Սուպերմարկետ

Ինչ իրավիճակ է երևանյան սուպերմարկետներում. սովորական գնումնե՞ր, թե՞ խուճապ

3858
(Թարմացված է 12:16 02.03.2020)
Sputnik Արմենիան շրջել է մի շարք խանութներով` փորձելով պարզել` արդյո՞ք մարդիկ մթերք պահեստավորում են, թե ոչ։

ԵՐԵՎԱՆ, 1 մարտի — Sputnik. Հայաստանում կորոնավիրուսի վարակման հետ կապված սոցցանցերում պտտվում են լուսանկարներ ու գրառումներ, թե մարդիկ մի շարք սուպերմարկետներից տուն են տանում ինչ կարող են։ Sputnik Արմենիան շրջել է մի շարք խանութներով` փորձելով պարզել` ինչ իրավիճակ է իրականում։

Ի դեպ, Հայաստանում այս գիշեր կորոնավիրուսով վարակման մեկ դեպք է արձանագրվել. վարակվածը 29-ամյա մի տղամարդ է, որը Իրանից է Հայաստան ժամանել։

 Люди у кассы супермаркете
© Sputnik / Armine Alexanyan
Սուպերմարկետ

Զեյթունի «Երևան սիթիում» սովորական կիրակնօրյա աշխուժություն էր տիրում: Սուպերմարկետի մենեջերը Sputnik Արմենիայի հետ զրույցում ասաց, որ վերջին օրերին մարդկանց կողմից խուճապ չի նկատել, սովորական ամենօրյա եռուզեռն է։ «Կիրակի օրվա համեմատ այսօր դեռ մի բան էլ քիչ է հոսքը, սովորաբար այս ժամերին ավելի շատ գնորդներ են լինում»,-ասաց նա՝ վստահեցնելով, որ այսօր «արկղերով ու մեշոկներով» առևտուր չեն արել:

Որոշ դեֆիցիտ կա, բայց խուճապի մատնվել պետք չէ. Փաշինյան

Լիքը զամբյուղով կանանցից մեկն ասաց, որ ուղղակի այսօր սովորականից մի փոքր շատ է գնումներ արել եկող շաբաթվա համար, քանի որ աշխատանքային օրերին ոչ միշտ է հարմար խանութ մտնել: 

Տղամարդկանցից մեկն էլ նշեց, որ կորոնավիրուսով չի կարող վարակվել, ինչպես նաև խուճապ չկա, ապա ցույց տվեց իր գնած օղին ու հավելեց. «Ախտահանիչն առել ենք, աներոջս հետ գնում ենք ախտահանվելու»:

Խորենացի փողոցում գտնվող «Պարմա» սուպերմարկետ, սակայն, առավոտյան մի փոքր ավելի շատ էին հաճախորդներ այցելել ու հատիկեղեն, ձեթ գնել։ Խանութի մենեջերի խոսքով` մարդկանց մոտ մի փոքր խուճապ կա, որն անհարկի է, քանի որ խանութներն ապրանքների խնդիր չեն ունենալու։ Ի դեպ, մեր այցի ժամանակ խանութում որևէ արտառոց իրարանցում և մարդկանց կուտակումներ չկային։

Посетитель супермаркета тетя Людмила
© Sputnik / Andranik Ghazaryan
Խուճապի չմատնված գնորդներից տիկին Լյուդմիլան

Նույն փողոցի «Վաս» սուպերմարկետում նույնպես առավոտյան մի փոքր շարժ է նկատվել, սակայն մեր այցի ժամանակ կրկին հանգիստ էր։

Կորոնավիրուսը հասավ Հայաստան. ինչ տվյալներ կան

Մաշտոցի պողոտայում, նախկին Փակ շուկայի տարածքում գործող «Երևան սիթիում» այցելուների պակաս չէր զգացվում, սակայն մենեջերը վստահեցրեց` կիրակիներին միշտ էլ այդպես է լինում։ Տիկին Լյուդմիլան, որը երկու լիքը տոպրակով էր տուն գնում, ասաց, որ սովորական առևտրի է դուրս եկել։ «Ո՛չ վախենում եմ, ո՛չ էլ մտածում վարակի մասին։ Կարծում եմ` մարդիկ էլ չպետք է վախենան։ Միայն դիմակի պակասությունն է խնդիրը, որ գոնե նրանք, ովքեր մտավախություն ունեն վարակվելու, կարողանան դիմակ կրել»,–ասաց տիկին Լյուդմիլան։

Ինչպես է կորոնավիրուսով վարակված քաղաքացու վիճակը. նախարարը տեղեկություն է հաղորդել

Բավական հանգիստ իրավիճակ էր Մաշտոց–Ամիրյան խաչմերուկի «Սաս» սուպերմարկետում։ Այնտեղից լիքը տոպրակներով դուրս եկած քաղաքացիներն էլ վստահեցնում էին` մեկ շաբաթվա առևտուր են արել, ինչպես անում են ամեն կիրակի։

Հիշեցնենք, որ Ծաղկաձորի «Գոլդեն փելես» հյուրանոցում 32 մարդ է մեկուսացված։ Մեկուսացրել են նրանց, ովքեր շփվել են կորոնավիրուսով վարակված տղամարդու հետ կամ էլ մոտ են եղել նրան։

Հայերը ծիծաղում են կորոնավիրուսի վրա ու ոտքով հրաժեշտ տալիս միմյանց. զվարճալի տեսանյութ

  • Երևանյան սուպերմարկետները
    Երևանյան սուպերմարկետները
    © Sputnik / Armine Alexanyan
  • Երևանյան սուպերմարկետները
    Երևանյան սուպերմարկետները
    © Sputnik / Aram Nersesyan ,
  • Երևանյան սուպերմարկետները
    Երևանյան սուպերմարկետները
    © Sputnik / Aram Nersesyan ,
  • Երևանյան սուպերմարկետները
    Երևանյան սուպերմարկետները
    © Sputnik / Asatur Yesayants.
  • Երևանյան սուպերմարկետները
    Երևանյան սուպերմարկետները
    © Sputnik / Aram Nersesyan ,
1 / 5
© Sputnik / Armine Alexanyan
Երևանյան սուպերմարկետները
3858
թեգերը:
խանութ, երևանցիներ, Երևան, Հայաստան, կորոնավիրուս
թեմա:
Կորոնավիրուսը Չինաստանում և աշխարհում (821)
Ըստ թեմայի
Խանլարյան. «Իրանում հայերի շրջանում կորոնավիրուսով վարակվելու դեպքեր չկան»
Նրա հետ շփված մարդիկ կմեկուսացվեն․ Փաշինյանը՝ կորոնավիրուսի առաջին դեպքի և երթի մասին
Կորոնավիրուսի պատճառով չեղարկվել է ծանրամարտի պատանիների աշխարհի առաջնությունը
Գյումրին անձրևից ու կարկուտից հետո

Տներն ու նկուղները ջուր է լցվել․ 125 կանչ Գյումրիում՝ անձրևից ու կարկուտից հետո

164
(Թարմացված է 20:00 13.07.2020)
Գյումրիում ավելի քան 1 ժամ տևած հորդառատ անձրևի պատճառով շարունակում է կաթվածահար մնալ երթևեկությունը:

ԵՐԵՎԱՆ, 13 հուլիսի – Sputnik, Արմենուհի Մխոյան. ՀՀ ԱԻՆ Շիրակի մարզային փրկարարական վարչության բրիգադները չեն հասցնում արձագանքել հորդառատ անձրևից հետո արվող կանչերին: Տեղեկությունը Sputnik Արմենիային տրամադրել են մարզային վարչությունից։

Наводнение в Гюмри
© Sputnik / Armenuhi Mkhoyan
Գյումրին անձրևից ու կարկուտից հետո

«Կանչերը շատ-շատ են ու դեռ զանգերը չեն դադարում, արդեն տարաբնույթ 125 կանչ ենք ունեցել՝ տների նկուղների, տնակների ջրով ծածկվելուց մինչև մեքենաների ջրում հայտնվելը»,-մեզ հետ զրույցում ասաց ՀՀ ԱԻՆ Շիրակի մարզային փրկարարական վարչության պետ, փրկարարական ծառայության գնդապետ Ալեքսան Գյոզալյանը: Հարյուրից ավելի կանչ գրանցվել է նաև Գյումրու համայնքապետարանում:

Наводнение в Гюмри
© Sputnik / Armenuhi Mkhoyan
Գյումրին անձրևից ու կարկուտից հետո

Գյումրու քաղաքապետարանի Կոմունալ ծառայություն բյուջետային հիմնարկից տեղեկացնում են, որ ահազանգերը հիմնականում շենքերի նկուղներում ու տներում լցված ջրին է վերաբերում: Բացի Գյումրիից հորդառատ անձրևից ու կարկուտից տուժել են նաև մարզի այլ համայնքներ:

Գյումրու քաղաքապետարանի մամուլի պատասխանատու Սոնա Առաքելյանը Sputnik Արմենիայի հետ զրույցում ասաց, որ տեղումների քանակն անհամատեղելի է եղել ջրահեռացման համակարգերի տարողունակության հետ, ինչն էլ նման խնդիրներ է առաջացրել: Նրա խոսքով՝ առկա խնդիրների վերացման համար կոմունալ ծառայությունն այս պահին ամբողջ կազմով և ունեցած տեխնիկայով աշխատում է քաղաքի տարբեր հատվածներում՝ Երևանյան խճուղի, Մայր Հայաստան, Կայարանամեձ հրապարակ, Տրդատ Ճարտարապետ փողոց և այլն:

Ինչպես արդեն տեղեկացրել ենք, Շիրակի մի շարք համայքներում այսօր հորդառատ անձրև ու կարկուտ է տեղացել։ Այն կաթվածահար է արել Գյումրու երթևեկությունը: 16:00-ի սահմաններում քաղաքում սկսված հորդառատ անձրևն ուղեկցվել է կարկուտով:

Անձրևի պատճառով հատկապես դժվարանցանելի են դարձել քաղաք մտնող ճանապարհներն ու կենտրոնական փողոցները։

164
թեգերը:
Կարկուտ, Անձրև, Գյումրի
Չինարի

ՄԻՊ-ը նոր զեկույց կուղարկի միջազգային կառույցներին՝ Չինարիից ստացած նոր փաստերով

49
Տավուշի մարզի սահմանամերձ Չինարի գյուղի հրետանակոծության պահին վնասված տներից մեկում եղել են երեխաներ:

ԵՐԵՎԱՆ, 13 հուլիսի - Sputnik. Մարդու իրավունքների պաշտպանի աշխատակազմը 2020 թվականի հուլիսի 13-ին Չինարի գյուղի թիրախային հրետանակոծությունն ապացուցող նոր փաստեր է ստացել: Դրանց հիման վրա պաշտպանը տեղեկացնում է, որ նոր զեկույց է ուղարկելու միջազգային կառույցներին:

Ադրբեջանական կողմի հրետանակոծմանը ենթարկված հայկական գյուղի բնակիչներից ու գյուղապետից ՄԻՊ աշխատակազմ ստացված ահազանգերի համաձայն՝ ադրբեջանական կողմից արձակվել է շուրջ մեկ 10-յակ արկ, վնասվել են գյուղի բնակելի շինություններ:

Չինարի գյուղից Մարդու իրավունքների պաշտպանի աշխատակազմ են փոխանցել հրետանակոծությունից հետո արված լուսանկարներ, որոնք վկայում են գյուղի տներից մեկին պատճառված վնասի մասին: Մեկ այլ դեպքում՝ վնասվել է բնակելի տան տանիքը, իսկ հրետանակոծության պահին տանը եղել են երեխաներ։

Մարդու իրավունքների պաշտպանին ուղղված ահազանգերից անմիջապես հետո արձանագրվել է ՀՀ պաշտպանության նախարարության պաշտոնական հայտարարությունն այն մասին, որ Չինարի բնակավայրի ուղղությամբ ադրբեջանական զինված ուժերն արձակել են 82 մմ տրամաչափի ականանետից 7, իսկ 120 մմ տրամաչափի ականանետից՝ 3 արկ։

ՀԱՊԿ-ը պետք է արձագանքի ՀՀ և Ադրբեջանի սահմանին տեղի ունեցած միջադեպին․ դեսպան Տողանյան

«Մարդու իրավունքների պաշտպանին ուղղված ահազանգերը, Հայաստանի պետական մարմինների պաշտոնական հայտարարությունները և սոցիալական մեդիայի հրապարակումները վկայում են, որ թիրախավորվել է Հայաստանի քաղաքացիական խաղաղ բնակավայրը, առկա է խաղաղ բնակիչներին, նրանց կյանքին ու առողջությանը իրական վտանգ, ինչպես նաև գույքին պատճառված վնաս»,- նշված է ՄԻՊ գրասենյակի տարածած հաղորդագրության մեջ։

Մարդու իրավունքների պաշտպանը շարունակում է անմիջական կապ պահպանել Հայաստանի Տավուշի մարզի գյուղերի բնակիչների և համայնքների վարչական մարմինների հետ։ Իրականացվում է ամբողջական դիտարկում, տեղեկությունների և փաստերի անկախ հավաքագրում։

Մարդու իրավունքների պաշտպանը խստորեն դատապարտում է Հայաստանի քաղաքացիական բնակավայրի հրետանակոծումը՝ խաղաղ բնակչության, նրանց առողջության ու կյանքի, սեփականության թիրախավորմամբ:

Նրա խոսքով՝ դա հատկապես դատապարտելի է կորոնավիրուսի (COVID-19) գլոբալ համաճարակի պայմաններում։

ՄԱԿ-ի գլխավոր քարտուղարը, կորոնավիրուսի վտանգով պայմանավորված, դեռևս մարտի 23-ին կոչ էր արել անհապաղ ամբողջությամբ դադարեցնել զինված հակամարտությունները երկրագնդի բոլոր անկյուններում։

Այս արձանագրումները ևս սահմանված կարգով կամփոփվեն ու և նոր զեկույցով կուղարկվեն միջազգային կառույցներին:

Հիշեցնենք՝ պաշտոնական հաղորդագրության համաձայն՝ Չինարիի խաղաղ բնակիչները հրետակոծության հետևանքով կրել են բացառապես գույքային կորուստներ:

49
թեգերը:
հրետակոծություն, Տավուշ, երեխա, Արման Թաթոյան, ՀՀ ՄԻՊ, Սահման, հայ-ադրբեջանական, Չինարի, Հայաստան
Ըստ թեմայի
Փափուկ ուժի, զսպվածության գործոնն Ադրբեջանի դեպքում չի աշխատում. Աբրահամյան
Ադրբեջանական հրետակոծությունների պարբերականությունը նվազել է. ՊՆ
Ձերբակալվել է Ադրբեջանի ՊՆ նախկին ղեկավարը
Հայ-ադրբեջանական լարվածություն. Լավրովը Թուրքիայի՞ն է սաստել
Աննա Նաղդալյան

Գյուղերի հանցավոր թիրախավորումը միջազգային հումանիտար իրավունքի խախտում է. Նաղդալյան

25
(Թարմացված է 22:00 13.07.2020)
ԱԳՆ խոսնակը հանդես է եկել հայտարարությամբ` անդրադառնալով ադրբեջանական զինված ուժերի գործողություններին։

ԵՐԵՎԱՆ, 13 հուլիսի - Sputnik. Ադրբեջանը պետք է անվերապահորեն դադարեցնի հայ–ադրբեջանական սահմանին  գործողությունները. Facebook սոցիալական ցանի իր էջում գրել է ՀՀ ԱԳՆ խոսնակ Աննա Նաղդալյանը։

«Խստորեն դատապարտում ենք Ադրբեջանի շարունակական փորձերը պահպանելու լարվածությունը հայ-ադրբեջանական սահմանի հյուսիս-արևելյան ուղղությամբ և այդ նպատակով Տավուշի մարզի Չինարի և Այգեպար գյուղերի քաղաքացիական ենթակառուցվածքների և բնակչության հանցավոր թիրախավորումը։ Սա միջազգային հումանիտար իրավունքի բացահայտ խախտում է»,–գրել է Նաղդալյանը։

Նրա խոսքով` Ադրբեջանը պետք է ձեռնարկի անհրաժեշտ քայլեր կանխելու հետագա լարվածությունը, որի հետևանքների համար կրում է ողջ պատասխանատվությունը:

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք:

Ադրբեջանն արկեր է արձակել Չինարիի ուղղությամբ. մեկն ընկել է տան վրա, երկուսը՝ բակում

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ տալով` հետ շպրտվել:

Մինսկի խումբը հայտարարություն է տարածել

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

25
թեգերը:
Արտաքին գործերի նախարարություն (ԱԳՆ), Աննա Նաղդալյան, հրետակոծություն, դիրքեր, Սահման, Տավուշ, Հայաստան, հայ-ադրբեջանական, Ադրբեջան
թեմա:
Հայ–ադրբեջանական սահմանին տիրող իրավիճակը
Ըստ թեմայի
Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից
Սալոմե Զուրաբիշվիլին խաղաղության կոչ է արել հարևաններին՝ Հայաստանին և Ադրբեջանին
Ստեղծված իրավիճակում ներքաղաքական բոլոր հարցերը դառնում են երկրորդական. Ծառուկյանի կոչը