Frismos ընկերության Dogtown խաղը

Հայերի ստեղծած բջջային խաղով աշխարհում ավելի քան 3 մլն մարդ կենդանիներ են «խնամում»

239
(Թարմացված է 09:44 22.02.2020)
Երևանում գործում է բջջային խաղեր մշակող մի ընկերություն, որը շեշտը դրել է ընտանի կենդանիների մասին հոգ տանելու վրա։

Ժաննա Պողոսյան, Sputnik Արմենիա

Ավագ սերնդի ներկայացուցիչները սիրում են կշտամբել երիտասարդներին, թե նրանք չափազանց շատ են տարված ժամանակակից գաջեթներով, միշտ հեռախոսի մեջ են, խուսափում են իրականությունից ու անիրական աշխարհում են ապրում։

«Ես լավն եմ, եկեք խաղանք». ֆրանսահայը Գյումրիում ստարտափ է բացել գեյմեր երեխաների համար

«Գիտե՞ս` մենք ձեր տարիքում  ինչ լուրջ բաներով էինք զբաղվում»,–ասում են նրանք` մոռանալով, որ սերը տարատեսակ գաջեթների հանդեպ վաղուց է սկսվել։

Դեռ 1990–ականներին էլեկտրոնային խաղերով տարված մարդիկ դողում էին իրենց տամագոչիների վրա ու իրենց թանկ ժամանակը ծախսում իրականում գոյություն չունեցող ընտանի կենդանիների մասին հոգ տանելու վրա։

Սակայն ամեն նոր բան եթե ոչ լավ, ապա գոնե մի թեթև մոռացված հինն է։ XXI դարի սերունդը նույնպես հնարավորություն ունի հոգ տանելու անիրական կենդանիների մասին, որոնք ապրում են խելացի բջջային սարքերում։ Ժամանակակից կենդանիները եռաչափ են ու շատ նման են իրականներին։

Հայաստանում էլ սթրիմերներ կան, կամ ինչու է նախարարը զբաղվել YouTube-գեյմերների գործերով

Диаграмма собак в компании по разработке мобильных игр Frismos
© Sputnik / Janna Poghosyan
Frismos ընկերության Dogtown խաղի էսքիզներից

Petcare ոճի խաղերն ամբողջ աշխարհում մեծ տարածում ունեն։ Հայաստանում արդեն մի քանի տարի է` ոչ միայն խաղում են դրանք, այլև մշակում։

Офис компании по разработке мобильных игр Frismos
© Sputnik / Janna Poghosyan
Frismos ընկերության գրասենյակը

Արշամ Մանուկյանը` բջջային խաղեր մշակող Frismos ընկերության ղեկավարը, ասում է, որ կենդանիների խնամքի թեմայով արդեն 8 խաղ են թողարկել։

Руководитель компании Frismos Аршам Манукян
© Sputnik / Janna Poghosyan
Բջջային խաղեր մշակող Frismos ընկերության ղեկավար Արշամ Մանուկյանը

«Փոքր ժամանակ կենդանի չունեի, միշտ երազել եմ շուն պահելու մասին։ Երբ 2017 թվականին մշակում էինք մեր ամենասիրելի Dogtown («Շների քաղաքը») խաղը, կարծում էինք, որ դրանից կօգտվեն մարդիկ, որոնք տանը շուն չունեն։ Սակայն հարցումը ցույց տվեց, որ Dogtown խաղի օգտատերերի 75%–ն իրական կյանքում էլ շուն ունի»,–ասում է Մանուկյանը։

Բանակը դիմել է գեյմերների օգնությանը

Dogtown խաղացողը կարող է խնամել շնիկներին` կերակրել, խաղալ, ժամանակին մաքրել նրանց թափածներն ու տանել քնեցնելու։ Խաղի վճարովի տարբերակը թույլ է տալիս սեփական վիրտուալ շան պրոյեկցիան ստանալ` բջջայինի էկրանը կարելի է ուղղել սենյակի ցանկացած կետին, ու այնտեղ կհայտնվի պոչը թափահարող 3D շնիկ։

Руководитель компании Frismos Аршам Манукян
© Sputnik / Janna Poghosyan
Բջջային խաղեր մշակող Frismos ընկերության ղեկավար Արշամ Մանուկյանը

Frismos ընկերության դիզայներ Տաթև Հակոբյանն արդեն երկու տարի է` Չոկո անունով կոկեր սպանիել է պահում։ Աղջիկն ասում է, որ նույն շնից պահում է նաև Dogtown–ի իր տարբերակում։

«Ուրախ կլինեի, եթե իրական շունս նույնքան ակտիվ արձագանքեր հոգատարությանը, ինչպես վիրտուալը։ Կարծում եմ` նման խաղերը մեծ տարածում ունեն, քանի որ բոլորս ուզում ենք հոգ տանել որևէ մեկի մասին, ուզում ենք խնամել որևէ մեկին։ Խաղում, ինչպես և իրական կյանքում, որքան տերն ավելի շատ է խնամում շանը, այնքան ավելի շատ է կենդանին վստահում նրան ու ավելի գոհ է կյանքից», – ծիծաղելով ասում է աղջիկը։

Демонстрация одной из игр компании по разработке мобильных игр Frismos
© Sputnik / Janna Poghosyan
Frismos ընկերության խաղերից

Հայկական հավելվածն իսկապես սիրվել է. այն արդեն 3 միլիոն մարդ է ներբեռնել, ամեն օր օգտատերերի քանակն ավելանում է 5 հազարով։ Ծրագիրն ընկերության համար կայուն եկամուտ է ապահովում շնորհիվ խաղի վճարովի տարբերակի, որն ավելի լայն հնարավորություններ է ընձեռում. օգտատերը կարող է շների որոշ ցեղատեսակներ ձեռք բերել, դրանց կերակրել տարբեր միջոցներով և այլն։

Որպեսզի երկիրը չլքեն. Էջմիածնում երեխաների համար համակարգչային դասընթացներ են կազմակերպում

«Մեզ համար ամենաբարդը որոշելն է, թե խաղի որ հնարավորություններն է պետք վճարովի դարձնել։ Եթե չափազանց շատ լինեն, դա կարող է ձանձրացնել, եթե քիչ` մեծ մասը չի բաժանորդագրվի։ Որպեսզի հասկանանք` որ ուղղությամբ շարժվենք, մենք խաղի երկու վճարովի տարբերակ ենք գործարկում, իսկ հետո վերլուծում ենք դրանց արդյունավետությունը»,–բիզնեսի գաղտնիքները բացահայտում է ընկերության ղեկավար Արշամ Մանուկյանը։

Офис компании по разработке мобильных игр Frismos
© Sputnik / Janna Poghosyan
Frismos ընկերության գրասենյակը

Dogtown–ից բացի ընկերությունը մշակել է Legends of Olympus («Օլիմպոսի լեգենդները»), Birdland («Թռչունների աշխարհը»), Pony land («Պոնիների աշխարհը») և ուրիշ խաղեր։ Բոլորի հիմքում կենդանիների մասին հոգ տանելու սկզբունքն է։ Մանուկյանին դուր չի գալիս, երբ նրա ստեղծածը «տամագոչի» են անվանում։

Демонстрация одной из игр компании по разработке мобильных игр Frismos
Janna Poghosyan
Frismos ընկերության Dogtown խաղը

«Տամագոչիում շատ ծանր հոգեբանական պահեր կային։ Օրինակ, կենդանին կարող էր սովից մահանալ։ Նախ, մեր խաղերում կենդանիներն ընդհանրապես չեն մահանում։ Նույնիսկ եթե երկար ժամանակ չես խաղում, նրանք սոված են մնում, բայց չեն մահանում», – նշեց Մանուկյանը։

Разработка истории для одной из игр компании по разработке мобильных игр Frismos
© Sputnik / Janna Poghosyan
Frismos ընկերության նոր խաղի մշակման գործընթացը

Նրա խոսքով` հայկական խաղերը ոչ թե երեխաների, այլ մեծահասակների համար են։ Իհարկե, երեխաներն էլ կարող են ներբեռնել հավելվածը, բայց խաղերի պատմությունները կենդանասեր մեծահասակների համար են գրվել։

Ինչպես լինել հարուստ և երջանիկ. հայ դպրոցականներին ցույց կտան VR/AR հնարավորությունները

Frismos-ը Հայաստանում բջջային խաղերի մշակմամբ զբաղվող առաջատար ընկերություններից է: Մեր երկրում գեյմերների ու խաղեր մշակողների մեծ համայնք կա։ Ապրիլի 18–ին ու 19–ին նրանք Game Conference Armenia խորագրով համաժողովի շրջանակում կհավաքվեն Երևանում։

239
թեգերը:
հայեր, հայ, Dogtown բջջային խաղ, Frismos ընկերություն
Ըստ թեմայի
Վան Գոգի ու Փաշինյանի հետքերով․ երևանցիներն այժմ սելֆիի հատուկ տեղ ունեն. լուսանկարներ
Լիլիթը բացահայտում է Հայաստանի թաքնված գանձերը. բլոգերի առօրյան ու արկածները
«Միլիոնավոր հետաքրքրություններ» ունեցող 15-ամյա աղջիկը երազանքի զգեստներ է ստեղծում
Ոստիկանության ուժեղացված ծառայություն Դավիթաշենում

Ոստիկանությունը շարունակում է ուժեղացված հսկողությունը. հերթը Դավթաշենինն է

1
Փողոցում արևածաղկի սերմ ուտող պապիկները ոստիկանի նկատողությունից հետո պահեցին արևածաղկի տոպրակն ու իրարից հեռու նստեցին:

ԵՐԵՎԱՆ, 29 մայիսի – Sputnik. Այսօր առավոտից ոստիկանությունն ուժեղացված հսկողություն է իրականացնում Երևանի Դավթաշեն վարչական շրջանում:

Ոստիկանները ստուգում են ինչպես բաց տարածքներում քաղաքացիների մոտ դիմակների առկայությունը, այնպես էլ փակ տարածքներում, տրանսպորտում ու ավտոմեքենաներում դրանց պարտադիր կրումը: Ոստիկանությունը տեսանյութ է հրապարակել Facebook-ում։

Ոստիկանության Երևան քաղաքի վարչության հասարակական կարգի ապահովման բաժնի պետի տեղակալ, մայոր Գեղամ Բաղրամյանը, մեկնաբանելով ուժեղացված հսկողության նպատակը, նշեց, որ ոստիկանության աշխատակիցների նպատակը քաղաքացիներին տուգանելը չէ:

«Հետևում ենք, թե ինչքանով են հետևում մեր համաքաղաքացիները պարետի որոշմանն ու կատարում դրա պահանջները: Ասեմ, որ ոստիկանությունն ի սկզբանե տրամադրված չէ քաղաքացիներին վարչական պատասխանատվության ենթարկելու»,- ասաց նա:

Ոստիկանության մայորը հայտնեց, որ Դավթաշենում արդեն երրորդ անգամ է ուժեղացված հսկողություն իրականացվում: Նրա խոսքով` առաջին հսկողության համեմատ տարբերությունը մեծ է, այժմ քաղաքացիների 90%-ը դիմակներ ունեն:

Տեսանյութում երևում է, որ ոստիկանները մոտենում են քաղաքացիներին, հարցնում` դիմակ ունեն, թե ոչ:

Փողոցի նստարանին նստած, արևածաղկի սերմ ուտող տարեց տղամարդիկ ոստիկանության մայորից նկատողություն ստացան ոչ միայն սոցիալական հեռավորություն չպահելու, այլև փողոցն աղտոտելու համար: Ոստիկանի հորդորից հետո տղամարդիկ նստեցին իրարից ավելի հեռու ու պահեցին արևածաղկի սերմով լցված տոպրակը:

Տեսանյութում հարցված քաղաքացիներից միայն 14-ամյա պատանու մոտ դիմակ չհայտնաբերվեց: Ոստիկանները նկատողություն արեցին, բայց չտուգանեցին, քանի որ անչափահաս էր:

 

1
հիվանդանոց

Մեկ օրում` 7 մահ. Հայաստանում կորոնավիրուսի հերթական զոհերից մեկը 42 տարեկան է

41
(Թարմացված է 11:15 29.05.2020)
Կորոնավիրուսի հետևանքով մահացածներից ամենաերիտասարդը կին է, ամենամեծը` տղամարդ։ Կանանցից մեկը խրոնիկկական հիվանդություն չի ունեցել։

ԵՐԵՎԱՆ, 29 մայիսի – Sputnik. Վերջին մեկ օրում Հայաստանում կորոնավիրուսով վարակվածներից 7–ը մահացել են։ ՀՀ առողջապահության նախարարությունը հայտնում է, որ նրանցից 7-ը տղամարդ են, 3-ը կին։

«Մահացած պացիենտները եղել են 72 (տղամարդ), 42 (կին), 59 (տղամարդ), 66 (տղամարդ), 65 (կին), 64 (տղամարդ), 56 (կին) տարեկան: Վերջինից բացի, մնացած բոլորն ունեցել են ուղեկցող խրոնիկական հիվանդություններ»,– նշված է հաղորդագրության մեջ:

Նախորդ օրը արձանագրվել է մահվան 1 դեպք, երբ մահը վրա է հասել այլ հիվանդության պատճառով:

Հայաստանում կորոնավիրուսով վարակվածների թիվը մեկ օրում ավելացել է 460-ով և հասել 8676–ի։

Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան

41
թեգերը:
տղամարդ, Կին, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Հունիսի վերջին կորոնավիրուսով վարակվածների թիվը կես միլիոնի չի հասնի. Արսեն Թորոսյան
Վիրուսի թողած «ժառանգությունը». ինչ հետևանքներ կունենա կորոնավիրուսը երիտասարդների վրա
«Մենք ձեր կողքին ենք»․ Վրաստանը կօգնի Հայաստանին կորոնավիրուսի դեմ պայքարում, եթե դիմեն
ՀՀ առողջապահության նախարարությունը կորոնավիրուսի ախտորոշման համար 2000 նոր սարք կգնի