Աշոցք

Ինչպես են Հայաստանում հրաժեշտ տալիս ձմռանը. նոր փառատոն ձնառատ Աշոցքում

545
(Թարմացված է 20:30 24.02.2020)
«Ճանապարհենք ձմեռը Շիրակի մարզում» կարգախոսը կրող փառատոնը, ըստ կազմակերպիչների, հավակնում է դառնալ ամենասպասված ձմեռային փառատոներից մեկը:

ԵՐԵՎԱՆ, 24 փետրվարի — Sputnik, Արմենուհի Մխոյան. Ձմռան վերջին օրը ճանապարհելու ու գարունն ուրախ տրամադրությամբ դիմավորելու համար շիրակցիները հրավիրում են հանրապետության հյուսիս՝ Աշոցք, որտեղ փետրվարի 29-ին կայանալու է «Շիրակի ձմեռ» 2020 փառատոնը:

Տեղեկությունն այսօր կազմակերպված ասուլիսի ժամանակ ասացին փառատոնի նախաձեռնողները` Շիրակի մարզպետարանն ու Շիրակի տուրիզմի զարգացման և հետազոտության կենտրոնը` վստահեցնելով, որ փառատոնը լինելու է ամենասպասված ու հետաքրքիր միջոցառումներից։

Бой по юкигассену (спортивным снежкам) в Ашоцке, Армения
© Photo : Provided by Artak Grigoryan
Աշոցք

«Ճանապարհենք ձմեռը Շիրակի մարզում» կարգախոսը կրող փառատոնը, ըստ կազմակերպիչների, հավակնում է դառնալ ամենասպասված ձմեռային փառատոններից մեկը: Ավանդական ձմեռային խաղեր, մրցումներ, դահուկավազք, հրաձգություն, հյուրասիրություն ու հրաշալի ժամանց՝ Աշոցք այցելած հյուրերը ոչ մի բանի պակաս չեն զգա:

«Խորհրդանշական է ձմռան վերջին օրն անցկացնել ամենահյուսիսային տարածքում։ Աշոցքը մեր հանրապետության հյուսիսային դարպասն է, ձմեռը գալիս ու գնում է հյուսիսով: Դրա համար էլ փառատոնը կանցկացվի Աշոցքում։ Ու նաև` սա նաև այն վայրն է, որտեղ կան անհրաժեշտ պայմաններ ու ձյան առատ շերտ»,-իր խոսքում նշեց Շիրակի մարզպետարանի մշակույթի-սպորտի բաժնի պետ Վաչագան Վարդանյանը:

Փառատոնի անցկացման համար հաշվի է առնվել յուրաքանչյուր մանրուք՝ ցանկացողներին Աշոցք տեղափոխելուց, մինչև սննդի խնդիր: Մրցումները տարիքային բոլոր խմբերի համար են, իսկ հաղթողներին սպասվում են մրցանակներ:

Начальник отдела культуры и спорта Ширака Вачаган Варданян и координатор Ширакского Центра развития туризма и исследований Наира Григорян на пресс-конференции в преддверии зимнего фестиваля Зима Ширака (24 февраля 2020). Гюмри
© Sputnik / Armenuhi Mkhoyan
Վաչագան Վարդանյանը և Նաիրա Գրիգորյանը

«Ամեն ինչ արվելու է միջոցառումն անմոռանալի դարձնելու համար։ Այն բաղկացած է լինելու սպորտային, ժամանցային և մշակութային հատվածներից։ Միջոցառման շրջանակներում անցկացվելու են դահուկավազքի, բազկամարտի, պարանի ձգման, հրաձգության մրցումներ, լինելու է համերգային հետաքրքիր ծրագիր։ Կգործեն սննդի տաղավարներ»,- ասաց Շիրակի տուրիզմի զարգացման և հետազոտության կենտրոնի համակարգող Նաիրա Գրիգորյանը՝ տեղեկացնելով, որ լինելու են հանգստի 5 գոտի` խարույկներով:

Մարդաշատ հյուրանոցներ, ռեստորաններ ու թանգարաններ. Գյումրին թրենդային է նաև ձմեռվա սեզոնին

Այնպես, որ շիրակցիները բոլորին հրավիրում են հրաշալի ժամանցի` միայն հիշեցնելով, որ պետք է տաք հագնվել:

545
թեգերը:
փառատոն, ձմեռ, Աշոցք, Շիրակի մարզ
Ըստ թեմայի
Ձմռան ճերմակ հեքիաթը. բնության տեսարաններ, որոնք ջերմացնում են ցուրտը
Հայկական ձմռան «կատաղի շները». ինչպես հեռու մնալ վիրուսներից
Հեքիաթային ձմեռ՝ ձմռան վերջին օրը. ի՞նչ տրամադրություն բերեց ձյունը երևանցիներին