Գեղարոտ գետի ջրի որակն ուսումնասիրվել է. ՀԷԿ–երի աշխատանքը չի՞ ազդում դրա վրա
(Թարմացված է 14:36 25.02.2020)
Արագածոտնի մարզպետը լրագրողների հետ հանդիպման ժամանակ անդրադարձել է Գեղարոտ գետի վրա կառուցված ՀԷԿ–երի խնդրին։ԵՐԵՎԱՆ, 25 փետրվարի — Sputnik. Արագածոտնի մարզպետ Դավիթ Գևորգյանը լրագրողների հետ հանդիպման ժամանակ ասաց, որ Գեղարոտ գետի վրա կառուցված ՀԷԿ–երի շահագործման փորձագիտական եզրակացության արդյունքները հայտնի են։
Նախորդ տարի Արագած համայնքի բնակիչները պարբերաբար ցույցեր էին անում` պնդելով, որ ՀԷԿ-երի շահագործման հետևանքով Գեղարոտ գետը, որտեղ ծանր մետաղներ կան, չի ինքնամաքրվում։
«Բողոքի ակցիաներից հետո իմ գրավոր խնդրանքի հիման վրա վարչապետի հանձնարարությամբ միջգերատեսչական հանձնաժողով էր ստեղծվել։ Շրջակա միջավայրի նախարարությունը հայտնել է եզրակացությունը, ըստ որի` ՀԷԿ–երի շահագործումը գետի ջրի որակի վրա վատ ազդեցություն չի ունենում»,–ասաց մարզպետը։
Գևորգյանը նշեց, որ տեղյակ չէ` ՀԷԿ–երն աշխատո՞ւմ են, թե՞ ոչ, սակայն բնակիչների կողմից որևէ խոչընդոտ չկա նրանց աշխատանքների հետ կապված։
Իրանը 10-15 տարվա ընթացքում կգնի Մեղրի ՀԷԿ–ի արտադրած էլեկտրաէներգիայի ամբողջ ծավալը
Հիշեցնենք, որ նախորդ տարի Գեղարոտ գետի հետ կապված բողոքի ակցիաների արդյունքում ՀԷԿ–երի աշխատանքը կանգնեցվել էր։ Բողոքի ակցիա անողները պնդում էին, որ եթե ՀԷԿ–երը շարունակեն աշխատել, ապա գետի հունը կփոխեն` թույլ չտալով ՀԷԿ–երին աշխատել։ Դրանից հետո որոշվեց փորձաքննություն իրականացնել։
Գեղարոտ գետի վրա կառուցված են «Գեղարոտ» և «Արագած-1» ՀԷԿ-երը:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։