Black Star Burger աշխատակիցները

Խաշն ու խունկը մեզ պահապա՞ն. ինչ է փոխել կորոնավիրուսը երևանցիների կյանքում

632
(Թարմացված է 00:22 05.03.2020)
Հայաստանում կորոնավիրուսի հայտնվելու մասին լուրը փոխեց մարդկանց կյանքի ռիթմը։ Եթե ոմանք խուճապով «պրծան», մյուսները ստիպված եղան սեփական գրպանից վճարել։

ԵՐԵՎԱՆ, 4 մարտի — Sputnik. Սենյակում խունկ ծխել ու մեծ քանակությամբ սխտորով խաշ ուտել. Հայերն ինչեր ասես, որ չեն անի իրենց «XXI դարի ժանտախտից»` COVID – 2019 (կորոնավիրուսից) ապահովագրելու համար։

Հայաստանում կորոնավիրուսով վարակման առաջին հաստատված դեպքը գրանցվել է մարտի 1–ին։ Այն հայտնաբերվել է Իրանից Հայաստան ժամանած 29-ամյա տղամարդու մոտ։ Առողջապահության նախարարության տվյալներով` վարակվածի մոտ հիվանդության ախտանիշներ գրեթե չկան ու նա ոչ մի բուժում չի ստանում։ Տղամարդը և իր հետ շփված 32 անձինք մեկուսացվել են Ծաղկաձորի «Գոլդեն փելես» հյուրանոցում։

Թե ինչպես է իրականում կորոնավիրուսն ազդել երևանյան կյանքի վրա, պարզել են Sputnik Արմենիայի թղթակիցները։

Ռեստորաններ

Հանրային սննդի վայրերում լսել են կորոնավիրուսի մասին, սակայն ոչ ոք չի արգելել այցելուներին համեղ ճաշատեսակներ ուտել։

«Երեմյան Փրոջեքթս» ընկերության փիար–մարքեթինգի ղեկավար Անահիտ Գևորգյանը մեզ հետ զրույցում նշեց, որ իրականում ոչ մի խուճապ էլ չկա, ռեստորաններն իրենց սովորական ռեժիմով են աշխատում։ Ավելին` կորոնավիրուսի մասին լուրերից հետո ցանցում ոչ մի ամրագրում չի չեղարկվել։  

«Սովորականի պես ճաշի ժամին գալիս են ճաշելու։ Շարունակում են տեղեր ամրագրել կորպորատիվ միջոցառումների համար։ Դիմակներով գրեթե չեն գալիս»,– ասաց նա։

Գևորգյանի խոսքով` կորոնավիրուսն անձնակազմի աշխատանքի մեջ փոփոխություններ չի մտցրել։ Իրենց ռեստորանում սովորականի պես մաքրում են սեղանները, աթոռները, սպասքը, լվանում հատակը։ Ռեստորանների ցանցի ղեկավարությունն առաջնորդվում է առողջապահության նախարարության տված ցուցումներով։

Դե իսկ, սխտորով խաշը միշտ է պահանջարկ վայելում։

«Խաշը մեծ պահանջարկ է ունի սեզոնի բացմանն ու գարնան սկզբին։ Մարդիկ գալիս են խաշ ուտելու երբ դեռ շոգ չէ, հիմա արդեն այդքան էլ ցուրտ չէ»,– ասաց նա։

Եթե «Երեմյան Փրոջեքթսում» կորոնավիրուսը «եղանակ չի փոխել», Tashir Pizza ռեստորանների ցանցում հակառակ պատկերն է. ընկերությունը Հայաստանում կորոնավիրուսի հայտնվելուն զուգահեռ կորուստներ է կրել։

«Ցանցի գրեթե բոլոր ռեստորաններում այցելուների քանակը 50%–ով նվազել է։ Մենք սովորականի պես պահպանում ենք հիգիենայի բոլոր նորմերը, մեր կարգուկանոնը չի փոխվել»,– Sputnik Արմենիայի թղթակցի հետ զրույցում հաստատեց ռեստորանի մենեջերներից մեկը։

Ресторан Sherep
© Sputnik / Aram Nersesyan ,
«Շերեփ» ռեստորան

Իսկ փաբերում դեռ դժվարանում են ասել` արդյո՞ ք կորոնավիրուսն ազդել է իրենց այցելությունների վրա։ «Փաբ 007»–ի մենեջեր Տիգրան Հարությունյանի խոսքով` դեռ վաղ է այդ մասին դատել։

«Ազդեցության մասին կարող ենք ասել միայն շաբաթվա վերջում։ Սակայն սանիտարահիգիենիկ նորմերը մեզ մոտ միշտ էլ բարձր մակարդակի վրա են։ Այս առումով մեզ մոտ փոփոխություններ չեն եղել»,– նշեց նա։

Մարզասրահներ

Մարզասրահներում այլ իրավիճակ է։ Հայաստանի տարբեր մարզասրահների ներկայացուցիչները միաձայն պնդում են, որ կորոնավիրուսի հայտնվելուց հետո հաճախորդներից շատերը սառեցրել են տարեկան փաթեթները։

Lady Zone–ի գործադիր տնօրեն Նարինե Միրզոյանը Sputnik Արմենիայի թղթակցի հետ զրույցում նշեց, որ իրենց մարզասրահում խստացվել է սարքերի ու տարածքների ախտահանումը։

«Կորոնավիրուսի մասին տեղեկությունից հետո հաճախորդները սկսել են զանգել ու հարցնել` արդյո՞ք աշխատում ենք։ Ընդհանուր առմամբ, հաճախորդների շրջանում խուճապ չկա»,– ասաց նա։

«Օրանժ ֆիթնես» մարքետինգի տնօրեն Արամ Աղաբեկյանն իր հերթին նշեց, որ ակումբի սանիտարահիգիենիկ հսկողությունը խստացրել են։

«Ավելի ուշադիր ենք հատկապես` մետաղյա սարքերն ախտահանելիս։ Մենք միակ ֆիթնես ակումբն ենք, որը չեղարկել է բոլոր խմբակային պարապմունքները, քանի որ կարծում ենք` այդ դեպքում վարակվելու ռիսկն ավելի մեծ է»,– նշեց Աղաբեկյանը։

Gold Gym–ից Sputnik Արմենիայի թղթակցին հայտնեցին, որ մարզասրահում այցելուներին փաթեթները սառեցնելու հնարավորություն են տվել։

Առևտրի կենտրոններ

Կյանքի ռիթմը գրեթե չի փոխվել նաև մայրաքաղաքի առևտրի կենտրոններում։ Միայն թե աշխատակիցները օրը մի քանի անգամ իրենց սենյակներում խունկ են ծխում։

Mega Mall առևտրի կենտրոնի մարքեթինգի բաժնի ղեկավար Քրիստինե Թորոյանը Sputnik Արմենիայի հետ զրույցում ընդգծեց, որ առևտրի կենտրոնը առողջապահության նախարարությունից տարածքը մաքրելու համար հատուկ ախտահանիչ միջոցներ է ստացել։

«Առևտրի կենտրոնում ամեն ինչ մանրակրկիտ ախտահանում ենք` սկսած հատակից և աթոռներից, վերջացրած ճաղերից, դռներից և բռնակներից։ Խաղային գոտում ևս ամեն ինչ մանրակրկիտ լվացվում է»,– ասաց նա։

Диспенсер с дезинфицирующим средством в фуд корте ТЦ Mega Mall
© Sputnik / Aram Nersesyan
Mega Mall-ի աշխատակիցը ախտահանում է ձեռքերը

Նրա խոսքով` այն սենյակներում, որտեղ «նստում են» առևտրի կենտրոնի աշխատակիցները, ամեն օր խունկ են ծխում, որը, Թորոյանի համոզմամբ, սպանում է մանրէները։ Այստեղ սենյակներն ու հատակն ամեն օր ժավելով են մաքրում։

Ինչ վերաբերում է առևտրի կենտրոնում գործող սննդի կետերին, դրանցում ևս վերահսկողությունը խստացվել է։

«Մեզ մոտ սանիտարահիգիենիկ նորմերը միշտ առաջին տեղում են եղել։ Սակայն կորոնավիրուսի մասին լուրերից հետո, ավելի են խստացվել։ Երբ առևտրի կենտրոնը փակվում է, յուրաքանչյուր աթոռ հասարակական սննդի գոտում մաքրվում և լվացվում է»,– հավաստիացրեց նա։

Фуд корт в ТЦ Mega Mall
© Sputnik / Aram Nersesyan
Արագ սննդի կետ Mega Mall-ում

Հարցին` ինչու դիմակներ չեն կրում, հաշվի առնելով այն, որ բազմամարդ վայրում են աշխատում, Թորոյանը նշեց, որ կկրեին, եթե դեղատներում դիմակ լիներ։ Նրա դիտարկմամբ` կենտրոնում հաճախելիության առումով փոփոխություններ չկան։

Yerevan Mall–ից ևս Sputnik Արմենիայի թղթակցին հայտնեցին, որ առևտրի կենտրոնն աշխատում է բնականոն ռեժիմով, ղեկավարությունը հետևում է պաշտոնական տեղեկատվությանը։

Сотрудницы кинотеатра Kino Park в ТЦ Yerevan Mall в масках
© Sputnik / Aram Nersesyan
Yerevan Mall-ի աշխատակիցները

«Yerevan Mall ամեն օր միջինում 13 հազար մարդ է այցելում։ Սակայն մարտի 1-ից առևտրի կենտրոնում մարդկանց հոսքը 30%–ով կրճատվեց, ինչը ստեղծված իրավիճակում բնական է»,– նշեց առևտրի կենտրոնի մարքեթինգի և հանրային կապերի տնօրեն Շուշան Ավագիմյանը։

Նրա խոսքով` Yerevan Mall-ի ղեկավարության համար ավելի կարևոր է հանրության առողջությունը։ Նա ընդգծեց, որ կորոնավիրուսի մասին իմանալուց հետո, ղեկավարությունը առևտրի կենտրոնի բոլոր աշխատակիցներին դիմակներ և ձեռնոցներ է բաժանել։

Հասարակական տրանսպորտ

Ամեն օր Երևանի մետրոյից օգտվում է շուրջ 70-80 հազար մարդ։ Կորոնավիրուսի տարածումը կանխելու նպատակով` երեկ մետրոպոլիտենի աշխատակիցները իրենց ուժերով ախտահանել են տարածքը։ Երևանի քաղաքապետարանի հրապարակած հոլովակում երևում է` ինչպես են մետրոպոլիտենի հավաքարարները մաքրում մետրոյի վագոնները, ինչպես նաև ճաղերը, դռներն ու պտուտադռնակները։

Առողջապահության նախարարությունն այս հոլովակին բավական խիստ է արձագանքել` հայտարարելով, որ այն չի կարող ախտահանում կոչվել։ Երևանի մետրոպոլիտենի մամուլի քարտուղար Տաթևիկ Խաչատրյանը Sputnik Արմենիայի հետ զրույցում պատմեց, որ իրենք գործադրել են բոլոր հնարավոր ջանքերը ուղևորներին պաշտպանելու համար:

«Եթե մեզ ցույց տան դեղատուն, որտեղ կարողանանք բժշկական դիմակներ, ձեռնոցներ, ինչպես նաև պատշաճ ախտահանում կազմակերպելու համար հատուկ վերնազգեստ գնել, ապա հաճույքով դա կանենք։ Մինչդեռ մեր բոլոր աշխատակիցները, ինչպես և մեր երկրի բոլոր քաղաքացիները, նման դեղատուն չեն կարողանում գտնել»,– հավելեց Խաչատրյանը։

Երևանի ավտոբուսներում և երթուղայիններում ախտահանում իրականացնելու փորձ անգամ չի եղել։ Վարորդներն առանց դիմակների են երթևեկում, իրենց մոտ հակասեպտիկներ չեն պահում։ Քաղաքապետարանի մամուլի քարտուղար Հակոբ Կարապետյանը Sputnik-ի հետ զրույցում հայտնեց, որ առողջապահության նախարարության հրապարակած տվյալների համաձայն` բոլոր վարորդների հետ «ինստրուկտաժ» է անցկացվել։

Մշակութաժամանցային հաստատություններ

Կրթության, գիտության, մշակույթի և սպորտի նախարարության որոշմամբ` մշակութաժամանցային հաստատությունները շարունակում են իրենց բնականոն գործունեությունը։ Հանրապետության բոլոր թանգարանները, թատրոնները, կինոթատրոնները, համերգասարահները շարունակում են աշխատել այնպես, ինչպես աշխատում էին մինչև կորոնավիրուսի հայտնվելը։

«Մենք տեղեկություն ունենք, որ մարդիկ վերադարձնում են ներկայացումների տոմսերը, որոշ ներկայացումներ դրա պատճառով չեղարկվում են։ Դեռ ամեն ինչ թողել ենք այցելուների հայեցողությանը` ուզո՞ւմ են նրանք այցելել մշակութային հաստատություններ, թե ոչ»,– հայտնեց կրթության, գիտության, մշակույթի և սպորտի փոխնախարար Նարինե Խաչատրյանը։

Նախարարությունից հաղորդեցին, որ մշակութաժամանցային վայրերի բոլոր աշխատակիցներին համապատասխան ցուցումներ են տվել, ինչպես նաև կորոնովիրուսից պաշտպանվելու մասին հրահանգների ցանկ տրամադրել։

Սանիտարական աշխատանքներ

Երևանում շատերը նկատել են, որ աղբ հավաքողները վերջին շրջանում սկսել են բժշկական դիմակներ կրել։ Սակայն դա կորոնավիրուսի հետ կապ չունի, Երևանի քաղաքապետարանից նշեցին, որ բժշկական դիմակները սանիտարական աշխատակցի համազգեստի սովորական մաս են կազմում։

632
թեգերը:
Տրանսպորտ, առևտուր, Հակոբ Կարապետյան, Երևանի քաղաքապետարան, կորոնավիրուս, Հայաստան
թեմա:
Կորոնավիրուսը Չինաստանում և աշխարհում (724)
Ըստ թեմայի
Արքայազնը կորոնավիրո՞ւս է տարածում. Ուիլյամը կատակել է
Աշխարհում կորոնավիրուսով վարակվածների թիվն ավելանում է. այն գերազանցել է 90 հազարը
Որոշ ավիաընկերություններ Հայաստանում նվազեցրել են չվերթերի հաճախականությունը
Եվրամիության բարձրաստիճան պաշտոնյաներից մեկը կորոնավիրուսով է վարակվել
Դավիթ Անանյան. արխիվային լուսանկար

Ինչո՞ւ հեռացավ Դավիթ Անանյանը, և ինչո՞ւ է լռում Փաշինյանը

390
(Թարմացված է 00:50 05.06.2020)
Անանյանի անսպասելի հեռացումը կապում են ծխախոտի մաքսանենգության լուրերի հետ։ Գուցե նա չի ցանկացել, որ այդ լուրերն իր հետ որևէ կերպ առնչություն ունենան։ Սակայն սա ամենևին էլ միակ բանը չէ, ինչ կարելի է հիշել Անանյանի մասին։

ԵՐԵՎԱՆ, 4 հունիսի –Sputnik, Արամ Գարեգինյան. ՀՀ ՊԵԿ–ի ղեկավարի պաշտոնից Դավիթ Անանյանի հրաժարականը շատերի համար անսպասելի էր։ «Գլխավոր հարկային ծառայողը» որևէ պարզաբանում չի տվել, իսկ ՀՀ վարչապետ Նիկոլ Փաշինյանը, որը երբեք չի հապաղում արտահայտվելիս, նման կարևոր հարցին դեռ չի արձագանքել։

Անանյանի հետ միշտ հնարավոր է եղել երկխոսություն վարել, նա ունակ է լսել ուրիշի կարծիքը, նույնիսկ եթե համաձայն չէ նրա հետ։ Sputnik Արմենիայի հետ զրույցում նման կարծիք հայտնեց «Հարկ վճարողների պաշտպանություն» ՀԿ նախագահ, տնտեսագետ Փայլակ Թադևոսյանը։ Անանյանի հետ նա մշտապես հարցեր է քննարկելիս եղել, քանի որ ՊԵԿ–ին առընթեր հանրային խորհրդի անդամ է։

«Մեր քննարկումները ձևական չեն եղել։ Երբ ես որևէ հարց եմ առաջ քաշել, նույնիսկ անհարմար, կամ կապված բիզնեսի և հարկայինի աշխատանքի հետ, նրա հետ միշտ հնարավոր է եղել քննարկել այդ ամենն ըստ էության», – հավելեց նա։

Ինչ վերաբերում է նրա հեռանալու հավանական պատճառներին, ապա շատերը դրանք տեսնում են, սակայն էթիկայից ելնելով` նախընտրում են ոչինչ չասել։ Ասում են` թող նախ խոսի ինքը` Անանյանը։

Նրա հետ շփված մարդիկ նշում են, որ եթե հրաժարականի պատճառը վերջերս տեղի ունեցած «ծխախոտային սկանդալն» է, ապա նա իսկապես կարող էր դրա համար հեռանալ։ Անանյանը սկզբունքային մարդ է, ասեկոսեներ իր մեջքի հետևից չի հանդուրժի։ Հավանաբար նա պարզապես չի ցանկացել, որ այդ լուրերը որևէ կերպ կապեն իր անվան հետ (քանի որ որպես ՊԵԿ–ի ղեկավար, նա համակարգում էր և՛ հարկայինը, և՛ մաքսայինը)։

Այսպես են ասում ոչ միայն նոր իշխանության կողմնակիցները։ Ընդհանրապես Հայաստանում տնտեսագետներն ու ֆինանսիստները միմյանց գնահատում են ոչ թե որպես «հներ» կամ «նորեր», այլ որպես մասնագետներ։ Իրենց համար, օրինակ, Վարդան Արամյանը կամ Վաչե Գաբրիելյանը նախևառաջ բարձրակարգ մասնագետներ են և հետո միայն անցած իշխանությունների օրոք աշխատած նախարարներ (առավել ևս, որ այն ժամանակվա իշխանությունների քաղաքական «բարիկադներում» իրենք երբեք էլ չեն եղել)։

Նույնը Դավիթ Անանյանի հետ է։ Նրա դեպքում «նախկինների» և «ներկաների» բաժանումը նույնպես պայմանական է` այդ թվում նաև այն պատճառով, որ նախկին իշխանությունների օրոք նա ֆինանսների փոխնախարար էր։ Այստեղ նրան «բերել էր» նույն Վարդան Արամյանը։ Երբ Կարեն Կարապետյանի (ՀՀ նախկին վարչապետ) օրոք նա գլխավորեց Ֆինանսների նախարարությունը, անմիջապես Անանյանին բերեց իր տեղակալ նշանակեց։ Անձնական զրույցներում Արամյանն այդ փաստը մեծ հաջողություն էր անվանում` համոզել և պետական ծառայության բերել պրոֆեսիոնալի, որը մասնավոր ընկերությունում մի քանի անգամ ավել էր վաստակում (նույնիսկ պարգևավճարները հաշվի առնելով, որոնք նրան սկսեցին վճարել պետական հատվածում)։

Կարեն Կարապետյանի օրոք Անանյանը պատասխանատու էր հարկային օրենսդրության մշակման համար, իսկ Փաշինյանի կառավարության օրոք ՊԵԿ–ում հուսալի թիկունք ստեղծեց նոր իշխանությունների համար։ Վարչապետը բազմիցս ասել է (և ոչ անհիմն), որ նոր իշխանությունը կատարում է կենսաթոշակառուներին և բժիշկներին, զինծառայողներին և փրկարարներին ուղղված խոստումները։ Սակայն աշխատավարձերն ու կենսաթոշակները բարձրացնելու համար միայն քաղաքական կամքը բավարար չէ։

Պետբյուջեի կատարողականն ավելացել է, բայց Անանյանը խորհուրդ է տալիս այլ հարցի շուրջ մտածել

Երբ 2019 թվականին առաջին անգամ հնչեց, որ բյուջեի եկամուտները միանգամից 25%–ով աճել են, քչերը դրան ուշադրություն դարձրին։ Իսկ դա նշանակում էր, որ հարկային տեսուչները ստվերից դուրս են բերել այնպիսի «տուզերի», ինչպիսիք են Սամվել Ալեքսանյանն իր «Երևան սիթի» սուպերմարկետների ցանցով և Գագիկ Ծառուկյանը` իրեն պատկանող գազալցակայաններով։ Եթե հարկային ծառայությունը գոնե փոքր ինչ սխալվեր նրանց պարտավորությունների հաշվարկներում, եթե նրանց ավել գեթ մեկ հազար դոլար վերագրեր, նրանց փորձառու (և բարձր վարձատրվող) իրավաբաններն ու մենեջերները հայցեր կներկայացնեին դատարաններ, իսկ նախկին իշխանությունները կխոսեին անցանկալի գործարարների «հարկային տեռորի» մասին։

Ո՛չ մեկը, ո՛չ մյուսը տեղի չեն ունեցել։ Հարկայինի աշխատանքը, ինչպես լավ բժիշկի աշխատանքը, պարզապես չնկատեցին։ Եվ երբ սկսեցին աճել աշխատավարձերը և կենսաթոշակները, ոչ ոք չհիշեց` որտեղից և ինչպես այդ ամենի համար գումար գտնվեց։

Ճիշտ նույն կերպ` առանց բարձրագոչ հայտարարությունների, ՊԵԿ–ը սկսեց նոր հարկեր գանձել առցանց տոտալիզատորներից և խաղատներից։ Նախկինում նրանք ֆիքսված տուրք էին վճարում։ Եվ կարևոր չէ, որ իրենց շրջանառությունը մշտապես աճում էր և գնալով ավելի շատ մարդիկ էին սկսում խաղադրույքներ կատարել` նրանք գրեթե նույն հարկն էին վճարում։

Եվ ահա 2020 թվականից Փաշինյանի կառավարությունը սկսեց խաղատներից եկամտահարկ գանձել։ Պարզ ասած` որքան խաղատներում մարդիկ ավելի շատ գումարներ թողնեն, այնքան նրանք շատ հարկ պետք է վճարեն։ Հեշտ է ասելը, իսկ ինչպե՞ս ստուգել, թե որքան խաղադրույք է ընդունել առցանց խաղատունը, առավել ևս, եթե նրա սերվերներն արտերկրում են գտնվում։

Այդ հարցին Անանյանն իր «ֆիրմային» ժպիտով պատասխանեց. «Ձեր թույլտվությամբ` չեմ բացահայտի մեր գործողությունների ամբողջ համակարգը։ Բայց մի անհանգստացեք, կտեսնենք։ Այն էլ ինչպես կտեսնենք»։

ՊԵԿ աշխատակիցը պիտի այնքան վաստակի, որ կոռուպցիայի մասին չմտածի. Անանյան

Եվ նա գիտեր` ինչ էր ասում։ 2020 թվականի առաջին կիսամյակում ոլորտի խոշոր հարկատու «Դիջիթեյն» ընկերությունը (TotoGaming տոտալիզատորի կառավարիչ) կրկնակի շատ է հարկ վճարել, քան 2019 թվականի նույն եռամսյակի ընթացքում, իսկ «Վիվարո բեթինգ» ու «Վիվարո գրուպ» ընկերությունները (մեկ այլ խոշոր խաղային հոլդինգի կառավարողներ)` մեկ երրորդով ավել։ Եվ եթե այսօր ճգնաժամից տուժածներին չեն ասում «դիմացե՛ք, ամեն ինչ լավ կլինի» (ինչպես դա անում էին իշխանությունները 2008-2009 թվականներին), այլ թող որ փոքր, բայց օգնություն են տրամադրում, դա ինչպես կառավարության ձեռքբերումն է ընդհանրապես, այնպես էլ ՊԵԿ–ինը` մասնավորապես։

Անկախ նրանից` ծխախոտի մաքսանենգություն եղել է, թե ոչ, Անանյանի իրավահաջորդը ոչ միայն պետք է պարզի դա, այլև նույնքան հստակ բյուջե գումար բերի։ Այսօր, վիրուսի պայմաններում, սա անհրաժեշտ է` ինչպես երբեք։

Բեռների առաքման նորագույն տարբերակ. Անանյանը խոսել է մաքսային հսկողության թվայնացման մասին

390
թեգերը:
Հրաժարական, Պետական եկամուտների կոմիտե (ՊԵԿ), Դավիթ Անանյան
Ըստ թեմայի
Կառավարությունը պատրաստ է ավտոմեքենաների ներկրման կրճատմանը. Անանյանն ասաց` ինչպես
ՀԿ-ների հաշվետվողականությունն ու «բարի թագավորի» վարկածը. Անանյանը նախագիծ ներկայացրեց
Հարկերի չեղարկում կամ ներում չի լինի, բայց... Անանյանը ոչինչ չի բացառում
Ախտահանում են ԱԺ նիստերի դահլիճը. արխիվային լուսանկար

Ազգային ժողովը պատրաստ է հեռավար նիստերի և քննարկումների․ լուսանկարներ

78
(Թարմացված է 22:31 04.06.2020)
Ավելի վաղ ԱԺ մի քանի պատգամավորներ կորոնավիրուսի թեստ էին հանձնել, սակայն նրանց մեջ վարակված դեռևս չկա։

ԵՐԵՎԱՆ, 4 հունիսի - Sputnik. Կորոնավիրուսային համավարակով պայմանավորված՝ ԱԺ-ում պատրաստվում են հեռավար աշխատանքի անցնել։ ՀՀ ԱԺ աշխատակազմի ղեկավար Տիգրան Գալստյանը Facebook–ի իր էջում հրապարակել է լուսանկարներ։
«ՀՀ Ազգային ժողովը պատրաստ է հեռավար նիստերի և քննարկումների», - գրել է Գալստյանը։

Լուսանկարներում երևում են մեծ հեռուստաէկրաններ, որոնք տեղադրված են նիստերի և քննարկումների դահլիճներում։

Ավելի վաղ ԱԺ մի քանի պատգամավորներ կորոնավիրուսի թեստ էին հանձնել, սակայն նրանց մեջ վարակված դեռևս չկա։

Հեռավար աշխատանքի պրակտիկան երկրում լայնորեն կիրառվել է կրթական համակարգում, ինչպես նաև մասնավոր ընկերությունների շրջանում։

Կորոնավիուսային իրավիճակով պայմանավորված՝ Հայաստանում մարտի 16-ից արտակարգ դրություն է հայտարարվել, որն արդեն երկու անգամ երկարաձգվել է։ ՀՀ կառավարությունը վերջերս որոշում ընդունեց, որի համաձայն՝ արտակարգ դրությունը կգործի մինչև հունիսի 13-ը։ Երկրում պարտադիր է դիմակ կրելը, սոցիալական հեռավորություն պահելը, ախտանշաններ ունենալու դեպքում բուժկենտրոններ դիմելը։

Հայաստանում կորոնավիրուսով վարակվածների թիվն արդեն հասել է 11 221-ի, առողջացել է 3468 մարդ, շարունակում են բուժվել 7509-ը, վարակվածներից 176–ը մահացել են։

«Անպայման հետևեք ցուցումներին». հայտնի է Արմեն Գրիգորյանի կորոնավիրուսի թեստի պատասխանը

78
թեգերը:
համավարակ, Հայաստան, կորոնավիրուս, ԱԺ
թեմա:
Կորոնավիրուսը Հայաստանում և Արցախում
Ըստ թեմայի
ՀՀ կառավարությունը կարող է անցնել հեռավար աշխատանքի
Հեռավար կրթությունը Հայաստանում կարող է շարունակվել նաև աշնանը
ՌԴ ընկերությունների 25%-ն ուզում է, որ աշխատակիցների մի մասը շարունակի հեռավար աշխատել
Նիկոլ Փաշինյան

Փաշինյանի եթերը հուզել է վրացիներին. 18–ամյա Սանդրոն կոչ է արել օգնել Հայաստանին

417
(Թարմացված է 00:18 05.06.2020)
SARS-CoV-2 –ի հետ կապված` Հայաստանի վարչապետ Նիկոլ Փաշինյանի կոչը Թբիլիսի է հասել։

ԵՐԵՎԱՆ, 4 հունիսի –Sputnik. UWC Dilijan միջազգային քոլեջի շրջանավարտ Սանդրո Չումաշվիլին արձագանքել է երկրում կորոնավիրուսային վարակի հետ կապված տագնապալի իրավիճակի մասին` ՀՀ վարչապետ Նիկոլ Փաշինյանի խոսքին։ Sputnik Արմենիայի թղթակցի հետ զրույցում տղան պատմել է, որ հարևանների վիճակը թեթևացնելու համար ստորագրահավաք է կազմակերպել` կոչ անելով Վրաստանի կառավարությանը օգնել բարեկամական երկրին։ 

ՀՀ վարչապետ Նիկոլ Փաշինյանն այսօր առավոտյան կորոնավիրուսային վարակի հետ կապված իրավիճակը մտահոգիչ էր անվանել։ Երկրում անցած մեկ օրվա ընթացքում ռեկորդային թվով վարակվածներ են բացահայտվել։

«Այսօր լսել եմ ՀՀ վարչապետ Նիկոլ Փաշինյանի ուղերձն այն մասին, որ Հայաստանում անցած մեկ օրվա ընթացքում SARS-CoV-2 կորոնավիրուսային վարակի շուրջ 700 նոր դեպք է գրանցվել։ Վրաստանում կորոնավիրուսի հետ կապված իրավիճակն ավելի լավ է»,–ասել է Սանդրոն։

Նրա խոսքով` դա է առիթ դարձել, որ ինքը ստորագրահավաք կազմակերպի։ Սանդրոն նշել է, որ Վրաստանը կարող է և ինչ–որ առումով` պետք է օգնի եղբայրական Հայաստանին։

Կորոնավիրուսի տարածման դինամիկան Հայաստանում

Սանդրոն 18 տարեկան է, ծնվել և մեծացել է Թբիլիսիում։ Հայաստանը նրան հոգեհարազատ է, քանի որ վերջին երկու տարին սովորել է UWC Dilijan միջազգային քոլեջում։ Այդ քոլեջը նա համարում է տարածաշրջանում լավագույնը։ Սանդրոն այն ավարտել է 2020 թվականի մայիսին և արդեն ընդունվել ԱՄՆ–ի բուհերից մեկի տնտեսագիտության ֆակուլտետը։

«Դրանք իմ կյանքի լավագույն տարիներն էին։ Ես եղել եմ Տաթևում, շատ ընկերներ ունեմ Վանաձորից, ինչպես նաև բազմաթիվ ընկերներ եմ ձեռք բերել աշխարհի տարբեր երկրներից», – պատմել է Սանդրոն։

Այս տարիների ընթացքում բազմաթիվ իրադարձություններ են եղել, սակայն տղայի համար ամենահիշվողը Երևանում Ֆրանկոֆոնիայի գագաթնաժողովին նվիրված համերգն է եղել։

Ավելի վաղ Վրաստանի ԱԳՆ–ն հայտարարել էր կորոնավիրուսի դեմ պայքարում Հայաստանին օգնելու պատրաստակամության մասին։ Նշվում էր, որ համավարակի շրջանում Վրաստանի իշխանությունները մշտական կապի մեջ են հայկական կողմի հետ։

«Մի քանի օր առաջ հեռախոսազրույց է տեղի ունեցել երկու երկրների վարչապետների միջև։ Շփումները շարունակվում են նաև առանձին նախարարների մակարդակով։ Այսօր Վրաստանի և Հայաստանի արտգործնախարարները (Դավիթ Զալկալիանին և Զոհրաբ Մնացականյանը, – խմբ.) տեղեկություն են փոխանակել երկրում տիրող իրավիճակի մասին», – գրված է Վրաստանի ԱԳՆ–ի հայտարարության մեջ։

Մասնավորապես, Զալկալիանին համերաշխություն է հայտնել հայկական կողմին և Վրաստանի իշխանությունների անունից ևս մեկ անգամ պատրաստակամութուն հայտնել աջակցելու COVID-19–ի դեմ պայքարում։

Նշենք, որ հունիսի 4-ի դրությամբ Հայաստանում SARS-CoV-2 կորոնավիրուսի նոր տիպի 11221 դեպք է բացահայտվել, Վրաստանում` 801։

Հայաստանում կորոնավիրուսով վարակվածների թիվը մեկ օրում ավելացել է 515-ով և հասել 10524–ի

417
թեգերը:
Վրաստանի Հանրապետություն, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Փաշինյանը զայրացել է. մի քանի տատիկ, պապիկ կմահանան միջոցառման պատճառով
Ինչ պետք է անի Փաշինյանը, որ հասարակությունը նորից հավատա իրեն
Օրվա կադր. Փաշինյանը ցույց է տվել` ինչպես է վարակակիրների թիվը ռեկորդային դառնում
Հայաստանում ևս 12 մարդ է մահացել կորոնավիրուսից
Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները