Ռոբերտ Քոչարյան

Քոչարյանին կալանքից ազատելու հարցը դեռևս կմնա առկախված

192
(Թարմացված է 14:58 24.03.2020)
Փաստաբանը հայաստանյան օրենսդրության մեջ ելք չի տեսնում, բայց Եվրոպական կոնվենցիան, ըստ նրա, լուծում նախատեսում է:

ԵՐԵՎԱՆ, 24 մարտի – Sputnik. ՀՀ երկրորդ նախագահ Ռոբերտ Քոչարյանի փաստաբաններն անորոշ վիճակում են, քանի որ չգիտեն, թե երբ դատարանը կքննարկի անձնական երաշխավոությամբ խափանման միջոցը փոխելու միջնորդությունը: Այս մասին այսօր լրագրողների հետ հանդիպմանն ասաց փաստաբան Հայկ Ալումյանը՝ հիշեցնելով, որ եթե անձը գտնվում է կալանքի տակ, նրա խափանման միջոցի հարցը քննարկվում է անհետաձգելի կարգով:

«Հիմա մենք հայտնվել ենք մի անորոշ վիճակում։ Ունենք խափանման միջոցը փոխելու հետ կապված միջնորդություն և ընդհանրապես չգիտենք, անգամ մոտավորապես մեկ շաբաթի՞ց, մեկ ամսի՞ց, թե՞  մի քանի ամսից այդ միջնորդությունը կարող է քննարկվել»,- ասաց նա։

Հիշեցնենք, մարտի 1-ի գործով դատավոր Աննա Դանիբեկյանը վիրահատության է ենթարկվել ու նիստներն անորոշ ժամանակով հետաձգվում են:

Փաստաբանը հայտնեց, որ իրենք այսօր պատրաստվում են այդ հարցով Վերաքննիչ դատարան բողոք ներկայացնել։

«Գիտե՞ք, մեր օրենքը չի սահմանում, որ միջնորդությունը չքննելը կարող է բողոքարկվել Վերաքննիչ դատարան, բայց Եվրոպական կոնվենցիայի 13-րդ հոդվածը սահմանում է,  եթե որևէ անձ բողոքում է, որ իր կոնվենցիոն իրավունքերից որևէ մեկը խախտվել է, ապա ինքը պետք է ունենա պաշտպանության արդյունավետ միջոց»,- նշեց Ալումյանը։

Դանիբեկյանը շուտ չի վերադառնա. Քոչարյանի փաստաբանը խնդրում է այլ դատավորի նշանակել

Ըստ նրա՝ տվյալ դեպքում պետությունը պարտավոր է տրամադրել արդյունավետ պաշտպանության միջոց, որն, ըստ նրա՝ Վերաքննիչ դատարանն է:

Հիշեցնենք` մարտի 21-ին Ռոբերտ Քոչարյանի փաստաբան Հովհաննես Խուդոյանը դիմել էր Երևան քաղաքի ընդհանուր իրավասության դատարանի նախագահ Արթուր Մկրտչյանին՝ խնդրելով Քոչարյանի խափանման միջոց կալանքը անձնական երաշխավորությամբ փոխելու միջնորդության քննարկումը մակագրել այլ դատավորի։

Արթուր Մկրտչյանը, սակայն մերժել էր փաստաբանի միջնորդությունը՝ պնդելով, որ գործը գտնվում է Աննա Դանիբեկյանի վարույթում:

Դատական վերջին նիստի օրը, որը չկայացավ դատավորի բացակայության պատճառով, Քոչարյանի փաստաբանները հայտարարել էին, որ մարտի 17-ի նիստում պատրաստվում են ներկայացնել երկրորդ նախագահին անձնական երաշխավորությամբ ազատ արձակելու միջնորդությունը։ Իսկ երաշխավորությամբ փոխելու առաջարկով հանդես էին եկել ՀՀ նախկին վարչապետներ Վազգեն Մանուկյանը, Խոսրով Հարությունյանը և Կարեն Կարապետյանը, ինչպես նաև Արցախի նախկին վարչապետ Անուշավան Դանիելյանը։

192
թեգերը:
Կարեն Կարապետյան, Վարչապետ, միջնորդություն, կալանք, Դատավոր, Ռոբերտ Քոչարյան, Հայաստան
թեմա:
Ռոբերտ Քոչարյանի գործը (387)
Ըստ թեմայի
Արամ Օրբելյանը դատի է տվել ԱԱԾ–ին և Հանրային հեռուստաընկերությանը
Ռոբերտ Քոչարյանն ընդդեմ Սիլվա Համբարձումյանի գործը կասեցվել է
Քոչարյան. ««Ոչ»–ի շտաբը ՀՀ երկրորդ նախագահ Ռոբերտ Քոչարյանի հետ որևէ կապ չունի»
Չի կարելի անընդհատ ձգձգել գործը. դատախազը` Քոչարյանի պաշտպանների միջնորդության մասին