Կորոնավիրուսի բռնկում. ինչ վիճակ է Հայաստանում և ինչ է արվում դրա դեմ պայքարի ուղղությամբ
(Թարմացված է 15:31 25.02.2020)
Իրանից Հայաստան եկող քաղաքացիները անցնում են մանրակրկիտ բուժզննում: Եթե վիրուսի որևէ ախտանիշ է հայտնաբերվում, նրանց անմիջապես հոսպիտալացնում են:ԵՐԵՎԱՆ, 25 փետրվարի - Sputnik. Անհրաժեշտության դեպքում, Հայաստանը կերկարաձգի կորոնավիրուսի պատճառով Իրանի հետ սահմանի փակումը: Այս մասին այսօր լրագրողների հետ զրույցում ասաց առողջապահության հարցերով խորհրդարանական հանձնաժողովի ղեկավար Նարեկ Զեյնալյանը: Նրա խոսքով՝ սահմանը ժամանակավորապես փակվել է, քանի որ ամենօրյա վերլուծություն է կատարվում:
Նշենք, որ COVID-2019 վիրուսը շարունակում է տարածվել ոչ միայն Չինաստանում, որտեղ գրանցվեց առաջին բռնկումը, այլև երկրի սահմաններից դուրս: Մասնավորապես, հարևան Իրանում արդեն գրանցվել են վարակի դեպքեր: Իրանի առողջապահության նախարարության խոսնակն ավելի վաղ հայտնել է, որ փետրվարի 25-ի դրությամբ, Իրանում վիրուսից մահացել է 12 մարդ: Նա նաև նշել է, որ երկրում հայտնաբերվել է 61 վարակակիր, հետազոտվում է ևս 900 մարդ, որոնք կասկածվում են կորոնավիրուսով վարակվելու մեջ: Փետրվարի 24-ին Հայաստանի կառավարությունը երկու շաբաթով փակեց Իրանի հետ ցամաքային սահմանը: Օդային երթևեկությունը նույնպես ենթակա է որոշակի սահմանափակումների: Այնուամենայնիվ, Իրանից Հայաստան ժամանած բոլոր քաղաքացիները կկարողանան տուն վերադառնալ, և Իրանում ՀՀ քաղաքացիները հնարավորություն կունենան Հայաստան գալ` առանց սահմանափակումների:
Ինչպես նշեց Զեյնալյանը, մի բան է վերահսկել բեռնափոխադրմամբ զբաղվող մի քանի վարորդների, այլ բան է՝ հարյուրավոր և հազարավոր մարդկանց զննությունը: Այդ իսկ պատճառով որոշվեց փակել սահմանը: Այժմ Իրանից Հայաստան մուտք գործող յուրաքանչյուր անձ մանրակրկիտ բուժզննում է անցնում, ջերմաստիճանը չափվում է, եթե ախտանշաններ են հայտնաբերվում, անմիջապես հոսպիտալացվում են:
Իտալիայում ՀՀ դեսպանությունն այնտեղի հայաստանցիներին հորդորում է կապ հաստատել իրենց հետ
Մեկնաբանելով Հայաստանի դեղատներում բժշկական դիմակների բացակայությունը ՝ Զեյնալյանը նշեց, որ դա չարդարացված խուճապի հետևանք է:
Ըստ նրա` իմաստ չունի միանգամից տասնյակ դիմակներ գնել, մանավանդ որ դրանք վարակի դեմ 100%-անոց երաշխիք չեն ապահովում: Նա խոստացավ, որ իրավասու մարմինները կվերահսկեն իրավիճակը և կկանխեն դիմակների արհեստական սակավությունն ու թանկացումը:
©
Sputnik / Asatur Yesayants
Փետրվարի 25-ի տվյալներով` Չինաստանում կորոնավիրուսով զոհերի թիվը հասել է 2663-ի, նրանցից 2043-ը մահացել է Ուհանում (Հուբեյ նահանգ), որտեղ առաջին անգամ գրանցվել է վտանգավոր վարակի բռնկումը: Երկրում կորոնավիրուսային վարակի հաստատված դեպքերի թիվը հասել է 77.658 մարդու, 9.126 հիվանդ գտնվում է ծանր վիճակում, իսկ ավելի քան 27.000-ը վերականգնվել են:
Կորոնավիրուսի դեմ պատվաստանյութ է հայտնաբերվել. ՌԴ-ում Չինաստանի դեսպան
2019 թվականի դեկտեմբերի 31-ին, Չինաստանի իշխանությունները տեղեկացրին Ուհանում անհայտ թոքաբորբի բռնկման մասին: Ըստ բժիշկների` կորոնավիրուսը բնութագրվում է այնպիսի ախտանիշներով, ինչպիսիք են մրսածությունը, հազը, կոկորդի և կրծքավանդակի շրջանում ծակոցները, նկատվում են նաև թոքաբորբի և բրոնխիտի նման ախտանշաններ: Ռիսկի խմբում են թույլ իմունային համակարգ ունեցող մարդիկ, երեխաները և տարեցները:
թեգերը:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։