Արմեն Գրիգորյան

Գյումրեցի կնոջ մահվան գործով դատական նիստերը հետաձգելու խնդիրը շուտով կլուծվի

141
(Թարմացված է 14:20 05.03.2020)
Անվտանգության խորհրդի քարտուղար Արմեն Գրիգորյանը լրագրողների հետ զրույցում անդրադարձավ երկու տարի առաջ մեծ աղմուկ հանած սպանության դեպքով անընդմեջ հետաձգվող դատական նիստերին։

ԵՐԵՎԱՆ, 5 մարտի — Sputnik. ՀՀ անվտանգության խորհրդի քարտուղար Արմեն Գրիգորյանը` կառավարության նիստից հետո լրագրողների հետ զրույցում ասաց, որ Գյումրիում Ջուլիետա Ղուկասյանի մահվան գործով դատական նիստերի հետաձգման խնդիրը շուտով կլուծվի։

Դեռ 2018 թ–ին Գյումրիում Ղուկասյանի սպանության դեպքով հարուցված քրեական գործով դատական նիստերը մինչ օրս հետաձգվում են։ Խնդիրն այն է, որ ՌԴ ՊՆ–ն դիմել է ՀՀ կառավարությանը` կնոջ սպանության մեջ մեղադրվող Գյումրու ռուսական 102-րդ ռազմաբազայի զինծառայող Անդրեյ Ռազգիլդեևի անվտանգության ապահովման խնդրով։ Միայն այդ դեպքում, ըստ ռազմաբազայից ստացած գրության, զինծառայողը կներկայանա նիստերին։

«Այս հարցով բանակցություններ են գնում, որ այդ բոլոր երաշխիքները լինեն և խնդրին լուծում տրվի։ Առաջիկայում այդ խնդիրը կլուծվի»,–ասաց Գրիգորյանը։

Հարցին, թե նորմա՞լ է, որ այսքան ժամանակ նիստերը հետաձգվել են` ԱԽ քարտուղարը պատասխանեց, որ որոշակի խնդիրներ կան, որոնք լուծում չեն ստացել, ինչի համար էլ նիստերը հետաձգվել են։

Բացահայտվել է Հրազդանում 81-ամյա կնոջ դաժան սպանությունը

Հիշեցնենք, որ Անդրեյ Ռազգիլդեևին մեղադրանք է առաջադրվել 2018 թվականի դեկտեմբերի 2-ին` ժամը 07:00-ի սահմանում, ալկոհոլի ազդեցության տակ, Գյումրու Մայակովսկի փողոցից դեպի Շահումյան փողոց քայլող, Աճեմյան փողոցի 26-րդ շենքի 12-րդ բնակարանի բնակիչ, 02.12.1961 թվականին ծնված Ջուլիետա Ստյոպայի Ղուկասյանին հետապնդելու և նրան դաժան ծեծի ենթարկելու համար:

Լոռիում 85-ամյա կինն ընկել է գնացքի տակ

Նախաքննությամբ պարզվել է, որ Ղուկասյանը, խուսափելով Ռազգիլդեևից, փոխել է իր քայլերի ուղղությունը և քայլել նույն փողոցի 28-րդ և 30-րդ հասցեներում գտնվող սեփական տների ուղղությամբ, որտեղ էլ Անդրեյ Ռազգիլդեևը, հասնելով Ջուլիետա Ղուկասյանին, դիտավորությամբ բազմաթիվ հարվածներ է հասցրել նրա գլխին և մարմնի տարբեր մասերին` պատճառելով մարմնական վնասվածքներ։ Ղուկասյանը դեպքի վայրից տեղափոխվել է Գյումրու բժշկական կենտրոն, որտեղ նույն օրը` ժամը 11:30-ին, մահացել է:

141
թեգերը:
Դատարան, Գյումրի, Սպանություն, կառավարություն, Արմեն Գրիգորյան, Հայաստան
Ըստ թեմայի
Նովոսիբիրսկում բացահայտվել է հայ գործարարի սպանությունը. գործը դատարան կուղարկվի
Կրակոցներ Երևանում. 2 քաղաքացու տեղափոխել են «Էրեբունի» ԲԿ
Գյումրու աղբանոցում գտնված երեխայի մայրը մեղքը չի ընդունում, հայրը` արժանի պատիժ պահանջում
Դաժան սպանություն Հրազդանում. 81–ամյա կնոջը դանակի 10 հարված են հասցրել
 Արծրուն Հովհաննիսյան

Զոհված ժամկետային զինծառայողներն առաջնագծում չեն եղել․ Արծրուն Հովհաննիսյան

578
(Թարմացված է 19:46 14.07.2020)
Հովհաննիսյանը նշել է, որ հայ–ադրբեջանական սահմանի Տավուշի հատվածում մարտական գործողություններ են ընթանում, դա նշանակում է, որ բոլոր օղակներն ու բնագծերը մարտի մեջ են։

ԵՐԵՎԱՆ, 14 հուլիսի - Sputnik. Այսօր Տավուշում ադրբեջանական կրակոցից զոհված ժամկետային երկու զինծառայողներն առաջնագծում չեն եղել։ Այս մասին Sputnik Արմենիայի հետ զրույցում ասաց Իջևանում լրատվական ճգնաժամային կենտրոնի պատասխանատու Արծրուն Հովհաննիսյանը։

«Զոհված զինծառայողներն առաջնագծում չեն եղել, բայց այժմ մարտական գործողություններ են ընթանում, և բոլոր օղակներն ու բնագծերը մարտի մեջ են»,- ասաց նա։

Նշենք, ավելի վաղ ՊՆ ռազմական վերահսկողական ծառայության պետ գեներալ-գնդապետ Մովսես Հակոբյանը հայտարարել էր, որ Տավուշում գործողություններում պարտադիր ժամկետային ոչ մի զինծառայող ներգրավված չէ:

Ադրբեջանը 120 մմ ականանետներից կրակել է «Տավուշ տեքստիլի» ուղղությամբ

Հիշեցնենք` հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Սին «հերոսություն» է. մասնագիտական ապտակ ադրբեջանցի հաքերներին

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

Ադրբեջանի պաշտպանության նախարարի տեղակալ Քերիմ Վելիևն այսօր հայտնել է, որ հայ-ադրբեջանական սահմանին մարտական գործողությունների հետևանքով սպանվել են գեներալ-մայոր Փոլադ Հաշիմովը և գնդապետ Իլգար Միրզեևը։


ԱՊԱ գործակալությունն էլ տեղեկացրել են, որ սպանվել են նաև մայոր Ահմեդով Նամիգ Խաժանօղլուն, մայոր Նովրուզով Անար Գյուլվերդիօղլուն, ենթասպա Զեյնալլա Իլգար Այազօղլուն, ենթասպա Բաբաև Յաշար Վասիֆօղլուն, գերժամանակակից ծառայության զինծառայող, զինվոր Մուստաֆազադե Էլչին Արիֆօղլուն:

Հայկական կողմից կա 5 վիրավոր և չորս զոհ։ Հակառակորդի կրակոցից մահացել են մայոր Գարուշ Վեմիրի Համբարձումյանը և կապիտան Սոս Փայլակի Էլբակյանը, ժամկետային զինծառայողներ` կրտսեր սերժանտներ Սմբատ Գևորգի Գաբրելյանն ու Գրիշա Վահանի Մաթևոսյանը։

Արցախի ՊԲ–ն նոր հաղորդագրություն է տարածել սահմանին տիրող իրավիճակի մասին

578
թեգերը:
առաջնագիծ, Զոհ, հայ-ադրբեջանական, զինծառայող, Տավուշ, Արծրուն Հովհաննիսյան
Ըստ թեմայի
Հայկական ԶՈւ-ն ադրբեջանական հերթական ԱԹՍ-ն է խոցել
ՀԱՊԿ-ը կոչ է անում անհապաղ դադարեցնել հրաձգությունը հայ-ադրբեջանական սահմանին
Ցնծության ճիչ․ ՀՀ ԶՈՒ–ն ադրբեջանական հերթական անօդաչուն է խոցել
Ադրբեջանն իր բնակչությանը շրջապատել է հրետանային մարտկոցներով՝ դարձնելով թիրախ. լուսանկար
Ֆելիկս Ցոլակյան

Նախարարը հանձնարարել է պատրաստ լինել Տավուշի բնակավայրերից բնակչության տարհանմանը

551
(Թարմացված է 18:57 14.07.2020)
Փրկարարները պետք է հասանելի լինեն յուրաքանչյուր բնակչի, անհրաժեշտության դեպքում օգնեն պարենի ձեռքբերման և այլ հարցերով՝ ելնելով բնակիչների անվտանգությունից:

ԵՐԵՎԱՆ, 14 հուլիսի - Sputnik. Հուլիսի 14-ին Արտակարգ իրավիճակների նախարար Ֆելիքս Ցոլակյանը խորհրդակցություն է անցկացրել, որին մասնակցել է նաև Տավուշի մարզային փրկարարական վարչության պետ փ/ծ գնդապետ Փիրումյանը: Նա ներկայացրել է սահմանում տիրող իրավիճակը և ձեռնարկվող առաջնահերթ միջոցառումները:

Նախարար Ցոլակյանը հանձնարարել է բոլոր գործողությունները համաձայնեցնել տեղի զինված ուժերի ղեկավար կազմի հետ, առավելագույն ինտենսիվությամբ նախապատրաստվել, ըստ անհրաժեշտության, բնակչության պատսպարման աշխատանքներին:

«Անհրաժեշտ է հասանելի լինել յուրաքանչյուր բնակչին, կապի և հեռահաղորդացության միջոցներով աշխատել մեր քաղաքացիների հետ, նույնիսկ, եթե պետք է՝ օգնել պարենի ձեռքբերման և այլ հարցերով՝ ելնելով բնակիչների անվտանգությունից»,-ասել է նախարարը:

Արցախի ՊԲ–ն նոր հաղորդագրություն է տարածել սահմանին տիրող իրավիճակի մասին

Խորհրդակցության ընթացքում անդրադարձ է եղել նաև հուլիսի 13-ին Շիրակի մարզում տեղացած աննախադեպ ծավալի անձրևներին: Մարզային փրկարարական վարչության պետ փ/ծ գնդապետ Գյոզալյանը հայտնել է, որ հնարավոր բոլոր միջոցներով իրականացվում են ջրահեռացման աշխատանքներ, տարհանվել են հարյուրավոր տրանսպորտային միջոցներ, բացվել են դիտահորեր, փրկվել տասնյակ տներ: Վիճակը կառավարելի է:

Նախարարը մտահոգիչ է համարել նաև 2020 թվականի առաջին կիսամյակի ընթացքում գրանցված ջրահեղձումների թիվը և հանձնարարել է խստացնել հսկողությունը Սևանի ափամերձ և այլ ջրային տարածքներում:

551
թեգերը:
Տավուշ, ՀՀ արտակարգ իրավիճակների նախարարություն (ԱԻՆ), Ֆելիքս Ցոլակյան
Ըստ թեմայի
Սու-30-ներն օդ են բարձրացել, բայց Ադրբեջանի գործողությունների հետ կապ չունեն. ՀՀ ՊՆ
Ինչպես է հայկական ԶՈւ–ն ոչնչացնում ադրբեջանական հենակետերը. ՊՆ–ն տեսանյութ է հրապարակել
ՀԱՊԿ-ը կոչ է անում անհապաղ դադարեցնել հրաձգությունը հայ-ադրբեջանական սահմանին
Հայկական ԶՈւ-ն ադրբեջանական հերթական ԱԹՍ-ն է խոցել
Տարոն Հովհաննիսյան

«Վերելակային պայմանավորվածությունները» չէին կարող երկարաժամկետ արդյունք ապահովել. փորձագետ

0
«Օրբելի» վերլուծական կենտրոնի փորձագետ Տարոն Հովհաննիսյանը Sputnik Արմենիայի եթերում անդրադարձել է հայ-ադրբեջանական պետական սահմանին վերջին օրերին տեղի ունեցած ռազմական գործողություններին և լարվածության առաջացման դրդապատճառներին: 
Հովհաննիսյան. «2018թ.-ի պայմանավորվածությունները չէին կարող երկարաժամկետ արդյունք ունենալ»

«Օրբելի» վերլուծական կենտրոնի փորձագետ Տարոն Հովհաննիսյանի դիտարկմամբ՝ 2016թ-ի ապրիլյան քառօրյա պատերազմից ի վեր ադրբեջանցիները վերջին դիվերսիան իրականացրին 2017թ-ի փետրվարին՝ կրկին Տավուշի ուղղությամբ, որի ընթացքում, ի տարբերություն հայկական կողմի, կրեցին բավականին լուրջ կորուստներ: Դրանից հետո նմանատիպ գործողություն չէր իրականացվել, հետևաբար վերջին օրերի սադրանքն իր մասշտաբով գերազանցում է նախորդ դիվերսիային:

«Այստեղ հետաքրքիրն այն է, որ ադրբեջանական կողմը հուլիսի 12-ին դիմելով առաջին սադրիչ գործողությանը՝ կրեց բավականին լուրջ կորուստներ, ուստի ուներ իրավիճակից բխող երկու ճանապարհ, կամ  պետք է հայցեր հայկական կողմից թույլտվությունը, որպեսզի միջդիրքային գոտուց դուրս բերեր դիակներն ու վնասված մեքենան, կամ պետք է դիմեր նոր սանդրանքի, ինչին և գնացին»,- Sputnik Արմենիայի հետ զրույցում ասաց նա: 

Հովհաննիսյանի տեղեկացմամբ՝ ադրբեջանական կողմը բազմիցս հայտարարել էր, որ 2008թ-ից հետո ավելի քան 10 միլիարդ դոլարի զենք-զինամթերք է գնել տարբեր երկրներից, և իրենց ռազմական բյուջեն միջինը տատանվում է 1,5-2 միլիարդ դոլարի շրջանակում, մինչդեռ ՀՀ ռազմական բյուջեն վերջին երկու տարիների ցուցանիշներով 500 միլիոն դոլար է կազմում: 

«Իրենք քարոզչություն են իրականացնում սեփական ժողովրդի շրջանում, թե ամենաուժեղ բանակն ունեն տարածաշրջանում, բայց այդքանից հետո դիմում են գործողությունների՝ կրելով լուրջ կորուստներ, ինչը կարող է իրենց հասարակության մեջ առաջացնել իշխանության դեմ ուղղված բավականին լուրջ բունտի հասունացման նախադրյալներ: Ադրբեջանը շարունակաբար փորձում է հետ բերել կորցրածը, սակայն արդյունքում ունենում է ավելի մեծ կորուստներ»,- նշեց փորձագետը:

Զոհված ժամկետային զինծառայողներն առաջնագծում չեն եղել․ Արծրուն Հովհաննիսյան

Անդրադառնալով Փաշինյան-Ալիև վերելակային հայտնի հանդիպմանն ու հրադադարի վերաբերյալ պայմանավորվածություններին՝ Հովհաննիսյանն ընդգծեց, որ 2018թ-ի և այսօրվա միջև կան էական տարբերություններ, որովհետև վերելակային հանդիպումից հետո տեղի են ունեցել բավականին իրադարձություններ, ճիշտ է սահմանին նման լարվածություն չի եղել, բայց հայտարարությունների մակարդակով Ադրբեջանը վերջին շրջանում շատ ագրեսիվ պահվածք է դրսևորել՝ նույնիսկ խախտելով բանակցությունների հիմքում ներդրված երեք սկզբունքներից մեկը՝ ուժի կամ ուժի սպառնալիքի չկիրառումը՝ Հելսինկյան եզրափակիչ ակտից:

Հովհաննիսյանի փոխանցմամբ՝ 2018թ-ի սեպտեմբերյան պայմանավորվածությունները չէին կարող երկարաժամկետ արդյունք ունենալ, քանզի խնդիրն այն է, որ պայմանավորվածությունները կախված են կողմերից, թե որքանով կհարգեն ու կհետևեն դրանց, մինչդեռ Ադրբեջանում վերջին երկու տարիներին տեղի են ունեցել լուրջ փոփոխություններ, որոնց արդյունքում իրենք արդեն խախտում են պայմանավորվածությունները, ինչը հայկական կողմի համար չպետք է զարմանալի լինի: Ըստ նրա՝ վերջին սադրանքը ցույց տվեց, որ լավագույն տարբերակը հետաքննության մեխանիզմների տեղադրումն է: 

Հիշեցնենք` հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Սին «հերոսություն» է. մասնագիտական ապտակ ադրբեջանցի հաքերներին

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

Ադրբեջանի պաշտպանության նախարարի տեղակալ Քերիմ Վելիևն այսօր հայտնել է, որ հայ-ադրբեջանական սահմանին մարտական գործողությունների հետևանքով սպանվել են գեներալ-մայոր Փոլադ Հաշիմովը և գնդապետ Իլգար Միրզեևը։

0
թեգերը:
բանակցային գործընթաց, Նիկոլ Փաշինյան, Իլհամ Ալիև, Տարոն Հովհաննիսյան, հայ-ադրբեջանական
Ըստ թեմայի
ՀԱՊԿ-ը կոչ է անում անհապաղ դադարեցնել հրաձգությունը հայ-ադրբեջանական սահմանին
Հայկական ԶՈւ-ն ադրբեջանական հերթական ԱԹՍ-ն է խոցել
Ադրբեջանը 120 մմ ականանետներից կրակել է «Տավուշ տեքստիլի» ուղղությամբ
Ադրբեջանն իր բնակչությանը շրջապատել է հրետանային մարտկոցներով՝ դարձնելով թիրախ. լուսանկար