Ալլա Պուգաչովա

Պուգաչովան ընդդեմ Մարտիրոսյանի, կամ ինչ չեն կարողանում կիսել երկու Քրիստինաները

1002
(Թարմացված է 10:59 18.03.2020)
Sputnik Արմենիայի սյունակագիրը պատմել է մտավոր սեփականության իրավունքի, ինչպես նաև այն մասին, թե ինչպես են Ռուսաստանի տարբեր անկյուններում երկու միանգամայն տարբեր կանայք (որոնցից մեկը բավական հայտնի է) իրենց բիզնեսը նույն անունով կոչել։

Ալլա Պուգաչովային ճանաչում են ամենուր, իսկ ահա Քրիստինա Մարտիրոսյանին՝ մեծ մասամբ միայն Նոր Ուրենգոյում (Ռուսաստանի Յամալո-Նենեցկի ինքնավար մարզ)։ Պուգաչովան հիանալի երգում է, Մարտիրոսյանը՝ հրաշալի պատրաստում։

Նրա ղեկավարած ՓԲԸ-ն Ռուսաստանի հյուսիսում բնակվողներին ապահովում է հացով և հրուշակեղենով՝ տորթերով ու թխվածքներով։Ընկերությունն ունի նաև առաքման ծառայություն։ Այստեղ պատրաստվող անուշահամ խմորեղենները պահանջված են թե՛  ռեստորաններում, թե՛  անհատ պատվիրատուների շրջանում․դրանք խժռում են ամենուր և մեծ ախորժակով։

Այդ դեպքում ի՞նչն է իրար դեմ հանել երկու կանանց, որոնք ապրում և իրենց գործով են զբաղվում Ռուսաստանի տարբեր մասերում։ Պարզվում է՝ պատճառը ապրանքանիշի անունն է։

Մինչ Մոսկվայի մտավոր իրավունքի դատարանն ուսումնասիրում է գործը, ակամա հիշեցինք Երևանում «Այո»-ի լոգոտիպի հետ կապված պատմությունը։

Ինչպես հայազգի ալքիմիկոսը ոսկի չգտավ, բայց միլիոնատեր դարձավ

Սահմանադրական հանրաքվեի քարոզարշավի միջոցներ հավաքագրելու համար նախատեսված դրամահավաք-ընթրիքի ժամանակ ներկայացվեց մրցույթում հաղթած լոգոտիպը։ Ծափահարություններ, ծաղիկներ, շամպայն․․․ մինչև հայտնվեցին նույն պատկերով 1991թ-ի «Երեկոյան Երևան» թերթի լուսանկարները։ Այսօրվա քարոզարշավի խորհրդանիշը գրեթե նույնությամբ կրկնում էր 30 տարվա վաղեմության թերթի նկարազարդումը։ Ի՞նչ անել։


Ամեն ինչ քողարկեցին մարդկային ձևով․ հետաքննություն անցկացրին, գտան առաջին նկարչին, դրամական պարգևը՝ վեց հազար ԱՄՆ դոլարի չափով, հանձնեցին նրա իրավահաջորդներին։ Ի՞նչ կստացվի Ալլա Պուգաչովայի և Քրիստինա Մարտիրոսյանի դեպքում՝ դեռ հայտնի չէ։ Փոխարենը հայտնի են այդ անունով կնքված մարդկանց որոշ առանձնահատկություններ, իսկ քանի որ Հայաստանում շատ քրիստինաներ կան՝ ահա և պատասխանը։
Աստղագուշակների պնդմամբ՝ Քրիստինա անունը կրող մարդիկ անձնական կյանքում բավականին փոփոխական են: Նրանք փոխադարձ զգացմուքնների կարիք են զգում, ընդ որում՝ շատ արագ սիրահարվում են, նույնքան արագ էլ հիասթափվում։

Կարևոր կանոն, որը չեն պահում մեծահարուստներից շատերը. ի՞նչ կապ ունի Ռուբեն Վարդանյանը

Մի խոսքով՝ քրիստինաներին հասկանալը բարդ է։ Նրանք բարդ ներաշխարհ ու բուռն խառնվածք ունեն։ Չեն սիրում, երբ ընկերները խառնվում են իրենց անձնական կյանքին։ Քրիստինաները գնահատում են իրենց ընտանիքը։ Հաճախ խանդոտ ամուսին են ունենում։  Ոչ միշտ են կարողանում լեզու գտնել սկեսուրների հետ։ Ձմռանը ծնված քրիստինաները հաճախ դուստր են ունենում։ Ընտանիքում շատ երջանիկ են լինում աշնանը ծնվածները։

Բայց սա դեռ ամենը չէ։ Քրիստինաները կարողանում են հարթել կոնֆլիկտները, զիջել ամուսնուն, փորձում են բոլոր գործընկերների հետ լավ փոխհարաբերություններ պահպանել, կարողանում են պաշտպանել իրենց իրավունքները։

Այդ անունը կրող կանայք ձգտում են հասարակության մեջ բարձր դիրք զբաղեցնել, լավ վարձատրվող աշխատանք գտնել։ Եթե տնային տնտեսուհի դառնան, իրենց դժբախտ կզգան։ Քրիստինաները կտրուկ են արձագանքում իրենց հասցեին ուղղված քննադատություններին, շատ են սիրում հաճոյախոսություններ, հաճախ հաշվենկատ են և կարողանում են ճիշտ ժամանակին օգտագործել այլոց թուլությունները։

Ինչ վերաբերում է Ալլա Պուգաչովայի հանրաճանաչ դստերը՝ թող յուրաքանչյուրն իր համար որոշի՝ որ հարցում են աստղագուշակները ճիշտ, որում՝ սխալ։

«Կուլակաթափ» հայկական ձևով, կամ ինչու մեր երկրում հարուստներին չեն սիրում

Քրիստինա Մարտիրոսյանի հարցն ավելի բարդ է, նրա մասին քիչ բան գիտենք, իսկ այն, ինչ գիտենք, բավական չէ որևէ եզրակացություն անելու համար։ Ահա թե ինչ է հայտնի․ 2013թ-ի նոյեմբերի 1-ին գրանցվել է «Քրիստինա» ՓԲԸ-ն՝ հինգ հարյուր հազար ռուբլի կանոնադրական կապիտալով, աշխատակիցների միջին թիվը՝ 2, իրավաբանական հասցեն՝ Յամալո-Նենեցկի ինքնավար մարզ, ք․ Նոր Ուրենգոյ, ԿՊՍՍ 26 փողոց, 13 շենք,  բն․ 2։

1002
թեգերը:
Ռեստորան, արտադրություն, առաքում, Դատարան, Ալլա Պուգաչովա
Ըստ թեմայի
«Սարոյան եղբայրներ», կամ երբ «պրո» և «հակա» փաշինյանական կռիվները ընտանիք են քանդում
Հովիվյանին վերադարձրին, իսկ էշը մնաց. ինչպես նույն կարգախոսը երեք անգամ փրկեց Հայաստանը
Աղջիկ ունեցող հայրերի համար, կամ ինչպես էին երևանցի «լավ տղերքը» ազատվում աներես փեսացուից
Մարշալ Ժուկովի դստեր հուշերից, կամ ի՞նչ է անում զինվորը, երբ սահմանին պաշտոնյա է տեսնում
Սահման, արխիվային լուսնկար

Համացանցում են հայտնվել ադրբեջանական խոցված УАЗ-ի լուսանկարները

490
(Թարմացված է 02:07 13.07.2020)
Ավելի վաղ հայտնել էինք, որ ադրբեջանցի զինծառայողները հայ-ադրբեջանական սահմանը հատելու երկու փորձ էին արել:

ԵՐԵՎԱՆ, 12 հուլիսի - Sputnik. Հայկական զինված ուժերը խոցել է հայկական դիրքերի ուղղությամբ գրոհած УАЗ-ը: Տեղեկությունը հայտնում է Banak.info կայքը, որի ձեռքի տակ են հայտնվել հայկական դիրքերին չհասած ադրբեջանական կողմի խոցված մեքենայի լուսանկարները։

УАЗ, на котором азербайджанские военные предприняли попытку захватить опорный пункт ВС Армении (12 июля 2020).
© Photo : Banak.info
Հայ զինծառայողները խոցել են ադրբեջանական УАЗ-ը

Ինչպես արդեն տեղեկացրել ենք ադրբեջանական կողմը վերսկսել է Տավուշի դիրքերի ուղղությամբ հրետակոծությունը: Ավելի վաղ հայտնել էինք, որ այսօր՝ ժամը 12:30-ի սահմաններում, Ադրբեջանի զինված ուժերի զինծառայողները, УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով հետ շպրտվել: 

490
թեգերը:
Տավուշ, կրակոց, հայ-ադրբեջանական, Սահման
Ըստ թեմայի
Հայ–ադրբեջանական սահմանին կրակոցների թիվը նվազել է. Արցախի ՊԲ
Մշտադիտարկման դադարեցումը հայ-ադրբեջանական սահմանին նոր ռիսկեր է ծնել
Տոնոյանն այցելել է հայ-ադրբեջանական սահմանի մարտական հենակետեր. լուսանկարներ
ՀԱՊԿ գլխավոր քարտուղարն արձագանքել է հայ–ադրբեջանական սահմանին հնչած կրակոցներին
Премьер-министр Никол Пашинян собственноручно раздает медицинские маски на улице (18 июня 2020). Еревaн

Ինչպես է COVID-19-ը փոխել քաղաքական գործիչների կյանքը

163
(Թարմացված է 00:09 13.07.2020)
Կորոնավիրուսը փոխել է ամբողջ աշխարհակարգը, և ամենայն հավանականությամբ՝ այլևս այն չի լինի նախկինի պես։ Այս հոդվածում փորձել ենք  ներկայացնել այն քաղաքական գործիչներին, որոնց կյանքը, վարվեցողությունը, սովորություններն ու գաղափարախոսությունը փոխվել են COVID-19-ի պատճառով։

Կորոնավիրուսի համավարակը նման է հեքիաթների սև հայելիներին, որոնց օգնությամբ շատերը, ի վերջո, կարողացան կողքից տեսնել սեփական անձի «սև» կողմերը և (հուսով ենք) դեպի լավը փոխել իրենց էությունն ու կյանքը։

Նիկոլ Փաշինյան, Հայաստան

Կորոնավիրուսը Հայաստան հասավ 2020թ-ի մարտին՝ այն օրերին, երբ երկրի իշխանությունները Սահմանադրական բարեփոխումների հանրաքվեի քարոզարշավի բուռն շրջանում էին։ Ամբողջ աշխարհը սոցիալական հեռավորություն և խիստ կարանտին էր պահպանում, իսկ Հայաստանում բազմահազարանոց հանրահավաքներ էին անցկացնում։

Հետո, այնուամենայնիվ, արտակարգ դրություն սահմանվեց (մարտի 16-ին), երկու ամիս Հայաստանում բաց էին միայն դեղատներն ու մթերային խանութները, իսկ քաղաքացիներին արգելված էր առանց հատուկ անհրաժեշտության դուրս գալ տնից։ Խիստ սահմանափակումների կիզակետում ՀՀ վարչապետին նկատեցին Արցախում, մեծ թվով մարդկանց շրջանում՝ առանց դիմակի և սոցիալական հեռավորության պահպանելու։ Այնուհետև նա առանց դիմակի հանդես եկավ խորհրդարանում։ Եվ այսպես շարունակ․․․

Премьер-министр Никол Пашинян на онлайн брифинге (1 июля 2020). Еревaн
© Photo : press office of the GoV of RA
Նիկոլ Փաշինյան

Մինչև ինքն էլ վարակվեց կորոնավիրուսով, ինչի մասին Փաշինյանը հայտարարեց իր ծննդյան օրը՝ հունիսի 1-ին։ Թեև դիմակ դնելը մինչ այդ էլ պարտադիր էր, վարակվելուց հետո Փաշինյանը սկսեց ակտիվորեն քարոզել դիմակների անհրաժեշտությունը։ Ավելին՝ պարետատան ամենօրյա ճեպազրույցներում սկսեցին կորոնավիրուսը հաղթահարած կամ դրա պատճառով հարազատ կորցրած հերոսներ հայտնվել, կամ հոգնատանջ բժիշկներ, որոնք պայքարում են վարակի դեմ և այլն։ Եվ այս ամենը՝ քաղաքացիներին խելքի բերելու և պարետատան որոշումներին վերջապես հետևելու համար։

«Ինքս անզգույշ էի, դիմակ չէի դնում և վարակվեցի։ Խնդրում եմ՝ դրեք դիմակները, պահպանեք ձեր մտերիմների առողջությունը»,-բազմիցս հայտարարել է ՀՀ վարչապետը։

Տեսնելով, որ անգամ ճեպազրույցներից հետո շատ քաղաքացիներ դիմակ չեն դնում, շարունակում են հավաքվել մեծ խմբերով, Փաշինյանը արշավ սկսեց Facebook սոցիալական ցանցում, հրապարակելով խախտում անողների լուսանկարներն ու տեսանյութերը(նյութերն ուղարկում էին իրենք՝ օգտատերերը)։ Հիմա Հայաստանի փողոցներում տուգանում են անգամ նրանց, ովքեր մի փոքր իջեցրել են դիմակը՝ մաքուր օդ շնչելու համար։ Եվ կարևոր չէ, որ մենակ նստած ես նստարանին, իսկ մոտակայքում ոչ ոք չկա։ Օրենք է․․․

Բորիս Ջոնսոն, Մեծ Բրիտանիա

Բրիտանիայի վարչապետի՝ COVID-19-ով վարակվելը համավարակի վաղ փուլում, ամենաաղմկահարույցներից մեկը կարելի է համարել։ Ջոնսոնը կորոնավիրուսով վարակվեց 2020թ-ի մարտին,նույն ժամանակահատվածում հիվանդացավ նաև երկրի Առողջապահության նախարար Մեթյու Հենքոքը։

Премьер-министр Великобритании Борис Джонсон (17 июня 2020). Лондон
© AP Photo / Kirsty Wigglesworth
Բորիս Ջոնսոն

Եվ, եթե վերջինս մեկ շաբաթ անց առողջացավ, ապա Ջոնսոնն անգամ վերակենդանացման բաժանմունքում հայտնվեց և հրաշքով ողջ մնաց։ Կազդուրվելուց և աշխատանքի վերադառնալուց հետո նա սկսեց ուսումնասիրել, թե «ում մահն է գուժում կորոնավիրուսը»։

Պարզվեց, որ Ջոնսոնի ավելորդ քաշն ու ֆասթ-ֆուդով սնվելու սովորությունը քիչ էր մնում նրան գերեզման հասցնեին։ Վիճակագրության համաձայն՝ ավելորդ քաշ ունեցող մարդիկ COVID-19-ի ռիսկային խմբում են։ Եթե կորոնավիրուսը չլիներ, Բրիտանիայի վարչապետը այդպես էլ շարունակելու էր համբուրգերները լիովին անվտանգ ուտելիք համարել։

Բարեբախտաբար, Ջոնսոնը ոչ միայն սկսեց առողջ սնունդ օգտագործել և ակտիվորեն զբաղվել ֆիթնեսով, այլ նաև ամբողջ երկրին ստիպեց առողջ ապրելակերպ վարել։ Նա սկսեց առողջ ապրելակերպ քարոզել և ագրեսիվ պայքար մղել բրիտանացիների ճարպակալման դեմ։ Նրա շնորհիվ Բրիտանիան քիչ էր մնում ավելացներ հարկերը գազավորված ըմպելիքներ և չիպսեր արտադրողների համար, բայց կորոնավիրուսի և դրա հետևանքով սկսված տնտեսական ճգնաժամի  պատճառով լիբերալները չհամարձակվեցին գնալ այդ քայլին։

Ժաիր Բոլսոնարու, Բրազիլիա

Բրազիլիայում, որտեղ համավարակի սկզբից մինչ օրս կորոնավիրուս է հայտնաբերվել ավելի քան 1,1 միլիոն մարդու մոտ, ավելի քան 51,000-ը մահացել են, նախագահ Ժաիր Բոլսոնարուն չէր հավատում վիրուսի գոյությանը այնքան ժամանակ, մինչև վարակվեց։

Բոլսոնարուն երկար ժամանակ կորոնավիրուսի սպառնալիքն իրական չէր համարում, ասում էր՝ սովորական գրիպ է, հրաժարվում էր դիմակ դնել, ինչպես նաև քննադատում էր Բրազիլիայի զանազան շրջաններում համավարակի ֆոնին հաստատված սահմանափակումները։

Президент Бразилии Жаир Болсанаро во время объявления о положительном результате теста на коронавирус (7 июля 2020). Бразилиа
TV BRASIL / AFP
Ժաիր Բոլսոնարու

Բայց, նախևառաջ, Բրազիլիայի դատարանը համառ նախագահին պարտավորեցրեց հանրային վայրերում դիմակ դնել, սահմանելով 2000 ռեալ (մոտ 400 դոլար) տուգանք՝ ամեն անգամ առանց դիմակի դուրս գալու համար։ Զվարճալի է, որ դատավորի վճռի մեջ այսպիսի նախադասություն կար․ «Անգամ նախագահի անվան պարզագույն որոնումը Google համակարգում ցույց է տալիս, որ նա գործնականում դիմակ չի դնում»։

Եվ երկրորդ՝ ճակատագրի հեգնանքով նախագահն ինքը շուտով վարակվեց կորոնավիրուսով։ Հուլիսի 7-ին նա հայտարարություն տարածեց, դիմակով(!) կանգնած լրագրողների  առջև՝ իր նստավայրի մոտ։

«Վախենալու պատճառ չկա։Կյանքը շարունակվում է»,-ասաց նա։

Այդ հայտարարությունից հետո նա մոռացավ թե՛ հիվանդության, թե՛ տուգանքի մասին և հանեց դիմակը։

«Ուղղակի իմ դեմքին նայեք։ Ես ինձ լավ եմ զգում»,-նշեց Բոլսոնարուն։

Բրազիլացի լրագրողներն էլ անճարակներից չեն․ անմիջապես նախագահի դեմ հայց ներկայացրին դատարան՝ իրենց առողջությանը վտանգելու համար։ Աշխարհում կա՞ արդյոք այլ առաջնորդ, որին այդքան հաճախ են դատի տալիս։

Հաշիմ Տաչի, Կոսովո

Հաագայի հատուկ դատարանը ոչ թե շնորհիվ COVID-19-ի, այլ ի հեճուկս դրա, շարունակում է 1998-1999թթ․ Կոսովոյի պատերազմի հետաքննությունը և մեղադրանք է ներկայացրել Կոսովոյի ներկայիս նախագահ Հաշիմ Տաչիին։ Դատարանի տվյալներով՝ Տաչիի գործողությունների պատճառով հարյուրավոր մարդիկ են տուժել, սպանությունների մեծ մասը Հաագան ռազմական հանցագործություն է որակել։ Բացի այդ, նախագահը մեղադրվում է մարդկանց բռնի անհետացման, հետապնդման և կտտանքների ենթարկելու համար։

Президент Косово Хашим Тачи во время эксклюзивного интервью AFP (30 апреля 2019). Берлин
© AFP 2020 / JOHN MACDOUGALL
Հաշիմ Տաչի

Տաչին իրեն մեղավոր չի ճանաչում և նման հակասական որոշումը հրապարակելու՝ Հաագայի ընտրած ժամանակը կասկածելի է համարում։

«Ոչ ոք չի կարող նենգափոխել Կոսովոյի պատմությունը։ Ես հույս ունեմ, որ ապագան լուսավոր է լինելու Կոսովոյի և Ալբանիայի համար»,- հայտարարել է նա։

Համենայն դեպս՝ Տաչին չեղարկել է իր այցը Վաշինգտոն՝ Սերբիայի ղեկավարության հետ բանակցությունների համար, պատճառ բերելով համավարակը։

163
Զինծառայողներ, արխիվային լուսանկար

Ադրբեջանական ԶՈՒ կրակոցները տարբեր ինտենսիվությամբ շարունակվում են. Շուշան Ստեփանյան

192
(Թարմացված է 01:59 13.07.2020)
ՀՀ Պն մամուլի խոսնակը հայտնում է, որ հայկական զինված ուժերն ադրբեջանական բնակավայրերի ուղղությամբ կրակ չեն վարում։

ԵՐԵՎԱՆ, 13 հուլիսի - Sputnik. ՀՀ Պն մամուլի խոսնակ Շուշան Ստեփանյանը հայտնում է, որ ադրբեջանական զինված ուժերի կողմից կրակոցները պարբերաբար տարբեր ինտենսիվությամբ շարունակվում են։ Ստեփանյանը Facebook սոցիալական ցանցի իր էջում գրառում է արել` հայտնելով, որ հակառակորդի բոլոր փորձերը թիրախավորվում և չեզոքացվում են։

«Հայկական զինված ուժերը կորուստներ և վիրավորներ չունեն»,– գրել է նա։

Մեկ այլ գրառմամբ էլ Ստեփանյանը տեղեկացրել է, որ հայկական զինված ուժերն ադրբեջանական բնակավայրերի ուղղությամբ կրակ չեն վարում։ Նրա խոսքով` թիրախավորվում են միայն ադրբեջանական զինված ուժերի ինժեներական ենթակառուցվածքներն ու տեխնիկական միջոցները։

Հիշեցնենք, որ այսօր՝ ժամը 12:30-ի սահմաններում, Ադրբեջանի զինված ուժերի զինծառայողները, УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի

նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը:

192
թեգերը:
Շուշան Ստեփանյան, կրակոց, Սահման, հայ-ադրբեջանական