Հայաստանի և Վրաստանի պաշտպանության նախարարները

Հայաստանն ու Վրաստանը ստորագրեցին 2020 թվականի ռազմական համագործակցության ծրագիրը

52
(Թարմացված է 18:05 27.02.2020)
Ծրագիրը ներառում է զինվորական կրթության, խաղաղապահության և լեռնային պայմաններում զինվորականների պատրաստության ոլորտներում համագործակցություն։

ԵՐԵՎԱՆ, 27 Փետրվար — Sputnik. ՀՀ պաշտպանության նախարար Դավիթ Տոնոյանը Վրաստանի իր գործընկերոջ` Իրակլի Ղարիբաշվիլիի հետ ասուլիսի ժամանակ նշեց, որ Երևանն ու Թբիլիսին հաստատել են պաշտպանության ոլորտում 2020 թվականի համագործակցության ծրագիրը։

Տոնոյանը հայտնեց, որ Ղարիբաշվիլիի հետ քննարկել է երկկողմ հարաբերությունների վերաբերյալ, ինչպես նաև տարածաշրջանային և միջազգային հարցեր։

«Հայաստանն ու Վրաստանը քաղաքական, մշակութային, տնտեսական և անվտանգության ոլորտներում կարևորագույն նշանակություն ունեն միմյանց համար»,– ասաց Տոնոյանը։

ՀՀ պաշտպանության նախարարը շնորհակալություն հայտնեց Ղարիբաշվիլիին` իր պաշտոնավարման առաջին տարածաշրջանային այցը Հայաստան կատարելու համար։

Հանդիպման ընթացքում Հայաստանի և Վրաստանի պաշտպանության նախարարները ստորագրեցին պաշտպանության ոլորտում 2020 թվականի համագործակցության ծրագիրը։

«Ողջույն ձեզ». վրացի նախարար Իզորիան խոսել է հայերեն. տեսանյութ

«Այն ներառում է միջոցառումներ ռազմական կրթության, զինծառայողների սոցիալական պաշտպանության. խաղաղապահության և լեռնային պատրաստության ոլորտներում։ Բացի այդ, համաձայնության ենք եկել մի շարք այլ ոլորտներում համագործակցության ընդլայնման շուրջ, որոնք դեռ ներառված չեն երկկողմ ծրագրում»,–ասաց Տոնոյանը։

Նշենք, որ Ղարիբաշվիլին Հայաստան այցելել է նաև 2014 թ–ին, երբ դեռ Վրաստանի վարչապետն էր ( նա պաշտոնավարել է 2013-2015 թվականներին)։ Ինչ վերաբերում է Վրաստանի պաշտպանության նախարարի մակարդակով այցերին` այդպիսին տեղի է ունեցել 2019թ–ի փետրվարին. Երևան է այցելել Վրաստանի պաշտպանության նախկին նախարար Լևան Իզորիան։

52
թեգերը:
համագործակցություն, Վրաստանի Հանրապետություն, Հայաստան
Ըստ թեմայի
Զավեշտալի դեպք Վրաստանի խորհրդարանում. խոսնակի ելույթի ժամանակ ԽՍՀՄ օրհներգն է հնչել
Հայկական բեռնատարներն այլևս Վերին Լարսում չե՞ն մնա. Վրաստանը լուծում է առաջարկում
Հայաստանը Ռուսաստանի հետ լաստանավային անցում կունենա՞. Տողանյանը`բանակցությունների մասին
Գյումրին անձրևից ու կարկուտից հետո

Տներն ու նկուղները ջուր է լցվել․ 125 կանչ Գյումրիում՝ անձրևից ու կարկուտից հետո

137
(Թարմացված է 20:00 13.07.2020)
Գյումրիում ավելի քան 1 ժամ տևած հորդառատ անձրևի պատճառով շարունակում է կաթվածահար մնալ երթևեկությունը:

ԵՐԵՎԱՆ, 13 հուլիսի – Sputnik, Արմենուհի Մխոյան. ՀՀ ԱԻՆ Շիրակի մարզային փրկարարական վարչության բրիգադները չեն հասցնում արձագանքել հորդառատ անձրևից հետո արվող կանչերին: Տեղեկությունը Sputnik Արմենիային տրամադրել են մարզային վարչությունից։

Наводнение в Гюмри
© Sputnik / Armenuhi Mkhoyan
Գյումրին անձրևից ու կարկուտից հետո

«Կանչերը շատ-շատ են ու դեռ զանգերը չեն դադարում, արդեն տարաբնույթ 125 կանչ ենք ունեցել՝ տների նկուղների, տնակների ջրով ծածկվելուց մինչև մեքենաների ջրում հայտնվելը»,-մեզ հետ զրույցում ասաց ՀՀ ԱԻՆ Շիրակի մարզային փրկարարական վարչության պետ, փրկարարական ծառայության գնդապետ Ալեքսան Գյոզալյանը: Հարյուրից ավելի կանչ գրանցվել է նաև Գյումրու համայնքապետարանում:

Наводнение в Гюмри
© Sputnik / Armenuhi Mkhoyan
Գյումրին անձրևից ու կարկուտից հետո

Գյումրու քաղաքապետարանի Կոմունալ ծառայություն բյուջետային հիմնարկից տեղեկացնում են, որ ահազանգերը հիմնականում շենքերի նկուղներում ու տներում լցված ջրին է վերաբերում: Բացի Գյումրիից հորդառատ անձրևից ու կարկուտից տուժել են նաև մարզի այլ համայնքներ:

Գյումրու քաղաքապետարանի մամուլի պատասխանատու Սոնա Առաքելյանը Sputnik Արմենիայի հետ զրույցում ասաց, որ տեղումների քանակն անհամատեղելի է եղել ջրահեռացման համակարգերի տարողունակության հետ, ինչն էլ նման խնդիրներ է առաջացրել: Նրա խոսքով՝ առկա խնդիրների վերացման համար կոմունալ ծառայությունն այս պահին ամբողջ կազմով և ունեցած տեխնիկայով աշխատում է քաղաքի տարբեր հատվածներում՝ Երևանյան խճուղի, Մայր Հայաստան, Կայարանամեձ հրապարակ, Տրդատ Ճարտարապետ փողոց և այլն:

Ինչպես արդեն տեղեկացրել ենք, Շիրակի մի շարք համայքներում այսօր հորդառատ անձրև ու կարկուտ է տեղացել։ Այն կաթվածահար է արել Գյումրու երթևեկությունը: 16:00-ի սահմաններում քաղաքում սկսված հորդառատ անձրևն ուղեկցվել է կարկուտով:

Անձրևի պատճառով հատկապես դժվարանցանելի են դարձել քաղաք մտնող ճանապարհներն ու կենտրոնական փողոցները։

137
թեգերը:
Կարկուտ, Անձրև, Գյումրի
Չինարի

ՄԻՊ-ը նոր զեկույց կուղարկի միջազգային կառույցներին՝ Չինարիից ստացած նոր փաստերով

37
Տավուշի մարզի սահմանամերձ Չինարի գյուղի հրետանակոծության պահին վնասված տներից մեկում եղել են երեխաներ:

ԵՐԵՎԱՆ, 13 հուլիսի - Sputnik. Մարդու իրավունքների պաշտպանի աշխատակազմը 2020 թվականի հուլիսի 13-ին Չինարի գյուղի թիրախային հրետանակոծությունն ապացուցող նոր փաստեր է ստացել: Դրանց հիման վրա պաշտպանը տեղեկացնում է, որ նոր զեկույց է ուղարկելու միջազգային կառույցներին:

Ադրբեջանական կողմի հրետանակոծմանը ենթարկված հայկական գյուղի բնակիչներից ու գյուղապետից ՄԻՊ աշխատակազմ ստացված ահազանգերի համաձայն՝ ադրբեջանական կողմից արձակվել է շուրջ մեկ 10-յակ արկ, վնասվել են գյուղի բնակելի շինություններ:

Չինարի գյուղից Մարդու իրավունքների պաշտպանի աշխատակազմ են փոխանցել հրետանակոծությունից հետո արված լուսանկարներ, որոնք վկայում են գյուղի տներից մեկին պատճառված վնասի մասին: Մեկ այլ դեպքում՝ վնասվել է բնակելի տան տանիքը, իսկ հրետանակոծության պահին տանը եղել են երեխաներ։

Մարդու իրավունքների պաշտպանին ուղղված ահազանգերից անմիջապես հետո արձանագրվել է ՀՀ պաշտպանության նախարարության պաշտոնական հայտարարությունն այն մասին, որ Չինարի բնակավայրի ուղղությամբ ադրբեջանական զինված ուժերն արձակել են 82 մմ տրամաչափի ականանետից 7, իսկ 120 մմ տրամաչափի ականանետից՝ 3 արկ։

ՀԱՊԿ-ը պետք է արձագանքի ՀՀ և Ադրբեջանի սահմանին տեղի ունեցած միջադեպին․ դեսպան Տողանյան

«Մարդու իրավունքների պաշտպանին ուղղված ահազանգերը, Հայաստանի պետական մարմինների պաշտոնական հայտարարությունները և սոցիալական մեդիայի հրապարակումները վկայում են, որ թիրախավորվել է Հայաստանի քաղաքացիական խաղաղ բնակավայրը, առկա է խաղաղ բնակիչներին, նրանց կյանքին ու առողջությանը իրական վտանգ, ինչպես նաև գույքին պատճառված վնաս»,- նշված է ՄԻՊ գրասենյակի տարածած հաղորդագրության մեջ։

Մարդու իրավունքների պաշտպանը շարունակում է անմիջական կապ պահպանել Հայաստանի Տավուշի մարզի գյուղերի բնակիչների և համայնքների վարչական մարմինների հետ։ Իրականացվում է ամբողջական դիտարկում, տեղեկությունների և փաստերի անկախ հավաքագրում։

Մարդու իրավունքների պաշտպանը խստորեն դատապարտում է Հայաստանի քաղաքացիական բնակավայրի հրետանակոծումը՝ խաղաղ բնակչության, նրանց առողջության ու կյանքի, սեփականության թիրախավորմամբ:

Նրա խոսքով՝ դա հատկապես դատապարտելի է կորոնավիրուսի (COVID-19) գլոբալ համաճարակի պայմաններում։

ՄԱԿ-ի գլխավոր քարտուղարը, կորոնավիրուսի վտանգով պայմանավորված, դեռևս մարտի 23-ին կոչ էր արել անհապաղ ամբողջությամբ դադարեցնել զինված հակամարտությունները երկրագնդի բոլոր անկյուններում։

Այս արձանագրումները ևս սահմանված կարգով կամփոփվեն ու և նոր զեկույցով կուղարկվեն միջազգային կառույցներին:

Հիշեցնենք՝ պաշտոնական հաղորդագրության համաձայն՝ Չինարիի խաղաղ բնակիչները հրետակոծության հետևանքով կրել են բացառապես գույքային կորուստներ:

37
թեգերը:
հրետակոծություն, Տավուշ, երեխա, Արման Թաթոյան, ՀՀ ՄԻՊ, Սահման, հայ-ադրբեջանական, Չինարի, Հայաստան
Ըստ թեմայի
Փափուկ ուժի, զսպվածության գործոնն Ադրբեջանի դեպքում չի աշխատում. Աբրահամյան
Ադրբեջանական հրետակոծությունների պարբերականությունը նվազել է. ՊՆ
Ձերբակալվել է Ադրբեջանի ՊՆ նախկին ղեկավարը
Հայ-ադրբեջանական լարվածություն. Լավրովը Թուրքիայի՞ն է սաստել

Տավուշ, դիրքեր․ ինչ էր կատարվում սահմանին

0
(Թարմացված է 21:20 13.07.2020)
Հուլիսի 12-ից անհանգիստ է հայ-ադրբեջանական սահմանի Տավուշի հատվածը։ Հակառակորդը սկսել է հրետակոծել հայկական դիրքերը։ Նրանց կրակոցներն անպատասխան չեն մնացել։ Թե ինչպես է այդ ամենը տեղի ունեցել ներկայացնում է Sputnik Արմենիայի ինֆոգրաֆիկան։
Ինչպես է տեղի ունեցել Տավուշի դիրքերի հրետակոծությունը
© Sputnik / Shushanik Sargsyan

Հայ-ադրբեջանական սահմանի լարվածությանն այսօր անդրադարձել են խնդրով զբաղվող միջազգային կառույցները և ոչ միայն։ ԵԱՀԿ ՄԽ համանախագահները, ՀԱՊԿ-ը, առանձին պետություններին արտաքին գերատեսչությունների ղեկավարներ կոչեր են հղել կամ հեռախոսազրույց ունեցել 2 երկրների իրենց պաշտոնակիցների հետ։

Նշենք, որ հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով ՀՀ պետական սահմանը խախտելու փորձեր են արել Տավուշի ուղղությամբ: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրք:

Ժամը 13:45-ին Ադրբեջանի զինված ուժերի զինծառայողները կրկնել են սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել: Ադրբեջանական զինծառայողներից չորսը մահացել են։ Երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։ Հայկական կողմը հինգ վիրավոր ունի, երեքը զինծառայողներ են, երկուսը` ոստիկան։

ՄԻՊ-ը նոր զեկույց կուղարկի միջազգային կառույցներին՝ Չինարիից ստացած նոր փաստերով

0
թեգերը:
հրետակոծություն, հայ-ադրբեջանական, Ադրբեջան, դիրքեր, Սահման, Տավուշ
թեմա:
Հայ–ադրբեջանական սահմանին տիրող իրավիճակը
Ըստ թեմայի
Փափուկ ուժի, զսպվածության գործոնն Ադրբեջանի դեպքում չի աշխատում. Աբրահամյան
Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից
Սալոմե Զուրաբիշվիլին խաղաղության կոչ է արել հարևաններին՝ Հայաստանին և Ադրբեջանին