«Ախտանիշային բուժում է պահանջում մի պացիենտ». նախարարը` կորոնավիրուսով վարակվածների մասին
(Թարմացված է 22:37 11.03.2020)
Արսեն Թորոսյանը խոսեց Հայաստանում գրանցված կորոնավիրուսի 3 նոր դեպքի մասին ու նոր տեղեկություններ հաղորդեց։ ԵՐԵՎԱՆ, 11 մարտի — Sputnik. Կորոնավիրուսի լոկալ տարածում չկա Հայաստանում, նոր հայտնաբերված 3 պացիենտների մոտ ձեռքբերովի է, իրավիճակը մնում է կառավարելի։ Facebook–ի ուղիղ հեռարձակման ընթացքում քիչ առաջ հայտարարեց ՀՀ առողջապահության նախարար Արսեն Թորոսյանը։
Այսօր ՀՀ վարչապետ Նիկոլ Փաշինյանը հայտարարեց, որ Հայաստանում կորոնավիրուսի երեք նոր դեպք է բացահայտվել։ Երկուսը ՀՀ քաղաքացի են, (45 և 27 տարեկան) մեկը՝ Իտալիայի (51 տարեկան), որն աշխատում Է Հայաստանում։ Երեքն էլ ժամանել են Իտալիայից:
«Կորոնավիրուս հայտնաբերված այս 3 անձանց հետ ուղիղ շփվածների մեկուսացմամբ ենք հիմա զբաղվում, նրանք շատ չեն»,–տեղեկացրեց նախարարը։
Նրա խոսքով` ժամանման պահին ուղևորները գանգատներ չեն ունեցել, հետո տեղափոխվել են ինֆեկցիոն հիվանդանոց, որտեղ և թեստավորում են անցել, ու պարզվել է, որ 3–ը վարակված են։
«Նրանցից 2–ը իրենց լավ են զգում, միայն մեկի մոտ կա աջակողմյան թոքաբորբ։ Ախտանիշանային բուժումից հետո պետք է որ անցնի, որովհետև արագ բուժում է արվում»,–տեղեկացրեց Թորոսյանը։
Նրա խոսքով` վարակված քաղաքացիները գանգատ չունեն, նրանք իրենց լավ են զգում։ Ինչպես նաև իրեն լավ է զգում առաջին պացիենտը, գանգատ չունի, նույն վիճակում են նաև Ծաղկաձորում կարանտինի մեջ գտնվող 31 քաղաքացիները։
Անդրադառնալով Առողջապահության համաշխարհային կազմակերպության կողմից կորոնավիրուսը պանդեմիա հայտարարելուն` նախարարի նշեց, որ ԱՀԿ–ն վերջերս շատ էր խոսում, որ պանդեմիա հայտարարել-չհայտարարելը շատ բան չի փոխում հիվանդության դեմ պայքարի հարցում։ Հիմա հայտարարվել է պանդեմիա, որովհետև բազմաթիվ երկրներում տարածոււմ է գտել այս հիվանդությունը։
©
Photo : National Center for Disease Control and Prevention
«Էֆեկտիվ միջոցառումների միջոցով կարող է կանխվել հիվանդության տարածումը, դրանք 4 են և արվել ու արվում են ՀՀ–ում»,–ասաց նա` ներկայացնելով կանխարգելիչ քայլերը։
Դրանք են` հայտնաբերել գանգատ և ցուցումներ ունեցող մարդկանց, իրականացնել նրանց թեստավորումը և բուժումը, ինչը և արվում է Հայաստանում։ Եվ մեկուսացումը, որը 2 տեսակ է լինում` տնային և հատուկ պայմաններով։ Հատուկ պայմաններով մեկուսացվում են այն անձինք, որոնք ուղիղ շփում են ունեցել հիվանդ մարդու հետ։
«Այս պահին ախտանշային բուժում է պահանջում մի պացիենտ»,–ասաց Թորոսյանը։
Google ընկերությունը կորոնավիրուսի պատճառով խորհուրդ է տվել իր աշխատակիցներին տնից աշխատել
Նա նաև կարևորեց կեղծ տեղեկությունից` ինֆոդեմիայից խուսափելը, որը խանգարում է ճիշտ տեղեկությունը տեղ հասցնելուն։ «Ու նաև մեզանից յուրաքանչյուրի անձնական պատասխանատվությունը, հետևենք տեղեկատվությանը և շարժվենք այդպես։ Կարևոր են անձնական հիգիենայի պահպանումը, ձեռքերը լվանալը, փակ տարածքներն օդափոխելը»,–ասաց նա։
Թորոսյանն ընդգծեց, որ իրենք աշխատում են թափանցիկ, ոչինչ չեն թաքցնում, նաև հավելեց, որ եթե պետք լինի ավելի լայնածավալ միջոցառումների դիմել, դա էլ կարվի։
Ավելի վաղ ՀՀ կառավարությունը և Իտալիայում Հայաստանի դեսպանությունը Իտալիայում գտնվող ՀՀ քաղաքացիներին հորդորել էին հնարավորինս սեղմ ժամկետում վերադառնալ Հայաստան։ Երեկ Իտալիայից Հայաստան երկու չվերթ է իրականացվել։ Միլանից Հայաստան է տեղափոխվել 42, Հռոմից 46 մարդ։
Իտալիան այս պահին կորոնավիրուսի մահացությունների թվով առաջինն է։ Երկրում կարանտին է հայտարարված և սահմանված է «կարմիր գոտի»։
Հիշեցնենք, որ Հայաստանում կորոնավիրուսով վարակվելու առաջին դեպքը գրանցվել էր մարտի 1–ին, 29 տարեկան մի տղամարդու մոտ։ Նա Հայաստան էր եկել Իրանից։
Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ
(Թարմացված է 12:24 03.03.2021)
ՀՀ ԶՈւ գլխավոր շտաբը նոր հայտարարություն է տարածել՝ անդրադառնալով ԳՇ պետի ազատման՝ վարչապետի միջնորդության հետ կապված իրավիճակին։ԵՐԵՎԱՆ, 3 մարտի - Sputnik. ՀՀ ԶՈւ գլխավոր շտաբը նոր հայտարարություն է տարածել՝ անդրադառնալով ԳՇ պետի ազատման՝ վարչապետի միջնորդության ու նախագահ Արմեն Սարգսյանի՝ մարտի 2-ին կայացրած որոշման հետ կապված իրավիճակին։
Նախագահը հայտարարել է Սահմանադրության 139-րդ հոդվածի 2-րդ մասի 2-րդ նախադասությամբ սահմանված իմպերատիվ երկու պահանջներից երկրորդի կատարման մտադրության՝ առանձին դիմումով Սահմանադրական դատարան դիմելու մասին, հիմքը՝ Սահմանադրության 169-րդ հոդվածի 1-ին մասի 4-րդ կետը։
Սահմանադրական դատարանի լիազորությունները սահմանված են Սահմանադրության 168-րդ հոդվածով, որով վերաբերելի կետն առաջինն է, օրենքի համապատասխանությունը որոշելը։ Սահմանադրության 168-րդ հոդվածով Նախագահի հրամանագրի նախագծի սահմանադրականության կամ ՀՀ ԶՈՒ ԳՇ պետին պաշտոնից ազատման հարց լուծելու իրավասություն Սահմանադրական դատարանը չունի, այսինքն՝ Նախագահը վերաբերելիի մասով կարող է դիմել Սահմանադրական դատարան բացառապես «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի (այսուհետ՝ Օրենք)՝ որպես նախագծի իրավական հիմքի՝ Սահմանադրությանը համապատասխանելու հարցը որոշելու խնդրանքով և ոչ կոնկրետ օրենքի հոդվածի կամ մասի։
Սահմանադրական դատարան դիմելու ժամկետ Սահմանադրության 139-րդ հոդվածի 2-րդ մասի 2-րդ նախադասությամբ և վերաբերող մասով Սահմանադրությամբ ընդհանրապես սահմանված չէ։ Վերաբերող մասով ժամկետները սահմանված են Օրենքի 35․1-րդ հոդվածի 3-րդ մասով՝ հրամանագրի նախագծի վերադարձից հետո 8 օր (ազատման հիմք Օրենքի 40-րդ հոդվածի 3-րդ մասը հղում է նշանակման կարգին)։
Հայտարարությամբ Նախագահը գործել է և հայտնել է մտադրությունը գործելու Սահմանադրությանը բացառապես համապատասխան։
ՀՀ ԶՈՒ գլխավոր շտաբի պետ, գեներալ-գնդապետ Օնիկ Վիկտորի Գասպարյանը մինչև 8-օրյա ժամկետի լրանալը (Նախագահի կողմից Սահմանադրական դատարան դիմելուց հետո սկսում են գործել այլ ժամկետներ) շարունակում է իր ծառայությունը հայրենիքին և ժողովրդին, հանդիսանում է Զինված ուժերի բարձրագույն զինվորական հրամանատարը։
Հանրահավաքի ժամանակ հնարավոր են սադրանքներ․ ՀՀ ոստիկանություն
(Թարմացված է 12:10 03.03.2021)
Ոստիկանությունը կոչ է անում զերծ մնալ հակաիրավական քայլերից ու չտրվել սադրանքների։
ԵՐԵՎԱՆ, 3 մարտի - Sputnik. ՀՀ ոստիկանությունում տվյալներ են ստացվել, որ մարտի 3-ի ժամը 16.00-ին նախատեսված հանրահավաքի ժամանակ հնարավոր են սադրանքներ։ Տեղեկությունը հայտնում են ոստիկանության մամուլի ծառայությունից։
«Կոչ ենք անում զանգվածային միջոցառումներն իրականացնել բացառապես օրենքի շրջանակներում, զերծ մնալ հակաիրավական քայլերից ու չտրվել սադրանքների։ Քաղաքացիներին հորդորում ենք լինել իրավահարգ և իրենց իրավունքներն իրացնելիս պահպանել օրինականության պահանջներն ու համակեցության կանոնները»,-նշված է հաղորդագրության մեջ։
Ոստիկանությունը հավաստիացնում է, որ օրենքով իրեն վերապահված լիազորությունների շրջանակում ձեռնարկելու է բոլոր միջոցները՝ հասարակական կարգն ապահովելու և հանրային անվտանգությունը պահպանելու համար։
Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։