Նիկոլ Փաշինյան, Զոհրաբ Մնացականյան. արխիվային լուսանկար

Փաշինյանն ու Մնացականյանը բաժանել են դերերը. փորձագետը` Արցախի շուրջ շեշտադրումների մասին

154
(Թարմացված է 23:02 28.02.2020)
Իշխանությունները հաշվի են առել Արցախի հարցով հնչած հայտարարություններից հետո հանրային տրամադրությունները և որոշել դրանք փոքր-ինչ խմբագրել։

ԵՐԵՎԱՆ, 28 փետրվարի — Sputnik. ՀՀ վարչապետ Նիկոլ Փաշինյանը և արտգործնախարար Զոհրաբ Մնացականյանը բաժանել են դերերը ղարաբաղյան հակամարտության բանակցային գործընթացում։ Sputnik Արմենիայի հետ զրույցում նման կարծիք հայտնեց քաղտեխնոլոգ Վիգեն Հակոբյանը` մեկնաբանելով Փաշինյանի և Մնացականյանի տարբեր շեշտադրումները։

ՀՀ վարչապետ Նիկոլ Փաշինյանը Արդբեջանի նախագահի հետ հանդիպումից հետո հրապարակեց «Մյունխենյան սկզբունքերը», որտեղ, մասնավորապես, նշվում է` չկան տարածքներ, կա անվտանգություն. ԼՂՀ–ն չի կարող զիջել իր անվտանգությունը։ Նույն պնդումը նա արել է Իլհամ Ալիևի հետ հանրային քննարկումների ընթացքում։

Ղարաբաղյան հարցի նոր բովանդակություն է ձևավորվում. Փաշինյանը բացատրեց՝ ինչի մասին է խոսքը

«Սա, երևի, առաջին դեպքը չէ, երբ դերերի բաշխում է տեղի ունենում։ Հիշո՞ւմ եք, Բրատիսլավայում Մնացականյանի հայտնի ելույթը։ Իրավիճակից, բանակցային ձևաչափից ելնելով` տարբեր շեշտադրումներ են արվում», – ասաց Հակոբյանը։

Միևնույն ժամանակ, հաշվի է առնվում հայ հասարակության արձագանքը, երբեմն էլ` արտաքին լսարանի։ Այս դեպքում Մնացականյանի հայտարարությունը, ըստ ամենայնի, ներքին լսարանի համար էր։

Փաշինյան–Ալիև մյունխենյան բանավեճը կողմերից ոչ մեկի շահերից չէր բխում. Կիրո Մանոյան

«Այդ արձագանքը` շեշտադրումների որոշակի շտկումը, կարծում եմ, հնչել է հաշվի առնելով, թե ինչ մթնոլորտ, տրամադրություններ են ձևավորվել Հայաստանում Փաշինյանի և Ալիևի մյունխենյան բանավեճից հետո», – նշեց քաղտեխնոլոգը։

Երբ խոսքը ներքին լսարանի մասին է, պետք է, առաջին հերթին, հաշվի առնել, թե այն ինչ դեր կարող է խաղալ մոտ ապագայում։ Տվյալ դեպքում, հեռու չէ հանրաքվեի անցկացման օրը։

«Կասկած չի առաջացնում այն, որ ղարաբաղյան հարցը կարող է քարոզարշավի ժամանակ կարևորագույն հարցերից մեկը լինել, որի շուրջ, ամենայն հավանականությամբ, շատ սուր բանավեճեր են լինելու», – ընդգծեց Հակոբյանը։

Այս ֆոնին իշխանությունները փորձում են չեզոքացնել, որոշակի առումով նաև «սվաղել» բոլոր հնարավոր բացասական գնահատականները։

«Կարծում եմ, տվյալ դեպքում, խոսքը հենց այդ ասպեկտի մասին է», – ասաց նա։

Հիշեցնենք, որ փետրվարի 15-ին ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը Մյունխենի անվտանգության  համաժողովի շրջանակում մասնակցեցին արցախյան հիմնախնդրի վերաբերյալ քննարկումներին։

Փաշինյանի ու Ալիևի «մենամարտի» դրական և բացասական կողմերը

Բանավեճի ընթացքում Փաշինյանը խոսեց նոր մոտեցումների անհրաժեշտության և արցախյան հակամարտության կարգավորման հարցում «միկրոհեղափոխությունների» մասին։

154
թեգերը:
բանակցային գործընթաց, Վիգեն Հակոբյան, Արցախ, Զոհրաբ Մնացականյան, Նիկոլ Փաշինյան, Հայաստան
Ըստ թեմայի
Հակոբյան. «Իշխանությունը փորձում է արցախյան հարցում չեզոքացնել բացասական գնահատականները»
Փաշինյանն ասել է` որ հարցերում են Հայաստանի ու Արցախի պատկերացումները նույնական
Ղարաբաղյան հարցի նոր բովանդակություն է ձևավորվում. Փաշինյանը բացատրեց՝ ինչի մասին է խոսքը
Դանիելյան. «Փաշինյանը պատասխանատվությունը գցում է Արցախի ղեկավարության վրա»
Նորածին

Հայտնի է Սիրուն Մինասի առաջնեկի սեռը․ նա լուսանկար է հրապարակել

253
(Թարմացված է 20:44 15.07.2020)
Սիրուն Մինասը փոքր-ինչ ուշացումով, բայց երկրպագուներին հայտնել է ոչ միայն իր փոքրիկի սեռը, այլև քաշն ու հասակը։

ԵՐԵՎԱՆ, 15 հուլիսի – Sputnik. Պլաստիկ վիրաբույժ, «Women’s Сlub»-ի մասնակից Սիրուն Մինասը, որը երեկ մայրիկ է դարձել, Instagram-ի իր էջում հրապարակում հայտնել է, որ որդի է ունեցել:

Փոքրիկը լույս աշխարհ է եկել 3.4 կգ քաշով և 52 սմ հասակով:

«Լրիվ ուրիշ պլաններ ունեի երեկվա հետ կապված, բայց եթե ՇԵՖն ասում ա՝ գնացինք ծննդատուն, ուրեմն գնացինք ԾԸ–ՆԸՆ–ԴԱ–ՏՈՒՆ»,- լուսանկարին կից գրել է Սիրունը:

Посмотреть эту публикацию в Instagram

Публикация от Siroon Minas, MD (@siroon.minas)

Հիշեցնենք` երեկ Sputnik Արմենիան իր ընթերցողին հայտնել էր, որ Սիրունը մայրիկ է դարձել։

Սիրուն Մինասը և Ռաֆայել Վարդանյանն ամուսնացել են 2018 թվականի հունիսին։ Ավելի վաղ Սիրունը նշել էր, որ չի ցանկանում վաղաժամ պարզել երեխայի սեռը, ուստի աղջիկ կծնվի, թե տղա, կիմանան երեխայի լույս աշխարհ գալու օրը։ Ամեն դեպքում զույգը երկու սեռի համար էլ անվան տարբերակներ էր առանձնացրել:

«Շքեղ զույգ»․ Սիրուն Մինասն ամուսնու հետ նոր լուսանկար է հրապարակել

253
թեգերը:
երեխա, Սիրուն Մինաս, Հայաստան
Ըստ թեմայի
Երեխայի ծնվելուց 9 օր անց Գոհար Ավետիսյանը նիհարել է 13 կգ-ով․ տեսանյութ
Հայաստանի կանանց հավաքականի ֆուտբոլիստ Նենսի Ավեսյանը երեխայի է սպասում. լուսանկար
Նատալի Փորտմանը երեխայի է սպասում. լուսանկար
Բողոքի ակցիա Եղեգնուտում

Գյուղացիները հողը, գործը թողած` բողոքի ակցիա են անում. ինչ լուծում է սպասվում Եղեգնուտում

141
(Թարմացված է 19:16 15.07.2020)
Եղեգնուտ համայնքի ղեկավարի պաշտոնը դարձել է կռվախնձոր։ 27 տարի ղեկավարած նախկին համայնքապետն ուզում է վերադառնալ, բայց գյուղացիները դեմ են։

ԵՐԵՎԱՆ, 15 հուլիսի — Sputnik. Արմավիրի Եղեգնուտ գյուղում այս պահին իրավիճակը խաղաղվել է` միայն թե գյուղապետարանի առջև շարունակում են հսկողություն իրականացնել ոստիկանության ծառայողները։ Տեղեկությունը Sputnik Արմենիայի հետ զրույցում հայտնեց համայնքի ղեկավարի ժամանակավոր պաշտոնակատար Ռազմիկ Մկրտչյանը։

«Այսօր լուսադեմին շուրջ 100 ոստիկաններ էին եկել ու գյուղապետարանի շենքը շուրջկալել, որպեսզի նախկին գյուղապետը երևի շենք գա։ Սակայն ամբողջ գյուղն իրար գլխի հավաքվեց, քանի որ ոչ ոք չի ուզում, որ Մարգարյանը վերադառնա։ Մարդիկ բողոքի ակցիա էին անում»,–ասաց համայնքի ղեկավարի ԺՊ–ն` Ռազմիկ Մկրտչյանը։

Խնդիրն այն է, որ գյուղացիները դեմ են դատարանի որոշմանը, ըստ որի` 27 տարի պաշտոնավարած նախկին ղեկավարը` Ռազմիկ Մարգարյանը, պետք է շարունակի ղեկավարել համայնքը։ Մարգարյանը համայնքապետի պաշտոնը զբաղեցնում էր 1991թ.-ից: 2018 թվականին, երկրում իշխանափոխությունից հետո, գյուղի բնակիչների ճնշման ազդեցության տակ, Ռազմիկ Մարգարյանը լիազորությունները վաղաժամկետ դադարեցնելու դիմում էր ներկայացրել Եղեգնուտի ավագանուն: Այն չէր ընդունվել համայնքի ավագանու կողմից, և Արմավիրի նախկին մարզպետ Գագիկ Միրիջանյանը, նշելով, որ ավագանին համայնքապետի լիազորությունները դադարեցնելու կամ չդադարեցնելու լիազորություն չունի, Եղեգնուտում նշանակել էր համայնքապետի ԺՊ:

Նախկին համայնքապետը դիմել էր դատարան։ Վարչական դատարանը մերժել էր հայցը, իսկ Վերաքննիչ վարչական դատարանը՝ բավարարել այն:

Ռազմիկ Մկրտչյանը պատմեց, որ իրենք դատարան են դիմել` բողոքարկելով Արմավիրի մարզպետի որոշումը, ըստ որի համայնքի նախկին ղեկավարը պետք է շարունակի պաշտոնավարել։ Այսօր իմացել են, որ դատարանն այն վարույթ է ընդունել ու օգոստոսի 31-ին էլ դատական նիստ նշանակել։ Այդ լուրն իմանալուց հետո են, ըստ Մկրտչյանի, այսօր կրքերը հանդարտվել ու ոստիկաններն էլ տեղի են տվել։

Այս պահին համայնքում իրավիճակը խաղաղ է` բնակիչները ցրվել են, չնայած գյուղապետարանի տարածքում  ոստիկանական ծառայողներ կան` իրավիճակը վերահսկելու համար։

Մկրտչյանն ասում է, որ բացառված է` գյուղացիները թողնեն նախկին գյուղապետն անցնի աշխատանքի, քանի որ նրա պաշտոնավարման 27 տարիների ընթացքում վախի մթնոլորտում է գյուղն ապրել։

Եղեգնուտի համայնքապետին կասկածում են գերեզմանների վերանորոգման գումարները յուրացնելու մեջ

«Ես նրան չեմ հասկանում` ինչպես է նման իրավիճակում ուզում պաշտոնին վերադառնալ։ Գյուղում գրեթե աջակիցներ չունի` իր բարեկամներն են։ Իսկ մյուսները հողն ու հողամասը թողած` ընկել են բողոքի ակցիաների հետևից։ Ես` ինքս, պաշտոնի խնդիր չունեմ»,–ասաց Մկրտչյանը։

Նրա խոսքով` իրենք ուզում են համայնքի ղեկավարի ընտրություն նշանակվի, և անգամ համաձայն են, որ բոլորովին անծանոթ մեկը գյուղապետ նշանակվի, սակայն նախկինի վերադարձը բացառում են։

Акция протеста жителей села Ехегнут (15 июля 2020). Армавир
© Sputnik / Stringer
Բողոքի ակցիա Եղեգնուտում
Ի դեպ, համայնքի նախկին ղեկավարի` Ռազմիկ Մարգարյանի հետ մեզ կապ հաստատել չհաջողվեց` երկու անգամ նա խնդրեց զանգել ավելի ուշ, իսկ ավելի ուշ ուղղակի չպատասխանեց մեր զանգերին։

 

Հիշեցնենք, որ Արմավիրի նախկին մարզպետ Գագիկ Միրիջանյանը լրատվամիջոցներին հայտնել էր, որ Եղեգնուտ համայնքում մարզպետարանն իրավական հսկողություն է իրականացրել՝ ուսումնասիրելով համայնքապետարանի 2015-2018թթ. իրավական ակտերը: Բացահայտվել են օրենքի խախտումներ, որոնք ուղարկվել են գլխավոր դատախազություն: Մարզպետի խոսքով՝ դա է եղել Ռ. Մարգարյանի հրաժարականի դիմում ներկայացնելու պատճառը:

141
թեգերը:
Արմավիր, Մարզպետ, Մարզ, Գյուղապետ, գյուղացի, Գյուղ, Բողոքի ակցիա, Եղեգնուտ համայնք
Ըստ թեմայի
Տավուշի 3 գյուղում վնասվել են վերգետնյա գազատար ցանցերը․ գազամատակարարումը դադարեցված է
Ինչպես է Ադրբեջանը հարվածներ հասցրել հայկական գյուղերին. տեսանյութեր
«Նարեկը պատճառ չուներ սահմանն անցնելու». ինչպես է 30-ամյա տղամարդը հայտնվել Ադրբեջանում
Արծրուն Հովհաննիսյանի և Արման Թաթոյանի ճեպազրույցը

Ադրբեջանի ՄԻՊ գրասենյակի հայտարարություններում կա ակնհայտ կեղծիք. հայկական կողմի արձագանքը

0
(Թարմացված է 23:14 15.07.2020)
Հայկական կողմից խոշոր տրամաչափի հրետանային միջոց չի կիրառվել: Ադրբեջանի որևէ խաղաղ բնակչի տուն չի թիրախավորվել:

ԵՐԵՎԱՆ, 15 հուլիսի – Sputnik. Ադրբեջանի Մարդու իրավունքների պաշտպան Սաբինա Ալիևան, ապավինելով վառ երևակայությանը, հայտարարում է, թե իբր Թովուզի ուղղությամբ իր այցի ընթացքում հայկական կողմը կրակել է խոշոր տրամաչափի հրետանային միջոցներից: Այսօր Տավուշում ընթացող ճեպազրույցի ժամանակ արձագանքելով Ալիևայի հայտարարություններին` ասաց ՀՀ պաշտպանության նախարարության ներկայացուցիչ Արծրուն Հովհաննիսյանը:

«Խոշոր տրամաչափի հրետանային միջոց չի կիրառվել: Ես ասացի, որ որևէ խաղաղ բնակչի տուն չի թիրախավորվել: Ադրբեջանի ՄԻՊ գրասենյակի կողմից այս մասով կա ակնհայտ կեղծիք»,- ասաց Հովհաննիսյանը:

ՀՀ ՄԻՊ Արման Թաթոյանը ևս, անդրադառնալով իր ադրբեջանցի գործընկերոջ հայտարարություններին, հակադարձեց, որ այսօր ամբողջ օրն անցկացրել է Տավուշի մարզի հրետակոծված բնակավայրերում ու կարող է վստահաբար ասել, որ նման դեպք տեղի չի ունեցել:

«Ես կարծում եմ, որ դա որևէ կերպ չի համապատասխանում իրականությանը, ու այդ մասին նաև ՊՆ-ն է հայտարարել, որ երկկողմանի հրադադարն այսօր պահպանվել է»,- ասաց նա:

Թաթոյանն իր խոսքում անդրադարձավ նաև այս օրերին ադրբեջանական կողմից հնչող հայատյաց հայտարարություններին:

«Այն, որ Ադրբեջանում առկա է պետական աջակցություն վայելող հայատյաց քաղաքականություն, կարծում եմ` ակնհայտ է, և դա հաստատել է նաև ՄԻԵԴ-ը առանձին շեշտադրումներով՝ հաշվի առնելով հայ սպա Գուրգեն Մարգարյանի սպանությունը»,- ասաց Թաթոյանը:

ՀՀ ՄԻՊ-ը հայտարարեց, որ Ադրբեջանի բողոքի ակցիաներում հնչող հայատյաց զեկույցները նույնպես արտացոլվելու են միջազգային կառույցներին ուղղված ՄԻՊ զեկույցներում՝ որպես ազգային ատելության հիմքով իրականացվող գործողություների մասին վկայություններ:

Ադրբեջանական կրակոցների հետքերը Այգեպարում. տեսանյութ

Հիշեցնենք` հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Ադրբեջանը Տավուշի ուղղությամբ «Գրադ» համազարկային կրակի ռեակտիվ համակարգեր է կիրառել

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ, 10 վիրավոր։

Ի՞նչ է ակնկալում Հայաստանը Ադրբեջանի ղեկավարությունից. Զոհրաբ Մնացականյանի հարցազրույցը

 

0
թեգերը:
Արման Թաթոյան, Արծրուն Հովհաննիսյան, Ադրբեջան, Հայաստան
թեմա:
Հայ–ադրբեջանական սահմանին տիրող իրավիճակը
Ըստ թեմայի
ԱԱԾ-ն կոչ է անում չօգտվել ադրբեջանական տեղեկատվական ռեսուրսներից և չճշտված լուրեր չտարածել
Հայկական զինուժը ադրբեջանցիների 10 անօդաչու թռչող սարք է խոցել. Հովհաննիսյան
«Նարեկը պատճառ չուներ սահմանն անցնելու». ինչպես է 30-ամյա տղամարդը հայտնվել Ադրբեջանում