ԵՐԵՎԱՆ, 21 մարտի –Sputnik. Անկախ օտարերկրյա քաղաքացիների մուտքի համար ՌԴ–ի կիրառած սահմանափակումներից` Կապանից 7-ամյա Դավիթ Ավագյանին Մոսկվա են տեղափոխել շտապ վիրահատության համար։ Տեղեկությունը հաղորդում է RT–ն։

© Sputnik / Aram Nersesyan

«Դու մենակ չես». ավելի քան 3000 մարդ եզակի ֆլեշմոբ կանցկացնեն հանուն քաղցկեղով հիվանդների

Տղայի մոտ գլխուղեղի ուռուցք են հայտնաբերել, որի չափերը 3.5 սմ–ի են հասել։ Հայ բժիշկների խոսքով` ցանկացած պահի տղայի մոտ կարող է սրտի կանգ առաջանալ, նրան շտապ վիրահատություն է անհրաժեշտ, որը կարող են անել Մոսկվայում կամ Գերմանիայում։ Նշված ժամկետներում Գերմանիա մուտք գործելը հնարավոր չէ, իսկ Մոսկվայում ընտանիքը հարազատներ ունի, որոնց տանն էլ հենց այս պահին մեկուսացման մեջ է գտնվում Դավիթը։

«Դու մենակ չես». Գավառի դատարանի 5–ամյա «շեֆն» ու ցավոտ կատետորները. ինչ է երազում Աշոտը

Մոսկվայի Ն.Ն. Բուրդենկոյի անվան նյարդավիրաբուժության ինստիտուտի մանկական բաժանմունքի վարիչ Արմեն Մելիքյանի խոսքով` ԳՀԻ–ում Դավիթին արդեն սպասում են և պատրաստ են բարդ վիրահատության։ Բուժման առաջին փուլը, նշել է նա, ուռուցքի արագ հեռացումն է։

«Հետագայում ամեն ինչ կախված կլինի նրանից, թե ինչպես տղան կտանի վիրահատությունը, և ինչպիսին կլինեն անալիզի արդյունքները», – ասել է նա։

Դավիթի մեկնելու թույլտվությունը ստացվել է RT հեռուստացանցի ջանքերի շնորհիվ, որը դիմել է ՌԴ ԱԳՆ, որպեսզի նրանք առաջինը կապ հաստատեն հայ գործընկերների հետ և փրկեն երեխայի կյանքը, քանի որ արդեն ժամերի հաշվարկ է գնում։

ՌԴ առողջապահության նախարարության մամուլի ծառայության հաղորդման համաձայն` բոլոր բուժհաստատություններն «աշխատում են սովորական ռեժիմով` անկախ կորոնավիրուսի հետ կապված իրավիճակից»։ Սա նշանակում է, որ Դավիթ Ավագյանն ամեն դեպքում կստանա անհրաժեշտ բուժումը։

Ռուսաստանը կորոնավիրուսի համավարակի հետ կապված` մարտի 18-ից մայիսի 1-ը սահմանափակել է օտարերկրյա քաղաքացիների և քաղաքացիություն չունեցող անձանց մուտքն ու ելքը երկիր։

Մարտի 11-ին ԱՀԿ–ն կորոնավիրուսի բռնկումը համավարակ էր հայտարարել։ Կազմակերպությունը կոչ էր արել պետություններին միանալ վարակի դեմ ակտիվ պայքարին։

«Դու մենակ չես». ապարանցի Ռոմիկն ուզում է առողջանալ, գեղեցիկ կին ու «Յաշիկ» ունենալ

ԵՐԵՎԱՆ, 5 մարտի – Sputnik. Հայաստանի ազգային հավաքականի նախկին կիսապաշտպան Մարկոս Պիզելին նշանակվել է Հարավային Ամերիկայում ՀՖՖ դեսպան: Տեղեկությունը հայտնում է Հայաստանի ֆուտբոլի ֆեդերացիայի մամուլի ծառայությունը։

ՀՖՖ պաշտոնական կայքի հետ զրույցում Մարկոս Պիզելին խոսել է իր զգացողությունների, ծրագրերի և նպատակների մասին։

«Շատ երջանիկ եմ կրկին հայկական ֆուտբոլում ներգրավված լինելու հնարավորության համար: Կանեմ առավելագույնը՝ Հայաստանին վերադարձնելու այն ամենը, ինչ այդ երկիրն է տվել ինձ: Իմ գործառույթներից մեկը կլինի տարբեր միջոցառումների ժամանակ Հայաստանը ներկայացնելը: Բացի այդ, ես պետք է ավելի սերտ հարաբերություններ հաստատեմ Հարավային Ամերիկայում հայկական սփյուռքի հետ: Հնարավոր է՝ կարողանամ նոր ֆուտբոլիստներ հայտնաբերել, որոնք ապագայում կհամալրեն Հայաստանի ազգային հավաքականը: Ես մեծ ցանկություն ունեմ սովորելու: Վստահ եմ՝ ՀՖՖ-ն կաջակցի ինձ այդ հարցում, իսկ ես կփորձեմ իմ ներդրումն ունենալ հայկական ֆուտբոլի զարգացման գործում»,– ասել է նա:

ՀՖՖ նախագահ Արմեն Մելիքբեկյանը ևս անդրադարձել է Մարկոս Պիզելիի նշանակմանը:

«Մոտ մեկ ամիս առաջ արդեն հայտարարել էինք Յուրա Մովսիսյանի՝ Հյուսիսային Ամերիկայում ՀՖՖ դեսպան նշանակվելու մասին: Այժմ որոշել ենք, որ նմանատիպ գործառույթներով Հարավային Ամերիկայում կզբաղվի մեր նշանավոր ֆուտբոլիստներից ևս մեկը՝ Մարկոս Պիզելին: Մենք շարունակում ենք հավատարիմ մնալ մեր որդեգրած քաղաքականությանը. մեզ համար շատ կարևոր է, որպեսզի Հայաստանի ազգային հավաքականում մեծ ներդրում ունեցած ֆուտբոլիստները շարունակեն ներգրավված մնալ հայկական ֆուտբոլում, իրենց փորձն ու գիտելիքները ծառայեցնեն հայկական ֆուտբոլի զարգացմանը: Հարավային Ամերիկան շատ կարևոր տարածաշրջան է մեզ համար: Այստեղ կան հայկական մեծաքանակ համայնքներ, որոնցում շատ են ֆուտբոլով զբաղվող երիտասարդները: Վստահ եմ, որ Մարկոս Պիզելին հենց այն անձնավորությունն է, որը կարող է գտնել հայազգի ֆուտբոլիստներ, որոնք կարող են համալրել Հայաստանի տարբեր տարիքային հավաքականները»,– ասել է Մելիքբեկյանը:

Հիշեցնենք` հունվարի 11-ին հայտնի դարձավ, որ Բրազիլիայում անհատական պարապմունքների ժամանակ ստացած վնասվածքի պատճառով ֆուտբոլիստը հավելյալ բուժզննում է անցել Հայաստանում, և պարզ է դարձել, որ նրան անհրաժեշտ է վիրահատություն, որից, սակայն, Պիզելին հրաժարվել է և որոշել է ավարտել իր կարիերան:

Հայաստանի ազգային հավաքականի կազմում Պիզելին անցկացրել է 66 խաղ ու դարձել 11 գոլի հեղինակ: Բրազիլացի ֆուտբոլիստը 35 տարեկան է։