Շինարարական աշխատանքներ

Փաշինյանի հայտարարության հետքերով. ի՞նչ ճակատագիր կունենա եկամտահարկի վերադարձի ծրագիրը

1095
(Թարմացված է 20:05 07.03.2020)
Վարչապետի հայտարարությունն իրարանցում է առաջացրել հիփոթեքային վարկով բնակարան գնած և գնել պատրաստվող քաղաքացիների շրջանում։ Ի՞նչ է սպասում հիպոթեքին ուղղվող եկամտահարկին, ու ինչպես է իրականացվելու սոցիալական բնակարանաշինությունը` ճշտել ենք առաջարկի հեղինակներից։

ԵՐԵՎԱՆ, 6 մարտի — Sputnik, Նելլի Դանիելյան. ՀՀ վարչապետ Նիկոլ Փաշինյանի` հիփոթեքային վարկերի համար եկամտահարկի վերադարձի ծրագիրը կանգնեցնելու վերջին հայտարարությունը մեծ իրարանցում է առաջացրել այդ տարբերակով բնակարան գնած կամ գնել պատրաստվող քաղաքացիների շրջանում։ Ոմանք վախենում են, որ եկամտահարկի վերադարձից զրկվելու դեպքում կզրկվեն նաև բնակարանից, մյուսները վախենում են, որ առանց այդ ֆինանսական աջակցության չեն կարողանա վարկով բնակարան գնել։

Մտահոգող հարցերի պատասխանները ստանալու համար Sputnik Արմենիան դիմեց վարչապետի հիշատակած ծրագրի հեղինակին` ԱԺ «Իմ քայլը» խմբակցության պատգամավոր Հայկ Գևորգյանին։

Պատգամավորը շտապեց փարատել մտահոգությունները. վարչապետը հարկի վերադարձով հիփոթեքային վարկավորումը դադարեցնելու մասին չի հայտարարել, խոսքը այդ գումարն առավել արդյունավետ օգտագործելու մասին է։ Բանն այն է, որ այսօր պետական բյուջեից փոխանցվող գումարն ուղղվում է վարկի տոկոսադրույքների մարմանը, այսինքն` այդ գումարը գնում է բացառապես բանկեր։

«Միայն 2019թ–ին վերադարձվել է 7.9 մլրդ դրամ։ Այս տարի այդ թիվը կհասնի մինչև 20 մլրդ–ի։ Բայց այդ 20 մլրդ–ը մեկ տարվա համար է, մինչդեռ հիփոթեքային վարկավորման պայմանագրերը հիմնականում 20 տարով են, հետևաբար այդ 20 միլիարդը 20 տարում կբազմապատկվի 20-ով։ Այսինքն` մենք 20 տարվա ընթացքում պետք է վճարենք 140-160 մլրդ դրամ։ Դրա համար ես առաջարկում եմ այդ գումարներն ավելի արդյունավետ օգտագործել ու այդ գումարներով նոր բնակարաններ կառուցել»,– իր առաջարկը մեկնաբանեց Գևորգյանը։

«Վերջապես կամուսնանամ». Ադրբեջանից բռնագաղթած 20 ընտանիք կսկսեն իրագործել երազանքները

Պատգամավորն առաջարկում է սոցիալական բնակարանաշինության ծրագրում բանկերին չներգրավել։ Պետությունը կկառուցի ու կվաճառի, քաղաքացին բնակարանը ձեռք կբերի պետությունից ու կվճարի պետությանը։

«Այսինքն` այդ բնակարանները կառուցվեն պետական միջոցներով։ Մարդիկ, որոնք ձեռք կբերեն դրանք, 20 տարվա ընթացքում կվճարեն ուղիղ պետությանը, և առաջացած գումարը դարձյալ կուղղվի նոր բնակարանների կառուցմանն ու ծրագրի շարունակականության ապահովմանը»,– ասաց Գևորգյանը։

Ինչ վերաբերում է եկամտահարկի վերադարձին, պատգամավորի դիտարկմամբ, ապա այն անշարժ գույքի շուկան ակտիվացնելու ժամանակավոր մեթոդ է և վաղ թե ուշ պետք է վերանա։ Բայց հիմա նման հարց իշխանությունը չի քննարկում։

«Բարգավաճ Հայաստան» խմբակցության անդամ Սերգեյ Բագրատյանը, որը մարտի 4-ին ՀՀ վարչապետին սոցիալական բնակարանաշինության մասին հարց էր ուղղել, ի տարբերություն Հայկ Գևորգյանի, առաջարկում է պետության միջոցներով կառուցված սոցիալական բնակարանները ոչ թե վաճառել, այլ ժամանակավորապես անվճար տրամադրել դրանց կարիքն ունեցող անապահով ընտանիքներին։

«10-15 տարի երիտասարդ ընտանիքներն անվճար կապրեն այդ բնակարաններում, մինչև որ ի վիճակի կլինեն հիփոթեքով բնակարան գնել կամ տուն կառուցել, որից հետո այդ բնակարանը կփոխանցեն այլ ընտանիքին։ Այսինքն` նրանք այդտեղ ապրելու են անվճար, վճարելու են միայն իրենց կոմունալ վճարները»,– ասաց Բագրատյանը։

Սոցիալական բնակարանաշինության պահանջարկը, Բագրատյանի համոզմամբ, հատկապես մեծ է մարզերում, որտեղ ավելի քան 30 տարի բնակարանաշինություն չի իրականացվել։

«Որպեսզի մենք նաև համաչափ զարգացման խնդիր լուծենք, այսինքն` երիտասարդները ստիպված չլինեն մարզերից գալ Երևան` աշխատելու, որ բնակարան ձեռք բերեն։ Եթե իրենց բնակարանի հարցը տեղում լուծվում է, իրենց ընդամենը մնալու է աշխատել ու իրենց ընտանիքի ծախսերը հոգալ»,– ասաց նա։

Անդրադառնալով հանրությանն անհանգստացրած եկամտահարկի վերադարձը վերանայելու հարցին` ԲՀԿ–ական պատգամավորը ևս շեշտեց, որ նման խնդիր այս պահին գոյություն չունի։ «Հակառակը` մենք հիմա էլ պայքարում ենք, որ այդ գործիքից օգտվողների ցանկն ընդլայնվի, ընդգրկվեն և՛ մագիստրատուրայում, և՛ ասպիրանտուրայում, և՛ հեռակա ուսուցման համակարգով սովորողները»,– ասաց նա։

Իսկ եթե անգամ կառավարությունն առաջիկայում որոշի հրաժարվել եկամտահարկի վերադարձման սկզբունքից, այդ որոշումը հետադարձ ուժ ունենալ չի կարող։ Հետևաբար այն քաղաքացիները, որոնք արդեն օգտվում են այդ իրավունքից, դրանից զրկվել չեն կարող։

Հիշեցնենք` մարտի 4-ին ԱԺ–ում կառավարության հետ հարցուպատասխանի ժամանակ ՀՀ վարչապետ Նիկոլ Փաշինյանը, պատասխանելով ԲՀԿ–ական պատգամավոր Սերգեյ Բագրատյանի` սոցիալական բնակարանաշինության մասին հարցին, ասել էր, որ այդ հարցով կառավարությունում 4-5 քննարկում է եղել, բայց որևէ որոշում դեռ չի կայացվել։ Քննարկվող մի քանի առաջարկներից մեկն էլ պատգամավոր Հայկ Գևորգյանի առաջարկն է` պետական բնակարանաշինության մասին։

Նշենք, որ Հարկային օրենսգրքի 160-րդ հոդվածի համաձայն՝ անմիջապես կառուցապատողից բնակարան ձեռք բերելու կամ անհատական բնակելի տան կառուցապատման նպատակով ստացված հիփոթեքային վարկի սպասարկման համար վճարված տոկոսների գումարների չափով ֆիզիկական անձինք հետ են ստանում իրենց վճարած եկամտահարկի գումարը:

Գործընթացը սկսվել է 2015-ի հունիսից և վերաբերում է 2014-ի նոյեմբերի 1-ից հետո ստացված հիփոթեքային վարկերին:

Պետությունն էլ չի օգնի հարուստներին․ 2021 թ–ից ԱԱՀ արտոնությունները կկրճատվեն

1095
թեգերը:
բնակարան, Նիկոլ Փաշինյան, Հիփոթեքային վարկ, Հայաստան
Ըստ թեմայի
Գորիսում ներդրումային «բում» է. հյուրանոցային թաղամաս է կառուցվելու
Պետությունը բնակարանի հարցում կօգնի երեխա ունեցող երիտասարդներին. մանրամասնում է Սաիյանը
Նպաստառուներն աշխատանքի անցնելուց հետո 6 ամիս կշարունակեն նպաստ ստանալ. Բաթոյան
Միխայիլ Գալուստյան

«Թու, խայտառակություն է». Միշա Գալուստյանը նոր տեսահոլովակ կթողարկի

0
Միշա Գալուստյանը, որը որոշել է իր երկրպագուներին ուրախացնել Սուպեր Ժորիկի նոր կատարմամբ, հումորով է մեկնաբանել Գարիկ Մարտիրոսյանի գրառումը։

ԵՐԵՎԱՆ, 30 մայիսի – Sputnik. Ճանաչված երգիծաբան և հաղորդավար Միշա Գալուստյանն իր հայտնի Ժորիկ Վարդանովի կերպարում հանդես կգա 2–րդ տեսահոլովակով։ Տեղեկությունը հայտնում է հայտնի երգիծաբան Գարիկ Մարտիրոսյանը։

«Հունիսի 5–ին նոր տեսահոլովակ` Սուպեր Ժորիկի մատուցմամբ։ Նոր տեսահոլովակի անունն է «Զոլոտո»»,– Instagram–ի իր էջում գրել է նա։

Մարտիրոսյանի գրառումը մեկնաբանողներից մեկը հենց Միշա Գալուստյանն է։

«Թու, խայտառակություն է, զարմանում եմ` ինչպես Սուպեր Ժորիկը չի ամաչում։ Ես երբեք նման տեսահոլովակի չէի համաձայնվի։ Էլ չեմ հետևում ձեր էջին»,–կատակել է Միշան։

Посмотреть эту публикацию в Instagram

Публикация от Гарик Мартиросян (@martirosian_official)

Հիշեցնենք, որ Միշա Գալուստյանն իր հայտնի Ժորիկ Վարդանովի կերպարով առաջին տեսահոլովակը ներկայացրեց 2019 թվականի նոյեմբերին։

Երգը կոչվում էր «Хочу тибя любицца»:

0
Հայկ Կոնջորյան

«Իմ ծննդյան օրը քեզ պիտի հողին հանձնեմ». ԱԺ պատգամավորը հորն ուղղված գրառում է արել

162
(Թարմացված է 13:03 30.05.2020)
Ազգային ժողովի պատգամավոր Հայկ Կոնջորյանի հայրը կորոնավիրուսի զոհ է դարձել։ Պատգամավորը սրտառուչ նամակ է գրել հորը։

ԵՐԵՎԱՆ, 30 մայիսի – Sputnik. ԱԺ «Իմ քայլը» խմբակցության պատգամավոր Հայկ Կոնջորյանը հոր մահվան առնչությամբ հուզիչ գրառում է արել Facebook-ի իր էջում։

«Պապ ջան, լույսով գնա։ Երևի Աստված ամեն մարդու ուղարկում է այնքան մեծ փորձություն, որքան որ նա կարող է տանել իր սրտում։ Այսօր՝ իմ ծննդյան օրը, ես քեզ հողին պիտի հանձնեմ ու չգիտեմ, թե որն է Աստծո նախախնամությունը այստեղ։ Բայց մի բան գիտեմ՝ իմ 33֊ամյա ծնունդը այսօր քո վերածնունդ է, պապ։ Դու ապրելու ես իմ մեջ, ես ապրելու եմ իմ և քո համար, իմ և քո փոխարեն։ Սիրում եմ քեզ։ Շնորհակալ եմ բոլորին ցավակցությունների ու զորակցության համար»,–գրել է նա։

Ավելի վաղ հայտնել էինք, որ Կոնջորյանի հայրը վարակված է եղել կորոնավիրուսով։

Նշենք, որ Հայաստանում կորոնավիրուսով վարակվածների թիվը, ըստ մայիսի 29-ի տվյալների, հասել է 8676–ի։

162
թեգերը:
կորոնավիրուս, Հայաստան, ԱԺ
Ըստ թեմայի
Երկու օր անընդմեջ 7 մարդ է մահանում ՀՀ–ում. քանի՞ տարեկան են կորոնավիուսի հերթական զոհերը
Կորոնավիրուսից մահացել է Հայոց ցեղասպանության թանգարան-ինստիտուտի գլխավոր հաշվապահը
Կորոնավիրուսից մահացել է հանրահայտ ֆիլմի հերոսուհու հայ ամուսինը