միջև հակամրցակցային համաձայնություն լինի կապված շուկայում այդ ապրանքատեսակի գնի հետ, Գևորգյանը պատասխանեց, որ տեսականորեն ոչինչ բացառված չէ, իսկ գործնականում այս պահին նման բան չկա:

«Հակառակը՝ այս պահին շուկայում թեժ մրցակցություն է տիրում»,- ընդգծեց նա:

Ինչ վերաբերում է բժշկական սպիրտի գնին, Գևորգյանի խոսքով, այն ոչ միայն Հայաստանում, այլև աշխարհում չնչին չափով ավելացել է․ պատճառը դոլարի կուրսի տատանումն է, բայց դա ալկոգելի գնի վրա չի ազդել:

Իսկ ահա բժշկական դիմակների գներն աճել են ամբողջ աշխարհում:

«Դիմակների գներն ամեն օր միջազգային շուկայում տատանվում են: Ռուսական արտադրողների հետ, երբ որ կապի մեջ ենք, մի օր կարող է լինել 25 ռուբլի, մյուս օրը՝ 27 ռուբլի: Եվ դա է պատճառը, որ դիմակների ներկրումը այս պահին ռիսկային է»,- շեշտեց նա:

ՏՄՊՊՀ նախագահը հայտնեց, որ բժշկական դիմակներ առաջիկայում կսկեն արտադրել նաև տեղական տեքստիլ ընկերությունները, ինչի շնորհիվ Հայաստանը դրանց դեֆիցիտը չի զգա:

139
թեգերը:
Տնտեսական մրցակցության պաշտպանության պետական հանձնաժողով (ՏՄՊՊՀ), Գեղամ Գևորգյան, կորոնավիրուս, Հայաստան
թեմա:
Կորոնավիրուսը Հայաստանում և Արցախում (1710)
Ըստ թեմայի
Որքանով կազդի արտակարգ դրությունը գների վրա. ԿԲ-ի պարզաբանումը
Հայաստանն ապահովված է սննդով, բայց գներն աճում են. վարչապետն առաջարկեց վերահսկել
Նավթն իր հետևից ռուսական գազի գները ներքև չի տանի. ահա թե ինչու
Գներն իջե՞լ են, թե՞ բարձրացել. ՏՄՊՊՀ նախագահը խոսել է սննդամթերքի շուկայի մասին
Պաշտպանության նախարարն ընդունել է Սասուն Միքայելյանին և ԵԿՄ ներկայացուցիչներին։

Պաշտպանության նախարարն ընդունել է ԵԿՄ պատվիրակությանը՝ Սասուն Միքայելյանի գլխավորությամբ

14
(Թարմացված է 22:31 19.01.2021)
Քննարկվել են ազատամարտիկներին միավորող հասարակական կազմակերպության հետ պաշտպանական գերատեսչության առաջիկա ծրագրերին ու փոխգործակցությանը վերաբերող մի շարք հարցեր:

ԵՐԵՎԱՆ, 19 հունվարի – Sputnik. Հայաստանի պաշտպանության նախարար Վաղարշակ Հարությունյանն ընդունել է Երկրապահ կամավորականների միության վարչության պատվիրակությանը՝ ԵԿՄ վարչության նախագահ Սասուն Միքայելյանի գլխավորությամբ։ Այս մասին տեղեկացնում է ՊՆ կայքը։

Հանդիպման ընթացքում քննարկվել են ազատամարտիկներին միավորող հասարակական կազմակերպության հետ պաշտպանական գերատեսչության առաջիկա ծրագրերին ու փոխգործակցությանը, բանակ-հասարակություն կապերի զարգացմանը վերաբերող մի շարք հարցեր:

ՀՀ պաշտպանության նախարարը վստահություն է հայտնել, որ երկրապահները այսուհետ ևս կշարունակեն իրենց նշանակալի ավանդն ունենալ հայրենիքի պաշտպանությանն առնչվող, ինչպես նաև երիտասարդության հայրենասիրական դաստիարակության գործում:

Հիշեցնենք, որ Սասուն Միքայելյանը Արցախում ոտքերի ու մեջքի հատվածում բեկորային վիրավորումներ է ստացել հոկտեմբերի 19–ին։ Նրան վիրահատել են ՀՀ ՊՆ կենտրոնական կլինիկական զինվորական հոսպիտալում («Մուրացան» հոսպիտալ)։

ՀՀ պաշտպանության նախարարը նոր խորհրդական ունի

14
Ըստ թեմայի
ՌԴ պաշտպանության նախարարությունը պարգևատրել է ՀՀ ԶՈւ մի քանի պաշտոնաթող գնդապետների
ՀՀ պաշտպանության նախարարն այցելել է Գյումրիի ռուսական ռազմակայան
Նախկին ոստիկանապետ Արման Սարգսյանը նոր պաշտոն ունի
Արման Թաթոյան

Դա ընդունելի մոտեցում չէ. Թաթոյանը՝ գերիների թիվը չհրապարակելու պատճառաբանության մասին

13
(Թարմացված է 22:20 19.01.2021)
Ադրբեջանում պահվող հայկական կողմի գերիների թվի հրապարակմամբ առնվազն հնարավորություն կառաջանա զգալիորեն մեծացնել միջազգային ճնշումն Ադրբեջանի նկատմամբ գերիների ազատ արձակման ու վերադարձի հարցով, կբարձրանա Ադրբեջանում պահվող գերիների պաշտպանության աստիճանը։

ԵՐԵՎԱՆ, 19 հունվարի - Sputnik. Ադրբեջանում պահվող հայկական կողմի գերիների վերաբերյալ թվական տվյալներ չհրապարակելը ՀՀ կառավարությունը երեկվա պաշտոնական արձագանքով պատճառաբանել է ընդամենը նշումով այն մասին, որ հարցն ունի «գերզգայուն բնույթ»: Սա ընդունելի մոտեցում չէ: Այս մասին ֆեյսբուքյան էջում հայտարարել է ՀՀ մարդու իրավունքների պաշտպան Արման Թաթոյանը։

Ըստ ՀՀ ՄԻՊ-ի՝ իրավունքի գերակայությունը ենթադրում է հանրային նշանակության ցանկացած տվյալի հրապարակման կանխավարկած. որևէ տվյալի հրապարակում մերժելիս պետությունը պետք է ցույց տա՝ ի՞նչ իրավաչափ շահ է դրանով հետապնդում: Պետության մերժման որոշումը պետք է լինի պատճառաբանված: 

«Իրականում, Ադրբեջանում պահվող հայկական կողմի գերիների թվի հրապարակմամբ առնվազն հնարավորություն կառաջանա զգալիորեն մեծացնել միջազգային ճնշումն Ադրբեջանի նկատմամբ գերիների ազատ արձակման ու վերադարձի հարցով, առաջ կգան Ադրբեջանի նկատմամբ լրացուցիչ պարտավորություններ դնելու հիմքեր, կբարձրանա Ադրբեջանում պահվող գերիների պաշտպանության աստիճանը, հրապարակայնորեն կընդգծվի պետության հարգանքը գերիների ու նրանց ընտանիքների իրավունքների նկատմամբ, հրապարակայնորեն կընդգծվի պետության պատասխանատու վերաբերմունքը հանրային կարևորության այս հարցի նկատմամբ»,-նշված է գրառման մեջ։

Թաթոյանը շեշտել է, որ պետության այդ քայլով կբացառվի կամ էականորեն կնվազեցվի հանրությանը կեղծ տեղեկություններով մոլորեցնելու ու հետևաբար՝ շահարկում իրականացնելու որևէ կողմի փորձ ու հավելել, որ ՀՀ պետական իրավասու մարմինը պետք է հրապարակի հայկական կողմի գերիների այն թիվը, որոնք իր տրամադրության ներքո առկա տվյալների համաձայն կամ իր համոզմամբ՝ ներկայում պահվում են Ադրբեջանում գերության մեջ:

Գերիների վերադարձ և այլ թեմաներ․ Այվազյանն ու Լավրովը հեռախոսազրույց են ունեցել

Հիշեցնենք, որ հունվարի 18-ին փոխվարչապետ Տիգրան Ավինյանի գրասենյակից հայտնել էին, որ Հայաստանում և Ադրբեջանում գտնվող գերիների վերաբերյալ թվական տվյալները խորհրդապահական բնույթի են և ենթակա չեն հրապարակայնացման՝ հաշվի առնելով հարցի գերզգայուն բնույթը:

13
թեգերը:
Ադրբեջան, գերի, Արման Թաթոյան
Ըստ թեմայի
Ինչու չլուծվեց գերիների հարցը. իրավապաշտպանը մատնանշել է խանգարող հանգամանքները և սխալները
Աժ-ում փակ դռների հետևում քննարկել են գերիների վերադարձի հարցը
Ռուսաստանն ուզում է լուծել գերիների հարցը․ Լավրովը մանրամասներ է հայտնել
Սերոբ Անտինյան

Ինչու են պրոֆեսիոնալները խուսափում պետական կառավարման համակարգում պաշտոն ստանձնելուց

0
Հանրային կառավարման փորձագետ Սերոբ Անտինյանը Sputnik Արմենիայի եթերում անդրադարձել է իշխանական թևում իրականացվող կադրային փոփոխություններին և պարզաբանել, թե ինչու են պրոֆեսիոնալ կադրերը խուսափում որևէ պատասխանատու պաշտոնում նշանակվելուց։
Պրոֆեսիոնալները ձեռնպահ են մնում պետական համակարգում պաշտոն ստանձնելուց. Սերոբ Անտինյանը մեկնաբանում է` ինչու

Հանրային կառավարման տեսանկյունից հաճախակի պաշտոնանկություններն ու նշանակումները հատկապես քաղաքական և հայեցողական բարձր պաշտոններում, մեղմ ասած, ողջունելի չեն։ Սա խոսում է ներկայիս կառավարման համակարգի լրջագույն խնդիրների մասին։ Sputnik Արմենիայի հետ զրույցում նման կարծիք հայտնեց կառավարման փորձագետ Սերոբ Անտինյանը` մեկնաբանելով վերջին շրջանում պետական կառավարման համակարգում իրականացվող փոփոխությունները, երբ իշխող թիմի ներկայացուցիչների պաշտոնանկությանը հաջորդում է նրանց մեկ այլ պաշտոնում նշանակելու հրամանը։

«Մեր պետության համար տեղի է ունեցել պետական մասշտաբի աղետ` պատերազմ` պարտության ելքով։ Սա բնականաբար անդրադարձել է պետական կառավարման համակարգի վրա, և այն հայտնվել է լրջագույն ճգնաժամի մեջ»,- ասաց նա։

Լրջագույն ճգնաժամին զուգահեռ իշխող քաղաքական թիմում  նաև կադրային խնդիրներ կան. պրոֆեսիոնալների բացակայությունն ու վստահելի անձանց պակասը միախառնվել են, և ստեղծվել է մի իրավիճակ, որը հաղթահարելու ելքը գործող իշխանությունը տեսնում է միևնույն պաշտոնյային մեկ այլ պաշտոնի նշանակելու մեջ։

Այն, որ պատասխանատու պաշտոններում ոլորտային նեղ մասնագիտացումը պարտադիր է, դրա մասին անգամ խոսք լինել չի կարող, սակայն վերջին շրջանում մենք ականատես ենք լինում նաև քաղաքական կամ հայեցողական պաշտոններում, որոնք այդքան էլ մասնագիտական փորձառություն չեն պահանջում, տևական ժամանակ թափուր հաստիքների առկայությանը։

Պետական կառավարման համակարգը պետության ու պետականության ողնաշարն է և, ըստ Անտինյանի, այն պետք է անխափան աշխատի, նույնիսկ եթե երկիրը քաղաքական ցնցումների փուլում է։

Նա հիշեցնում է ոչ վաղ անցյալում մեր երկրում իրականացված թավշյա հեղափոխության օրինակը, երբ տեղի ունեցան քաղաքական խորքային գործընթացներ, սակայն կառավարման համակարգը կոլապսի առաջ չհայտնվեց։

«Այժմ համակարգը տևական տուրբուլենտության մեջ է։ Այն նաև իր պատճառներն ունի։ Վերջին տարիներին, այսպես կոչված, բարեփոխումների, օպտիմալացումների հետևանքով իրական մասնագետները դուրս մնացին, և համակարգը բախվեց մեկ այլ խնդրի, այն համալրվեց ոչ կոմպետենտ կադրերով. հատկապես բարձրաստիճան պաշտոնատար անձանց մասին է խոսքը, որոնք չէին տիրապետում ոլորտներին և ընդհանրապես պետական կառավարման համակարգում աշխատանքի փորձ չունեին»,- նշեց Անտինյանը։

Նրա խոսքով`օրենքների և ենթաօրենսդրական ակտերի չիմացությունը, փաստաթղթաշրջանառության հետ կապված խնդիրները, մասնագիտական գիտելիքների, կառավարչական տարրական հմտությունների և կարողությունների բացակայությունը խիստ բացասական հետագիծ են թողել համակարգի վրա, որի  մաս է կազմում նաև արտաքին քաղաքական ոլորտը, իսկ արտաքին քաղաքական առումով բազմաթիվ հարցեր անպատասխան են մնում։

«Մենք սահմանե՞լ ենք մեր անելիքները ԵԱՀԿ Մինսկի խմբի վերակենդանացման հարցում, Արցախի միջազգային ճանաչման հարց կա՞ օրակարգում, այս առումով որևէ բան արվու՞մ է, Պոպովի հայտարարության և Լավրովի ասուլիսի հետ կապված ի՞նչ արձագանքներ են հնչել պաշտոնական խողովակներից և, վերջապես, փետրվարին Թուրքիան Ադրբեջանի հետ լայնամասշտաբ զորավարժություններ է նախատեսում, մեր ռազմաքաղաքական ղեկավարությունն այս առումով ասելիք ունի՞»,- շեշտում է փորձագետը։

Անտինյանի դիտարկմամբ`անգամ ստեղծված իրավիճակում ամեն ինչ դեռ կորած չէ, պարզապես պետք է ամեն ինչ անել երկրում առկա քաղաքական ճգնաժամը օր առաջ վերացնելու և ներքաղաքական իրավիճակը կայունացնելու համար։

Նա համոզված է, որ մեր երկրում կան իրենց ոլորտներում պրոֆեսիոնալ մասնագետներ, որոնք քաղաքական անկայունության պայմաններում չեն ձգտում որևէ պաշտոն ստանձնել ու գերադասում են սպասել։

0
թեգերը:
փորձագետ, պաշտոն, Իշխանություն