Գաստրոբակ

Կանանց յոթնյակը գաստրոբակ է բացել Արագյուղում. ի՞նչ անակնկալներ են սպասում զբոսաշրջիկներին

265
(Թարմացված է 19:30 05.03.2020)
Կոտայքի մարզում նոր գաստրոբակ է բացվել UNDP–ի նախագծի շրջանակում ու Ռուսաստանի կառավարության ֆինանսավորմամբ։

ԵՐԵՎԱՆ, 5 մարտի — Sputnik, Նանա Մարտիրոսյան. Կոտայքի մարզի Արագյուղի բնակիչները վստահ են, որ հաջողության բանաձևը միասնականության մեջ է։ Նրանք փորձում են համախմբված լինել կյանքի բոլոր իրավիճակներում` հանդիսությունների սրահի վերանորոգումից մինչև գաստրոբակի բացում։

Գյուղում բնակվող կանանցից յոթը որոշել են գաստրոտնակ հիմնել։ Այդ նպատակով միավորել են ուժերը, դիմել ՄԱԿ–ի Զարգացման ծրագրին (UNDP)` «Ինտեգրացված գյուղական զբոսաշրջության զարգացում» ծրագրի շրջանակում աջակցություն ստանալու համար։

«Քույրիկ ջան, ոնց որ հոգեբան լինես». արցունքաբեր գազով «զինված» տաքսու վարորդ Թամարան

Նուշիկ Պետրոսյանին և նրա ընկերուհիներին հաջողվել է օգնություն ստանալ, և սկսվել են Պետրոսյանի տան վերանորոգման աշխատանքները։ Տղամարդիկ մեկ օրում կանգնեցրել են ճակատային պատն ու նորոգել այն ամենը, ինչը կարիք ուներ նորոգման։ Կանայք էլ որոշել են կիսել պարտականությունները և պատվով ներկայանալ զբոսաշրջիկներին։ Մի քանի ամիս նախապատրաստական աշխատանքներից հետո այսօր` մարտի 5-ին, հանդիսավորությամբ կտրվեց գաստրոբակի մուտքի կարմիր ժապավենը։

Губернатор Котайкской области Армении Романос Петросян (в середине) на открытии гастро-дворика в селе Арагюх (5 марта 2020). Котайк
© Sputnik / Aram Nersesyan ,
Մարտի 5-ին հանդիսավորությամբ կտրվեց գաստրոբակի մուտքի կարմիր ժապավենը։
«Մենք զբոսաշրջիկներին գրավելու ենք մեր հյուրասիրությամբ։ Կներկայացնենք մեր ազգային ծեսերը, կցուցադրենք գորգագործության արվեստը, ցույց կտանք, թե ինչպես կարելի է տիկնիկ գործել, կսովորեցնենք հաց թխել, արիշտա, տոլմա, հարիսա եփել։ Նրանք կկարողանան համտեսել հայկական խոհանոցի ուտեստները։ Հյուրերին երգ ու պարով կդիմավորի գյուղական համույթը»,– ասաց Նուշիկ Պետրոսյանը։

Нушик Петросян, основатель гастро-дворика в Арагюх Котайкской области
© Sputnik / Aram Nersesyan ,
Նուշիկ Պետրոսյան

Նա ավելացրեց, որ տնտեսությունը վարելու է ընկերուհիների հետ, բայց տղամարդիկ պատրաստ են օգնել ցանկացած հարցում։ Ավելին` նրա երկու որդիները հրաժարվել են Ռուսաստան մեկնելու մտադրությունից և սեփական ֆերման են բացում, որպեսզի զբոսաշրջիկներին հյուրասիրեն տեղական, բնական գյուղմթերքով։ Կինը չի բացառում, որ իր որդիների օրինակը վարակիչ կլինի, գյուղը կսկսի աստիճանաբար զարգանալ և զբոսաշրջային սեզոնին հինգ հազարից ոչ պակաս զբոսաշրջիկ ընդունել` այսօրվա հազարի փոխարեն։

  • Գաստրոբակի հիմնադիրներից մեկը
    Գաստրոբակի հիմնադիրներից մեկը
    © Sputnik / Aram Nersesyan ,
  • Գաստրոբակ Արագյուղում
    Գաստրոբակ Արագյուղում
    © Sputnik / Aram Nersesyan ,
  • Գաստրոբակի հիմնադիրներից մեկը
    Գաստրոբակի հիմնադիրներից մեկը
    © Sputnik / Aram Nersesyan ,
  • Գաստրոբակ Արագյուղում
    Գաստրոբակ Արագյուղում
    © Sputnik / Aram Nersesyan ,
1 / 4
© Sputnik / Aram Nersesyan ,
Գաստրոբակի հիմնադիրներից մեկը

Ռուսաստանի դեսպանատան երրորդ քարտուղար Նատալյա Վիկտորովան վստահ է, որ կանայք կկարողանան հասնել իրենց նպատակին, քանի որ զբոսաշրջիկներին հետաքրքրում են ոչ միայն բնությունը, սարերն ու Սևանա լիճը, այլև տեղի բնակչության կենցաղն ու ավանդույթները։ Նա համոզված է` գաստրոբակի բացումը շատ կարևոր է, որովհետև կավելացնի գյուղի զբոսաշրջային գրավչությունը և կնպաստի տնտեսական զարգացմանը։

Третий секретарь посольства России Наталья Викторова на открытии гастро-дворика в селе Арагюх (5 марта 2020). Котайк
© Sputnik / Aram Nersesyan ,
Նատալյա Վիկտորովա

«Երբ հյուրեր են գալիս, միշտ ուզում ես նրանց որևէ առանձնահատուկ բան ցույց տալ, և գաստրոբակը հենց այդպիսի տարբերակ է»,–ասաց նա։

Մոսկվայից Արենի հարս է եկել ու ֆերմեր դարձել. գյուղի հայ կանանց հաջողված բիզնես ծրագրերը

ՄԱԿ–ի զարգացման ծրագրի մշտական ներկայացուցչի տեղակալ Միհաելա Ստոյկոսկան էլ համոզված է, որ գաստրոբակի բացումը կարող ոգեշնչել նաև գյուղի մյուս բնակիչներին, որպեսզի սեփական բիզնես սկսեն։ Նրա համոզմամբ` օգնելով մի գաստրոբակի բացմանը` ծրագիրն օգնում է գյուղի զարգացմանը։ Նրա նշեց, որ «Ինտեգրացված գյուղական զբոսաշրջության զարգացում» ծրագրի շրջանակում Հայաստանում արդեն 14 գաստրոբակ է բացվել, մինչև տարեվերջ դրանց թիվը կհասնի 23-ի, իսկ արդեն ծրագրի իրականացման վերջում` 35-ի։

Заместитель постоянного представителя ПРООН Михайла Стойкоска на открытии гастро-дворика в селе Арагюх (5 марта 2020). Котайк
© Sputnik / Aram Nersesyan ,
Միհաելա Ստոյկոսկա

Նշենք, որ «Ինտեգրացված գյուղական զբոսաշրջության զարգացում» ծրագիրն ուղղված է Հայաստանի 60 գյուղական համայնքներում զբոսաշրջության զարգացմանը, իրականացվում է ՄԱԿ–ի Զարգացման ծրագրի (UNDP) և Ռուսաստանի Դաշնության կառավարության ֆինանսավորմամբ։ Ծրագրի արժեքը երեք միլիոն դոլար է։

ՌԴ–ն օգնում է Հայաստանին զարգացնել գյուղական զբոսաշրջությունը. Արենիում բացվեց գաստրոբակ

265
թեգերը:
գաստրոբակ, հայկական, Կին, Հայաստան
Ըստ թեմայի
Հայաստանում էժան կոնյակ չպետք է լինի. պետությունը կստուգի բոլոր պահեստներն ու տակառները
Որտեղի՞ց է փչում քամին, և ո՞վ է ի վերջո որոշելու Արարատի կոկորդիլոսաբուծարանի հարցը
Թումանյանն ու ապահովագրությունը․ ինչպես է բանաստեղծն իր գործերում «թաքցրել» ռիսկերը
Թեղենիքում վռնդել են Ուտիս տատին. Հայաստանում վերակենդանացնում են Բարեկենդանի ծեսը
«Նորք» ինֆեկցիոն հիվանդանոց

Երկու օր անընդմեջ 7 մարդ է մահանում ՀՀ–ում. քանի՞ տարեկան են կորոնավիուսի հերթական զոհերը

208
(Թարմացված է 11:07 30.05.2020)
Մահացածներից վեցը տղամարդիկ են, ամենատարեցը 82 տարեկան է։ Արձանագրվել է նաև մահվան 3 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով

ԵՐԵՎԱՆ, 30 մայիսի – Sputnik. Վերջին մեկ օրում ևս 7 մարդ է մահացել կորոնավիրուսից։ Տեղեկությունը հայտնում է ՀՀ առողջապահության նախարարությունը։

«Պացիենտները եղել են 61 (կին), 82 (տղամարդ), 73 (տղամարդ), 70 (տղամարդ), 75 (տղամարդ), 76 (տղամարդ), 64 (տղամարդ) տարեկան: Բոլորն ունեցել են ուղեկցող խրոնիկական հիվանդություններ»:

Նախորդ օրը արձանագրվել է մահվան 3 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 48 է:

Նշենք, որ վերջին մեկ օրում Հայաստանում կորոնավիրուսով վարակվածների թիվը մեկ օրում ավելացել է 251-ով և հասել 8927–ի։

Երեկ նույնպես 7 մարդ էր մահացել Covid 19-ից։

208
թեգերը:
Մահ, տղամարդ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսից մահացել է հանրահայտ ֆիլմի հերոսուհու հայ ամուսինը
Կորոնավիրուսի թեստ անցկացնող բժիշկներն են վարակվել. «Աստղիկ» ԲԿ-ն մանրամասներ է հայտնում
Հայաստանը կորոնավիրուսի ցուցանիշով մոտենում է Իտալիային. Փաշինյան
Իսպանիայում կորոնավիրուսի զոհերի թիվն անցել է 27000-ը. Նիկոլ Փաշինյանը ցավակցել է Սանչեսին
Աշխարհում կորոնավիրուսով վարակվածների թիվը հատել է 6 միլիոնի սահմանագիծը
«Սուրբ Գրիգոր Լուսավորիչ» բժշկական կենտրոն

Հայաստանում կորոնավիրուսով վարակվածների թիվը մեկ օրում ավելացել է 251-ով և հասել 8927–ի

505
(Թարմացված է 11:07 30.05.2020)
Հիվանդությունների կանխարգելման և վերահսկման ազգային կենտրոնը ներկայացրել է Հայաստանում կորոնավիրուսային հիվանդության վերջին մեկ օրվա զարգացումները։

ԵՐԵՎԱՆ, 30 մայիսի — Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 251–ով և դարձել 8927–ի։ Տեղեկությունը հայտնում է Հիվանդությունների կանխարգելման և վերահսկման ազգային կենտրոնը:

Այս պահին փաստացի բուժում է ստանում 5435 մարդ (+221), կատարվել է 57081 թեստավորում (+1039), առողջացել են վարակվածներից 3317–ը (+20)։

Ընդհանուր առմամբ գրանցվել է կորոնավիրուսային հիվանդությունից մահանալու 127 դեպք (+7) և մահվան 48 (+3) անուղղակի դեպք:

Մայիսի 29-ի տվյալներով՝ ՀՀ-ում կորոնավիրուսով վարակվածների թիվը 8676 էր:

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով լինեն։

Հունիսի վերջին կորոնավիրուսով վարակվածների թիվը կես միլիոնի չի հասնի. Արսեն Թորոսյան

505
թեգերը:
հիվանդ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
ՀՀ առողջապահության նախարարությունը կորոնավիրուսի ախտորոշման համար 2000 նոր սարք կգնի
Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան
«Մենք ձեր կողքին ենք»․ Վրաստանը կօգնի Հայաստանին կորոնավիրուսի դեմ պայքարում, եթե դիմեն
Կորոնավիրուսի թեստ անցկացնող բժիշկներն են վարակվել. «Աստղիկ» ԲԿ-ն մանրամասներ է հայտնում
ԱԳՆ

ՀՀ քաղաքացիները հունիսի 1-ից կկարողանան Չինաստան մեկնել սովորական անձնագրով. ԱԳՆ

7
(Թարմացված է 12:39 30.05.2020)
Չինաստան ժամանելուց հետո Հայաստանի քաղաքացիները ստիպված կլինեն 14 օր մեկուսանալ սեփական միջոցների հաշվին։

ԵՐԵՎԱՆ, 30 մայիսի – Sputnik. Մայիսի 31-ին ավարտվում է «ՀՀ կառավարության և ՉԺՀ կառավարության միջև սովորական անձնագրեր կրող անձանց համար մուտքի արտոնագրի պահանջի փոխադարձության սկզբունքով վերացման մասին» համաձայնագրի ժամանակավոր կասեցման ժամկետը, և հունիսի 1-ից սովորական անձնագրեր կրող ՀՀ քաղաքացիները իրավունք կունենան առանց արտոնագրերի ձևակերպման մեկնել Չինաստան: Տեղեկությունը հայտնում է ՀՀ արտգործնախարարությունը։

Միևնույն ժամանակ ԱԳՆ-ն հորդորում է ՀՀ քաղաքացիներին Չինաստան այցելություն ծրագրել միայն խիստ անհետաձգելի դեպքերում:

«Այցելություն ծրագրելու պարագայում Չինաստան մեկնելուց առաջ ՀՀ քաղաքացիները պետք է լրացնեն համապատասխան հայտարարություն առողջական վիճակի վերաբերյալ, ինչպես նաև Չինաստան ժամանելուց հետո անցնեն պարտադիր 14-օրյա կարանտին հատկացված վայրում՝ սեփական միջոցների հաշվին»,– նշված է հաղորդագրության մեջ:

Հիշեցնենք, որ նոր տիպի կորոնավիրուսային համավարակով պայմանավորված` 2020թ. փետրվարի 1–ից մինչ մարտի 31–ը ժամանակավորապես կասեցվել էր «ՀՀ կառավարության և ՉԺՀ կառավարության միջև սովորական անձնագրեր կրող անձանց համար մուտքի արտոնագրի պահանջի փոխադարձության սկզբունքով վերացման մասին» համաձայնագրով սահմանված՝ ՀՀ մուտքի արտոնագրի պահանջի վերացումը Չինաստանի Ժողովրդական Հանրապետության սովորական անձնագրեր կրող անձանց համար։

Չինաստանից մեծ թվով բժշկական պարագաներ ու սարքավորումներ են բերվել

7
թեգերը:
ՀՀ Արտաքին գործերի նախարարություն. ԱԳՆ, Չինաստան, Հայաստան
Ըստ թեմայի
Ու՞մն է Արարատը. Չինաստանից ուղարկած օգնության վրա գրվածը Թուրքիայում աղմուկ է բարձրացել
Երբ կնահանջի COVID-19-ը. Չինաստանի առաջատար համաճարակաբանը խոսել է համավարակի մասին
«Չինաստանը վերահաստատել է, որ հայությունն ու Արարատը համարժեք բանաձևեր են». Մելքոնյան