Տունը, որտեղ տեղի է ունեցել սարսափելի դեպքը

Օրինակելի վարքով, աշխույժ երեխա է. Գյումրիում ծեծված աղջնակը մնացել է առանց խնամակալի

2151
(Թարմացված է 18:59 06.03.2020)
Գյումրիում երեխային և մորը ծեծելու դաժան դեպքից հետո Sputnik Արմենիան զրուցել է հարևանների ու դպրոցի տնօրենի հետ։

ԵՐԵՎԱՆ, 6 մարտի — Sputnik. Գյումրիում ծեծի ենթարկված 13-ամյա աղջիկը դասարանի աշխույժ երեխաներից մեկն է, որը միշտ դասերը կատարած է դասի գնացել։ Sputnik Արմենիայի հետ զրույցում հայտնեց դպրոցի տնօրենը` Հասմիկ Անդրիասյանը։

Երեկ` մարտի 5-ին, Գյումրիում դաժան ծեծի են ենթարկվել մայրն ու նրա անչափահաս դուստրը. կինը մահացել է, իսկ աղջնակը ծայրահեղ ծանր վիճակում տեղափոխվել է հիվանդանոց: Դեպքից հետո ձերբակալվել է 28-ամյա մի տղա, որը, պարզվել է, կնոջ ընկերն է եղել։

«Աշխույժ երեխա է` խաղա, վազի, թռչկոտի։ Այնքան աշխույժ է, որ նույնիսկ դասերի ժամանակ դասղեկը նկատողություն է անում, թե մի քիչ խելոք նստիր։ Ավելին, նա նաև շատ շփվող է ու դասարանում մի շարք ընկերներ ունի։ Ճիշտ է, գերազանցիկ չէ, բայց ձգտում ունի և միշտ պատրաստված է գալիս դպրոց»,–ասաց տիկին Անդրիասյանը։

Նրա խոսքով` աղջկա պահվածքը երբեք մտածելու տեղիք չի տվել, որ տանը գուցե ինչ–որ խնդիրներ կան կամ էլ բռնության դեպքեր են եղել։ Անդրիասյանը նշեց, որ նրա ստեղծագործական աշխատանքներում էլ հոգեկան ապրումների հետ կապված որևէ ակնարկ չկա։ Նրա ընկերուհիներն էլ, որոնց հետ աղջնակը մտերիմ է, կրկին որևէ արտառոց բան չեն նկատել։

Տնօրենը նշում է` օրինակելի վարքով աղջնակը սովորական աշակերտ է. «Գրավորները` նորմալ, ձեռագիրը` սիրուն. պարտադիր դասի էր գալիս»։

Երեխան այժմ որևէ խնամակալ չունի. նրա հայրը երեք տարի առաջ է մահացել սրտի կաթվածից, իսկ ավագ եղբայրը հորաքույրներից մեկի հետ Ռուսաստանում է ապրում. եղբայրը չափահաս կդառնա սեպտեմբերին։ Մյուս հորաքույրը չի ցանկացել ստանձնել նրա խնամակալության գործը, իսկ մորեղբայրը Գերմանիայում է։ Անդրիասյանը նշեց` հավանաբար դպրոցի ուսուցիչներից մեկը կամ էլ հենց ինքը կստանձնի խնամակալությունը։

Բացահայտվել է Հրազդանում 81-ամյա կնոջ դաժան սպանությունը

«Երեխայի առողջական վիճակի մասին «Գյումրու մոր և մանկան ավստրիական հիվանդանոցից» ենք տեղեկություն ստանում, որտեղ գիշերը տեղափոխել էին երեխային։ Մենք էլ գիշերը հիվանդանոցում էինք։ Հիմա Երևան են աղջնակին տեղափոխել, բայց մենք մեր հիվանդանոցի հետ ենք կապ հաստատում, իմանում` Երևանից ինչ լուր կա»,– ասաց նա։

Աղջկա մայրն, ի դեպ, ճաշարանում է աշխատել` սպասք էր լվանում։ Նա բոլոր ծնողական ժողովներին ներկա է եղել։

Sputnik Արմենիան զրուցել է նաև կնոջ հարևանների հետ, որոնք, սակայն, չցանկացան ներկայանալ։ Նրանցից մեկը հայտնեց, որ մայր ու աղջիկն ապրում էին ընտանիքի հորը պատկանող տանը։

Дом в Гюмри, где жили пострадавшие мать с дочерью
© Sputnik / Armenuhi Mkhoyan
Տունը, որտեղ տեղի է ունեցել սարսափելի դեպքը

«Հրաշք ընտանիք էր, իրար սիրող, ոչ մի բանի կարիք չեն ունեցել. ամեն ինչ սկսվեց երեխայի հոր մահից հետո: Հայրը ՌԴ էր մեկնել արտագնա աշխատանքի, վերադարձավ Գյումրի, հանկարծամահ եղավ: Որդին գնաց ՌԴ–ում բնակվող հորաքրոջ հետ ապրելու, դրանից հետո նրան չենք տեսել»,- պատմեց հարևաններից մեկը` հավելելով, որ հորաքույրը ցանկացել է նաև աղջկան իր հետ տանել, բայց նա չի գնացել հորաքրոջ հետ։

Дом в Гюмри, где жили пострадавшие мать с дочерью
© Sputnik / Armenuhi Mkhoyan
Տունը, որտեղ տեղի է ունեցել սարսափելի դեպքը

Մեկ այլ հարևան էլ պատմեց` ամուսնու մահից հետո հաճախ են կնոջը կապտուկներով տեսել, որը միշտ ասել է, թե ընկել է կամ նմանատիպ բան. ոչ մեկի մտքով չի անցել, որ ծեծել են:

Երիտասարդը, որն այժմ ձերբակալված է, նույն տարածքի բնակիչ է: Հարևանների խոսքով` տղամարդն ինքն է դեպքի մասին մորը տեղեկացրել, մայրն էլ զանգել է շտապօգնություն:

Հիշեցնենք, որ ծեծի ենթարկված երեխան այժմ Երևանի «Սուրբ Աստվածամայր» ԲԿ–ում է, ունի գլխուղեղի սալջարդ, ծնոտի, անրակի, 10-րդ կողի կոտրվածք, կրծքավանդակում` արյան կուտակում։ Նա շնչում է արհեստական շնչառության սարքի օգնությամբ, անգիտակից է։

Արտակարգ դեպք Գյումրիում. «Արագած» մարզամշակութային կենտրոնի տանիքից 15–ամյա տղա է ընկել

2151
թեգերը:
Գյումրի, երեխա, Հայաստան
Ըստ թեմայի
Արտառոց դեպք Արարատի մարզում. հարսը խեղդել է սկեսուրին. տեսանյութ
Արտակարգ դեպք Երևան-Մոսկվա չվերթի ժամանակ. օդանավում ուղևոր է մահացել
Սպանության փորձ Արմավիրի Աղավնատուն գյուղում. 35–ամյա տղամարդը հիվանդանոցում է
 Հռոմի պապ Ֆրանցիսկոս 1-ին

«Ես շատ տխուր եմ»․ Հռոմի պապը մեկնաբանել է Սուրբ Սոֆիայի տաճարը մզկիթի վերածելու որոշումը

48
(Թարմացված է 18:54 12.07.2020)
Հռոմի պապ Ֆրանցիսկոսը Վատիկանում ավանդական կիրակնօրյա պատարագի ժամանակ մեկնաբանել է Սուրբ Սոֆիայի տաճարը մզկիթի վերածելու Թուրքիայի կառավարության որոշումը։

ԵՐԵՎԱՆ, 12 հուլիսի – Sputnik. Հռոմի պապ Ֆրանցիսկոսին տխրեցրել է Թուրքիայի իշխանությունների՝ Սուրբ Սոֆիայի տաճարը մզկիթի վերածելու որոշումը։ Այդ մասին հայրապետը հայտարարել է Վատիկանի Սուրբ Պետրոսի հրապարակում քարոզի ժամանակ։

«Ես մտածում եմ Ստամբուլի մասին, Սուրբ Սոֆիայի մասին և շատ տխուր եմ»,-ասել է նա՝ դիմելով հավատացյալներին։

Հուլիսի 10-ին Թուրքիայի Պետական խորհուրդը չեղարկել էր Սուրբ Սոֆիան թանգարան դարձնելու մասին 1934թ-ի որոշումը։ Նույն օրը երկրի նախագահ Ռեջեփ Թայիփ Էրդողանը ստորագրել էր Սուրբ Սոֆիան մզկիթ դարձնելու որոշումը։

2019թ-ի մարտին Թուրքիայի ղեկավարը հայտարարել էր, որ տաճարի կարգավիճակի փոփոխությունը մուսուլմանների անունից պատասխան է Իսրայելում ԱՄՆ գործողություններին։ Այդպիսով Թուրքիան պատասխանում է ամերիկյան պետությանը, որն աջակցում է Իսրայելի ինքնիշխանությանը Հոլանի բարձունքներում։

ՀՀ ԱԳՆ–ին մտահոգում է Սուրբ Սոֆիայի տաճարի կարգավիճակը փոխելու որոշումը

Սուրբ Սոֆիայի տաճարը կառուցվել է Հուստինիանոս կայսեր հրամանով՝ մ․թ․ 6-րդ դարում։ Կոնստանդնուպոլիսը գրավելուց հետո թուրքերն այն մզկիթ էին դարձրել, բայց 1935թ-ին ժամանակակից թուրքական պետության հիմնադիր Քեմալ Աթաթուրքը սրբավայրին թանգարանի կարգավիճակ էր տվել։

Սպառնալիք է քրիստոնեական աշխարհի համար. Կիրիլ Առաջինը դեմ է Թուրքիայի ծրագրերին

48
թեգերը:
մզկիթ, Ռեջեփ Թայիփ Էրդողան, որոշում, Հռոմի պապ, Թուրքիա, Սուրբ Սոֆիայի տաճար
Ըստ թեմայի
Էրդողանը չեղարկել է Սուրբ Սոֆիայի տաճարը թանգարան դարձնելու մասին Աթաթուրքի որոշումը
Թուրքերը զանգվածաբար աղոթում են մզկիթի վերածված Սուրբ Սոֆիայի տաճարի մոտ. տեսանյութ
Սուրբ Սոֆիայի մզկիթ դառնալը կբարդացնի շատերի կյանքը. Կարո Փայլան
Վերադարձ դեպի անցյալ. ինչո՞ւ է Էրդողանը աչք դրել Սուրբ Սոֆիայի տաճարի վրա
Շառլ Ազնավուրի հրապարակ, արխիվային լուսանկար

Շառլ Ազնավուրի հրապարակում նոր աստղեր կհայտնվեն

30
(Թարմացված է 18:01 12.07.2020)
Այս տարի նշվում է Հրանտ Մաթևոսյանի 85 և Աղասի Այվազյանի 95-ամյակները։ Աստղերի բացման արարաղությունները կմեկնարկեն այս ամիս։

ԵՐԵՎԱՆ, 12 հուլիսի - Sputnik. Երևանի Ազնավուրի հրապարակում հայ կինոյի աստղաբույլը կհամալրվի երկու նոր աստղերով՝ Հրանտ Մաթևոսյանի և Աղասի Այվազյանի։ Նոր աստղերի բացման արարողությունը մեկնարկում է հուլիսից «Ոսկե ծիրան» միջազգային կինոփառատոնի շրջանակում։ Այս տարի նշվում է Հրանտ Մաթևոսյանի 85 և Աղասի Այվազյանի 95-ամյակները։

Հիշեցնենք՝ կինոփառատոնը ծրագրված է անցկացնել նոյեմբերի 1-8-ը։ Կազմակերպիչները հույս ունեն, որ մինչև այդ համավարակի պարտադրած սահմանափակումները գոնե մասնակի կվերացվեն։

Ավելի վաղ տեղեկացրել էինք, որ «Ոսկե ծիրանի» թիմը նաև այլ սցենարներ ևս քննարկել է, եթե նոյեմբերին փառատոնն անցկացնելը հնարավոր չլինի կորոնավիրուսի պատճառով՝ առցանց փառատոնից մինչև հետաձգում հաջորդ տարի։ Առայժմ, փառատոնը շրագրված է նոյեմբերի առաջին շաբաթվա ընթացքում։

Ազնավուրի հրապարակն ու Նիկոլայ I-ի Արարատը. Հայաստանն ինչով կզարմացնի զբոսաշրջիկին

Նշենք, Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։

Դրա տարածումը կանխելու համար աշխարհում բազմաթիվ հայտնի ու մասսշտաբային մարզական ու մշակութային միջոցառումներ հետաձգվել կամ չեղարկվել են։ Մեկ տարով հետաձգվել են անգամ Տոկիոյում կայանալիք ամառային օլիմպիական խաղերը։

30
թեգերը:
Երևան, կինո, Հրանտ Մաթևոսյան, Շառլ Ազնավուր
Ըստ թեմայի
Կինոյի հայ–ռուսական հիմնադրամի ապագան. մանրամասնում է Մակունցը
Հայ ոստիկանները ռուսաստանցի կինոգետին վերադարձրել են գողացված գումարը
Հայ ճարտարապետների նախագծով «շուռ տված» կինոթատրոն կկառուցվի Մոսկվայի սրտում
Հայ աղջիկների հետ շփվել է, ծիրանը` կերել. մեքսիկացի կինոռեժիսորին մնում է Սևանը տեսնել
Այշվարիա Ռայ, արխիվային լուսանկար

Հոլիվուդյան դերասանուհի Այշվարիա Ռայի, ամուսնու և դստեր մոտ կորոնավիրուս է ախտորոշվել 

0
(Թարմացված է 20:03 12.07.2020)
Ավելի վաղ կորոնավիրուսային հիվանդությամբ հոսպիտալացվել էր դերասանուհու սկեսրայրը՝ Բոլիվուդի ամենաճանաչված դերասաններից մեկը։

ԵՐԵՎԱՆ, 12 հուլիսի - Sputnik. Կորոնավիրուս է ախտորոշվել հոլիվուդյան հայտնի դերասանուհի Այշվարիա Ռայի, նրա ամուսնու՝ հնդիկ դերասան, ռեժիսոր Աբհիշեկ Բաչչանի և նրանց 8-ամյա դստեր՝ Արադհյայի մոտ։  Լուրը Twitter-ի իր էջում հայտնել է դերասանուհու ամուսինը։

«Այշվարիայի և Արադհյայի մոտ ևս կորոնավիրուսի թեստավորումը դրական արդյուն է տվել։ Նրանք կարանտինը կանցկանցնեն տանը։ Մեր ընտանիքի մյուս անդամների, նրանց թվում մորս թեստավորման պատասխանը բացասական է եղել։ Շնորհակալ ենք բոլորիդ բարեմաղթանքների և աղոթքների համար»,- գրել է նա։

Ավելի վաղ կորոնավիրուս էր ախտորոշվել Այշվարիայի սկեսրայրի՝ Բոլիվուդի ամենահայտնի դերասաններից մեկի՝ Ամիտաբհա Բաչչանի մոտ։ Նա հոսպիտալացվել էր։ Դերասանը կոչ էր արել բոլոր նրանց, ովքեր շփվել են իրենց ընտանիքի հետ, անհապաղ թեստավորվել։ 77-ամյա դերասանը 15 անգամ արժանացել է Filmfare Awards։ Սա հնդկական կինոինդուստրիայի ամենահեղինակավոր և ամենահին մրցանակն է։

Ինչ վերաբերում է Այշվարիա Ռային, նա համարվում է աշխարհի ամենագեղեցիկ կանանցի մեկը։ 1994 թվականին հաղթել է «Միս Աշխարհ» գեղեցկության մրցույթում։ Նա նաև հայտնի դերասանուհի է Հոլիվուդում և Բոլիվուդում. նկարահանվել է բազմաթիվ ֆիլմերում։

Ռուսաստանում հաջողությամբ փորձարկել են կորոնավիրուսի դեմ պատվաստանյութը

0
թեգերը:
Հնդկաստան, հնդիկ, դուստր, դերասանուհի, կորոնավիրուս
թեմա:
Կորոնավիրուսը Չինաստանում և աշխարհում
Ըստ թեմայի
Կորոնավիրուսով վարակվածներից ևս 8–ը մահացել են. ամենաերիտասարդը 37–ամյա տղամարդ է
Մեկ օրում կորոնավիրուսով վարակվածների թիվն ավելացել է 577-ով և հասել 31 969-ի
Հայտնի է` ինչն է կրկնապատկում կորոնավիրուսից մահանալու վտանգը
Աշխարհում COVID-19-ով վարակվածների թիվը մոտենում է 13 միլիոնին. նոր տվյալներ