Հայ–իրանական սահման

Առողջություն, թե փող. Իրանի հետ փակ սահմանը ինչպե՞ս կանդրադառնա Հայաստանի տնտեսության վրա

402
(Թարմացված է 22:10 24.02.2020)
Փորձագետները պարզաբանել են, թե ինչու է Հայաստանի կողմից Իրանի հետ սահմանի փակումը չարյաց փոքրագույնը։

ԵՐԵՎԱՆ, 24 փետրվարի — Sputnik, Աշոտ Սաֆարյան. Կորոնավիրուսի պատճառով Իրանի սահմանի ժամանակավոր փակումը և օդային փոխադրումների սահմանափակումը Հայաստանի համար նոր տնտեսական խնդիրների կծնի, սակայն սա այն դեպքն է, որ տնտեսական որևէ վնաս չի կարող համաճարակային անվտանգությունից կարևոր լինել։

Sputnik Արմենիայի հետ զրույցում նման կարծիք հայտնեց տնտեսագետ Վահագն Խաչատրյանը։ Նրա խոսքով` անկախ ակնհայտ տնտեսական վնասներից, սահմանը չփակելը Հայաստանի համար ավելի լուրջ հետևանքներ կունենար, մանավանդ անխուսափելի խուճապային տրամադրությունների և տարատեսակ ասեկոսեների ֆոնին։

Այսօր ՀՀ կառավարությունը որոշեց երկու շաբաթով փակել Իրանի հետ ցամաքային սահմանը։ Օդային հաղորդակցության հետ կապված ևս որոշակի սահմանափակումներ կմտցվեն։ Մինչև սահմանի փակումը Հայաստան եկած Իրանի բոլոր քաղաքացիները կկարողանան վերադառնալ, ինչպես նաև Իրանում գտնվող ՀՀ քաղաքացիները տուն կգան առանց որևէ սահմանափակման։ Բեռնափոխադրումները չեն դադարեցվի։ Բայց բեռնատարների վարորդների նկատմամբ խիստ վերահսկողություն կսահմանվի։

Տնտեսագետը նշեց, որ կորոնավիրուսի բռնկման հետ կապված իրավիճակը բացասաբար է անդրադարձել նույնիսկ հայ–չինական առևտրային և տնտեսական հարաբերությունների վրա։ Բնականաբար, Հայաստանի հարևան և կարևոր գործընկեր Իրանի հետ հաղորդակցության սահմանափակումը առավել ևս բացասական հետևանքներ կունենա։

«Բավական է միայն ասել, որ առաջիկայում Նովրուզի հետ կապված դեպի Հայաստան իրանցի զբոսաշրջիկների մեծ հոսք է սպասվում։ Հույս ունենք, որ մինչև մարտի 20-ը, երբ տոնը կմեկնարկի, արգելքը կհանվի», – Sputnik Արմենիայի հետ զրույցում ասաց Խաչատրյանը։

Միևնույն ժամանակ նա դժվարացավ ասել, թե արդյոք կառավարությունը միջոցներ ձեռնարկել է Իրանի հետ սահմանը փակելուց առաջացող բացասական հետևանքները մեղմացնելու համար։

Հայաստանյան ԲԿ–ները պատրա՞ստ են կորոնավիրուսի բռնկմանը. ԱՀԿ փորձագետը ՀՀ–ում էր

«Նախադեպ նախկինում չի եղել, և այժմ շատ դժվար է գնահատել պոտենցիալ վնասը` հետագայում փոխհատուցման մեխանիզմներ մշակելու համար», – ասում է Խաչատրյանը։

Իրանը Հայաստանի համար ոչ միայն կարևոր տնտեսական գործընկեր է, այլև արտաքին աշխարհ դուրս գալու հնարավորություններից մեկը։ Իսլամական հանրապետության տարածքով է իրականացվում Հայաստանի առևտրի առյուծի բաժինը Պարսից ծոցի որոշ երկրների, մասնավորապես` Արաբական Միացյալ Էմիրությունների։

Ինչպես Sputnik Արմենիայի հետ զրույցում ասաց «Ապավեն» բեռնափոխադրող ընկերության գործադիր տնօրեն Գագիկ Աղաջանյանը, կառավարությունը շատ ճիշտ է վարվել` որոշելով արգելքը չտարածել բեռնափոխադրումների վրա։

«Իրանական ուղղությունը հարկ է դիտարկել ոչ միայն երկկողմ հարաբերությունների համատեքստում։ Կատարը, ԱՄԷ–ն և Պարսից ծոցի կարևոր այլ երկրներ մեզ հետ առևտուր են անում Իրանի տարածքով։ Բեռնափոխադրողների համար աահմանը փակելու հետևանքով հայկական բինզեսը լուրջ վնաս կկրեր, կտուժեին հայ փոխադրողները», – ասաց նա։

Եթե Էմիրատներից Հայաստանը ներկրում է տեքստիլ, կահույք, կենցաղային տեխնիկա, ապա Իրանից պլաստիկ իրերի համար հումք ենք ներմուծում։

Ինչ վերաբերում է զբոսաշրջային ոլորտին, ապա Տուրիզմի հայկական ֆեդերացիայի նախագահ Մեխակ Ապրեսյանը առայժմ վատատես է։ Նա հույս ունի, որ մինչև մարտի կեսերն իրավիճակը կկարգավորվի։ Եթե ոչ, ապա բացասական միտումներ կգրանցվեն նաև զբոսաշրջության ոլորտում։

Կորոնավիրուսի դեմ պատվաստանյութ է հայտնաբերվել. ՌԴ-ում Չինաստանի դեսպան

«Բայց այլ տարբերակ չկա։ Մեր քաղաքացիների առողջությունն ամենից կարևորն է։ Եվ եթե անհրաժեշտություն կա բնակչությանը համաճարակից պաշտպանելու, ապա պետք է համապատասխան միջոցներ ձեռնարկվեն, այդ թվում նաև փակեն սահմանը։ Եթե աստված չանի, վիրուսը Հայաստան ներթափանցի, մենք արդեն բազմաթիվ այլ երկրներից զբոսաշրջային հոսք կկորցնենք», – ասաց Ապրեսյանը մեզ հետ զրույցում։

Նա նկատեց, որ սովորաբար Նովրուզի շրջանում Հայաստան միջինում մինչև 20 հազար իրանցի է գալիս։ Այդ հոսքից զրկվելը լավագույն հեռանկարը չէ, բայց այդպիսին է իրողությունը։

Հայաստանը բոլոր միջոցները ձեռնարկում է կորոնավիրուսի դեմ պայքարելու համար. փորձագետ

Միևնույն ժամանակ Ապրեսյանը չի կարծում, որ եթե այս տարի իրանցիները Հայաստան չգան, ապա հետագա տարիներին զբոսաշրջային հոսքի այդ աղբյուրը «կվերանա»։ Այդ ավանդույթի խաթարման համար Ապրեսյանը նախադրյալներ չի տեսնում։

402
թեգերը:
Վահագն Խաչատրյան, Մեխակ Ապրեսյան, տնտեսություն, տնտեսագետ, փող, կորոնավիրուս, Սահման, Իրանի Իսլամական Հանրապետություն, Հայաստան
թեմա:
Կորոնավիրուսը աշխարհում (857)
Ըստ թեմայի
Հայ–իրանական սահմանը կփակվի. պատճառը կորոնավիրուսի ներթափանցման վտանգն է
Չինաստանում կորոնավիրուսից արդեն 2592 մարդ է մահացել. նոր տվյալներ
Զոհրաբ Մնացականյանը խոսել է կորոնավիրուսի մասին
NordStar

Արտակարգ դրության պատճառով Հայաստանում մնացած 4071 քաղաքացի Ռուսաստան են վերադարձել

82
(Թարմացված է 18:10 08.08.2020)
Կորոնավիրուսի տարածումը կանխարգելելու նպատակով մարտից Հայաստանը փակել է սահմանները։ Անցած մի քանի ամիսների ընթացքում միայն չարտերային չվերթեր են իրականացվել։

ԵՐԵՎԱՆ, 8 օգոստոսի – Sputnik. Վերջին օրերին Հայաստանից Ռուսաստան է վերադարձել արտակարգ դրության ռեժիմի պատճառով Հայաստանում մնացած 375 քաղաքացի, որոնք բոլորը ՌԴ քաղաքացիներ են։ Տեղեկությունը հայտնում է Հայաստանում ՌԴ դեսպանատունը։

Վերջին` Երևան–Մոսկվա չվերթն իրականացվել է այսօր` օգոստոսի 8-ին։ Դեսպանատան տվյալներով` «NordStar» ավիաընկերության իրականացրած հատուկ չվերթով Երևանից Մոսկվա է վերադարձել ՌԴ 145 քաղաքացի։

Եվս 230 քաղաքացիներ Հայաստանում ՌԴ դեսպանատան աջակցությամբ Ռուսաստան են մեկնել «Արմենիա» ավիաընկերության իրականացրած Երևան–Սոչի և Երևան– Դոնի Ռոստով չարտերային չվերթերով։

Դիվանագիտական ներկայացուցչության տվյալներով` ՀՀ–ում հայտարարված արտակարգ դրության ընթացքում ընդհանուր առմամբ այսօրինակ չվերթերով Հայաստանից ՌԴ է վերադարձել այդ երկրի 4071 քաղաքացի։

Հիշեցնենք` կորոնավիրուսի համավարակի հետևանքով աշխարհի տարբեր երկրներ փակեցին օդային և ցամաքային սահմանները։ Կորոնավիրուսի տարածումը կանխարգելելու նպատակով դեռ մարտին Հայաստանը ևս փակեց սահմանները օտարերկրյա քաղաքացիների համար, սակայն այս ամիսների ընթացքում աշխարհի տարբեր երկրներից, այդ թվում` Ռուսաստանից, մի քանի տասնյակ չվերթեր են կայացել, որոնք հայրենիք են վերադարձրել ՀՀ քաղաքացիներին։

Մոսկվայից Երևան ևս մեկ չարտերային չվերթ նախատեսված է օգոստոսի 11-ին

82
թեգերը:
թռիչք, չվերթ, Ռուսաստան, Հայաստան
Ըստ թեմայի
Հայտնի է առաջիկայում Երևանից դեպի ՌԴ տարբեր քաղաքներ կազմակերպվող չվերթերի ժամանակացույցը
«Աերոֆլոտը» չեղարկել է մի շարք քաղաքներ, այդ թվում՝ դեպի Երևան կանոնավոր չվերթերը
Եկատերինբուրգ-Երևան չարտերային չվերթ կկայանա. դեսպանատունը մանրամասներ է հայտնում
Միխայիլ Գալուստյան

Միխայիլ Գալուստյանը կորցրել է գլուխը. զվարճալի տեսանյութ

80
(Թարմացված է 16:45 08.08.2020)
Երգիծաբան Միխայիլ Գալուստյանը նոր տեսանյութ է հրապարակել և ցուցադրել դերասանական ու «աճպարարական» հմտությունները։

ԵՐԵՎԱՆ, 8 օգոստոսի — Sputnik. Երգիծաբան Միխայիլ Գալուստյանն Instagram-ի իր հետևորդներին հերթական անգամ զվարճացրել է արդեն հայտնի դարձած աճպարար Գալուստինիի մասնակցությամբ տեսահոլովակով։

«Գալուստինին գլխով է պատասխան տալիս իր բոլոր հնարքների իսկության համար», - տեսանյութին կից գրել է երգիծաբանը։

Կարևորը ճիշտ պահին «թռնելն է». Միշա Գալուստյանն ապտակել է աշխարհահռչակ ծանրորդին

Այս անգամ Միշան որոշել է գլխի անհետացման «հնարք» ցուցադրել, բայց ոչ թե ավանդական տարբերակով, այլ իրեն հատուկ ձևով, և հետևորդները գնահատել են այդ մոտեցումը։ Շատերը սեր են խոստովանել նրան ու հաճոյախոսություններ շռայլել, ոմանք էլ սկսել են կատակել։

Посмотреть эту публикацию в Instagram

Публикация от Михаил Галустян (@m_galustyan)

«Հմայակ Հակոբյանը հանգստանում է», «Ձեր ականջները դուրս են եկել իմ սմարթֆոնից», «Ծիծաղ գալիս է, երբ դուք նույնիսկ լուրջ դեմքով եք», «Ակնհայտորեն կորցրել եք ձեր գլուխը», «Ինչո՞ւ եք խլում աճպարարների հացը», «Նա ուզում է միայնակ անցկացնել հայկական բոլոր հարսանիքները», - գրել են օգտատերերը։

Մինչ այս Գալուստյանը ցույց էր տվել՝ ինչպես է «հնչում» ջուրն ու ինչ երաժշտություն է «նվագում» գինին։ Պարզվել էր, որ «աստվածների ըմպելիքը» սիրում է Super Ժորիկի հիթերը։

«Ջորդանը նրան չի հասնի». Գալուստյանը սպորտում «ռեկորդներ» է սահմանում. տեսանյութ

Երգիծաբանը ցույց է տվել նաև՝ ինչպես է անգերազանցելի Գալուստինին կարողանում կերպարանափոխվել։

Երկրպագուներին շատ է դուր եկել երգիծաբանի ալտեր-էգոն, նրանք «սերիալի» շարունակություն են պահանջում։

Հիշեցնենք, որ Գալուստյանը հայտնի է դարձել ՈւՀԱ-ում խաղալու ընթացքում, որտեղ ներկայացնում էր «Утомленные солнцем («Արևից քշվածերը») թիմը։

Ռուսաստանցի հայազգի հումորիստը նկարահանվել է բազմաթիվ ֆիլմերում՝ «Թեթևաբարո տատիկը», «Ուժեղ բնավորությամբ նվերը» և այլն։ Գալուստյանի ունեցվածքը, ըստ Forbes ամսագրի, կազմում է տարեկան 2,2 միլիոն դոլար։

Հա՞յ, իտալացի՞, թե՞ չինացի․ Միխայիլ Գալուստյանը պարզել է իր իսկական ազգությունը

80
թեգերը:
զվարճալի տեսանյութ, Միխայիլ Գալուստյան
Ըստ թեմայի
Հայեր էլ կան. Forbes-ն առանձնացրել է ռուսաստանաբնակ 40 ամենահաջողակ աստղերին
«Ժորիկ, մերոնքականներից չենք գողանում»․ Գալուստյանը «գրավել է» Քարդաշյանի բաժանորդներին
Միխայիլ Գալուստյանը հրապարակել է «Золото» հիթի «դասական» տարբերակը. տեսանյութ
Նժդեհ Հովսեփյան

Ինչ խնդիր է լուծում ՀՀ իշխանությունը` արտակարգ դրությունը երկարաձգելով

0
(Թարմացված է 23:53 08.08.2020)
«Օրբելի» կենտրոնի վերլուծաբան Նժդեհ Հովսեփյանը Sputnik Արմենիայի եթերում անդրադարձել է Հայաստանում համավարակով պայմանավորված արտակարգ դրության ռեժիմի հերթական անգամ երկարաձգելուն և այն հանգամանքին, որ մեղմացվելու են մի շարք արգելքներ։
Հովսեփյան. «Հավաքների սահմանափակումն ընդամենը միտված էր վարակի տարածումը կանխելուն»

Նժդեհ Հովսեփյանի դիտարկմամբ` նախ պետք է հաշվի առնել` արդյո՞ք արտակարգ ռեժիմի անցնելու որոշում կայացնելիս իշխանությունը մտքում ուներ հենց հավաքների ազատության իրավունքի սահմանափակումը։ Ըստ նրա` ակնհայտ է, որ հայտնի շրջանակները, որոնք իշխանության նկատմամբ վերահսկողություն ստանալու խնդիր ունեն, միշտ այդ հարցը շահարկում էին, բայց միևնույն ժամանակ շատ լավ գիտեին, որ զանգվածային միջոցառումներ անցկացնելու պոտենցիալ անգամ չունեն, հետևաբար արտակարգ դրության ռեժիմի վերաբերյալ նրանց հայտարարությունները կրում էին ընդամենը սադրիչ քաղաքական շահարկումների բնույթ։

«Սահմանափակումների թուլացման հետ կապված որոշումը գալիս է փաստելու, որ արտակարգ դրության ռեժիմն ի սկզբանե չի սահմանվել լոկ հավաքների ազատության ռեժիմ դարձնելու համար։ Այդ սահմանափակումն ընդամենը միտված էր վարակի տարածումը կանխարգելելուն»,– նշում է վերլուծաբանը։

Հովսեփյանի համոզմամբ` արտակարգ դրության ռեժիմի պահպանման հիմնական խնդիրն իշխանությանն արտակարգ լիազորություններ թողնելն է, որովհետև ցանկացած պահի կարող ենք ունենալ համավարակի տարօրինակ բռնկում, հետևաբար իշխանությունը նման իրավիճակում պետք է օժտված լինի արտակարգ լիազորություններով, որպեսզի արագ արձագանքի և համապատասխան գործիքակազմը ներդնի ու կիրառի։

Վերլուծաբանի կարծիքով` սահմանափակումների մեղմացումը պայմանավորված է վերջին երկու շաբաթվա կտրվածքով հավամարակի տարածման տեմպերի զգալի թուլացմամբ, ինչպես նաև այն հանգամանքով, որ բողոքավոր զանգվածներին հնարավորություն տրվի իրենց բողոքն արտահայտել ավելի ազատ կերպով, քան նախկինում։

Կես տարվա արտակարգ կյանք Հայաստանում. դրությունը պահպանվում է, փոխվում են կանոնները

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջիններս պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը։

Օգոստոսի 5–ին ՀՀ փոխվարչապետ Տիգրան Ավինյանը հայտնեց, որ օգոստոսի 12-ին ավարտվող արտակարգ դրությունը կերկարաձգվի ևս մեկ ամսով, բայց սա վերջին երկարաձգումը կլինի։

0
թեգերը:
Նժդեհ Հովսեփյան, Արտակարգ դրություն, Հայաստան
Ըստ թեմայի
Ներքին զբոսաշրջությունը չի փրկի. ինչն է Հայաստանում «սպանում» տուրօպերատորներին
Արման Թաթոյանը ՀԿ-ների հետ քննարկման արդյունքներն ուղարկել է պարետատուն
Արտակարգ դրության պատճառով Հայաստանում մնացած 4071 քաղաքացի Ռուսաստան են վերադարձել