Գարիկ Սարգսյան

Արարատում խանութ, լավ տուն, մեքենա ունեցող ավելի քան 1000 շահառու այլևս նպաստ չի ստանա

101
(Թարմացված է 12:02 26.02.2020)
Արարատի մարզում տարիներ շարունակ հարյուրավոր մարդիկ սոցիալական նպաստ են ստացել՝ դրա կարիքը չունենալով, սակայն հակառակ կարգավիճակում գտնվող մի շարք ընտանիքներ ցուցակներից դուրս են մնացել:

ԵՐԵՎԱՆ, 26 փետրվարի – Sputnik. Արարատի մարզպետ Գարիկ Սարգսյանը լրագրողների հետ հանդիպման ժամանակ խոսելով նախորդ տարի կատարված աշխատանքներից ասաց, որ մարզում 2017-ից հետո սոցիալական նպաստ ստացող 1027 շահառուներ դուրս են մնացել ցուցակներից:

«Փարոսակիրների ցուցակներն ենք մաքրել: Դրանցից հանվել են այն մարդիկ, որոնց մոտ փաստաթղթով ամեն ինչ կարգին է, սակայն ունեն խանութ, լավ տուն, մեքենա, բայց բոլորն իրենց անունով չեն»,- ասաց Սարգսյանը:

Նա ևս մեկ անգամ շեշտեց, որ տարիներ շարունակ հարյուրավոր մարդիկ ստացել են սոցիալական նպաստ՝ դրա կարիքը չունենալով, մինչդեռ մի շարք կարիքավոր ընտանիքներ դուրս են մնացել ցուցակներից:

12 երեխա ունեցող Բեժանյանները միայն մեկ երազանք ունեն. տեսանյութ

Մարզպետը հայտնեց, որ ցուցակները մաքրելուց հետո 60 անապահով ընտանիքների խոշոր եղջերավոր կենդանիներ են տրամադրել:

Սարգսյանը նաև նշեց, որ երկու սոցաշխատակցի զգուշացում է տրվել, քանի որ նրանք օբյեկտիվ չեն եղել ընտանիքների կարիքավորության աստիճանը գնահատելիս:

Թաթոյանը միջնորդել է, որ ՀՀ քաղաքացին 1 մլն դրամ նպաստ ստանա ՌԴ–ում ծնված երեխայի համար

101
թեգերը:
Նպաստ, ավտոմեքենա, Արարատի մարզ, Գարիկ Սարգսյան, Հայաստան
Ըստ թեմայի
Աղքատության նպաստ ստացող ընտանիքների թիվը կավելանա
Պատգամավորներն առաջարկում են երկարացնել կերակրողին կորցրած ուսանողների նպաստի ժամկետը
Ի՞նչ կարելի էր անել հանրաքվեին հատկացված 7 մլն դոլարով
Ինչ է պետք անել, եթե ձեզ ասել են «չի հասնում». նախարար Բաթոյանի գրառումը