ԵՐԵՎԱՆ, 26 փետրվարի – Sputnik. ՀՀ ոստիկանության մամուլի ծառայությունը հայտնում է, որ փետրվարի 24-ին, ժամը 21-ի սահմաններում, Մարաշի բաժանմունքի քրեական հետախույզները Ալեք Մանուկյան փողոցից, թմրանյութ ձեռք բերելու, պահելու և իրացնելու կասկածանքով, բերման են ենթարկել 64 և 40 տարեկան երկու տղամարդու։ Նրանցից մեկը բնակվում է Արարատի մարզի Նորաբաց գյուղում, մյուսը Երևանի բնակիչ է:
Կես կիլոգրամ թմրանյութ գուլպաների մեջ. Մեղրիի անցակետում իրանցին ստիպված հանել է շորերը
64-ամյա տղամարդու անձնական խուզարկությամբ հայտնաբերվել է օգտագործած կաթուցիչ և կանաչ, յուրահատուկ հոտով, չորացրած, մանրացված բուսական զանգված: Ըստ նրա` հայտնաբերվածը կանեփ է, որը ինքը բերել է Վրաստանից 2019 թ. նոյեմբերին:
Նմանատիպ զանգված է հայտնաբերվել նաև 40-ամյա տղամարդու անձնական խուզարկությամբ: Իրավապահները նաև պարզել են, որ փետրվարի 14-ին Արամի փողոցի հարակից այգում 64-ամյա տղամարդն այդ զանգվածը 20.000 դրամով վաճառել է 40-ամյա տղամարդուն, և դա առաջին դեպքը չէ: Նախորդ տարվա հոկտեմբերից մինչև փետրվարի 14-ը նա պարբերաբար 20- հազարական դրամով Նորաբաց գյուղի բնակչից թմրամիջոց է գնել և օգտագործել:
Թմրանյութ սուրճի փոխարեն. ինչպես է Իրանից Հայաստան թմրանյութ ներկրվում ու արտահանվում
Նշանակվել է փորձաքննություն: 64-ամյա տղամարդը ձերբակալվել է:Փաստի առթիվ հարուցվել է քրեական գործ: Նախաքննությունը շարունակվում է:
