Yerevan Gastro

Ինչպես զարմացնել կանանց․ լավագույն ուտեստների հնգյակ` տանը մնացած տղամարդկանց համար

185
(Թարմացված է 17:18 22.03.2020)
Արտակարգ դրության ընթացքում կարելի է ազատ ժամանակն ավելի ճիշտ օգտագործել և հաճելի անակնկալ մատուցել սիրելի կանանց։

Լաուրա Սարգսյան, Sputnik Արմենիա

Եթե միջին վիճակագրական հայ տղամարդու պես տանը նստած չգիտեք ՝ ինչ անեք, առաջարկում ենք հոգ տանել ձեր կանանց մասին ու զարմացնել նրանց, քույրերին ու մայրերին։ Իսկ զարմացնել նրանց կարող եք արագ ու համեղ նախաճաշ, ճաշ կամ ընթրիք պատրաստելով։

Թեև մարտի 16-ից ապրիլի 14-ը երկրում արտակարգ դրություն է հայտարարվել, կանանց միամսյակը ոչ ոք դեռ չի չեղարկել։

Ինչպես պաշտպանվել կորոնավիրուսից. Եվգենի Պետրոսյանի խորհուրդները` տեսանյութով

Sputnik Արմենիան, այս հարցում տղամարդկանց օգնելու համար, ներկայացնում է «Համով Հայաստան» խոհարարական ծրագրի հիման վրա կազմած ուտեստների հավաքածու։ Դրանք հանգիստ կարող է պատրաստել ինչպես խոհարարության ոլորտի մասնագետը, այնպես էլ սկսնակը։

Մրգային կաթնաշոռ

Սա շատ հեշտ ու արագ պատրաստվող, բայց համեղ ու օգտակար ուտեստ է նախաճաշի համար։ Այն պատրաստելու համար անհրաժեշտ է ձու, ալյուր, շաքարավազ, կաթնաշոռ և սեզոնային մրգեր։

Կաթնաշոռը խառնում ենք շաքարավազի հետ, ձու ենք ավելացնում ու շարունակում ենք խառնել։ Ավելացնում ենք ալյուր ու մանր կտրատած ցանկացած սեզոնային միրգ։ Այդ խառնուրդը երկու կողմից տապակում ենք թավայի վրա։

Հոթ դոգ 

Եթե ձեր երկրորդ կեսը կամ ընտանիքի կանայք արագ սնունդ են սիրում, ապա հոթ դոգի այս բաղադրատոմսը ձեզ հաստատ պետք կգա։ Հոթ դոգ պատրաստելու համար հասարակ բաղադրիչներ են անհրաժեշտ` հաց և նրբերշիկ։ Հոթ դոգի համար մենք նախևառաջ տաքացնում ենք հացը, զուգահեռ խաշում ենք նրբերշիկը, որը այնուհետև տապակում ենք մինչև կարմիր կեղև առաջանա։

Համով Հայաստան. հոթ դոգի ամենահամեղ բաղադրատոմսը

Պատրաստում ենք հոթ դոգը. դրա մեջ կարելի է ավելացնել կտրատած կանաչի կամ բանջարեղեն, ինչը թարմ համ կհաղորդի հոթ դոգին։ Կարող եք նաև վրան թթվասեր կամ մայոնեզ ավելացնել, այդ դեպքում բացարձակ այլ համ կստանաք։ Եթե աղի եք նախընտրում, կարող եք ավելացնել մանրացրած պանիր։

Հրակեզ սերկևիլ

Եթե առողջ ապրելակերպի կողմնակից եք, այս բաղադրատոմսը ձեր հաստատ պետք կգա։ Այս ուտեստն արագ ու հեշտ պատրաստվողներից է։ Կարևորը՝ ունենաք բաղադրիչները։ Ուտեստը պատրաստելու համար օգտագործում են սերկևիլ, արևածաղկի ձեթ, մեղր, կոնյակ, գինի, նուշ, դարչին, անանուխ։ Մի վախեցեք, ցանկը մեծ է, բայց հեշտ է պատրաստվում։

Վերցնում սերկևիլն ու կտրտում, թավան դնում կրակի վրա և սպասում մինչև տաքանա։ Լցնում ենք  ձեթը և տապակում սերկևիլը մինչև կեղևը կարմրի։ Ավելացնում ենք կոնյակն ու այրում, հանգցնում ենք կրակն ու ավելացնում դարչինը։ Այն աղանդերին հագեցած համ է հաղորդում։

Հանում ենք սերկևիլը կաթսայի միջից և այնտեղ մնացած հյութով սոուս պատրաստում` ավելացնելով գինի, անանուխ, այնուհետև մեղր` կարամելացման համար։

Սերկևիլը դնում ենք ափսեի վրա և վրան լցնում սոուսը։

Սմբուկով աղցան

Ուզում եք տապակած, բայց թեթև կալորիականությամբ մի բան ուտել։ Ուրեմն այս բաղադրատոմսը ձեզ պետք կգա։  Այս աղցանի համար պետք է սմբուկ, մոցարելա պանիր, սպանախ, ընկույզ, աղ, համեմունքներ։

Համով Հայաստան․ հեշտ պատրաստվում է, հեշտ` մարսվում. թեթև, ամառային և համեղ աղցան

Առաջին հերթին կտրատում ենք մոցարելան և սմբուկները։ Ի դեպ, եթե ձեռքի տակ մոցարելա չկա, ապա կարող ենք կիրառել ցանկացած պանիր։ Համեմում ենք սմբուկը և տապակում ջեռոցում։ Բայց կարելի է նաև սովորական թավայի մեջ։ Նախօրոք եփում ենք սպանախը։

Հետո շերտերով դասավորում ենք սմբուկը, պանիրը, սպանախը, ընկույզը։ Մատուցում ենք։

Լցոնած լոլիկ

Երբ շատ եք ուզում զարմացնել ձեր մտերիմներին, ապա հիշեք այս բաղադրատոմսի մասին։ «Լցոնած լոլիկ» պատրաստելու համար անհրաժեշտ է մեծ լոլիկ, բաստուրմա, քամած մածուն, ծիրանաչիր, ջուր։

Լոլիկը 4-5 րոպե դնում ենք ջեռոցը` 200 աստիճան ջերմաստիճանի տակ։ Այնուհետև հանում ենք և կեղևը հեռացնում։ Հետո կտրատում ենք բաստուրման, չրերը և խառնում քամած մածունի հետ։ Խառնուրդը լցոնում ենք լոլիկի մեջ և պատրաստում հատուկ սոուսը։

Սոուս. քամած մածունին ավելացնում ենք ջուր, կարմիր պղպեղ և մեղր։ Լոլիկի վրա լցնում ենք սոուսը և մատուցում։

185
թեգերը:
Արտակարգ դրություն, խոհանոց, ամուսին, տղամարդ, Կին, Հայաստան, կորոնավիրուս
թեմա:
Կորոնավիրուսը Հայաստանում և Արցախում (774)
Ըստ թեմայի
1400 միայնակ տարեցներ, սիրիահայ փախստականներ օգնություն կստանան. ՀՄՏԿ
Ստուգայց ՊԲ զորամասեր. ամեն ինչ արվում է բանակում կորոնավիրուսի դեպքերը բացառելու համար
Ինչպես են իրենց զգում 190 վարակակիրները. նախարարը մանրամասներ ներկայացրեց. տեսանյութ
Նորք ինֆեկցիոն հիվանդանոց

Հայաստանում կորոնավիրուսով վարակվածների թիվը մեկ օրում ավելացել է 460-ով և հասել 8676–ի

38
(Թարմացված է 10:57 29.05.2020)
Հիվանդությունների կանխարգելման և վերահսկման ազգային կենտրոնը ներկայացրել է Հայաստանում կորոնավիրուսային հիվանդության վերջին մեկ օրվա զարգացումները։ Եվս 7 մարդ է մահացել

ԵՐԵՎԱՆ, 29 մայիսի — Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 460–ով և դարձել 8676։ Տեղեկությունը հայտնում է Հիվանդությունների կանխարգելման և վերահսկման ազգային կենտրոնը:

Այս պահին փաստացի բուժում է ստանում 5214 մարդ, կատարվել է 56042 թեստավորում, առողջացել են վարակվածներից 3297–ը։

Ընդհանուր առմամբ գրանցվել է կորոնավիրուսային հիվանդությունից մահանալու 120 դեպք (+7) և մահվան 45 (+1) անուղղակի դեպք:

Մայիսի 28-ի տվյալներով՝ ՀՀ-ում կորոնավիրուսով վարակվածների թիվը 8216 էր:

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը, ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից սկսած աշխատում է նաև հասարակական տրանսպորտը, բայց ուղևորների ու վարորդների համար դիմակ կրելու պարտադիր պահանջով։

38
թեգերը:
Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում (774)
Բուժհաստատություն

Երևանի քաղաքապետարանի ենթակայության բոլոր պոլիկլինիկաներում սահմանվել է հերթապահություն

24
(Թարմացված է 09:17 29.05.2020)
Երեք պոլիկլինիկաներում և «Գրիգոր Նարեկացի» բուժկենտրոնում իրականացվելու է ռենտգեն հետազոտություն։

ԵՐԵՎԱՆ, 29 մայիսի – Sputnik. Երևանի քաղաքապետարանի առողջապահության վարչությունը տեղեկացնում է, որ առաջիկա ոչ աշխատանքային 3 օրերին (մայիսի 29, 30, 31) Երևանի քաղաքապետարանի ենթակայության բոլոր պոլիկլինիկաներում սահմանվել է հերթապահություն ժամը 10:00-ից մինչև 15:00-ն:

«Թիվ 8, թիվ 1, թիվ 17 պոլիկլինիկաներում և «Գրիգոր Նարեկացի» ԲԿ-ում իրականացվելու է ռենտգեն հետազոտություն»,– նշված է հաղորդագրության մեջ։

Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան

Խնդիրների դեպքում պետք է դիմել տարածքային պոլիկլինիկա, անհրաժեշտության դեպքում քաղաքացին կուղեգրվի ռենտգեն հետազոտության։

«Մենք ձեր կողքին ենք»․ Վրաստանը կօգնի Հայաստանին կորոնավիրուսի դեմ պայքարում, եթե դիմեն

24
թեգերը:
պոլիկլինիկա, Երևան, Հայաստան
Ըստ թեմայի
Հունիսի վերջին կորոնավիրուսով վարակվածների թիվը կես միլիոնի չի հասնի. Արսեն Թորոսյան
ՀՀ առողջապահության նախարարությունը կորոնավիրուսի ախտորոշման համար 2000 նոր սարք կգնի
Վիրուսի թողած «ժառանգությունը». ինչ հետևանքներ կունենա կորոնավիրուսը երիտասարդների վրա